«گۋاڭجوۋ گازەتىنىڭ» حابارلاۋىنشا، جۋىردا، مەملەكەتتىك دەنساۋلىق ساقتاۋ – سالاماتتىق كوميتەتى تورابى «جابىعۋشىلىق ناۋقاسىنان ساقتانۋ جانە ونى ەمدەۋدەگى ەرەكشەلىككە يە قىزمەت وتەۋ قىزمەتىندە ىزدەنىس جاساۋ جوباسىن» جاريالاعان. بۇل جوبانىڭ ورتاعا قويىلۋى: «بۇدان بىلايعى جەردە، ءارقايسى ورتا مەكتەپتەر مەن جوعارى دارەجەلى مەكتەپتەردىڭ جابىعۋشىلىق ناۋقاسىن ساراپتاۋدى وقۋشىلاردىڭ دەنساۋلىعىن تەكسەرۋ مازمۇنىنا ەنگىزىپ، وقۋشىلاردىڭ پسيحولوگيالىق جاقتاعى دەنساۋلىق ارحيۆىن تۇرعىزىپ، وقۋشىلاردىڭ پسيحولوگيالىق دەنساۋلىق جاعدايىن باعالاپ، تەكسەرۋ ناتيجەسىندە قالىپسىزدىق بايقالعان وقۋشىلارعا ءتۇيىندى تۇردە ءمان بەرەتىن بولادى».
بۇگىنگى تاڭدا، جابىعۋشىلىق ناۋقاسىنىڭ جاستارعا قاراي ىرگە جايۋ بەتالىسىنىڭ كورنەكتىلەنە تۇسۋىنە بايلانىستى، قالىڭ وقىتۋشى – قىزمەتكەرلەر وقۋشىلار شوعىرىنداعى جابىعۋشىلىق ناۋقاسى ماسەلەسىنە بارعان سايىن ءمان بەرە باستادى. 2019 – جىلى 7 – ايدا، «جۇڭگو جاستارى گازەتىنىڭ» رەسمي ميكروبلوگى «ستۋدەنتتەر اراسىنداعى جابىعۋشىلىق اۋرۋىنا شالدىققاندار سانى جىل سايىن ارتۋدا، سەن وزىڭدە جابىعۋشىلىق جاعدايى بار دەپ قارايسىڭ با؟» دەگەن تاقىرىپتا ينتەرنەتتە ساۋالناما جاريالادى، ساۋالناما بارىسىندا وزىندە «جابىعۋشىلىق جاعدايى بار ءارى وتە اۋىر» دەگەندى تاڭداعانداردىڭ سالىستىرماسى ويلاماعان جەردەن %27.6 كە جەتكەن، مۇنان سىرت، كوپتەگەن توردوستار لەبىز قالدىرىپ، وزدەرىنىڭ جابىعۋشىلىق اۋرۋىنىڭ ازاپتاۋىنا ۇشىراعان «پسيحولوگيالىق كەشىرمەلەرىن» بايانداعان. وقۋشىلاردىڭ پسيحولوگيالىق اقاۋسىزدىعى ماسەلەسى ءسوزسىز بارىنشا ءمان بەرۋگە ءتيىستى قادامعا جەتكەن، جابىعۋشىلىق ناۋقاسىنا شالدىققان جاستاردىڭ پسيحولوگيالىق جاقتا قيىن جاعدايدان ارىلۋىنا كومەكتەسۋ كەزەك كۇتتىرمەيتىن مىندەتكە اينالدى.
ءبىز مىنانى ايقىن تانىپ جەتۋىمىز كەرەك: جابىعۋشىلىق ناۋقاسى جونىندە مەديتسينالىق دياگنوز قويۋدىڭ قاتاڭ ولشەمى بار، كوپتەگەن توردوستاردىڭ ويلاعانىنداي، تەك كوڭىل – كۇيى جاقسى بولماسا، ىشتەي شەكتەۋگە ۇشىراعانداي بولسا بولعانى جابىعۋشىلىق اۋرۋىنا شالدىققان ەسەپتەلمەيدى. بۇگىنگى تاڭدا، ينتەرنەتتە «جابىعۋشىلىق اۋرۋىن تەكسەرۋ كەستەلەرى» كوپتەپ تارالۋدا، الايدا، ينتەرنەتتەگى تەكسەرۋ كەستەلەرىنىڭ كوبىنىڭ عىلىميلىعىن دالەلدەۋدىڭ مۇمكىندىگى جوق. سوندىقتان، پسيحولوگيالىق كۇيدىڭ ءبىر مەزەتتىك جاقسى بولماۋىن جابىعۋشىلىق اۋرۋى دەپ ساناۋعا، وسىعان بايلانىستى ۇرەيلەنۋگە بولمايدى، بۇلاي ىستەگەندە پسيحولوگيالىق ماسەلەنى شەشىم ەتۋگە ەشقانداي كومەگى تيمەستەن، قايتا پسيحولوگيالىق جاقتا اناعۇرلىم كوپ «قوسىمشا ماسەلەلەردى» تۋىنداتادى.
http://kazakh.people.com.cn/158373/15828523.html
