مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى، لي كىچياڭ زۇڭلي سەرت بەرۋدى باقىلادى

شينحۋا اگەنتتىگى، 11 – ايدىڭ 20 - كۇنى، بەيجيڭ. مەملەكەتتىك كەڭەس 11 – ايدىڭ 20 - كۇنى جۇڭنانحايدا نەگىزگى زاڭعا سەرت بەرۋ سالتىن وتكىزدى. مەملەكەتتىك كەڭەستىڭ زۇڭليى لي كىچياڭ سەرت بەرۋدى باقىلادى.

جۇڭحۋا حالىق رەسپۋبليكاسىنىڭ نەگىزگى زاڭىنا» جانە «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىن نەگىزگى زاڭعا سەرت بەرۋگە ۇيىمداستىرۋ ادىسىنە» ساي، 2018 – جىلى 4 - ايدان 10 - ايعا دەيىن مەملەكەتتىك كەڭەس تاعايىنداعان 40 تاراۋ مەن ورىننىڭ 59 جاۋاپتىسى نەگىزگى زاڭعا زاڭ بويىنشا سەرت بەردى.

تۇستەن بۇرىن ساعات 11 دە مەملەكەت ىستەرى مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە نەگىزگى زاڭعا سەرت بەرۋ سالتىنىڭ باستالعانىن جاريالادى. بارلىق ادام ورنىنان تۇرىپ، جۇڭحۋا حالىق رەسپۋبليكاسىنىڭ گيمنىن بىرگە شىرقادى. وسىدان كەيىن سەرت بەرۋشىلەردىڭ باستاماشىسى قولىن نەگىزگى زاڭنىڭ ۇستىنە قويىپ، سەرتتى وقىدى. باسقا دا سەرت بەرۋشىلەر قاتار ءتىزىلىپ، وعان ىلەسىپ وقىدى.

سەرت بەرۋ اياقتاعاننان كەيىن، لي كىچياڭ كوپشىلىكتەن مىنانى تالاپ ەتتى: نەگىزگى زاڭعا ادال بولىپ، مىندەتتى زاڭ بويىنشا وتەپ، ناقتى ىستەپ، جاۋاپكەرلىك ارقالاپ، پاك، تەجەمدى بولىپ، ءوز قىزمەتىن قىزۋ ىنتامەن، جاۋاپكەرلىكپەن ىستەپ، بۇقارا ءۇشىن ايانباي يگى ءىس ىستەپ، قيىن ىستەردى شەشىپ بەرۋ كەرەك. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى مەن پارتيا 19 – قۇرىلتايىنىڭ رۋحىن جاپپاي دايەكتىلەندىرىپ، «ءتورت تانىمدى» كۇشەيتىپ، قاجىماي – تالماي قۇلشىنىپ، ەكونوميكانى، قوعامدى ءۇرتىس ورنىقتى، اقاۋسىز دامىتىپ، حالىق پەن تاريحتىڭ سىنىنان وتە الاتىن جاۋاپ قايتارۋ كەرەك.

كەلۋ قاينارى: حالىق تورابى