جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا حىبەي شيۇڭان جاڭا رايونىنىڭ رەفورمانى جاپپاي تەرەڭدەتۋى مەن ەسىكتى ايقارا اشۋىن قولداۋ جونىندەگى جەتەكشى پىكىر العا قويدى.
پىكىر مىنانى اتاپ كورسەتتى: حىبەي شيۇڭان جاڭا رايونىن قۇرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەيجيڭدى، تيانجيندى، حىبەيدى سايكەستىرە دامىتۋدى ىشكەرىلەي ىلگەرىلەتۋ جونىندە جاساعان كەلەلى شەشىمى جانە ورنالاستىرۋى، شىنجىن ەكونوميكالىق ەرەكشە رايونى مەن شاڭحاي پۋدۇڭ جاڭا رايونىنان كەيىنگى مەملەكەتتىك ءمان الاتىن تاعى ءبىر جاڭا رايون، كەلەلى تاريحي سيپاتتى ستراتەگيالىق تالعام، عاسىرلىق ۇلى جوسپار، مەملەكەتتىڭ ءىرى ءىسى.
پىكىر مىنانى باسا دارىپتەدى: حىبەي شيۇڭان جاڭا رايونىنىڭ رەفورمانى جاپپاي تەرەڭدەتۋى مەن ەسىكتى ايقارا اشۋىن قولداۋدا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارنادان جازباي، جاڭا دامۋ ۇستانىمىنا تاباندى بولىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەسىپ ىلگەرىلەتۋ تالابى بويىنشا، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، قاي - قاشان دا الەمدىك كوز ايادان، حالىقارالىق ولشەمنەن، جۇڭگوشا ەرەكشەلىكتەن، جوعارى دەڭگەيدە تۇرىپ ورىن تۇراقتاندىرۋدان جازباي، بەيجيڭنىڭ استاناعا جاتپايتىن فۋنكتسياسىن سەيىلتۋدى شوعىرلى قابىلدايتىن جەر سىندى اۋەلگى ماقساتتى مىقتى يگەرىپ، «شيۇڭان ساپاسىن» قالىپتاستىرۋدى، «پاك شيۇڭان» قۇرۋدى جانە جوعارى ساپالى دامۋدى ىلگەرىلەتەتىن مەملەكەتتىك ۇلگى قۇرۋدى مىقتاپ ارقاۋ ەتۋ، يدەيانى ونان ارى ازات ەتىپ، باتىلدىقپەن جاڭالىق اشىپ، شيۇڭان جاڭا رايونىن مۇنان دا زور رەفورما جاساۋ دەربەس ۇقىعىنا يە ەتىپ، جاڭالىق اشا دامۋ، قالانى جونگە سالۋ، الەۋمەتتىك قىزمەت وتەۋ سياقتى جاقتاردا الدا جۇرۋگە، الدىمەن ۇلگى كورسەتىپ، ناتيجە جاراتۋعا كۇش سالىپ، بەيجيڭنىڭ استاناعا جاتپايتىن ساپالى فۋنكتسياسىنىڭ باۋراۋ قۋاتىن كۇشەيتۋگە پايدالى، جوعارى ساپالى دامۋ تالابى مەن بولاشاق دامۋ بەتالىسىنا ۇيلەسەتىن ءتۇزىم جۇيەسىن ورناتىپ، شيۇڭاننىڭ مۇنان دا جوعارى ساپالى، مۇنان دا ءونىمدى، مۇنان دا ءادىل، مۇنان دا باياندى دامۋىن ىلگەرىلەتىپ، جاڭا دامۋ ۇستانىمىن دايەكتىلەندىرەتىن، تياناقتاندىراتىن جاڭالىق اشا دامۋدان ۇلگى كورسەتەتىن رايون قۇرۋعا قۇلشىنىپ، مەملەكەتتىڭ رەفورما جاساۋ، ەسىك اشۋ جالپى جاعدايىنا ۇلەس قوسۋ كەرەك.
پىكىر مىنانى تالاپ ەتتى: 2022 - جىلعا بارعاندا، شيۇڭان جاڭا رايونىنىڭ ورنىن تۇراقتاندىرۋعا جانە جوعارى ساپالى دامۋ تالابىنا ۇيلەسەتىن، بازاردىڭ بايلىقتى ورنالاستىرۋداعى شەشۋشى رولى مەن ۇكىمەتتىڭ رولىن اناعۇرلىم ويداعىداي ساۋلەلەندىرۋدىڭ ءتۇزىم جۇيەسىن نەگىزىنەن ورناتىپ، ءتۇيىندى سالالار مەن شەشۋشى بۋىندار رەفورماسىندا كورنەكتى ناتيجەگە قول جەتكىزىپ، ساپالى، جايلى دامۋ ورتاسى مەن جاندى، جوعارى ونىمدىلىكتى جاڭالىق اشۋ اۋانىن نەگىزىنەن قالىپتاستىرىپ، بەيجيڭنىڭ استاناعا جاتپايتىن فۋنكتسياسى مەن حالىقتى باۋراۋ قۋاتىن كورنەكتى كۇشەيتىپ، رەفورما جاساۋدىڭ، ەسىك اشۋدىڭ شيۇڭان جاڭا رايونىن دامىتۋدىڭ ءتۇبىرلى قوزعاۋشى كۇشىندىك رولىن كورنەكتىلەندىرۋ كەرەك.
2035 - جىلعا بارعاندا، شيۇڭان جاڭا رايونىنىڭ رەفورمانى جاپپاي تەرەڭدەتۋ جانە ەسىكتى ايقارا اشۋ شارالارى جاپپاي دايەكتىلەنىپ، تياناقتانىپ، جۇيەسى كەمەلدى، عىلمي ارناعا تۇسكەن، اينالىمى ءونىمدى ءتۇزىم جۇيەسى قالىپتاسىپ، جاڭا رايونعا سەيىلتىلگەن استاناعا جاتپايتىن فۋنكتسياسى اناعۇرلىم ساپالىلانىپ، دامىپ، «شيۇڭان ساپاسى» ولشەمى جۇيەسى نەگىزىنەن تولىسىپ، بىرتىندەپ جالپىلاسىپ، جوعارى ساپالى دامۋدى ىلگەرىلەتۋدەگى جەتەكشىلىك رولى اناعۇرلىم كورنەكتىلەنەدى.
وسى عاسىردىڭ ورتا شەنىنە بارعاندا، شيۇڭان جاڭا رايونىنىڭ سوتسياليستىك بازار شارۋاشىلىعى ءتۇزىلىسى اناعۇرلىم كەمەلدەنىپ، جونگە سالۋ جۇيەسى مەن جونگە سالۋ قابىلەتى وسىزاماندانىپ، ەكونوميكانىڭ دامۋ ساپاسى، ونىمدىلىگى، قوزعاۋشى كۇشى نەگىزىنەن جاڭالانىپ، قوعام ومىرشەڭدىك كۇشكە تولى، جاراسىمدى، ءتارتىپتى بولىپ، رەفورما جاساۋ، ەسىك اشۋ تاجىريبەلەرى مەن جەتىستىكتەرى بۇكىل ەل كولەمىندە كەڭ كولەمدە جالپىلاسىپ، ءبىر شاما مىعىم حالىقارالىق ىقپال قالىپتاستىرادى.
پىكىر حىبەي شيۇڭان جاڭا رايونىنىڭ رەفورمانى جاپپاي تەرەڭدەتۋ مەن ەسىكتى ايقارا اشۋ تۇلعالىق تالابىن، ءتۇيىندى مىندەتتەرىن، قامتاماسىز ەتۋ شارالارىن قولداۋ جونىندە ورنالاستىرۋ جاسادى.
