 |
مىسال دەلو
سارقىت پەن گۇلدانا ماحابباتتاسىپ جۇرگەن جاستار. سارقىتتىڭ اناسى گۇلسىم گۇلدانانى قاتتى ۇناتقاندىقتان، ءوزىنىڭ اتا – باباسىنان قالعان كوك جاقۇت بىلەزىگىن گۇلداناعا بەرەمىن دەپ تالاي ايتقان، ءبىراق، ءىس جۇزىندە بەرمەي كەلگەن. كەيىن گۇلدانا مەن سارقىت ەكەۋىنىڭ مىنەزى سايكەسپەگەندىكتەن ايرىلىسقان، گۇلسىمنىڭ تارتۋ بەرۋدى كۇشىنەن قالدىرۋىنا بولا ما؟
دەلو ارقىلى زاڭدى ءتۇسىندىرۋ
بولادى. ازاماتتىق زاڭنامانىڭ 658 – تارماعىنىڭ 1 – تارماقشاسىندا بىلاي دەپ بەلگىلەنگەن: تارتۋ ەتۋشىنىڭ تارتۋ ەتكەن مال – مۇلىك ۇقىعى اۋىسۋدان بۇرىن تارتۋ ەتۋدى كۇشىنەن قالدىرۋىنا بولادى. الايدا، كوڭىل بولۋگە ءتيىستى ءىس، ازاماتتىق زاڭنامانىڭ 658 – تارماعىنىڭ 2 – تارماقشاسىندا بىلاي دەپ بەلگىلەنگەن: الەۋمەتتىك كۋالاندىرىلعان تارتۋ ەتۋ توقتامىنا نەمەسە زاڭ بويىنشا كۇشىنەن قالدىرۋعا بولمايتىن اپاتتان قۇتقارۋ، كەدەيلەردى سۇيەمەلدەۋ، مۇگەدەكتەرگە كومەكتەسۋ سىندى يگىلىكتىك، ءمورالدىق بورىش سيپاتىنا يە تارتۋ ەتۋ توقتامىنا الدىڭعى تارماقشاداعى بەلگىلەمە قولدانىلمايدى.
