بيىلدان باستاپ، فۋجيان ولكەسىندەگى اس – سۋ سالاسىندا قىزمەت وتەۋ كاسىبىمەن شۇعىلداناتىنداردىڭ بارلىعىنان ماسكى تاعۋدى تالاپ ەتۋ زاڭدىق مىندەت بولىپ قاىلپتاسادى. 1 – ايدىڭ 21 – كۇنى، فۋجيان ولكەلىك 13 – كەزەكتى حالىق قۇرىلتايى تۇراقتى كوميتەتىنىڭ 25 – ماجىلىسىندە «فۋجيان ولكەسىنىڭ اس – سۋ سالاسىندا قىزمەت وتەۋ كاسىبىىمەن شۇعىلداناتىنداردىڭ ماسكى تاعۋى جونىندەگى بەلگىلەمەسى» داۋىسقا سالۋ جولىمەن ماقۇلداندى، 2 – ايدىڭ 1 – كۇنىنەن باستاپ اتقارىلادى. اس – سۋ سالاسىندا قىزمەت وتەۋ كاسىبىمەن شۇعىلداناتىنداردىڭ ماسكى تاعۋى جونىندە بەلگىلەمە شىعارۋ بۇكىل ەلىمىز بويىنشا اس – سۋ سالاسىندا قىزمەت وتەۋ كاسىبىمەن شۇعىلداناتىنداردىڭ ماسكى تاعۋى جونىندە تۇڭعىش رەت ارناۋلى شىعارىلعان زاڭ.
ىندەت تۋىلعاننان بەرى، جەر – جەر اس – سۋ سالاسىندا جۇمىس ىستەيتىندەردەن ءسوزسىز ماسكى تاعۋدى تالاپ ەتتى، الايدا، ءالى دە كوپتەگەن ادامدار ءوزىنىڭ قالاعانى بويىنشا ىستەۋدە. ىندەتتەن ساقتانۋ – تىزگىندەۋدىڭ ۇدايىلانۋىنا بايلانىستى، اس – سۋ سالاسىندا ىستەيتىندەر اراسىندا ماسكى تاعۋدى جالپىلاستىرۋدا تەك ارناعا ءتۇسىرۋ مەن دارىپتەۋگە عانا سۇيەنۋگە كەلمەي قالدى. فۋجيان ولكەسىنىڭ ماسكى تاعۋ جونىندە ارناۋلى زاڭ جاساۋى اس – سۋ سالاسىندا قىزمەت وتەۋشىلەردىڭ تازالىق ورەسىن جوعارىلاتۋعا ءتيىمدى بولىپ، تۇتىنۋشىلاردىڭ دەنساۋلىعىنىڭ اقاۋسىزدىعىن اناعۇرلىم قامتاماسىزداندىرادى. بەلگىلەمەنىڭ جالپى مازمۇنى تەك ءتورت تارماقتان 300 ارىپتەن قۇرالعان، قىسقا دا نۇسقا، ءاربىر تارماعى قۇندى. مىسالى، قانداي ادامدار ماسكى تاعۋى كەرەك، قانداي ادامدار باقىلاۋى كەرەك دەگەندى ايقىنداعان. قالاي جازالاۋ جونىندە «بەلگىلەمەدە» بىلاي دەپ ايقىندالعان: قىزمەت وتەۋشىلەر بەلگىلەمە بويىنشا ماسكى تاقپاسا، تۇزەتۋگە بۇيىرۋ، تۇزەتۋگە كونبەسە، جەكەشە ونەركاسىپ – ساۋدا دۇكەنىنە 50 يۋان اقشالاي ايىپ سالۋ، باسقا اس – سۋ تيجارات نەگىزگى تۇلعالارىنا 200 يۋاننان جوعارى 1000 يۋاننان تومەن اقشالاي ايىپ سالۋ كەرەك. بۇل «كىشى - گىرىم تۇيىنگە» زاڭ شىعارۋ، «شاعىن، تەز، يكەمدى» زاڭ شىعارۋ جاعىنداعى پايدالى ىزدەنىس، زاڭ شىعارۋدىڭ باعىتتامالىلىعىن، جارامدىلىعىن، اتقارىمدىلىعىن ارتتىرادى، سونىمەن بىرگە، ىندەتتەن ساقتانۋ – تىزگىندەۋدى ۇدايىلاندىرۋدى زاڭدىق جاقتان قامتاماسىزداندىرۋداعى ماڭىزدى شارا ەسەپتەلەدى.
ءىس جۇزىندە، ماسكى تاعۋ جونىندە زاڭ شىعارۋ تەك اس – سۋ سالاسىمەن شەكتەلىپ قالماعانى ءجون. بىلتىر 11 – ايدىڭ 1 – كۇنى اتقارىلعان «شاڭحاي قالالىق الەۋمەتتىك دەنساۋلىق ساقتاۋ جاعىنداعى شۇعىل جاعدايلاردى باسقارۋ ەرەجەسىندە» بىلاي دەپ ايقىن بەلگىلەنگەن: تىنىس جولى جۇقپالى اۋرۋلارى تاراعان مەزگىلدە، الەۋمەتتىك ورىندارعا كىرگەندە تالاپ بويىنشا ماسكى تاعۋ ءارى باسقالارمەن ارالىق ساقتاۋ كەرەك. شاڭحاي قالاسى ماسكى تاعۋ جونىندە زاڭ شىعارماعانىمەن، وسى جاعىندا العا قاراي ءبىر قادام بۇرىن باستى. الەۋمەتتىك ورىنداردا ماسكى تاقپاعاندارعا قاتىستى باسقارۋشى قىزمەتكەرلەر مەن قالا تۇرعىندارى ءناسيحات ايتسا، بۇعان زاڭ – تۇزىمدەر قولداۋ كورسەتەدى، ولار اناعۇرلىم باتىل بولادى.
http://kazakh.people.com.cn/15836027.html
