قىلمىستىق ىستەر زاڭىنىڭ وزگەرىس ەنگىزىلگەن (ون ءبىرىنشى) جوبا نۇسقاسىنىڭ 3 – رەتكى قارالاتىن نۇسقاسى 12 – ايدىڭ 22 – كۇنى بۇكىل مەملەكەتتىك حالىق قۇرىلتايى تۇراقتى كوميتەتىنىڭ ماجىلىستە تەكسەرىپ قاراۋىن ۇسىنىس ەتتى. قوعام جاپپاي نازار اۋدارىپ وتىرعان تومەن جاستاعى ازامات جاسىنا تولماعانداردىڭ قىلمىس وتكىزۋ ماسەلەسىنە قاراتا، 3 – رەتكى قارالاتىن نۇسقاسىندا زاڭدا بەلگىلەنگەن قىلمىستىق ىستەر جاۋاپكەرشىلىگىن قۋزاستىرۋدىڭ ەڭ تومەنگى جاس شەكتەمەسىنە قاتىستى بەلگىلەمەلەردى ىشكەرىلەي كەمەلدەندىردى.
مەملەكەتتىك حالىق قۇرىلتايى تۇراقتى كوميتەتى ءماجىلىسى بيىل 10 – ايدا قىلمىستىق ىستەر زاڭىنىڭ وزگەرىس ەنگىزىلگەن (ون ءبىرىنشى) جوبا نۇسقاسىنىڭ 2 – رەتكى قارالاتىن نۇسقاسىندا بىلاي دەپ بەلگىلەدى: 12 جاسقا تولعان 14 جاسقا تولماعانداردىڭ قاساقانا ادام ٶلتىرۋ، قاساقانا جارالاۋ قىلمىسىن وتكىزۋىنەن ادام ولسە، جاعدايى جيىركەنىشتى بولسا، ەڭ جوعارى حالىق پروكۋراتۋراسىنىڭ تەكسەرىپ بەكىتۋىمەن، قىلمىستىق ىستەر جاۋاپكەرشىلىگىن ارقالايدى. حابارعا قاراعاندا، كەيبىر تۇراقتى كوميتەت مۇشەلەرى، حالىق قۇرىلتايى ۋاكىلدەرى اتالعان بەلگىلەمەنىڭ شەگى ادامنىڭ ولۋىنە اپارىپ سوعاتىن جاعدايمەن شەكتەلەدى ەكەن، ەرەكشە قانقۇيلى تاسىلمەن ادام جارالاپ اۋىر مۇگەدەك بولۋىنا سەبەپكەر بولعانداردىڭ دا قىلمىستىق ىستەر جاۋاپكەرشىلىگىن قۋزاستىرۋ كەرەك دەگەندى ورتاعا قويدى.
بۇل جوبا نۇسقانىڭ 3 – رەتكى قارالاتىن نۇسقاسىندا بىلاي دەپ رەتتەلدى: 12 جاسقا تولعان 14 جاسقا تولماعانداردىڭ قاساقانا ادام ٶلتىرۋ، قاساقانا جارالاۋ قىلمىسىن وتكىزۋىنەن ادام ولسە نەمەسە ەرەكشە قانقۇيلى تاسىلمەن ادام جارالاپ اۋىر مۇگەدەك بولۋىنا سەبەپكەر بولسا، جاعدايى جيىركەنىشتى بولسا، ەڭ جوعارى حالىق پروكۋراتۋراسىنىڭ ۇستەمە ارىز بەرۋدى بەكىتۋىنەن وتكىزۋ ارقىلى قىلمىستىق ىستەر جاۋاپكەرشىلىگىن ارقالاۋى كەرەك.
جوبا نۇسقانىڭ 2 – رەتكى قارالاتىن نۇسقاسىندا قوسىلعان باسقالاردىڭ اتىنان پايدالانۋ، باسقالاردىڭ اتىن جامىلۋ، باسقالاردىڭ ورنىنا ءتۇسۋ ارقىلى جوعارى دارەجەلى وقۋ – اعارتۋعا قابىلدانۋ تولىمدىلىعى، ۇكىمەت قىزمەتكەرلىگىنە قابىلدانۋ تولىمدىلىعى، كاسىپتەنۋ ورنالاستىرۋ مامىلەسىنە قول جەتكىزۋ قىلمىسى بەلگىلەمەسىنە كەيبىر تۇراقتى كوميتەت مۇشەلەرى مەملەكەتتىك ورگان قىزمەتكەرلەرىنىڭ باسقالاردىڭ ورنىنا تۇسۋىنە جول كورسەتكەن نەمەسە كومەكتەسىپ اتقارۋ ارەكەتىنە قاراتا زاڭنىڭ لايىقتى قولدانىلۋى مەن قاتاڭ ءبىر جاقتىلى ەتىلۋى جونىندە ىشكەرىلەي ايقىنداۋ كەرەك دەپ ۇسىنىس بەردى. جوبا نۇسقانىڭ 3 – رەتكى قارالاتىن نۇسقاسىندا وسى جاڭادان قوسىلعان بەلگىلەمەگە مەملەكەتتىك ورگان قىزمەتكەرلەرىندە الدىڭعى ەكى ارەكەت بار بولسا، سونىمەن بىرگە باسقا دا قىلىمستىق ارەكەتتەردى قالىپتاستىرسا، بىرنەشە قىلمىسىن قوسىپ جازالاۋ بەلگىلەمەسى بويىنشا جازالاۋ بەلگىلەندى.
http://kazakh.people.com.cn/306611/15833638.html
