«سۇنزىنىڭ اسكەري ايلاسىندا» مىناداي ءسوز ايتىلعان: «شەبەرلىكپەن شايقاس جاساي بىلەتىن ادام، جاعدايدان پايدالانا الادى». مۇنان ءبىز «جاعدايدى» تانۋ مەن باعامداۋدىڭ زاتتاردىڭ العا باسۋ باعدارى مەن ارەكەتتىڭ ناتيجەسىنە قول جەتكىزۋگە ىقپال جاسايتىنىن كورە الامىز. باس شۋجي شي جينپيڭ «جاعدايدى» مىقتى مەڭگەرۋگە بارىنشا ءمان بەرىپ، بىزدەن «قولايلى ساتتەن پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋدى» تالاپ ەتىپ، «تەبىندى ساقتاپ، جاعدايدى مەجەلەۋگە شەبەر بولۋ» كەرەك ەكەندىگىن ايقىن اتاپ كورسەتتى، «جاعدايعا قاراي ءىس كورۋدى، جاعدايعا قاراي وزگەرىس جاساۋدى» ۇيرەنۋدىڭ ماڭىزدىلىعىن تالاي رەت باسا دارىپتەدى. پارتيا 18 – قۇرىلتايىنان بەرى، ءبىزدىڭ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى جاعىندا تاريحي سيپاتتى ناتيجەلەرگە قول جەتكىزۋىمىزدىڭ ءتۇبىرلى سەبەبى: شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى اڭداي ءبىلىپ، اۋقىمدى مىقتى يگەرىپ، ورايدان ايرىلىپ قالماي، رەفورمانى جاپپاي تەرەڭدەتۋدى ىلگەرىلەتتى؛ ءبىزدىڭ حاۋىپ – قاتەرگە توتەپ بەرىپ، قيىن ماسەلەلەردى شەشىپ، مۇددەنىڭ قاتىپ – سەمگەن بۇعاۋىن بۇزا الۋىمىزدىڭ سەبەبى: بۇكىل ەلىمىز ءبىرتۇتاس جوسپار جاساپ، جەر – جەر، تاراۋلار جاعدايعا قاراي جوسپارلاپ، جاعدايعا قاراي ارەكەتكە كىرىسىپ، جاعدايعا قاراي جۇمىس تىندىرىپ، رەفورمانىڭ تيىمدىلىگىن ۇزدىكسىز تۋىنداتىپ، ىشكى جاقتاعى قوزعاۋشى كۇشتى قوزعاي ءبىلدى.
رەفورما جاساپ، ەسىك اشۋ — وسىزامانعى جۇڭگونىڭ تاعدىرىن بەلگىلەگەن شەشۋشى شارا. 40 نەشە جىلدان بەرى، رەفورما جاساۋعا سۇيەنگەندىكتەن عانا، ءبىز شىعىستا ايبىندى تولقىن قالىپتاستىرىپ، ادامدى تاڭداندىراتىن جۇڭگو حيكىمەتىن جازىپ، ۇلتتى گۇلدەندىرۋ بەتالىسىن بوگەۋ بەرمەيتىن بەتالىسقا اينالدىردىق؛ ءداۋىر رۋحىن سومداپ، رەفورما جاساپ، جاڭالىق جاراتۋدىڭ قوعامدىق توپىراعىن جەتىلدىردىك، دامۋدىڭ بۋىرقانعان وزىندىك ەنەرگياسىن توپتاستىردىق. رەفورما ۇزدىكسىز جۇرگىزىلەتىن، اياقتالمايتىن ءۇردىس. قازىرگى تاڭدا، رەفورما جولىن ايقىنداپ، رەفورمانىڭ ناتيجەگە قول جەتكىزۋ جانە جەتەكشىلىك ەتۋ رولىن ويداعىداي ساۋلەلەندىرىپ، رەفورماعا سۇيەنۋ ارقىلى جاعدايداعى وزگەرىستەرگە توتەپ بەرۋ، جاڭا جاعدايعا ءورىس اشۋ، وتە – موتە، «جاعدايدى» عىلىمي يگەرۋ قاجەت.
جاعدايدى باقىلاۋ، جاعدايعا قاراي ارەكەت جاساۋ كەرەك. بۇرىنعىلار: «جاعدايدى باقىلاي بىلگەن ادام پاراساتتى» دەگەن ەكەن، «جاعداي» وبيەكتيۆ تۇردە ءومىر سۇرۋدە، بۇل ءىستىڭ دامۋ جاعدايى، اۋقىمى، بەتالىسى جاعىندا بەلگىلى دەڭگەيدە زاڭدىلىق بولاتىنىن اڭعارتادى. جاعدايدى ايقىن تانۋ، اۋقىمدى سەزىنۋ، بەتالىستى قانىق ءبىلۋ رەفورمانىڭ داۋىرلىك ورنىن جالپى جاقتان يگەرۋگە ءتيىمدى بولىپ قانا قالماستان، ءىشىنارا كولەمدە، ۇساق تۇيىندەردە دالمە – ءدال كۇش سالۋعا، اۋقىمدى اناعۇرلىم ويداعىداي مەڭگەرۋگە، شىندىقتى ءىس جۇزىنەن ىزدەۋ تۇرعىسىنان رەفورما شارالارىن جاسامپازدىقپەن تياناقتاندىرۋعا دا ءتيىمدى بولادى.
http://kazakh.people.com.cn/158373/15826033.html
