4 - مامىر رۋحىنىڭ جاڭا داۋىردە جاڭا شۇعىلا شاشۋىنا مۇمكىندىك جاسايىق

100 جىلدا زاماننىڭ سان وزگەرىسىن باستان وتكەردى، 100 جىلدا بوران - شاشىندا ۇدەرە العا تارتتى، 100 جىلدا جالىندى دا ارىندى بولدى. بۇگىن 4 - مامىر قوزعالىسىنىڭ 100 جىلدىعى، ءبىز 100 جىلدىڭ الدىنداعى سوناۋ اسقاق سەزىم تاسقىنداعان جىلدارعا ىززەتپەن قارايمىز، قازىرگى زامان جاستارىنان پارتيانىڭ ءۇمىتىن، حالىقتىڭ تىلەگىن، ۇلتتىڭ كەلەلى تاپسىرماسىن ورىنداپ، ءبىزدىڭ وسى ۇلى ءداۋىرىمىزدىڭ ۇمىتىنەن شىعۋدى كۇتەمىز.

باس شۋجي شي جينپيڭ 4 - مامىر قوزعالىسىنىڭ 100 جىلدىعىن ەسكە ءتۇسىرۋ جينالىسىندا سويلەگەن ماڭىزدى سوزىندە 4 - مامىر قوزعالىسىنىڭ تاريحي ماڭىزىن جوعارى باعالاپ، جاڭا داۋىردە 4 - مامىر رۋحىن ساۋلەلەندىرۋدىڭ ماڭىزدى تالابىن ايقىن العا قويىپ، قازىرگى زامان جاستارىنا تەرەڭ ىقىلاسپەن سالەم جولداپ، قالىڭ جاستاردىڭ جاڭا داۋىرمەن بەلسەنە قاۋىشاتىن، جاڭا داۋىردە ەكپىندەي ىلگەرىلەيتىن بەرىك سەنىمىنە بارىنشا دەم بەردى، ءبىزدىڭ جاڭا داۋىردە 4 - مامىر رۋحىن ساۋلەلەندىرۋ، بۇكىل پارتيانى، بۇكىل ەلدەگى ءار ۇلت حالقىن، اسىرەسە، جاڭا داۋىردەگى جۇڭگو جاستارىن جاپپاي دوڭگەلەك داۋلەتتى قوعام ورناتۋ، سوتسياليستىك وسىزاماندانعان مەملەكەتتى جەدەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جاساۋعا ىنتالاندىرۋ جونىنەن ەرەكشە ماڭىزدى ءمان الادى.

4 - مامىر قوزعالىسى جۇڭگونىڭ تاياۋ وسى زامان تاريحىندا ءداۋىر بولگىش ماڭىزعا يە ەلەۋلى ۋاقيعا، 4 - مامىر رۋحى − 4 - مامىر قوزعالىسى جاراتقان باعالى رۋحاني بايلىق. ول وتاندى جويىلۋدان قۇتقارىپ قالدى، ەرەكشە قاتەرلى ساتتەن قۇتقاردى؛ يدەيانى وياتىپ، تاريحتىڭ العاشقى ءۇنىن قاتتى. ۇلتتىڭ باسىنا قاتەر تونگەن ساتتە تۋىلعان 4 - مامىر قوزعالىسى ۇلى وتانشىلدىق توڭكەرىستىك قوزعالىس، ۇلى قوعامدىق توڭكەرىستىك قوزعالىس، ۇلى يدەيالىق ويانۋ قوزعالىسى جانە جاڭا مادەنيەت قوزعالىسى، ول وتاندى ءسۇيۋدى، العاباسۋدى، دەموكراتيانى، عىلىمدى دارىپتەگەن ۇلى 4 - مامىر رۋحىن جەتىلدىردى، جۇڭگونىڭ جاڭا دەموكراتيالىق توڭكەرىسىنىڭ شىمىلدىعىن اشتى، ماركسيزمنىڭ جۇڭگودا تارالۋىن جەبەدى، جۇڭگو كوممۋنيستىك پارتياسىنىڭ قۇرىلۋىن ىلگەرىلەتتى. تاياۋ زاماننان بەرى، جۇڭحۋا ۇلتىنىڭ ۇلت تاۋەلسىزدىگى مەن دامۋعا، العا باسۋعا ۇمتىلۋىنىڭ تاريحي بارىسىندا بەلەستىك مانگە يە بولدى.

4 - مامىر قوزعالىسى نەگىزىندە، ماركسيزم جۇڭگونىڭ توڭكەرىس، قۇرىلىس، رەفورما ىستەرىنىڭ جەتەكشى يدەياسىنا اينالىپ، جۇڭگو كوممۋنيستىك پارتياسى حالىققا باسشىلىق ەتىپ، ۇلت تاۋەلسىزدىگىن، حالىق ازاتتىعىن جانە مەملەكەتتىڭ بايىپ - قۇدىرەتتەنۋىن، حالىقتىڭ باقىتىن جۇزەگە اسىرۋدىڭ تاريحي ماڭىزدى مىندەتىن ارقالاپ، سوتسياليزمدى جۇڭگودا تەرەڭ تامىر تارتتىردى ءارى ۇزدىكسىز كەمەلدەندىردى، دامىتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى قارسى الدى. قازىرگى تاڭدا جۇڭحۋا ۇلتىنىڭ 5000 جىلدان استام وركەنيەت تاريحىنىڭ، جۇڭگو حالقىنىڭ تاياۋ زاماننان بەرگى 170 جىلدان استام كۇرەس تاريحىنىڭ، جۇڭگو كوممۋنيستىك پارتياسىنىڭ 90 جىلدان استام كۇرەس تاريحىنىڭ سالقار كوشىندە تۇرىپ، 4 - مامىر قوزعالىسىنان بەرگى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءۇش ۇلكەن بەلەسىنە − جۇڭگو كوممۋنيستىك پارتياسىن قۇرۋعا، جۇڭحۋا حالىق رەسپۋبليكاسىن قۇرۋعا، رەفورما جاساۋعا، ەسىك اشۋعا جانە جۇڭگوشا سوتسياليزم ىستەرىن ىلگەرىلەتۋگە قايىرىلا قارايتىن بولساق، ءبىز، وتە - موتە، 4 - مامىر قوزعالىسىنىڭ قازىرگى زامانعى جۇڭگونىڭ دامۋىنا، العاباسۋىنا بولعان كەلەلى دە تەرەڭ ىقپالىن سەزىنە الامىز، وتە - موتە، 4 - مامىر رۋحىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى كەلەلى ماڭىزىن تۇسىنە الامىز.

جاستار گۇلدەنسە، مەملەكەت گۇلدەنەدى، جاستار قۇدىرەتتەنسە، مەملەكەت قۇدىرەتتەنەدى. 4 - مامىر قوزعالىسىنان بەرگى 100 جىل − جۇڭگو جاستارى ۇرپاقتان - ۇرپاققا جالعاپ كۇرەس جۇرگىزگەن، جەڭىسپەن العا تارتقان 100 جىل، جۇڭگو جاستارى جاستىق ورالى ارقىلى جاستىق ورال قاۋلاعان جۇڭگونى، جاستىق ورال قاۋلاعان ۇلتتى جارىققا شىعارعان 100 جىل. جۇڭگو كوممۋنيستىك پارتياسىنىڭ باسشىلىعىندا، نەشە بۋىن مۇراتتى جاستار ”ءوزىنىڭ جاستىق ورالى ارقىلى جاستىق ورال قاۋلاعان وتباسىن، جاستىق ورال قاۋلاعان مەملەكەتتى، جاستىق ورال ۇلتتى، جاستىق ورال قاۋلاعان ادامزاتتى، جاستىق ورال قاۋلاعان جەر شارىن، جاستىق ورال قاۋلاعان الەم تۇلعالادى“، جۇڭحۋا ۇلتىنىڭ قيىن - قىستاۋ كۇندەردى باسىپ ءوتىپ، گۇلدەنۋگە بەت الۋداي ارىندى كۇشىن توپتادى، جەر - الەمدى تەبىرەنتكەن تالايلاعان جاستىق ورالدىڭ سيمفونياسىن جازدى. تاريح جاستار تۇتاس قوعامدىق كۇشتەردىڭ اراسىنداعى ەڭ بەلسەندى، ەڭ جالىندى كۇش، مەملەكەتتىڭ ءۇمىتى جاستاردا، ۇلتتىڭ بولاشاعى جاستاردا ەكەندىگىن تەرەڭ كورسەتتى. باس شۋجي شي جينپيڭ اتاپ كورسەتكەندەي: ”جاڭا داۋىردەگى جۇڭگو جاستار قوزعالىسىنىڭ نەگىزگى تاقىرىبى، جاڭا داۋىردەگى جۇڭگو جاستار قوزعالىسىنىڭ بەتالىسى، جاڭا داۋىردەگى جۇڭگو جاستارىنىڭ بورىشى − جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقپەن بىرگە ’قوس 100 جىلدىق‘ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ“. قالىڭ جاستار 4 - مامىر رۋحىن ۇزدىكسىز ساۋلەلەندىرىپ، ۇلى مۇرات ورناتۋ مەن تاباندىلىقتى ۇشتاستىرىپ، جەكە مۇراتتى ۇلتتى گۇلدەندىرۋ ۇلى مۇراتىمەن جانە جۇڭگوشا سوتسياليزم يدەياسىمەن توعىستىرىپ، ءداۋىر جۇكتەگەن داڭقتى بورىشتى ارقالاپ، جاڭا ءداۋىردىڭ جاستىق جىرىن شىرقاۋ كەرەك.

4 - مامىر رۋحىنىڭ ىنتالاندىرۋىندا، قازىرگى زامان جاستارى − وتباسى، مەملەكەت سۇيىسپەنشىلىگىن تاسقىنداتىپ، وتانمەن بىرگە ەكپىندەي ىلگەرىلەۋ كەرەك. وتانشىلدىق − 4 - مامىر رۋحىنىڭ وزەگى، ءبىزدىڭ ۇلتتىق رۋحىمىزدىڭ وزەگى، جۇڭحۋا ۇلتىنىڭ ىنتىماقتاسا كۇرەس جاساۋىنىڭ، ءوزىن تىنباي الۋەتتەندىرۋىنىڭ رۋحاني دانەكەرى. تاريح مىنانى تولىق دالەلدەدى: وتانشىلدىق باستان - اياق ۇلتتىڭ بايىپ - قۇدىرەتتەنۋىن، حالىقتىڭ باقىتىن جۇزەگە اسىرۋدى ارقاۋ ەتە دامىپ، ەڭ سوڭىندا جۇڭگوشا سوتسياليزممەن توعىسادى؛ وتاننىڭ تاعدىرى پارتيانىڭ تاعدىرىمەن، سوتسياليزمنىڭ تاعدىرىمەن بىتە قايناسقان. باس شۋجي شي جينپيڭ باسا دارىپتەگەندەي: ”قازىرگى زامانعى جۇڭگودا وتانشىلدىقتىڭ ءمانى − وتاندى ءسۇيۋ مەن پارتيانى ءسۇيۋدىڭ، سوتسياليزمدى ءسۇيۋدىڭ وسكەلەڭ بىرلىگىنە تاباندى بولۋ“، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ − قازىرگى تاڭدا جۇڭگونىڭ ەڭ ايقىن داۋىرلىك نەگىزگى تاقىرىبى. قالىڭ جاستار ءداۋىردىڭ وسى نەگىزگى تاقىرىبىمەن تىلەكتەس، باعىتتاس بولعان مۇرات - سەنىم ورناتىپ، ”ءتورت سەنىم“دى بەكەمدەپ، وتانشىلدىق سۇيىسپەنشىلىكتى تەرەڭدەتىپ، وتاندى ءسۇيۋ پەيىلىن، مەملەكەتتى قۇدىرەتتەندىرۋ جىگەرىن، وتان ءۇمىتىن اقتاۋ ارەكەتىن ۇلى ارماندى جۇزەگە اسىرۋ كۇرەسى بارىسىنا سانالى تۇردە توعىستىرىپ، سوتسياليزمنىڭ قۇرىلىسشىلارى جانە ءىزباسارلارى بولۋعا قۇلشىنۋ، ۇلتتى گۇلدەندىرۋ كەلەلى مىندەتىن ارقالايتىن ءداۋىردىڭ جاڭا ادامدارى بولۋعا قۇلشىنۋ كەرەك.

4 - مامىر رۋحىنىڭ ىنتالاندىرۋىندا، قازىرگى زامان جاستارى تانىم مەن ارەكەتتىڭ بىرلىگىنە تاباندى بولىپ، حالىقپەن بىرگە تىزە قوسا كۇرەس جۇرگىزۋ كەرەك. حالىقپەن بىرگە كۇرەس جۇرگىزگەندە عانا جاستىق ورال ءماندى بولادى؛ حالىقپەن بىرگە العا باسقاندا عانا جاستىق ورال اسقاق بولادى؛ حالىقپەن بىرگە ارمان قۋعاندا عانا جاستىق ورال وكىنىشسىز بولادى؛ باس شۋجي شي جينپيڭ دارىپتەگەندەي: ”قازىرگى زامانعى جۇڭگو جاستارى ءىس تىندىرۋ ءۇشىن، ءسوز جوق، حالىقتىڭ ۇلى كۇرەسىنە ات سالىسۋى كەرەك“. بۇگىن جاڭا داۋىردەگى جۇڭگو جاستارى جۇڭحۋا ۇلتى دامۋىنىڭ ەڭ تاماشا مەزگىلىندە تۇر، وڭاي قول جەتە بەرمەيتىن ۇلەس قوسىپ، شارۋاشىلىق قۇرۋ سىندى ءومىر كەشىرمەسىنە، سونداي - اق ”زامان اۋىر مىندەت ارقالاتادى“ دەيتىن ءداۋىر بورىشىنا ءدوپ كەلىپ وتىر. قالىڭ جاستار ءوزىن ۇلى وتانمەن، جالپى حالىقپەن توعىستىرىپ، داۋىرمەن قادامداس، حالىقپەن تاعدىرلاس بولعاندا عانا، ءومىر قۇنىن ءتىپتى جاقسى جۇزەگە اسىرىپ، ءومىر ورەسىن ءوسىرىپ، وتاننىڭ بايتاق كەڭىستىگىندە جاستىق شاقتىڭ ارمانىنا قانات قاعا الادى.

100 جىلدىق اۋمالى - توكپەلى وزگەرىس جاعدايىندا وزگەرمەيتىنى رۋح؛ ءجۇز جىلدىق سان وزگەرىستە قارتايمايتىنى جاستىق ورال. بۇگىنگى تاڭدا 4 - مامىر قوزعالىسىن ەڭ جاقسى ەسكە ءتۇسىرۋ 4 - مامىر رۋحىنىڭ جاڭا داۋىردە جاڭا شۇعىلا شاشۋىنا مۇمكىندىك جاساۋ بولىپ تابىلادى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جاستىق ىنتانى جالىنداتىپ، جاستىق مۇراتقا ۇمتىلىپ، جاڭا داۋىرمەن قاۋىشىپ، جاڭا داۋىردە ەكپىندەي ىلگەرىلەپ، ءوزىمىزدىڭ جاستىق ورالىمىز، كۇرەس جاساۋىمىز ارقىلى ۇلتتىڭ گۇلدەنۋىنە كوپىر سالىپ، وتان قۇرىلىسىنا كەرپىش بولىپ قالانىپ، جاستىق ورالىمىزدىڭ وتان، حالىق، ۇلت، ادامزات ءۇشىن ۇلەس قوسۋ جولىندا اناعۇرلىم كورىكتى كەلبەتتى ايگىلەۋىنە مۇمكىندىك جاساۋىمىز كەرەك.