جۇمىسشىلار گازەتىنىڭ ءتىلشىسى ياڭ جاۋكۇي 9 – ايدىڭ 21 – كۇنى بەيجيڭنەن حابارلايدى. جۇڭگو تۇتىنۋشىلار بىرلەستىگى 9 – ايدىڭ 21 – كۇنى قورا – جاي سالاسىنداعى تەڭسىز توقتام تارماقتارىن جاريالادى، بۇل توقتام تارماقتارى ءۇي اشەكەيلەۋ سەرىكتەستىكتەرىنىڭ ماتەريال اقىسىن تۇتىنۋشىلارعا تولەتۋى، قوجالىق قىزمەت وتەۋ سەرىكتەستىگىنىڭ قوجالىق ىستەردى باسقارۋ قاراجاتىنان سىرت، الەۋمەتتىك قاراجاتتى مۇلىك يەلەرىنىڭ ءبولىپ تولەۋىن تالاپ ەتۋى قاتارلىلارعا سايادى.
ءىس جۇزىندە، كەيبىر قورا – جاي سەرىكەستىكتەرى توقتامعا «جوبالاۋداعى وزگەرىس، اۋا رايى وزگەرىسى قاتارلى سەبەپتەردەن توقتامدا بەلگىلەنگەن ۋاقىتتا تاۋارلىق ءۇيدى پايدالانۋشىعا تاپسىرىپ بەرە الماسا، ساتۋشى جاق توقتامعا قايشى كەلۋ جاۋاپكەرشىلىگىن ارقالامايدى» دەگەن تارماقتى قوسىپ قويادى.
وسى جونىندە، جۇڭگو تۇتىنۋشىلار بىرلەستىگى اتالعان توقتام تارماعىنىڭ ىرىق بەرمەيتىن كۇش جونىندەگى العى شارتتى الباتى پايدالانۋى بولىپ سانالادى. ەگەر تيجاراتشى جاق جوبالاۋ سەبەبىنەن ءۇيدى ۋاقىتىندا تاپسىرا الماسا، توقتامعا قايشىلىق جاساعان سانالادى، توقتامعا قايشىلىق جاساۋ جاۋاپكەرشىلىگىن ارقالاۋى كەرەك.
اشەكەيلەۋ سالاسىندا، كەيبىر اشەكەيلەۋ سەرىكەستىكتەرى توقتامعا «اشەكەيلەۋ جۇمىسى اتقارىلىپ جاتقان مەزگىلدە، A جاق (تۇتىنۋشى) ساتىپ العان ماتەريالداردى پايدالانىپ، B جاق (اشەكەيلەۋ سەرىكتەستىگى) اتقارىپ جاتقان نىساندا، ەگەر B جاقتىڭ قۇرىلىس جۇرگىزۋى سەبەبىنەن ساپادا ماسەلە بايقالسا، B جاق جوندەۋگە كەپىلدىك ەتۋ مەزگىلىندەگى ەڭبەككۇش ىستەتۋ قاراجاتىنا جاۋاپتى بولادى، ماتەريال قاراجاتىنا A جاق جاۋاپتى بولادى» دەگەن تارماقتى قوسادى.
وسى جونىندە، جۇڭگو تۇتىنۋشىلار بىرلەستىگى مىنانى اتاپ كورسەتتى: اشەكەيلەۋ بارىسىندا، قۇرىلىس جۇرگىزۋ سەبەبىنەن ساپا ماسەلەسى بايقالعان كەزدە، ۇنەمى ءىشىنارا بولىگىن بۇزۋ نەمەسە اشەكەيلەۋگە پايدالانعان بارلىق ماتەريالداردى قايتادان ورناتۋ قاجەت بولادى. بۇزۋ بارىسىندا، اسىلگى اشەكەيلەۋ ماتەريالدارىنىڭ ءبىر ءبولىمى ءبۇلىنۋى نەمەسە تۇگەل ءبۇلىنۋى مۇمكىن. تۇتىنۋشىلاردىڭ وزدەرى ساتىپ العان ماتەريال جەكە باسىنىڭ مال – مۇلكى سانالادى، تيجاراتشىلار قۇرىلىس جۇرگىزۋ ساپاسىنىڭ تولىمسىزدىعى سەبەبىنەن تۇتىنۋشىلارعا زيان جەتكىزگەن بولسا، تيجاراتشىلار بۇل زياندى تۇگەل ارقالاۋى كەرەك. جوعارىداعى تارماق تيجاراتشىلاردىڭ ارقالاۋعا ءتيىستى جاۋاپكەرشىلىگىن جەڭىلدەتكەن، تەڭسىز توقتام تارماعى سانالادى.
قوجالىق قىزمەت وتەۋدى باسقارۋ جاعىندا، قوجالىق قىزمەت وتەۋ سەرىكتەستىگى توقتامدا «قوجالىق ۋنيۆەرسال قىزمەت وتەۋ اقىسى كورىنىستىك سۋ جۇيەسى قاتارلى الەۋمەتتىك ەنەرگيا شىعىنىنا كەتەتىن قاراجاتتاردى قامتىمايدى، كورىنىستىك سۋ جۇيەسىن ىسكە قوسقانداعى سۋ مەن ەلەكتر قاراجاتىن مۇلىك يەلەرى ءىس جۇزىندىك شىعىنعا قاراي ءبولىپ تولەيدى» دەگەن بەلگىلەمەنى قوسادى. بۇل جونىندە، جۇڭگو تۇتىنۋشىلار بىرلەستىگى مىنانى اتاپ كورسەتتى: قوجالىق قىزمەت وتەۋدى باسقارۋ جاعىندا كورىنىستىك قۇرىلعىلار قاتارلىلاردى قامتىعان الەۋمەتتىك قۇرىلىعىلار مەن الاڭدار قامتىلۋى كەرەك.
