12 – ايدىڭ 2 – كۇنى ‐ 9 ـ رەتكى «مەملەكەتتىك قاتىناس حاۋىپسىزدىگى كۇنى». قوعام حاۋىپسىزدىگى مينيسترلىگى، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، ورتالىق وركەنيەت كەڭسەسى، وقۋ – اعارتۋ مينيسترلىگى، ءادىليا مينيسترلىگى، قاتىناس – تاسىمال مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى، كوممۋنيستىك جاستار وداعى ورتالىق كوميتەتى قاتارلى 8 تاراۋ تاياۋدا بىرلىكتە ۇقتىرۋ شىعاردى. جەر - جەر «حاۋىپ - قاتەردەن حاباردار بولىپ، حاۋىپ – قاتەردەن ساقتانىپ، حاۋىپسىز، وركەنيەتتى ساپار شەگەيىك» دەگەندى نەگىزگى تاقىرىپ ەتىپ ورنالاستىردى، 9 - رەتكى «مەملەكەتتىك قاتىناس حاۋىپسىزدىگى كۇنى» تاقىرىپتىق قيمىلىن بىرگە ۇيىمداستىرىپ ورىستەتەدى، جول قاتىناس شىرعالاڭىنان تۋ باستان ساقتانىپ جانە ونى ازايتىپ، الەۋمەتتىڭ ساپارعا شىعۋ حاۋىپسىزدىك سەزىمىن، باقىت سەزىمىن جانە تابىس سەزىمىن ونان ارى كۇشەيتەدى.
ۇقتىرۋدا مىنالار باسا دارىپتەلدى: جەر ـ جەر، تاراۋلار بىرلەسىپ قيمىلداپ، بىرگە ورنالاستىرىپ، بىرگە تياناقتاندىرىپ، قىزمەتتە بىرىككەن كۇش قالىپتاستىرۋ كەرەك. قوعام حاۋىپسىزدىگى قاتىناس باسقارۋ تاراۋلارى جول قاتىناس وقيعاسىنىڭ الدىن الۋ «مولشەرىن ازايتۋ، ءىرى شىرعالاڭداردى مەڭگەرۋ» قىزمەت ورنالاستىرۋىنا بىرىكتىرىپ، «التى ۇلكەن جوعارىلاتۋ ينجەنەرياسىن» زور كۇشپەن اتقاردى، ءتۇيىندى اۆتوموبيلدەردى، ءتۇيىندى ادامداردى، ءتۇيىندى رايونداردى قاداعالاپ، كۇز، قىس ماۋسىمىنىڭ ەرەكشەلىگىنە بىرلەستىرىپ، قاينار كوزىن، كومەسكى قاتەرلەردى الاستاۋ جانە زاڭعا قايشى ىستەردى ءتۇيىندى وڭاۋ قيمىلىن ورىستەتۋگە ۇيىمداستىرۋ كەرەك؛ ءادىليا اكىمشىلىك تاراۋلارى «4 - جەلتوقسان» مەملەكەتتىك نەگىزگى زاڭ كۇنى، مەملەكەتتىك «نەگىزگى زاڭدى ۇگىتتەۋ اپتالىعى» ۇگىت قيمىلىمەن بىرلەستىرىپ، الەۋمەتتىك اۋماقتارداعى كاسىپورىندارعا بارىپ، ۇنەمى كەزدەسەتىن قاتىناس حاۋىپسىزدىگى ماسەلەسىنە قاراتا زاڭدى جالپىلاستىرۋ ۇگىتىن جۇرگىزۋ كەرەك.
ۇقتىرۋدا مىنالار تالاپ ەتىلدى : جەر – جەر قوعامدى، جۇرتشىلىقتى جانە الەۋمەتتىك يگىلىك كۇشتەرىن بەلسەنە ات سالىسۋعا باۋراپ، قاتىناس حاۋىپسىزدىگىن بىرگە قۇرىپ، بىرگە جونگە سالىپ، تەڭ يگىلىكتەنۋدى ىلگەرىلەتۋ كەرەك. قاتىناس حاۋىپسىزدىگى ۇگىتىنىڭ الەۋمەتتىك يگىلىك سيپاتىنا تاباندى بولىپ، قاتىناس حاۋىپسىزدىگى ەرىكتى قىزمەت وتەۋ مەحانيزمىن جانە دە كەمەلدەندىرىپ، قاتىناس حاۋىپسىزدىگى ەرىكتىلەر قوسىنىن تولىقتاپ، قوعامدىق الەۋمەتتىك تۇلعالاردى ىقپالداسا تاراتۋعا ۇسىنىس ەتىپ، قاتىناس حاۋىپسىزدىگىن ۇگىتتەۋگە نازار اۋدارۋ مولشەرىن جوعارىلاتىپ، جالپى حالىق ات سالىساتىن قاتىناس حاۋىپسىزدىگى ۇگىت جاعدايىن قالىپتاستىرۋدى ىلگەرىلەتىپ، جول قاتىناس ورتاسىنىڭ باياندى ورنىقتىلىعىن قورعاپ، وركەنيەتتى قاتىناس قوعامدىق ورتاسىنىڭ ۇزدىكسىز جاقسارۋىنا بەرىك كەپىلدىك ازىرلەۋ كەرەك.
http://kazakh.people.com.cn/306614/15828651.html
