مەملەكەتتىك كەڭەستىڭ بىرلەسىپ قورعانۋ، بىرلەسىپ تىزگىندەۋ مەحانيزمى 11 – ايدىڭ 3 - كۇنى بەيجيڭدە تەلەۆيزور – تەلەفون ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان ماجىلىسكە قاتىناستى ءارى ءسوز سويلەدى. ول مىنالاردى باسا دارىپتەدى: پارتيا 19 ـ كەزەكتى ورتالىق كوميتەتىنىڭ بەسىنشى جالپى ءماجىلىسى مەن باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن تياناقتاندىرىپ، سىرتتان كىرۋدەن ساقتانۋ، ىشكى جاقتا قايتا تارالۋدان ساقتانۋ قىزمەتىن جالپى بەتتىك جاقسى ىستەۋ كەرەك، بيىل قىس پەن كەلەر جىلعى كوكتەمدەگى الدىن الۋ مەن تىزگىندەۋدىڭ شەشۋشى مەزگىلىندە ىندەت جاعدايىنىڭ قايتا ورشىمەۋىنە كەپىلدىك ەتۋ كەرەك.
سۇن چۇنلان مىنالاردى اتاپ كورسەتتى: ىندەتتەن ساقتانۋدى جانە ونى تىزگىندەۋدى ويداعىداي ىستەۋ حالىق بۇقاراسىنىڭ ءومىرى، دەنساۋلىعى جانە الەۋمەتتىك حاۋىپسىزدىككە قاتىستى، ەكونوميكالىق، قوعامدىق دامۋدىڭ العى شارتى جانە نەگىزى. قازىر ىندەتتەن ساقتانۋ جانە ونى تىزگىندەۋدە كەلەلى ستراتەگيالىق تابىستارعا قول جەتتى، الايدا جاعداي ءالى دە كۇردەلى، قاتاڭ بولىپ وتىر، ءىشىنارا رايونداردا شوعىرلى تارالعان ىندەت ساقتانۋداعى ولقىلىقتار مەن ءالسىز بۋىنداردى اشىققا شىعاردى. جەر - جەر، تاراۋلار ىندەتتىڭ الدىن الۋدى ماڭىزدى ساياسي مىندەت ەتۋ، تيتتەي دە بوساڭسۋعا جانە تالەي سىناۋعا استە بولمايدى، جالپى جاعداي ءىشىنارا جاعدايدى باسقارۋعا تاباندى بولىپ، جالپى جاعدايدى تياناق ەتىپ، ساقتىقتان جازباي، ءتۇرلى ۇدايىلانعان ساقتانۋ ـ تىزگىندەۋ شارالارىن مىقتى، ەگجەي ـ تەگجەيلى، شىنايى يگەرۋ كەرەك.
سۇن چۇنلان مىنالاردى باسا دارىپتەدى: سىرتتان كىرۋدەن ساقتانۋدى ەڭ ماڭىزدى ورىنعا قويۋ كەرەك، ادام مەن زاتتىڭ قاتار الدىن الۋعا تاباندى بولىپ، الىستان ساقتانۋ، تىزگىندەۋ، شەكارادان كىرگەندەردى جابىق باسقارۋ سياقتى شارالاردى قاتاڭ تياناقتاندىرۋ كەرەك، يمپورت ەتىلەتىن سۋىق تىزبەكتى ازىق - تۇلىكتەردىڭ نۋكلەين قىشقىلىن تەكسەرۋ جانە الدىن الۋ سيپاتتى ديزەنفەكسيالاۋ كۇشەيتىلىپ، ىندەتتىڭ تارالۋ حاۋىپ - قاتەرىن تومەندەتۋ كەرەك. ەمدەۋ قۇرىلىمدارىن، وڭاشالانعان ورىنداردى قايتالاي تەكسەرىپ، ينفەكسيالانۋدان جانە ىندەتتىڭ تارالۋىنان باتىل ساقتانۋ كەرەك. مەكتەپ، قارتتاردى كۇتىمگە الۋ قۇرىلىمى، اۋىل شارۋاشىلىق ساۋدا بازارى سياقتى ءتۇيىندى ورىنداردىڭ ساقتانۋ جانە ونى تىزگىندەۋ شارالارىن تياناقتاندىرۋ، حاۋىپ - قاتەرى جوعارى ادامدار شوعىرىنا مەرزىم بويىنشا نۋكلەين قىشقىلىن تەكسەرۋ قىزمەتىن ورىستەتىپ، باقىلاۋ، ساقتاندىرۋ جانە ينفورماتسيا جاريالاۋدى ىرىقتى تۇردە ويداعىداي ىستەۋ كەرەك. شۇعىل جاعدايعا توتەپ بەرۋگە قاجەتتى زاتتىق ماتەريالداردى دايىنداۋ مەن تاربيەلەۋ، جاتتىعۋدى كۇشەيتىپ، ناقتى شايقاس قۋاتىن جوعارىلاتۋ كەرەك.
http://kazakh.people.com.cn/306614/15828752.html
