باس شۋجي شي جينپيڭ مىنانى باسا دارىپتەگەن: «حالىقتىڭ تاماشا تۇرمىسقا دەگەن تالپىنىسى — ءبىزدىڭ كۇرەس نىسانامىز». بيىل — جاپپاي دوڭگەلەك داۋلەتتى قوعام قۇرۋدىڭ ەڭ سوڭعى جىلى، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل. تۇرمىس ورەسىنىڭ ۇزدىكسىز جوعارىلاۋىنا ساي، حالىقتىڭ رۋحاني وركەنيەت تۇرمىسى جاعىنداعى قاجەتى دە كۇننەن – كۇنگە ارتۋدا، مادەنيەت ونىمدەرىنىڭ ساپاسىنا، ورەسىنە، ستيلىنە اناعۇرلىم جوعارى تالاپ قويۋدا. حالىقتىڭ تاماشا تۇرمىسقا دەگەن جاڭا ءۇمىتىن قاناعاتتاندىرۋ، قالىڭ حالىق جۇرتشىلىعىن باي رۋحاني ازىقپەن قامداۋ ءۇشىن، ءسوزسىز، حالىقتى وزەك ەتۋ سىندى دامۋ وي جەلىسىندە تاباندى بولىپ، جاڭا داۋىردەگى مادەنيەت ىستەرى مەن مادەنيەت كاسىپ سالاسىن دامىتۋدى جەدەلدەتۋ، الەۋمەتتىك مادەنيەت سالاسىنداعى ونىمدەرمەن قامداۋدى جانە قىزمەت وتەۋدى كۇشەيتىپ، مادەنيەتتى دامىتۋدا حالىققا قىزمەت وتەۋدى، حالىققا سۇيەنۋدى، مادەنيەت جەتىستىكتەرىن حالىقپەن بىرگە يگىلىكتەنۋدى ورىنداۋ كەرەك.
حالىق ءۇشىن قىزمەت ىستەۋ، سوتسياليزم ءۇشىن قىزمەت ىستەۋ سىندى ءتۇبىرلى باعىتقا تاباندى بولۋ قاجەت. 70 نەشە جىلدىڭ الدىندا، ماۋ زىدۇڭ جولداس يان – اندا وتكىزىلگەن ادەبيەت – كوركەمونەر كەڭەسىندە سويلەنگەن سوزىندە مىنانى اتاپ كورسەتكەن: «كىم ءۇشىن قىزمەت ىستەۋ ماسەلەسى — ءتۇبىرلى ماسەلە، پرينسيپتىك ماسەلە»، «وسى ءتۇبىرلى ماسەلە شەشىلمەسە، باسقا كوپتەگەن ماسەلەلەر دە وڭايلىقپەن شەشىلمەيدى». 2014 – جىلى، باس شۋجي شي جينپيڭ ادەبيەت – كوركەمونەر قىزمەتى جونىندەگى اڭگىمە ماجىلىسىندە مىنانى باسا دارىپتەدى: «سوتسياليستىك ادەبيەت – كوركەمونەر، ءمانى جاعىنان الىپ ايتقاندا، حالىقتىڭ ادەبيەت – كوركەمونەرى. ادەبيەت – كوركەمونەر سالاسىندا حالىقتىڭ جۇرەك ءۇنىن ويداعىداي بەينەلەۋ ءۇشىن، حالىق ءۇشىن قىزمەت ىستەۋ، سوتسياليزم ءۇشىن قىزمەت ىستەۋ سىندى وسى ءتۇبىرلى باعىتقا تاباندى بولۋى كەرەك». جاڭا داۋىردە، جۇڭگوشا سوتسياليستىك مادەنيەتتى دامىتۋ جولىندا، ءسوزسىز، حالىقتى وزەك ەتۋگە تاباندى بولىپ، حالىقتىڭ مادەنيەت جاعىنداعى الۋان ءتۇرلى قاجەتىن تولىق قاناعاتتاندىرۋ كەرەك.
ءبىر جاعىنان، مادەنيەت سالاسىنداعى ونىمدەردى جاراتۋ مەن ءوندىرۋ جانە تاراتۋ جاعىندا جەتەكشىلىك ەتۋ، شابىتتاندىرۋ مەحانيزمىن كەمەلدەندىرۋ، جۇرتشىلىق ۇناتاتىن اناعۇرلىم مول تاڭداۋلى مادەنيەت تۋىندىلارىن جارىققا شىعارۋ قاجەت. ەندى ءبىر جاعىنان، مادەنيەت كاسىبى سالاسىنىڭ جوعارى ساپالى دامۋىن ىلگەرىلەتىپ، وسىزاماندانعان مادەنيەت كاسىپ سالاسى جۇيەسى مەن بازار جۇيەسىن كەمەلدەندىرۋ، مادەنيەت سالاسىنداعى ءتۇرلى بازار نەگىزگى تۇلعالارىن دامىتۋدى جانە ۇلعايتۋدى ىلگەرىلەتىپ، جاڭا تيپتەگى مادەنيەت كاسىپ كۇيى مەن مادەنيەت سالاسىنداعى تۇتىنۋ فورماسىن جەتىلدىرىپ، جوعارى ساپالى مادەنيەت تۋىندىلارىمەن قامداۋ ارقىلى جۇرتشىلىقتىڭ تابىس سەزىمىن، باقىت سەزىمىن كۇشەيتۋ كەرەك.
http://kazakh.people.com.cn/158373/15826411.html
