پارتيا 19 – كەزەكتى ورتالىق كوميتەتى بەسىنشى جالپى ماجىلىسىندە قارالىپ ماقۇلدانعان «ج ك پ ورتالىق كوميتەتىنىڭ حالىق شارۋاشىلىعى جانە قوعام دامۋىنىڭ 14 – بەسجىلدىق جوسپارى مەن 2035 – جىلعا دەيىنگى بولاشاقتىق نىسانانى بەكىتۋ جونىندەگى ۇسىنىسىندا» (تومەندە قىسقاشا «ۇسىنىس» دەپ اتالادى) «جۇيەلىك كوزقاراستا تاباندى بولۋدى» «13 – بەسجىلدىق» جوسپار مەزگىلىندەگى ەلىمىزدىڭ ەكونوميكا مەن قوعام دامۋىندا، ءسوزسىز، بويسۇنۋعا ءتيىستى بەس ءتۇرلى پرينسيپتىڭ بىرەۋى ەتىپ بەلگىلەپ، سوتسياليستىك وسىزامانداندىرۋ ىستەرىن ۇيىمداستىرۋ – باسقارۋ ورەسىن جوعارىلاتۋعا ايقىن باعدار نۇسقاعان. بۇل شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ جالپى جاعدايدى تۇگەل مەڭگەرە وتىرىپ جاساعان ستراتەگيالىق ورنالاستىرۋى، ورتاعا قويعان ايقىن تالابى، ماڭىزدى توتەنشە زور، ءبىز مۇقيات ۇيرەنۋىمىز، ءتۇسىنۋىمىز، شىنايى، دايەكتى تۇردە تياناقتاندىرۋىمىز قاجەت.
سوتسياليستىك وسىزاماندانعان مەملەكەت ورناتۋدا جاڭا جاعدايدى ءساتتى جاراتۋ، قادامدى ءساتتى باستاۋدىڭ قاجەتتى تالابى
جۇيەلىك كوزقاراس — ماركسيزمنىڭ نەگىزگى قاعيدالارىنىڭ ماڭىزدى مازمۇنى، جۇيەلىلىكتى دارىپتەۋ دەگەنىمىز ءوزارا رول اتقارىپ، ءوزارا يەك سۇيەيتىن بىرنەشە قۇرامداس بولىمنەن ۇشتاسۋ ارقىلى قالىپتاساتىن بەلگىلى رولعا يە ورگانيكالى تۇلعا بولىپ؛ بولمىستىڭ جالپى تۇلعاسى مەن جالپى جاعدايى تۇرعىسىنان، فاكتورلاردىڭ بايلانىسى مەن ۇشتاسۋى جاعىنان بولمىستىڭ ارەكەتى مەن دامۋىن زەرتتەپ، زاڭدىلىعىن تاۋىپ، رەت - ءتارتىبىن ورناتىپ، تۇتاس جۇيەنى كەمەلدەندىرۋدى ورىنداۋ؛ اشىق، كۇردەلى، جۇيەلى كوزقاراس ارقىلى، ەكونوميكا مەن قوعام دامۋىنداعى ماسەلەلەردىڭ سيپاتىن بەكىتۋ مەن مولشەرىن بەلگىلەۋ سىندى جان – جاقتىلى، شوعىرلى تاسىلدەر ارقىلى زەرتتەۋ قاجەت دەگەندىك. ەلىمىزدىڭ «ەكى بومبى، ءبىر جاساندى سەرىك»، جەتى قاراقشى جاساندى سەرىك باعىتتاۋىش جۇيەسى، «شىنجوۋ» جەلىلەس الەم كەمەلەرى قاتارلى كەلەلى ينجەنەريالارى جۇيەلىك كوزقاراسقا تاباندى بولۋ، جۇيەلى ءتاسىلدى قولدانۋدىڭ ءساتتى مىسالدارى ەسەپتەلەدى. ءاماليات: جۇيەلىك كوزقاراس، جۇيەلى ءتاسىل ءىرى ينجەنەريالاردى، ءىرى ىستەردى ۇيىمداستىرۋ، باسقارۋ جاعىندا كەم بولسا بولمايتىن ءتاسىل جانە ءادىس ەكەنىن بەينەلەيدى.
http://kazakh.people.com.cn/158373/15829590.html
