جوعارىلاپ وقۋدا ساتسىزدىككە ۇشىراپ، قىسىمعا دۋشار بولۋ؛ قىزمەت بارىسىندا ساتسىزدىككە جولىعىپ، سەنىمىنە سەلكەۋ ءتۇسۋ؛ نەكەلەنۋ، ماحابباتتاسۋ بارىسىندا داۋ – شار تۋىلىپ، ۋايىمعا باتۋ ... جۋىرداعى جىلداردان بەرى، رۋحاني جاقتاعى جانە پسيحيكالىق جاقتاعى سالاماتتىققا جۇرت بارعان سايىن ءمان بەرە باستاپ، ينتەرنەت ارقىلى پسيحولوگيالىق جاقتاعى قىزمەت وتەۋدى ىزدەستىرۋ قاجەتى كۇرت ارتتى. الايدا، ءتىلشى ءىشىنارا ينتەرنەتتىك تەكشەلەردە اقىلى پسيحولوگيالىق كەڭەس بەرۋ جاعىندا جۇيەسىز جاعدايلاردىڭ ءجيى تۋىلاتىنىن — وسى جۇمىسپەن شۇعىلداناتىنداردىڭ كوبىنىڭ كاسىپتىك تولىمدىلىعى جوق ەكەنىن بايقاعان. اتالمىش قىزمەت وتەۋ دەگەنىمىز الداپ اقشا الۋدىڭ امالى بولىپ قالعان، تۇتىنۋشىلاردىڭ قۇپيالىقتارى شاشىلۋ سىندى كومەسكى قاتەر ساقتالىپ، ۇقىعىنا قول سۇعىلعانداردىڭ ءوز ۇقىعىن قورعاۋى مۇشكىل بولعان.
«جۇرەككە جۇك ارقالاۋ» دا اۋرۋ ەسەپتەلەدى، ونى كەمەلدى ورىندارعا ەمدەتۋ كەرەك، «كوڭىل اۋلايتىن ماقالالاردان» ءۇمىت كۇتۋگە بولمايدى. الايدا، «قازىر پسيحولوگيالىق دەنساۋلىق جاعىنداعى ينتەرنەتتەگى قىزمەت وتەۋ جونىندە سايكەستى ولشەمدەر كەمشىل بولعاندىقتان»، جامان نيەتتەگى ادامدار «بوستىقتان پايدالانىپ»، «جاناسالاي جول تاۋىپ» كەتىپ ءجۇر. ءىشىنارا پسيحيكالىق ناۋقاسى بارلار ءتۇرلى سەبەپتەرمەن ەمحاناعا بارماي، «ينتەرنەتتە اڭگىمەلەسۋ» ارقىلى شەرىن تارقاتۋدى ويلايدى، وسىلايشا جاڭاعىلاردىڭ تۇزاعىنا تۇسەدى.
ينتەرنەتتەگى ءىشىنارا جازعىشتار «پسيحولوگيانى رەتكە سالاتىن قۇندى ماقالالاردى» ءوز ويىنان قيىستىرىپ ءجۇر، ءىشىنارا بلوگ يەلەرى «پسيحولوگيانى تەڭشەيتىن ساباقتاردى» دابىرالى ءناسيحاتتاۋدا، ولاردىڭ «اقىلى» مازمۇندارىنىڭ ەشقانداي كاسىپتىك ءمانى جوق؛ تەكشەلەر «قويۋ بايلانىستاردى قالپىنا كەلتىرەمىز» دەپ كۇپيىپ، سۇيىسپەنشىلىك جاعىندا ساتسىزدىككە ۇشىراعانداردى الداپ، ولارعا «وزدەرىنىڭ كوڭىلىندەگىدەي» سۇيىسپەنشىلىكتى قايتا ورالتۋ جوباسىن جوعارى باعادا ساتۋدا، بۇل بىرەۋدىڭ اقشاسىن الداپ الۋدان باسقا تۇك تە ەمەس؛ اتالمىش سۇيىسپەنشىلىكتى قورعاۋعا كومەكتەسۋ دەگەنى الدامكوستىك، شارۋلىق نەمەسە «رۋحاني زاھارلاۋىش»؛ الدانىپ قالعانىن بىلگەندەر قۇپيالىعىڭدى شاشىپ جىبەرەمىن دەپ قورقىتقانىنان الاڭداپ، ءتىس جارىپ ەشكىمگە ايتپاۋعا ءماجبۇر بولادى ... وسى تەكتەس ىستەردە، تۇتىنۋشىلار قاراجات جاعىنان زيانعا ۇشىراپ قالماستان، دياگنوزىن انىقتاتىپ - ەمدەلۋىنە كەسىرىن تيگىزەدى، زاردابى ءتىپتى اۋىر بولادى.
ينتەرنەتتەگى پسيحولوگيالىق قىزمەت وتەۋ قىم – قۋىت جاعدايدا تۇر، بۇل جاعىندا ينتەرنەت تەكشەلەرى جاۋاپكەرشىلىكتەن جالتارا المايدى، ولار «ءوز ءۇيىنىڭ الدىن تازالاۋعا» جاۋاپتى بولۋى كەرەك. پسيحولوگيالىق كەڭەس بەرۋدە كاسىپتىك ولشەم بولۋى، بۇل كاسىپپەن شۇعىلداناتىنداردىڭ كاسىپتىك تولىمدىلىعى بولۋى كەرەك، تەكشەلەر قاتىستى قىزمەت وتەۋ ستوندارىن اشىپ، ءسوزسىز، وعان تىركەلەتىن قۇرىلىمدار مەن جەكەلەردىڭ تولىمدىلىعىن تەكسەرۋى، راستاۋى، تولىمدىلىعى جوقتارعا تيىم سالۋى كەرەك. جالعان كۋالىك ساتاتىندار ينتەرنەتتە «حالىقارالىق دەڭگەيدە تىركەۋگە الىنعان پسيحولوگيالىق كەڭەس بەرۋشى كۋالىگى» سياقتى كۋالىكتەردى ساتسا، ەلەكتروندىق ساۋدا تەكشەلەرى، ءسوزسىز، قاتاڭ تەكسەرۋى جانە تيىم سالۋى كەرەك. جالعان نارسە شىنعا اينالسا، تەكشەلەر باقىلاۋ – باسقارۋ جاعىنداعى جاۋاپكەرشىلىكتەن جالتارا المايدى، تەك شىن پەيىلمەن قىزمەت ىستەگەندە عانا، مۇنداي كەلەڭسىزدىكتەردەن ساقتانۋعا بولادى.
http://kazakh.people.com.cn/158373/15831260.html
