ەلىمىزدىڭ تۇتاس جىلداعى زەرتتەۋ - اشۋعا قوسقان قاراجاتى 2 تريلليون يۋاننان اسىپ، دۇنيە جۇزىندەگى زەرتتەۋ - اشۋ قاراجاتى قوسىلىمى ەكىنشى ورىندا تۇراتىن مەملەكەتكە اينالدى؛ دۇنيە جۇزىلىك جاڭالىق جاراتۋ كورسەتكىشى بويىنشا جىل سايىن جوعارى ورلەۋ بەتالىسىن ساقتاپ، دۇنيە جۇزىندەگى ون ءتورتىنشى ورىنعا كوتەرىلدى ... «13 – بەسجىلدىق» مەزگىلىندەگى جۇڭگونىڭ جاڭالىق جاراتۋ ناتيجە تىزىمدىگىن اشىپ قاراساق، ءبىرقىدىرۋ نەگىزگى كورسەتكىشتەردىڭ ايرىقشا كوز تارتاتىنىن، جۇڭگو ەكونوميكاسىنىڭ جوعارى قارقىنمەن العا باسۋىنا قوزعاۋشى كۇش بولعانىن بايقايمىز.
باس شۋجي شي جينپيڭ عالىمدارمەن وتكىزىلگەن اڭگىمە ماجىلىسىندە مىنانى باسا دارىپتەدى: عىلىم - تەحنيكا جاقتارىندا جاڭالىق جاراتۋدى جەدەلدەتۋدىڭ كەلەلى ستراتەگيالىق ماڭىزىن تولىق تانىپ جەتۋ كەرەك. تەك جاڭالىق جاراتۋدى مىقتى ۇستاعاندا عانا، ەكونوميكا مەن قوعام دامۋىنىڭ جالپى جاعدايىنىڭ «تۇتقاسىن» مىقتى يگەرۋگە بولادى. ەگەر عىلىم – تەحنيكادا جاڭالىق جاراتۋدى ورىنداي الماساق، دامۋ قوزعاۋشى كۇشىندە بۇرىلىس جاساۋدى ورىنداۋ قيىنعا تۇسەدى، بۇل ەلىمىزدىڭ دۇنيە جۇزىلىك ەكونوميكاداعى باسەكەلىك باسىمدىلىعىنا ىقپال ەتىپ قالماستان، ءتۇيىندى، وزەكتى تەحنيكالار جاعىندا «جولدى كەسۋ» سىندى حاۋىپ – قاتەرگە ءدوپ كەلتىرەدى. پارتيا 18 – قۇرىلتايى بەسىنشى جالپى ماجىلىسىندە، باس شۋجي شي جينپيڭ: «جاڭالىق جاراتۋدى دامۋعا جەتەكشىلىك ەتەتىن ءبىرىنشى قوزعاۋشى كۇش ەتە ءبىلۋ، دارىندىلاردى دامۋعا تىرەك بولاتىن ءبىرىنشى بايلىق قاينارى ەتە ءبىلۋ، جاڭالىق جاراتۋدى مەملەكەتتى دامىتۋدىڭ جالپى جاعدايىنىڭ وزەكتى ورنىنا قويا ءبىلۋ» سىندى كەلەلى ورنالاستىرۋ جاسادى.
5 جىلدان بەرى، ەلىمىزدىڭ جاڭالىق جاراتۋ ورتاسىندا قانداي وزگەرىستەر بولدى؟ جۋىردا، ءتىلشى بەيجيڭ، شىنجىن قاتارلى جەرلەردەگى كاسىپ كوزىن اشقاندارمەن سۇحباتتاسۋ،پىكىر اۋىستىرۋ بارىسىندا: ولاردىڭ جۋىرداعى جىلداردان بەرى جاڭالىق جاراتۋ ورتاسىنىڭ جاقسارعانىنا توتەنشە قۋاناتىنىن، جۇڭگونىڭ جاڭالىق جاراتۋ ورتاسىنا توتەنشە سەنىمدى ەكەنىن، جۇڭگونىڭ جاڭالىق جاراتۋ بولاشاعىنان زور ءۇمىت كۇتەتىندەرىن ايقىن سەزىندى.
كاسىپورىندار تۇرعىسىنان الىپ ايتقاندا، جاڭالىق جاراتۋ — كاسىپورىننىڭ دامۋى مەن بازاردا جەڭىپ شىعۋىنداعى شەشۋشى ءتۇيىن، سونىمەن بىرگە، كاسىپ كوزىن اشۋشىلاردىڭ حاۋىپ – قاتەرگە توتەپ بەرۋىندەگى ماڭىزدى اسىلى. جاڭالىق جاراتۋ، كاسىپ كوزىن اشۋ دەگەنىمىز بۇكىلدەي جاڭا سالادا، شەشۋشى تۇيىندە كۇش سالىپ، شىعار جول ىزدەۋ، بۇل بارىستىڭ وڭاي بولمايتىنى انىق، كىم تاباندىلىقپەن، ۇزدىكسىز جاڭالىق جاراتا السا، سول بازارداعى باسەكەدە تابان تىرەپ تۇرا الادى، تامىر تارتا الادى.
http://kazakh.people.com.cn/158373/15825787.html
