شينحۋا
اگەنتتىگىنىڭ 12 - ايدىڭ 1 - كۇنى بۋەنوس - ايرەستەن بەرگەن حابارى (تىلشىلەر لو
جۇن، چىن جى). جەرگىلىكتى ۋاقىت 11 - ايدىڭ 30 - كۇنى تۇستەن كەيىن جانە 12 - ايدىڭ
1 - كۇنى تۇستەن بۇرىن، 20 ەل توبى باسشىلارىنىڭ 13 - رەتكى باس قوسۋى ارگەنتينانىڭ
بۋەنوس - ايرەس قالاسىندا ۇزدىكسىز وتكىزىلدى. مەملەكەت ءتوراعاسى شي جينپيڭ
قاتىناستى.
ساۋدا
ماسەلەسىن تالقىلاعاندا، شي جينپيڭ مىنانى اتاپ كورسەتتى: بىرىنشىدەن، 20 ەل
توبىنىڭ مۇشەلەرى ەسىك اشۋ بەتالىسىنا تاباندى بولىپ، ەركىن ساۋدا ۇستانىمىنان
جازباي، بازاردى اشۋدى ساقتاپ جانە كەڭەيتىپ، ءبىرىنىڭ جوعىن ءبىرى تولىقتاپ،
ارتىقشىلىقتارىمەن ءوزارا تولىقتاۋ بارىسىندا سەلبەستىك جاساسىپ، تەڭ يگىلىككە
كەنەلۋدى جۇزەگە اسىرۋ كەرەك. ەكىنشىدەن، سيىسىمدى بولۋ بەتالىسىنا تاباندى بولىپ،
حالىقارالىق ساۋدانىڭ كولەمىن بىرگە زورايتىپ، ەكونوميكانىڭ جاھاندانۋىنىڭ ءار
ەلدەگى، ءار جىكتەگى حالىققا اناعۇرلىم ويداعىداي تيىمدىلىك جاساۋىنا مۇمكىندىك
جاساۋ كەرەك. ۇشىنشىدەن، ەرەجە بەتالىسىنا تاباندى بولىپ، حالىقارالىق ساۋدانىڭ
اقاۋسىز دامۋىنا ورنىقتى، مەجەلەۋگە بولاتىن ەرەجە جانە ءتۇزىم ورتاسىن دايىنداۋ
كەرەك. 20 ەل توبىنىڭ حالىقارالىق ەكونوميكالىق سەلبەستىكتىڭ باستى تالقى مىنبەرى
رەتىندە، ءتيىمدى حالىقارالىق ساۋدا ورتاسىن قالىپتاستىرۋدا ساياسي جەتەكشى رولىن
ساۋلەلەندىرۋىنە بولادى.
كليمات
وزگەرىسى جونىندە، شي جينپيڭ مىنانى اتاپ كورسەتتى: كليمات وزگەرىسى ادامزاتتىڭ
بولاشاعى مەن تاعدىرىنا قاتىستى ماڭىزدى سايىس، ءبىز جۇدىرىقتاي جۇمىلىپ بىرگە
توتەپ بەرۋىمىز كەرەك. 11 - ايدىڭ 30 - كۇنى جۇڭگو، فرانسيا، ب م ۇ بىرگە قاتىستى
قيمىل وتكىزىپ، «پاريج كەلىسىمىن» تياناقتاندىرۋداعى بەرىك ۋادەسىن قايتالاي
دارىپتەپ، كليمات وزگەرىسىنە توتەپ بەرۋدىڭ حالىقارالىق سەلبەستىگىن ىلگەرىلەتۋدىڭ
كۇشتى سيگنالىن تاراتتى. ءبىز ادامزاتتىڭ تاعدىرلاس ورتاق تۇلعاسىن قۇرۋ
جاۋاپكەرشىلىك سەزىمىندە بولا وتىرىپ، كليمات وزگەرىسىنە توتەپ بەرۋدىڭ حالىقارالىق
سەلبەستىگىنە ۇزدىكسىز ساياسي قوزعاۋشى كۇش ۇسىنۋىمىز كەرەك. تاراپتار «ب م ۇ - نىڭ
كليمات وزگەرىسى جۇلگەلىك شارتىنداعى» جانە «پاريج كەلىسىمىندەگى» ۋادەسىن
بۇلجىتپاي ورىنداپ، 2020 - جىلعا دەيىنگى قيمىل سەرپىنىن كۇشەيتىپ، جەر شارىنىڭ
جاسىل، تومەن كومىرتەكتى بولۋعا قاراي بۇرىلىس جاساۋىن ىلگەرىلەتۋ كەرەك. دامىعان
ەلدەر 2020 - جىلعا جەتكەندە جىلىنا 100 ميلليارد دوللار قارجى قۇراۋ ۋادەسىن
ورىنداپ، وركەندەپ كەلە جاتقان ەلدەرگە وزىق تەحنيكالارىن وتكەرمەلەپ، ولاردىڭ
كليمات وزگەرىسىنە توتەپ بەرۋ قابىلەتىن جوعارىلاتۋىنا كومەكتەسۋ كەرەك. جۇڭگو جاق
«ب م ۇ - نىڭ كليمات وزگەرىسى جۇلگەلىك شارتى» كاتوۆيز جينالىسىنىڭ اتقارۋ ەرەجەسى
جونىندەگى كەلىسسوز سىندى وزەكتى مىندەتتى ۋاعىندا ورىنداپ، «پاريج كەلىسىمىندە»
اشىق جازىلعان «ورتاق، الايدا پارىقتى جاۋاپكەرشىلىك ارقالاۋ» جانە ءارقايسىنىڭ ءوز
قابىلەتىنە قاراۋ پرينسيبىن ناقتاپ تياناقتاندىرىپ، ازايتۋ، سايكەسۋ، قارجى،
تەحنيكا سياقتى ءتۇرلى جاقتاردا ىلگەرىلەۋشىلىكتەرگە قول جەتكىزۋىن ىلگەرىلەتۋىن
ءۇمىت ەتەدى. جۇڭگو جاق ءارقايسى جاقپەن بىرگە قۇلشىنىپ، تيەسىلى ۇلەس قوسۋدى
قالايدى.
جەرگىلىكتى
ۋاقىت ساعات 14 تەن 15 مينۋت مولشەرىندە، باسشىلار باس قوسۋى جابىلدى.
باسشىلار
باس قوسۋى «20 ەل توبى باسشىلارىنىڭ بۋەنوس - ايرەستەگى باس قوسۋ جارناماسىن»
ماقۇلدادى.
ياڭ جيەچى،
ۋاڭ ي قاتارلىلار جوعارىداعى قيمىلدارعا قاتىناستى.
