جۋىقتا اۋىل - قىستاقتاردا قارتتاردى كۇتىمگە الۋعا قىزمەت كورسەتۋدى ىلگەرىلەتۋ جونىندەگى مەملەكەتتىك ماجىلىستەن ۇعىسۋىنشا، كەزەكتە ەلىمىزدىڭ اۋىل - قىستاقتارىندا 20 مىڭنان استام قارتتاردى كۇتىمگە الۋ قۇرىلىمى بار ەكەن، قارتتاردى كۇتىمگە الۋ توسەك ورنى ءبىر ميلليون 940 مىڭنان اسقان، بۇكىل ەل بويىنشا 3 ميلليون 880 مىڭ قالا - اۋىلداعى ەڭبەك قۋاتى جوق، كۇنكورىس قاينارى جوق، باعۋشىسى جوق قارتتار ەرەكشە قيىنشىلىعى بارلاردى باعۋدىڭ قاتارىنا كىرگىزىلدى.
پارتيا 18 - قۇرىلتايىنان بەرى، ەلىمىزدىڭ اۋىل - قىستاقتارىندا قارتتاردى كۇتىمگە الۋعا قىزمەت كورسەتۋ نەگىزىنەن وتباسىندا قارتتاردى كۇتىمگە الۋدى نەگىزگى فورما، ەرەكشە قيىنشىلىعى بار قارتتاردى قىزمەت وتەۋدى قامتاماسىزداندىرۋ ءتۇيىنى ەتتى، قارتتاردى كۇتىمگە الۋعا سەلبەسىپ قىزمەت وتەۋدى تىڭ باعىت ەتىپ، بارلىق اۋىل - قىستاقتاعى قارتتارعا قىزمەت وتەۋدىڭ دامۋ جاعدايىن ۇزدىكسىز كەڭەيتتى. مەملەكەت بويىنشا اۋىل - قىستاق رايوندارىندا قازىر 20 مىڭنان استام قارتتاردى كۇتىمگە الۋ قۇرىلىمى بار، باقىت اۋلاسى، كۇتىمحانا سياقتى قارتتاردى ءوزارا كومەكتەسىپ كۇتىمدەيتىن قۇرىلعىلار 108 مىڭ بولىپ، كوپ ساتىلى قىزمەت وتەۋ تورابىن العاشقى ادىمدا قۇردى. قوعامدىق قىزمەت وتەۋدى ەڭ تومەنگى شەكتەن تۇسىرمەۋ ينجەنەرياسىن اتقارىپ، 3 ميلليون 880 مىڭ قالا - اۋىلداعى ەڭبەك قۋاتى جوق، كۇنكورىس قاينارى جوق، باعۋشىسى جوق قارتتاردى ەرەكشە قيىنشىلىعى بار قارتتاردى باعىپ الۋشىلاردىڭ قاتارىنا قوسىپ، باعۋعا تيىستىلەرىن تۇگەل باعۋدى جۇزەگە اسىردى، ەكونوميكالىق قيىنشىلىعى بار 13 ميلليون 350 مىڭ قارت اۋىل - قىستاقتاعى ەڭ تومەنگى تۇرمىستى قامتاماسىزداندىرۋ كولەمىنە ەنگىزىلدى؛ ەرەكشە قيىنشىلىعى بارلاردى باعىپ - قاعۋعا قىزمەت وتەۋ قۇرىلعىلارىن (قارتتار كۇتىمحاناسى) جاڭالاۋ، جوعارىلاتۋ ينجەنەرياسىن اتقاردى، اۋىل - قىستاق قارتتار كۇتىمحاناسىنداعى زاڭدىق يەنى تىزىمگە الۋ مولشەرى %75تەن جوعارىلاپ %90تەن استى؛ مەملەكەت بويىنشا اۋىل - قىستاقتاعى ۇيدە قالعان قارتتارعا قامقورلىق جاساۋ قىزمەت كورسەتۋ جۇيەسى نەگىزىنەن قۇرىلدى، ينفورماتسيا باسقارۋ تەكشەسىن قۇرىپ، مەرزىمدى ارالاپ تەكسەرۋ جاپپاي اتقارىلدى.
قازىر اۋىل - قىستاق جان سانىنىڭ قارتتانۋ دارەجەسى اۋىر بولىپ وتىر، وتباسىندا قارتتاردى كۇتىمگە الۋ قابىلەتى السىرەپ، ديقانداردىڭ زەينەت قامتاماسىزداندىرۋى جەتكىلىكسىز بولدى، اۋىل - قىستاقتاعى قارتتاردى كۇتىمگە الۋعا قىزمەت وتەۋ قۇرىلعىلارى كەمەلدى بولماۋ، قارتتاردى كۇتىمگە الۋعا قىزمەت كورسەتۋ اينالىمى مەن باقىلاۋ - باسقارۋى جەتەرسىز بولۋ سياقتى ماسەلەلەر بار. كەلەسى ساتىدا حالىق ىستەرى جۇيەسى وتباسىندا قارتتاردى كۇتىمدەۋدىڭ نەگىزدىك ورنىن بەكەمدەپ، ءوزارا كومەكتەسەتىن الەۋمەتتىك اۋماقتاردا قارتتاردى كۇتىمگە الۋعا قىزمەت وتەۋدى بارىنشا دامىتىپ، اۋدان دارەجەلى ەرەكشە قيىنشىلىعى باردى باعىپ - قاعۋعا قىزمەت وتەۋ قۇرىلىمدارىنىڭ قۋاتىنان ايىرىلعانداردى باعىپ - قاعۋعا قىزمەت وتەۋ قابىلەتى كۇش سالا كۇشەيتىلەدى.
http://kazakh.people.com.cn/306614/15830531.html
