بۇكىل حالىق سالامات بولمايىنشا، جاپپاي دوڭگەلەك داۋلەتتى قوعام دا بولماق ەمەس. 5 جىلدىڭ الدىندا، پارتيا 18 – كەزەكتى ورتالىق كوميتەتى بەسىنشى جالپى ماجىلىسىندە «سالاماتتى جۇڭگو قۇرىلىسىن ىلگەرىلەتۋ» سىندى كەلەلى ورنالاستىرۋ جاسادى. بۇگىن ءبىز «13 – بەسجىلدىق» جوسپار مەزگىلىندەگى ەكونوميكا مەن قوعام دامۋى جاعىندا قول جەتكىزگەن تاريحي سيپاتتى جەتىسىكتەردى رەتتەگەن كەزدە، سالاماتتى جۇڭگو ىستەرىنىڭ سۇبەلى ءارى كورنەكتى ءتۇيىن ءسوز بولارى داۋسىز.
ورتاشا مەجەلى عۇمىر 2015 – جىلداعى 76.3 جاستان 2019 – جىلعى 77.3 جاسقا جوعارىلادى، باستى سالاماتتىلىق كورسەتكىشتەرى جالپى تۇلعالىق جاقتان، كىرىس دەڭگەيى ورتاشا، جوعارى دەڭگەيدەگى ەلدەردىڭ ورتاشا ورەسىنەن جوعارى بولدى؛ نەگىزدىك مەديتسينالىق قامسىزداندىرۋعا قاتىناسقانداردىڭ سانى ءبىر ميلليارد 350 ميلليون ادامنان اسىپ، دۇنيە جۇزىندەگى كولەمى ەڭ زور نەگىزدىك مەديتسينالىق قامتاماسىزداندىرۋ تورى قۇرىلدى؛ الەۋمەتتىك دەنساۋلىق ساقتاۋ قورعانىس جەلىسى اناعۇرلىم بەكەمدەلىپ، جاڭا تيپتى ايدارشا ۆيروس وكپە قابىنۋ ىندەتىمەن بولعان كۇرەستىڭ كەلەلى ستراتەگيالىق جەتىستىكتەرىنە قول جەتكىزىلىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعى ەڭ جوعارى شەكتە قورعالدى؛ كەدەي وڭىرلەردەگى دەنساۋلىق ساقتاۋ ورتاسى مەن جۇرتشىلىقتىڭ سالاماتتىق جاعدايى كورنەكتى تۇردە جاقسارىپ، 832 كەدەي اۋداننىڭ ءار بىرىندە كەمىندە بىردەن ۇكىمەت اشقان ەمحانا بولۋ ورىندالىپ، ناۋقاس سەبەبىنەن كەدەيلەسكەن، قايتا كەدەيلەسكەندەردەن جيىنى 10 ميلليونعا جۋىق ادام كەدەيلىكتەن ارىلدى ... «13 – بەسجىلدىق» جوسپار مەزگىلىندە، ەلىمىز ناۋقاستى ەمدەۋدى وزەك ەتۋدەن سالاماتتىقتى وزەك ەتۋگە بۇرىلىس جاساۋدى ىلگەرىلەتىپ، دەنساۋلىق ساقتاۋ – سالاماتتىق ىستەرى سالاسىنا رەفورما جاساۋدا كورنەكتى ىلگەرىلەۋشىلىكتەرگە قول جەتكىزىلدى، قالا – اۋىل تۇرعىندارىنىڭ دەنساۋلىق ورەسى ۇزدىكسىز جوعارىلادى، سالاماتتى جۇڭگو قۇرىلىسىندا تاماشا باستاماعا قول جەتكىزىلدى.
وقۋ – اعارتۋ، مادەنيەت، دەنساۋلىق ساقتاۋ، دەنە تاربيە سالاسىنداعى ماماندارمەن وتكىزىلگەن اڭگىمە ماجىلىسىندە، باس شۋجي شي جينپيڭ «حالىقتىڭ سالاماتتىعىن الدىمەن دامىتاتىن ستراتەگيالىق ورىنعا قويۋ كەرەك» دەپ باسا دارىپتەدى. پارتيا 19 – كەزەكتى ورتالىق كوميتەتى بەسىنشى جالپى ماجىلىسىندە 2035 – جىلعا دەيىن سوتسياليستىك وسىزامانداندىرۋدى نەگىزىنەن ورىنداۋ سىندى بولاشاقتىق نىسانا ورتاعا قويىلدى، مۇندا سالاماتتى جۇڭگو قۇرۋ قامتىلعان. حالىقتى بارىنەن جوعارى قويۋ، ادام ءومىرىن بارىنەن جوعارى قويۋ «جۇڭگونىڭ جونگە سالۋ جۇيەسىندەگى» ءتۇبىرلى قۇن باعدارىنا، ەڭ تەرەڭ ساياسي ءمورالدىق ولشەمگە اينالدى، جۇڭگونىڭ دۇنيەدە سيرەك كەزدەسەتىن ىندەتكە ءدوپ كەلگەندە، ىندەتكە توتەپ بەرۋ كۇرەسىنىڭ كەلەلى ستراتەگيالىق جەڭىسىنە قول جەتكىزۋىندەگى شەشۋشى فاكتورعا اينالدى.
http://kazakh.people.com.cn/158373/15830700.html
