10 – ايدىڭ 14 – كۇنى، باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ ماجىلىسىندە ماڭىزدى ءسوز سويلەپ، شىنجىن ەكونوميكالىق ەرەكشە رايونى قۇرىلعان 40 جىلدان بەرى ورىنداعان بەس ءىرى تاريحي سەكىرىستى ەسكە ءتۇسىرىپ، جۇڭگوشا سوتسياليستىك ەكونوميكالىق ەرەكشە رايون قۇرۋداعى ون ءتۇرلى قىمباتتى تاجىريبەنى تەرەڭ قورىتىندىلادى، رەفورما جاساپ، ەسىك اشۋدى اناعۇرلىم جوعارى دەڭگەيدە ىلگەرىلەتۋ ءۇشىن العا ىلگەرىلەۋ باعىتىن ايقىن كورسەتىپ، وعان ءتۇبىرلى نەگىز ازىرلەدى، سونىمەن بىرگە، دۇنيە جۇزىنە جۇڭگونىڭ ەسىكتى جاپپاي ايقارا اشۋدى بۇلجىتپاستان اتقاراتىن، اشىق تيپتەگى دۇنيە ءجۇزى ەكونوميكاسىن قۇرۋدى بۇلجىتپاستان ىلگەرىلەتەتىن، ادامزاتتىڭ تاعدىرلاس ورتاق تۇلعاسىن قۇرۋدى بۇلجىتپاستان ىلگەرىلەتەتىن باتىل بەكىمىن ايگىلەدى.
جاڭا ءداۋىر — كۇرەسكەرلەر ءداۋىرى. ءبىز الدا جاپپاي دوڭگەلەك داۋلەتتى قوعامدى قۇرىپ، جالپى بەتتىك سوتسياليستىك وسىزاماندانعان مەملەكەت قۇرۋ جاڭا ساپارىنا اتتانامىز، ەكىنشى ءجۇز جىلدىق كۇرەس نىساناسىنا جورىققا اتتانامىز. جاڭا تاريحي باستالۋ تۇيىنىندە تۇرعان ساتتە، ءبىز پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دا دايەكتى تياناقتاندىرۋىمىز، جاڭا دامۋ تانىمىن بۇلجىتپاستان دايەكتىلەندىرۋىمىز، داۋىرمەن بىرگە العا ىلگەرىلەپ، رەفورمانى جاپپاي تەرەڭدەتۋىمىز، قايسارلىقپەن ءورىس اشىپ، ەسىكتى جاپپاي ايقارا اشۋىمىز، يدەيانى ازات ەتىپ، ۇدەرە العا تارتۋىمىز، جاڭا داۋىردەگى رەفورما جاساپ، ەسىك اشۋدى ۇزدىكسىز العا ىلگەرىلەتۋىمىز، «ەكى ءجۇز جىلدىق» كۇرەس نىساناسىن ورىنداۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ جولىندا قاجىماي كۇرەس جۇرگىزۋىمىز كەرەك.
«ءورىس اشۋ» رۋحىن ماڭگى ساقتاۋ قاجەت. 40 جىلدان بەرى، ەرەكشە رايون قۇرىلىسشىلارى بوگەتتەردى بۇزىپ، تاۋەكەلگە بەل بۋىپ، ەلدەن بۇرىن قيمىلداپ، ويلانۋ ارقىلى جول سالىپ، رەفورمادا قامال بۇزۋعا جەتەلەپ، جۇڭگونىڭ تۇيىق، جارتىلاي تۇيىق جاعدايدان جان – جاقتىلى ەسىك اشۋعا ءوتۋدى ورىنداعان ۇلى تاريحي بۇرىلىسىن ىلگەرىلەتتى. قازىر دۇنيە ءجۇزى ءجۇز جىلدا كەزدەسپەگەن زور وزگەرىستەردى باستان كەشىرۋدە، جاڭا تيپتى ايدارشا ۆيروس وكپە قابىنۋ ىندەتىنىڭ دۇنيە ءجۇزى بويىنشا جاپپاي تارالۋى بۇل زور وزگەرىس جاعدايىن جەدەلدەتىپ، ەكونوميكانىڭ جاھاندانۋى كەرى اعىسقا ۇشىراپ، قورعانىمپازدىق، سىڭار جاقتىلىق باس كوتەرىپ، دۇنيە ءجۇزى ەكونوميكاسى توقىراپ، حالىقارالىق ساۋدا مەن قارجىلاندىرۋ زور مولشەردە ازايىپ، حالىقارالىق ەكونوميكا، عىلىم – تەحنيكا، مادەنيەت، حاۋىپسىزدىك، ساياسات قاتارلى جاقتارداعى اۋقىمدا تۇگەلدەي تەرەڭ رەتتەۋ تۋىلىپ، دۇنيە ءجۇزى اۋمالى – توكپەلى وزگەرىس مەزگىلىنە قادام تاستادى، ەلىمىزدىڭ دامۋىنداعى سىرتقى ورتا كۇن سايىن كۇردەلىلەسۋدە.
دامۋ ۇردىسىندەگى قات – قابات قيىنشىلىقتار مەن سايىستارعا ءدوپ كەلگەن ساتتە، ءبىز سول جىلدارداعى ەكونوميكالىق ەرەكشە رايون اشۋ سىندى «ءورىس اشۋ» رۋحىن اناعۇرلىم ساۋلەلەندىرىپ، سايىستارعا ىرىقتىلىقپەن توتەپ بەرىپ، ورايلاردى بەلسەندىلىكپەن يگەرىپ، رەفورما جاساپ، ەسىك اشۋدى تەرەڭدەتۋىمىز، ەلىمىزدىڭ تۇزىمدىك باسىمدىلىعى مەن باسقارۋ ونىمدىلىگىن تولىق ساۋلەلەندىرۋىمىز، حاۋىپ – قاتەر بارىسىندا جاڭا ورايلاردى قۇلشىنا جەتىلدىرىپ، وزگەرىس بارىسىندا جاڭا جاعداي جاراتىپ، دامۋدىڭ جاڭا ءورىسىن اشۋىمىز كەرەك.
http://kazakh.people.com.cn/158373/15827502.html
