مەملەكەتتىك دەنساۋلىق ساقتاۋ، سالاماتتىق كوميتەتى قاتارلى ەكى تاراۋ الەۋمەتتىك دەنساۋلىق ساقتاۋدى ينفورماتسيالاندىرۋ قۇرىلىسىن ىشكەرىلەي ىلگەرىلەتۋ جونىندە قۇجات شىعاردى

　　شينحۋا اگەنتتىگىنىڭ 12 – ايدىڭ 15 – كۇنى بەيجيڭنەن بەرگەن حابارى. ءتىلشىنىڭ مەملەكەتتىك دەنساۋلىق ساقتاۋ، سالاماتتىق كوميتەتىنەن ۇعىسۋىنشا، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك جۇڭگوشا ءدارى – دارمەكتى باسقارۋ مەكەمەسى «بۇكىل مەملەكەتتىك الەۋمەتتىك دەنساۋلىق ساقتاۋدى ينفورماتسيالاندىرۋ قۇرىلىسىنىڭ ولشەمى مەن قالپىن (سىناق رەتىندە اتقارىلادى)» بىرلەسىپ جاساپ ٵرى جۋىردا جاريالاپ، الەۋمەتتىك دەنساۋلىق ساقتاۋدى ينفورماتسيالاندىرۋ قۇرىلىسى مەن قولدانۋ قابىلەتىن جوعارىلاتۋ ارقىلى ەمدەۋ مەن ساقتانۋدىڭ توعىسۋىن ىلگەرىلەتىپ، اۋىر ىندەتتىڭ شۇعىل جاعدايىنا توتەپ بەرەتىن كەمەلدى مەحانيزىم قالىپتاستىرعان.

　　جۇقپالى اۋرۋدان ساقتانۋ - تىزگىندەۋدى باسقارۋ جاعىندا، قۇجاتتا اۋرۋ مالىمەتى، ەپيدەميولوگيالىق تەكسەرۋ، تىنىس جولى جۇقپالى اۋرۋىنىڭ تاجىريبەحاناداعى تەكسەرۋ –ولشەۋى قاتارلى كوپتەگەن 3 – دارەجەلى كورسەتكىشتىڭ ناقتى ولشەمى مەن تالابى انىق ايتىلدى. مىسالى تىنىس جولى جۇقپالى اۋرۋىنىڭ تاجىريبەحاناداعى تەكسەرۋ – ولشەۋى جاعىندا، قۇجاتتا اۋدان دارەجەلىدەن جوعارى اۋرۋدىڭ الدىن الۋ جانە تىزگىندەۋ ورتالىعى، 2 – دارەجەلى، سونداي – اق ونان جوعارى دارەجەلى شيپاحانالار تىنىس جولى جۇقپالى اۋرۋىنىڭ تاجىريبەحاناداعى تەكسەرىپ ولشەۋ ناتيجەسىنىڭ ينفورماتسياسىن باسقارۋدى جۇزەگە اسىرۋى تالاپ ەتىلدى، مۇندا تىنىس جولىنا قاتىستى اۋرۋدىڭ اۋەلى تەكسەرۋ – ولشەۋ ناتيجەسى، ۇلگى رەتىنىڭ ولشەپ تۇراقتاندىرعان ناتيجەسى، ۇلگى رەتىنىڭ سالىستىرمالى ينفورماتسياسى، ۇلگىدەن اجىراتىپ الىنعان ۆيرۋس شتاممى ينفورماتسياسى قاتارلى 15 ساندى مالىمەتتى جيناۋ قىزمەتى قامتىلادى.

　　مەملەكەتتىك دەنساۋلىق ساقتاۋ، سالاماتتىق كوميتەتىنىڭ قاتىستى جاۋاپتىسى بىلاي دەدى: قوجاتتا ٵر دارەجەلى اۋرۋدىڭ الدىن الۋ جانە تىزگىندەۋ ورتالىعىنىڭ، 2 – دارەجەلى، سونداي – اق ونان جوعارى شيپاحانالاردىڭ، نەگىزگى ساتى ەمدەۋ، دەنساۋلىق ساقتاۋ ورگاندارىنىڭ، باسقا دا الەۋمەتتىك دەنساۋلىق ساقتاۋ ورگاندارى قاتارلىلاردىڭ الەۋمەتتىك دەنساۋلىق ساقتاۋ قىزمەت وتەۋى مەن باسقارۋ جۇمىسى، جۇمىس كولەمى قامتيتىن الەۋمەتتىك دەنساۋلىق ساقتاۋدى ينفورماتسيالاندىرۋ قۇرىلىسى مەن قولدانىلۋىنىڭ باستى قىزمەت وتەۋ جۇمىستارى مەن باسقارۋ تالابى انىق بەلگىلەندى، مۇندا باسقارۋ قىزمەت وتەۋ جۇمىسى، ينفورماتسيا تەحنيكا جۇمىسى قاتارلى 2 بولەكتەن قۇرالعان، مۇنىڭ ىشىندە 1 – دارەجەلى كورسەتكىشتىڭ 21 ءتۇرى، 2 - دارەجەلى كورسەتكىشتىڭ 125 ءتۇرى، 3 - دارەجەلى كورسەتكىشتىڭ 421 ءتۇرى بار بولىپ، مەملەكەتتىك الەۋمەتتىك دەنساۋلىق ساقتاۋدى ينفورماتسيالاندىرۋ قۇرىلىسىنىڭ ماڭىزدى مازمۇنى مەن تالابىن جالپى بەتتىك ولشەمگە كەلتىردى.

http://kazakh.people.com.cn/306614/15832920.html