جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋ جونىندەگى بۇكىل مەملەكەتتىك ماداقتاۋ – سيلاۋ ماجىلىسىندە، باس شۋجي شي جينپيڭ مىنانى اتاپ كورسەتتى: «ءبىر ۇلتتىڭ ۇلى بولۋىنداعى ءتۇبىرلى سەبەپ، ءارقانداي قيىنشىلىقتار مەن حاۋىپ – قاتەرلەرگە جولىققاندا ەشقاشان ۋاز كەشپەۋىندە، كەرى شەگىنبەۋىندە، توقىراپ قالماۋىندا، ءوزىنىڭ بولاشاعى مەن تاعدىرى ءۇشىن قايسارلىقپەن كۇرەس جۇرگىزۋىندە». قازىر بۇكىل ەلىمىز ىندەتپەن كۇرەستە كەلەلى ستراتەگيالىق ناتيجەلەرگە قول جەتكىزدى، بۇل جۇڭحۋا ۇلتىنىڭ ءارقانداي قيىنشىلىقتى جەڭىپ شىعا الاتىن ۇلى كۇش – قۋاتىن ايگىلەپ، بۇكىل پارتياداعىلار مەن بۇكىل ەلىمىزدەگى ءار ۇلت حالقىنىڭ سەنىمىن، ماقتانىشىن، ۇيىسۋ قۋاتىن جانە ورتالىققا ءۇيىرىلۋ قۋاتىن بارىنشا كۇشەيتتى.
بارشا حالىققا، شار تاراپقا تۇگەلدەي پارتيا باسشىلىق ەتەدى. جۇڭگو كوممۋنيستىك پارتياسىنىڭ پارمەندى باسشىلىعى مەن ەلىمىزدىڭ سوتسياليستىك ءتۇزىمىنىڭ ايقىن باسىمدىلىعى ءبىزدى ءارقانداي قيىنشىلىقتار مەن حاۋىپ – قاتەرلەرگە جولىققاندا ۋاز كەشپەۋگە، كەرى شەگىنبەۋگە، توقىراپ قالماۋعا جەبەدى. توساتتان تۋىلعان اۋىر ىندەتكە ءدوپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى ءبىرتۇتاس جوسپارلاپ، باتىل شەشىم جاساپ، ءبىرتۇتاس باسشىلىق ەتىپ، جالپى بەتتىك ورنالاستىرۋ جاساپ، ىندەتتەن ساقتانۋ – تىزگىندەۋ حالىقتىق شايقاسىن، جالپى تۇلعالىق شايقاسىن، توسقاۋىلداۋ شايقاسىن ءساتتى باستادى. حالىقتى بارىنەن جوعارى قويۋعا، ادام ءومىرىن بارىنەن جوعارى قويۋعا تاباندى بولىپ، بۇكىل ەل بويىنشا ءبىرتۇتاس ارەكەتتەنىپ، جوعارىداعىلار مەن تومەندەگىلەر ءبىر نيەتتە بولىپ، تەكسەرۋ مەن ەمدەۋ بارىسىندا بىردە – ءبىر ادامدى قاعىس قالدىرماي، ءارقانداي بوداۋ بەرۋدەن تايىنباي، ەمدەۋ جاعىنداعى حيكىمەتتەر ارت – ارتىنان جارىققا شىقتى.
ىندەتكە قارسى اتتانۋ كۇرەسىنىڭ ۇلى ءامالياتى مىنانى تاعى دا ايگىلەدى: جۇڭگو كوممۋنيستىك پارتياسى — جۇڭگو حالقىنىڭ قورمالى، جۇڭحۋا ۇلتىنىڭ تىرەگى، جۇڭگوشا سوتسياليزم ىستەرىنىڭ باسشىلىق ۇيتقىسى. ىندەتكە قارسى اتتانۋ كۇرەسى بارىسىندا، ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرا وتىرىپ، ءىرى ىستەردى تىندىرۋىنداي ەرەكشە باسىمدىلىعى تولىق ايگىلەندى، بۇل بارلىق حاۋىپ – قاتەرلەر مەن سىناقتاردان قورعايتىن بەرىك تۇزىمدىك قامال ەسەپتەلەدى. تاريح پەن رەالدىق بىزگە: تەك پارتيانىڭ جان – جاقتىلى باسشىلىعىنا بۇلجىماستان تاباندى بولعاندا جانە ونى كۇشەيتكەندە، جۇڭگوشا سوتسياليستىك تۇزىمگە تاباندى بولعاندا جانە ونى كۇشەيتكەندە، مەملەكەتتىڭ جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتكەندە عانا، ءبىز، ءسوزسىز، ءتۇرلى كۇردەلى جاعدايلارعا جانە حاۋىپ – قاتەرلەر مەن سىناقتارعا بايىپتىلىقپەن توتەپ بەرە الاتىندىعىمىزدى ۇعىندىردى.
http://kazakh.people.com.cn/158373/15826408.html
