شي جينپيڭ ارگەنتينانىڭ «ازاتتىق الىپ بەرۋشى سان مارتين ۇلكەن القا وردەنىن» قابىلدادى

«حالىق گازەتى»، 12 – ايدىڭ 2 - كۇنى، بۋەنوس - ايرەس (تىلشىلەر گۋان كىجياڭ، دۋ شاڭزى). سول جەر ۋاقىتى بويىنشا 12 – ايدىڭ 2 – كۇنى مەملەكەت ءتوراعاسى شي جينپيڭ بۋەنوس – ايرەستە ارگەنتينانىڭ پرەزيدەنتى ماكري تابىستاعان «ازاتتىق الىپ بەرۋشى سان مارتين ۇلكەن القا وردەنىن» قابىلدادى.

وردەن بەرۋ سالتى پرەزيدەنت سارايىندا وتكىزىلدى. جۇرگىزۋشى «اكىمشىلىك جارلىقتى» وقىعان سوڭ ماكري شي جينپيڭگە «ازاتتىق الىپ بەرۋشى سان مارتين ۇلكەن القا وردەنىن» تابىستادى. بۇل وردەن ارگەنتينانىڭ مەملەكەت اتاسى سان مارتين اتىمەن اتالعان، ارگەنتينا ۇكىمەتىنىڭ شەتەل ازاماتتارىنا سيلايتىن ەڭ جوعارى مارتەبەسى، ونى مەملەكەت باسشىسى تىكەلەي تابىستايدى.

ماكري سوزىندە جۇڭگونىڭ شي جينپيڭنىڭ باسشىلىعىندا زور دامۋ تابىسىنا قول جەتكىزگەنىن القادى، ارگەنتينا – جۇڭگو قاتىناسىن، سونداي – اق جۇڭگونىڭ دۇنيە ءجۇزىنىڭ بەيبىتشىلىگىن قورعاۋدا، بىرگە دامۋدى جەبەۋدە قوسقان ماڭىزدى ۇلەسىن جوعارى باعالادى.

شي جينپيڭ سوزىندە بىلاي دەدى: پرەزيدەنت ماكري ماعان «ازاتتىق الىپ بەرۋشى سان مارتين ۇلكەن القا وردەنىن» تابىستادى، مەن بۇنى اسا ماقتانىش سەزىنەمىن. بۇل وردەن ارگەنتينا حالقىنىڭ تاۋەلسىزدىككە، ءوز – وزىنە قوجا بولۋعا تالپىنعان ۇلت رۋحىنىڭ سيمۆولى، بۇندا ارگەنتينانىڭ جۇڭگو حالقىنا دەگەن تەرەڭ دوستىعى جاتىر. بۇل داڭق جەكە ماعان ءتان بولۋمەن بىرگە، جۇڭگو مەن ارگەنتينانىڭ دوستىعىنا ەڭبەكتەنىپ تەر توككەن دوس قايراتكەرلەرگە دە ءتان. مەن بۇل تاماشا دوستىقتى ماڭگى قاستەرلەيمىن.

كەلۋ قاينارى: حالىق تورابى