1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

« ءسۇت ونىمدەرىنىڭ ساپا حاۋىپسىزدىگىن جوعارىلارتۋ ارەكەت جوباسى» شىعارىلدى

2023 – جىلعا بارعاندا ءسۇت ونىمدەرىنىڭ تولىمدىلىعى %99تەن جوعارى بولادى

日期:2021年01月07日
来源:人民网
【字体:

  جۋىردا، مەملەكەتتىك بازاردى باقىلاپ – باسقارۋ باس مەكەمەسى «ءسۇت ونىمدەرىنىڭ ساپا حاۋىپسىزدىگىن جوعارىلارتۋ ارەكەت جوباسىن» باسىپ تاراتۋ جونىندە ۇقتىرۋ شىعاردى. «جوبادا» بىلاي دەپ ايقىن بەلگىلەنگەن: 2023 – جىلعا بارعاندا، ءسۇت ونىمدەرىنىڭ ساپا حاۋىپسىزدىگىن باقىلايتىن زاڭ – ەرەجەلەردىڭ ولشەم جۇيەسىن ءتىپتى دە كەمەلدەندىرىپ، ءسۇت ونىمدەرىنىڭ ساپا حاۋىپسىزدىگىن باقىلاۋ – باسقارۋ قابىلەتىن كەڭ كولەمدە جوعارىلاتىپ، باقىلاپ – تەكسەرۋدە بايقالعان ماسەلەلەردىڭ تۇزەتىلۋ سالىستىرماسىن %100كە جەتكىزەدى، ءسۇت ونىمدەرىنەن ۇلگى الىپ تەكسەرۋ تولىمدىلىعىن %99تەن تۇسىرمەيدى.

  جۇڭگو ءسۇت ونىمدەرىن تۇتىناتىن ۇلكەن ەل. ساندى مالىمەتتە كورسەتىلۋىنشە، 2019 – جىلى مەملەكەت بويىنشا ءسۇت ءتۇرىنىڭ ٶندىرىس مولشەرى 32 ميلليون 976 مىڭ توننا بولىپ، الەم بويىنشا 4 – ورىندى يەلەندى. 2019 – جىلى مەملەكەت بويىنشا ءسۇت ءتۇرىنىڭ ٶندىرىس مولشەرى مەن ءسۇت ونىمدەرىنىڭ ٶندىرىس مولشەرى 2015 – جىلدان بەرگى ەڭ جوعارى ارتۋدى جۇزەگە اسىردى. ايتا كەتۋگە تاتيتىنى، جۋىق جىلداردان بەرى ەلىمىزدىڭ سۇتتەن جاسالعان ونىمدەرىنىڭ بازاردى يەلەنۋ مولشەرى مەن ماركانىڭ ىقپالى شوعىل جوعارىلاپ، 2019 – جىلى نارەستەلەرگە ارنالعان ءسۇت پاراشوگىنىڭ وتاندىق ٶنىم ماركاسىنىڭ بازاردى يەلەنۋ مولشەرى تۇڭعىش رەت يمپورت ەتىلگەن ماركادان استى.

  مەملەكەتتىك بازاردى باقىلاۋ - باسقارۋ باس مەكەمەسىنىڭ قاتىستى جاۋاپتىسى بىلاي دەدى: ءسۇت ونىمدەرىنىڭ ساپا حاۋىپسىزدىگى جالپى تۇلعالىق دەڭگەيى ۇزدىكسىز جوعارىلاعانىمەن، كاسىپورىنداردىڭ دەربەس زەرتتەپ اشۋ قابىلەتى جەتەرسىز بولۋ، ازىق - تۇلىك حاۋىپسىزدىگىن باسقارۋ قابىلەتى ءالسىز بولۋ، ءونىمنىڭ باسەكەلىك قۋاتى مەن بەدەلى جوعارى بولماۋ ماسەلەسى ءالى دە ورىن تەۋىپ وتىر. «جوبادا» ءۇش جاقتان 13 ماڭىزدى مىندەت ورنالاستىرۋ ارقىلى ءسۇت شارۋاشىلىعىن گۇلدەندىرۋ قىزمەتىن، ءسۇت ونىمدەرىنىڭ ساپا حاۋىپسىزدىگى ورەسى جوعارىلاتۋدى ىشكەرىلەي ىلگەرىلەتەدى.

  «جوبادا» جالپى تۇلعالىق نىسانا ايقىندالدى، 2023 - جىلعا بارعاندا، ءسۇت ونىمدەرىن وندىرەتىن كاسىپورىنداردىڭ ساپا حاۋىپسىزدىگىن باسقارۋ جۇيەسى اناعۇرلىم كەمەلدەنىپ، كولەمدەنگەن ءسۇت ونىمدەرىن وندىرەتىن كاسىپورىنداردىڭ زالالدى تالداۋ جانە شەشۋشى ءتۇيىندى تىزگىندەۋ جۇيەسى %100كە جەتەدى. ءسۇت ونىمدەرىن وندىرەتىن كاسىپورىنداردىڭ اۋەلگى قوسىمشا ماتەريالى، شەشۋشى بۋىنى جانە ءونىم تەكسەرۋ، مەڭگەرۋ مولشەرى %100كە جەتەدى، ازىق - تۇلىك حاۋىپسىزدىگىن ءوزىن - ءوزى تەكسەرۋ مولشەرى % 100كە، حاۋىپ - قاتەردى بايقاۋ مولشەرى %100كە، ازىق - تۇلىك حاۋىپسىزدىگىن باسقارۋ قىزمەتكەرلەرىنىڭ باقىلاۋ، ۇلگى الىپ تەكسەرۋ تولىمدىلىعى %100كە جەتەدى. نارەستەلەرگە ارنالعان ءسۇت تالقانىن وندىرەتىن كاسىپورىنداردىڭ ساپا باسقارۋ جۇيەسىنىڭ ءوزىن تەكسەرۋ جانە مالىمدەۋ مولشەرى %100كە جەتەدى.

http://kazakh.people.com.cn/155425/15834628.html