باسقارۋدا ءتۇزىلىس بولۋ، باسقارۋ تارتىپپەن اتقارىلۋ كەرەك. «13 – بەسجىلدىق» مەزگىلىندە، ەلىمىز ۇزاق ۋاقىت بويى ءامالياتتان وتكىزۋ، ىزدەنىس جاساۋ ارقىلى قالىپتاستىرعان جۇڭگوشا سوتسياليزم جۇڭگو حيكىمەتىنىڭ «جەڭىسكە جەتۋ قۇپيا سيفرىن» قالىپتاستىرىپ، كۇشتى ومىرشەڭدىك قۋات پەن اسا زور باسىمدىلىقتى ايگىلەپ، تۇزىمدىك سەنىمدىلىكتىڭ زور قۋات – كۇشىن ۇيىستىردى.
اناعۇرلىم كەمەلدى، اناعۇرلىم ورنىقتى، اناعۇرلىم كادەگە جارايتىن ءتۇزىم جۇيەسىن قۇرۋعا نازار شوعىرلاندىرىلىپ، پارتيا مەن مەملەكەتتىڭ قۇرىلىمدىق رەفورماسى ىلگەرىلەتىلىپ، كەڭەسۋ تۇزىمىنە ىشكەرىلەي رەفورما جۇرگىزىلىپ، «ۇقىقتى تومەنگە بەرۋ مەن باسقارۋدى ۇشتاستىرۋ جانە قىزمەت وتەۋدى ساپالىلاندىرۋ» رەفورماسى ورنىقتى ىلگەرىلەتىلدى؛ زاڭدىق ءتاسىلدى قولدانا وتىرىپ باسشىلىق ەتۋ جانە مەملەكەتتى باسقارۋ قۋاتىن جوعارىلاتۋدى تياناق ەتە وتىرىپ، ۇيلەسىمدى ۋاقىتتا نەگىزگى زاڭعا وزگەرىس ەنگىزىلدى، باقىلاۋ – تەكسەرۋ زاڭى، ينتەرنەت حاۋىپسىزدىگى زاڭى، ۆاكسينانى باسقارۋ زاڭى قاتارلى ءبىرقىدىرۋ زاڭدار بەكىتىلىپ، ورتاعا قويىلدى؛ بىرگە اشاتىن، بىرگە باسقاراتىن، تەڭ يگىلىكتەنەتىن قوعامدىق باسقارۋ جاعدايىن قالىپتاستىرۋعا نازار سالىنىپ، اناعۇرلىم جوعارى ورەدەگى تىنىش جۇڭگونى كوركەيتۋگە كۇش سالىندى ... «13 – بەسجىلدىق» جوسپار مەزگىلىندە، رەفورمانى جاپپاي تەرەڭدەتۋ اياق الىسى ورنىقتى جەدەلدەتىلىپ، قاجىرلىلىقپەن ءامالياتتا ايگىلەنىپ، مەملەكەتتى جاپپاي زاڭمەن باسقارۋدا زور قادام باسىلدى، قوعامدىق باسقارۋدى ناقتىلاندىرۋ ورەسى ورنىقتى قاداممەن جوعارىلاتىلدى، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋ جولىندا ۇزدىكسىز جاڭا ناتيجەلەرگە قول جەتكىزىلىپ، جاڭا باسقىشقا قادام تاستالدى.
باس شۋجي شي جينپيڭ مىنانى اتاپ كورسەتتى: «جۇڭگو كوممۋنيستىك پارتياسىنىڭ باسشىلىعى — جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ زور باسىمدىلىعى». 5 جىل ۇدەرە العا تارتۋ بارىسىندا «جۇڭگونىڭ ەل باسقارۋىنىڭ» جاڭا ءورىس اشا الۋىنىڭ ەڭ ءتۇبىرلى سەبەبى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىق ەتىپ، تۇزىمدىك باسىمدىلىقتىڭ باسقارۋ جاعىندا ۇزدىكسىز ونىمدىلىككە اينالۋىن ىلگەرىلەتۋىندە. پارتيا 18 – قۇرىلتايى بەسىنشى جالپى ماجىلىسىندە «13 – بەسجىلدىق» جوسپار مەزگىلىندە «ءارقايسى جاقتارداعى تۇزىمدەردى اناعۇرلىم كەمەلدەندىرىپ، اناعۇرلىم قالىپقا ءتۇسىرىپ، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋ جاعىندا كەلەلى جەتىستىكتەرگە قول جەتكىزىپ، ءارقايسى سالالارداعى نەگىزدىك سيپاتتى تۇزىمدەر جۇيەسىن نەگىزىنەن قالىپتاستىرۋدى» ورىنداۋ ورتاعا قويىلعاننان تارتىپ، پارتيا 19 – قۇرىلتايىندا وسى عاسىردىڭ ورتا شەنىنە بارعاندا، ەلىمىزدى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ ستراتەگيالىق ورنالاستىرۋىن جاساپ، تۇزىمدىك قۇرىلىس پەن باسقارۋ قۋاتى قۇرىلىسى نىساناسىن ايقىنداعانعا دەيىن، ونان سوڭ، پارتيا 19 – قۇرىلتايى ءتورتىنشى جالپى ماجىلىسىندە ارناۋلى تاقىرىپ بويىنشا جۇڭگوشا سوتسياليزم تۇزىمىندە تاباندى بولۋ مەن ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋدى ىلگەرىلەتۋ ماسەلەلەرىن تالقىلاعانعا دەيىن ... پارتيا ورتالىق كوميتەتى پارتيا مەن مەملەكەت ىستەرىن دامىتۋ ستراتەگيالىق جالپى جاعدايىن شىعار ءتۇيىن ەتىپ، ەل باسقارۋ زاڭدىلىقتارىن يگەرۋدى ۇزدىكسىز كۇشەيتىپ، «نە نارسەگە تاباندى بولۋ جانە ونى بەكەمدەۋ، نە نارسەنى كەمەلدەندىرۋ جانە دامىتۋ كەرەك ەكەنى» سىندى كەلەلى ساياسي ماسەلەگە جۇيەلى تۇردە جاۋاپ بەرىپ، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋعا قۇلشىناتىن باعىت نۇسقاپ، وعان ءتۇبىرلى نەگىز ازىرلەدى.
http://kazakh.people.com.cn/158373/15827836.html
