11 – ايدىڭ 12 – كۇنى، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى اقپار جاريالاۋ ءماجىلىسىن اشىپ، كۇز – قىس مەزگىلىندەگى ىندەتتەن ساقتانۋ – تىزگىندەۋدى كۇشەيتۋ جانە وتانشىلدىق دەنساۋلىق ساقتاۋ ارەكەتىن ورىستەتۋگە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
«قازىر، ەلىمىز شەكارا سىرتىنان ەنگەن ناۋقاستاردىڭ جەرگىلىكتى ورىندا ىندەتتى تاراتۋ حاۋىپ – قاتەرى ارتقان جاعدايعا ءدوپ كەلىپ وتىر، قىس مەزگىلى ىندەتتىڭ از مولشەردە بىتىراڭقى كۇيدەتارالاتىن كەزى، ءىشىنارا جەرلەردە شوعىرلى تارالۋ ىقتيمالدىعى بار». مەملەكەتتىك دەنساۋلىق ساقتاۋ – سالاماتتىق كوميتەتىنىڭ ورىنباسار مەڭگەرۋشىسى لي بيننىڭ ايتۋىنشا، مەملەكەتتىك دەنساۋلىق ساقتاۋ – سالاماتتىق كوميتەتى الدا قاتىستى تاراۋلارمەن تىزە قوسا وتىرىپ، بىرلەسكەن ساقتانۋ – تىزگىندەۋدى ورىستەتۋگە تاباندى بولىپ، تاراۋلار اراسىنداعى ساياساتتى سايكەستىرۋ مەن ينفورماتسيالاردى ورتاق پايدالانۋدى كۇشەيتىپ، ىندەتتەن ساقتانۋ – تىزگىندەۋدە قاراستى جەر نەگىزگى تۇلعالىق جاۋاپكەرشىلىك ارقالاۋدى كۇشەيتىپ، «قاراستى جەر، كاسىپ سالاسى، ءىس ورىن، جەكە» سىندى ءتورت جاق جاۋاپكەرشىلىك ارقالاۋ ءتارتىبن تياناقتاندىرادى.
شۇعىل جاعدايلاردى ءبىرجاقتىلى ەتۋگە دايىندىقتى ويداعىداي جاساپ، ىندەت توساتتان تارالاتىن بولسا، شۇعىل جاعدايعا توتەپ بەرۋ جوباسىن دەرەۋ ىسكە قوسىپ، ىندەتتى دەرەۋ تىزگىندەۋ كەرەك. قىس مەزگىلىندە جۇقپالى تۇماۋ سىندى ءجيى تۋىلاتىن تىنىس جولى جۇقپالى اۋرۋلارى مەن سەبەبى بەلگىسىز وكپە اۋرۋلارىن باقىلاۋدى، ولار جايلى ساقتىق دابىلىن قاعۋدى كۇشەيتىپ، پارىقتاۋ مەن دياگنوز قويۋدى كۇشەيتىپ، جاڭا تيپتى ايدارشا ۆيروسقا شالدىققانداردى دەر كەزىندە ەرتە بايقاۋ، ەمدەۋدى جۇيەلى تۇردە ورىستەتۋ، جۇقپالى تۇماۋ قاتارلى باسقا تىنىس جولى جۇقپالى اۋرۋلارى مەن جاڭا تيپتى ايدارشا ۆيروستىڭ قاباتتاسا تارالۋى سىندى حاۋىپ – قاتەردىڭ الدىن الۋ كەرەك.
كەزەكتە، ەلىمىزدىڭ كوپتەگەن جەرلەرى قىس مەزگىلىنە قادام تاستادى، ادامداردىڭ بولمە ىشىندەگى ارەكەتى كوبەيدى، جۇقپالى اۋرۋلاردىڭ تارالۋ حاۋىپ – قاتەرى ارتتى. لي بين مىنانى ەسكەرتتى: وتباسىندا تازالىق پەن دەنساۋلىققا كوڭىل ءبولۋ، بولمەنىڭ تەرەزەسىن ۇنەمى اشىپ، اۋا الماستىرۋ كەرەك، وتە – موتە، سولتۇستىكتەگىلەر تەرەزە اشىپ، اۋا الماستىرۋ جاعىنا ايرىقشا ءمان بەرۋى كەرەك. سونىمەن بىرگە، ىندەتتەن ساقتانۋداعى قاجەتتى زاتتاردى ويداعىداي دايىنداۋ قاجەت. الەۋمەتتىك ورىنداردا تازالىقتى ساقتاپ، ليفت، باسپالداق، ەسىك تۇتقاسى قاتارلى كوپ ادام قولىمەن ۇستايتىن زاتتاردىڭ بەتكى قاباتىن تازالاۋ مەن ديزەنفەكسيالاۋدى ءتۇيىندى تۇردە كۇشەيتۋ ءارى كۇندەلىكتى تازالىقتى باسقارۋ ءتۇزىمىن تياناقتاندىرۋ كەرەك. الەۋمەتتىك ورىنداردا قىزمەت ىستەيتىندەر جەكەلىك ساقتانۋ – قورعانۋدى ويداعىداي ىستەپ، دەنساۋلىق جاعدايىن باقىلاۋدى كۇشەيتۋى كەرەك.
http://kazakh.people.com.cn/306614/15829748.html
