مەملەكەتتىك كەڭەستىڭ جاڭا تيپتى ايدارشا ۆيروس وكپە قابىنۋ ىندەتىنەن توتەپ بەرۋدەگى ساقتانۋ – تىزگىندەۋ مەحانيزمى 11 – ايدىڭ 9 – كۇنى بۇكىل ەلىمىزگە «يمپورت ەتىلگەن توڭازىتىلعان ازىق – تۇلىكتەرگە ساقتانۋ سيپاتىندىق جالپى بەتتىك ديزەنفەكسيا جاساۋ قىزمەتى جوباسىن» باسىپ تاراتتى. جوبادا مىنالار تالاپ ەتىلگەن: تۇتاس لەنيا بويىنشا جابىق كۇيدە باسقارۋدى، كەلۋ قاينارىن ىزدەۋگە بولاتىن جاعداي جاراتۋدى ورىنداپ، جاڭا تيپتى ايدارشا ۆيروس ىندەتىنىڭ توڭازىتىلعان ازىق – تۇلىكتەر تىزبەگى ارقىلى شەكارادان ەنۋ حاۋىپ – قاتەرىن ەڭ جوعارى شەكتە تومەندەتۋ كەرەك. يمپورت ەتىلگەن توڭازىتىلعان ازىق – تۇلىكتەرگە ەلىمىز شەكاراسى ىشىندەگى قىزمەتكەرلەر تۇڭعىش رەت جۋىسۋدان بۇرىن ساقتانۋ سيپاتىندىق جالپى بەتتىك ديزەنفەكسيالاۋ ارقىلى ءبىرجاقتىلى ەتۋ قاجەت.
جاڭا تيپتى ايدارشا ۆيروس وكپە قابىنۋ ىندەتىنىڭ توڭازىتىلعان ازىق – تۇلىكتەردى يمپورت ەتۋ جەلىسى ارقىلى شەكارادان ەنۋى سىندى حاۋىپ – قاتەردەن ءونىمدى تۇردە ساقتانۋ ءۇشىن، جوبادا مىناداي تالاپتار ورتاعا قويىلعان: يمپورت ەتىلگەن ازىق – تۇلىكتەرگە باعىتتالعان جاڭا تيپتى ايدارشا ۆيروستى تەكسەرۋ قىزمەتىن ويداعىداي ىستەۋ نەگىزىندە، ديزەنفەكسيالاۋدىڭ جاڭا تيپتى ايدارشا ۆيروستى جويۋ رولىن تولىق ساۋلەلەندىرىپ، توڭازىتىلعان ازىق – تۇلىكتەردىڭ حاۋىپسىزدىگىنە كەپىلدىك ەتۋمەن بىرگە، وتكەلدەن، كەدەننەن وتكىزۋ ونىمدىلىگىن جوعارىلاتىپ، زاتتاردىڭ باسىلىپ قالۋىنان، كەمەجايدا تۇرىپ قالۋىنان ساقتانىپ، كاسىپ سالاسى تىزبەگى مەن قامدا تىزبەگىنىڭ ورنىقتىلىعىنا كەپىلدىك ەتۋ كەرەك.
جوبادا وتكەل ءتۇيىنى جونىندە مىنالار تالاپ ەتىلگەن: تەكسەرۋ ناتيجەسى بولىمدى بولسا، بەلگىلەمە بويىنشا قايتارىپ تاسىمالداۋ نەمەسە جويىپ ءبىرجاقتىلى ەتۋ كەرەك. تەكسەرۋ ناتيجەسى بولىمسىز بولسا، كەدەن تاراۋلارى قوياتىن ورىنمەن قامداۋشى ساۋداگەرلەر مەن يمپورتپەن شۇعىلداناتىن كاسىپورىنداردىڭ، ازىق – تۇلىكتەردى يمپورت ەتۋ تىزبەگىندەگى جۇك قوراپتارىنىڭ قابىرعالارىن، زاتتاردىڭ سىرتقى قورابىن ديزەنفەكسيالاپ وتىرۋىنا جەتەكشىلىك ەتۋدى، ولارعا قۋزاۋ سالۋدى، تەكسەرىپ وتىرۋدى ۇيىمداستىرۋ قاجەت.
جوبادا توڭازىتىلعان ازىق – تۇلىكتەردى تاسىمالداۋ جانە قامباعا كىرگىزۋ ءتۇيىنى تۋرالى مىنالار تالاپ ەتىلگەن: يمپورت ەتىلگەن ازىق – تۇلىكتەردى تاسىمالداۋ بارىسىندا، تاسىمالداۋعا جاۋاپتى كاسىپورىنداردىڭ جۇك قورابىن اشۋىنا بولمايدى، ەل ىشىندە تاسىمالداۋ بولەگىندە قاتىناس – تاسىمال تاراۋلارى توڭازىتىلعان ازىق – تۇلىكتەردى تاسىمالدايتىن كاسىپورىنداردى كەدەننەن وتكىزۋ رەسميەتتەرىن قاتاڭ تەكسەرتۋگە، تاسىمالدايتىن اۆتوموبيل جانە كەمە قاتارلى تاسىمال قۇرالدارىن ديزەنفەكسيالاۋعا، ءبىرىنشى شەپتەگى قىزمەتكەرلەردىڭ جەكەلىك ساقتانۋ – قورعانۋ شارالارى قاتارلىلاردى تياناقتاندىرۋىنا قۋزاۋ سالۋ جانە ولارعا جەتەكشىلىك ەتۋى قاجەت. توڭازىتىپ ساقتاۋ قويمالارى يمپورت ەتىلگەن توڭازىتىلعان ازىق – تۇلىكتەردى ساقتاعان كەزدە، شىنايى ەستەلىككە الۋى جانە جۇك قورابىنىڭ ءنومىرى مەن قورعاسىن پەشەتىنىڭ ءنومىرىن سالىستىرىپ كورۋى، زاتتى قامبادان شىعارۋ – ەنگىزۋ ەستەلىگىن ويداعىداي ىستەۋى، قاتىستى ماتەريالدار مەن ەستەلىكتەردى كەمىندە 2 جىل ساقتاۋى قاجەت.
جوبادا اينالىم تۇيىنى جونىندە، مىناداي تالاپتار ورتاعا قويىلعان: وتكەلدەن وتكىزىلگەن يمپورت ەتىلگەن ازىق – تۇلىكتەردى الەۋمەتتىك توڭازىتىپ ساقتاۋ قويمالارىنا نەمەسە كاسىپورىننىڭ توڭازىتىپ ساقتاۋ قويماسىنا سالاتىن كەزدە ساندىقتارعا اۋىستىرىپ سالۋ، اۆتوكولىكتەرگە جوتكەپ تيەۋ، قويماعا ەنگىزىپ ساقتاۋدان بۇرىن، قاتىستى ءوندىرىس – تيجارات ورىندارى بۇل زاتتاردى ديزەنفەكسيالاعانى جونىندەگى ىسپاتتى تەكسەرۋى كەرەك، ەگەر ديزەنفەكسيالانباعان بولسا، ساندىقتان الىپ، جۇكتى تيەۋدەن بۇرىن، بۇل بۇيىمداردىڭ جۇك قورابىنىڭ قابىرعالارىن، زاتتاردىڭ سىرتقى قورابىن ديزەنفەكسيالاۋ كەرەك.
جوبادا بازار ءتۇيىنى جونىندە مىناداي تالاپتار ورتاعا قويىلعان: يمپورت ەتىلگەن توڭازىتىلعان ازىق – تۇلىكتەرگە ديزەنفەكسيا جاسالعان – جاسالماعانى جونىندەگى قاتىستى ىسپاتتاردى تەكسەرۋ قىزمەتىن كۇشەيتىپ، ساقتانۋ سيپاتىندىق جالپى بەتتىك ديزەنفەكسيالاۋ شارالارى اتقارىلماعان يمپورت ەتىلگەن توڭازىتىلعان ازىق – تۇلىكتەردىڭ بازارعا ەنۋىنەن ساقتانۋ قاجەت. كەلۋ قاينارىن ىزدەۋگە جاعداي جاراتۋ ىستەرىن باسقارۋدى اناعۇرلىم ويداعىداي كەمەلدەندىرىپ، بازارعا ەنگىزىلگەن بارلىق يمپورت ەتىلگەن توڭازىتىلعان ازىق – تۇلىكتەردىڭ كەلۋ قاينارىن، بارعان جەرىن تابا الۋعا مۇمكىندىك جاراتۋ كەرەك.
http://kazakh.people.com.cn/306614/15829291.html
