اۆتوبۋز بەكەتتەرىنىڭ ارالىعى وتە ۇزاق، مەترومەن جۇرگەندە الماسىپ وتىرۋ قاجەتتى بولعاندا، الىس جولمەن اينالىپ بارۋعا تۋرا كەلەدى، ينتەرنەت ارقىلى كولىك شاقىرۋ قولدانبالارىن مەڭگەرۋ «قيىن» ... قازىر قارتتاردىڭ ءجۇرىس – تۇرىسىنا قولايسىز جاعدايلار ءبىرشاما كورنەكتى، دەنساۋلىق جاعدايى ناشارلاۋ قارتتار جونىنەن ايتقاندا، «قاجەت بولماسا ءجۇرىس – تۇرىستى بارىنشا ازايتقاننان» باسقا شارا جوق.
قاتىناسى قولايلى، ءبىر «كودپەن» قاتىناي بەرۋگە بولاتىن قالانىڭ قاتىناس جۇيەسى جۇرتتىڭ ويلاعان جەرىنە جەتۋ تىلەگىن بارىنشا قاناعاتتاندىردى. الايدا، كوپتەگەن قارتتار جونىنەن ايتقاندا، ولاردىڭ مۇنداي ىلگەرىلەۋشىلىكتەن يگىلىكتەنە الۋى ەكىتالاي. ءبىر جاعىنان، كودتى جايمالاپ بەكەتكە كىرۋ، تەتىكتى باسىپ كولىك شاقىرۋ سىندى جاستار ءۇشىن جاي جۇمىس سەزىلەتىن ىستەر، ءىس جۇزىندە، بەلگىلى دەڭگەيدە تەحنيكالىق قيىندىعى بار ىستەر سانالادى. ءتۇرلى قاتىناس بايلىق قاينارلارى مەن تەحنيكالاردىڭ توعىسۋى بارعان سايىن تەرەڭدەگەن سايىن، «كوشتەن قالىپ قويعاندار» قول بۇلعاسا كولىك توقتامايتىن، «قىسىلعان سايىن كەرى باعاتىن» ىڭعايسىز جاعدايعا دۋشار بولۋدا.
ەندى ءبىر جاعىنان، قاتىناس قۇرىلعىلارى ۇنەمى «قاتتى بولشەكتەرگە» ءمان بەرىپ، «جۇمساق بولشەكتەرگە» جاي قارايدى. ءىشىنارا مەترو بەكەتتەرىندە ليفت جوق، ال، باسپالداقتاردىڭ كوپتىگى سول، نەشە ءجۇز باسپالداققا جەتەدى؛ ءىشىنارا ءتورت كوشەلەردەگى قىزىل – جاسىل شىراقتاردىڭ ۋاقىتى وتە قىسقا، جاياۋلار جولدان وتكەندە قادامىن تەزدەتۋىنە تۋرا كەلەدى، سونىمەن بىرگە، قيىس كوشەگە بۇرىلعان اۆتوكولىكتەردەن دە ساقتانا ءجۇرۋ ءتيىس. جاستاردىڭ ءوزى مۇنداي ىستەرگە رەنىش ءبىلدىرىپ جۇرگەندە، قارتتاردىڭ ۇنەمى قايتەرىن بىلمەي قالاتىنى داۋسىز. ادامدى مۇنان دا الاڭداتاتىن ءىس، جۇرتشىلىق اڭىسى الابىندا قارتتار ادەتتە اۋىر دارەجەدە «ءۇنسىز قالعان» توپ ساناتىنا جاتادى، قوعامنىڭ ولاردىڭ تالابىنا نازار اۋدارۋى مەن ماسەلەنىڭ كوكەيتەستىلىگى ۇنەمى تۋرا پروپورتسيونالدى ەمەس.
جىل باسىنان بەرى، بىرنەشە رەتكى اقپاراتتىق وقيعاعا بايلانىستى، كوپتەگەن ادامدار زەردەلىلەندىرۋ داۋىرىندە «قاتاردان قالىپ قويعان» قارتتاردى «كۇتە تۇرۋعا»، «جەدەل ريتىم» بارىسىنداعى «باياۋلاردىڭ قاجەتسىنۋىنە» ءمان بەرۋ جونىندە ۇندەۋ تاستادى. ايتا بەرسەك، ءتۇرلى تەحنيكالاردىڭ بارلىعىنىڭ دا ارتىقشىلىعى مەن كەمشىلىگى قاتار ءومىر سۇرەدى. ءبىز ادامدى نەگىز ەتۋگە تاباندى بولىپ، عىلىم – تەحنيكانىڭ ىزگىلىككە باعىتتالۋى جاعىندا ىزدەنىس جاساپ، تەحنيكانىڭ ءبىر ءبولىم ادامداردىڭ تۇرمىسىن «ارلەندىرۋمەن» بىرگە، تاعى ءبىر توپ ادامداردىڭ تۇرمىسىنا «قيىنشىلىق» تۋدىرۋىنان بارىنشا ساق بولۋىمىز كەرەك.
http://kazakh.people.com.cn/306614/15828661.html
