شي جينپيڭ فيليپپيننىڭ قاۋىم پالاتاسىنىڭ باستىعى ارويومەن جانە كەڭەس پالاتاسىنىڭ باستىعى سوتومەن كەزدەستى

«حالىق گازەتى»، 11 – ايدىڭ 21 – كۇنى، مانيلا (تىلشىلەر ۋاڭ شياۋدۇڭ، ۋاڭ يۇنسۇڭ). مەملەكەت ءتوراعاسى شي جينپيڭ 11 – ايدىڭ 21 – كۇنى مانيلادا فيليپپيننىڭ قاۋىم پالاتاسىنىڭ باستىعى ارويومەن جانە كەڭەس پالاتاسىنىڭ باستىعى سوتومەن كەزدەستى.

شي جينپيڭ ارويو مەن سوتونىڭ جۇڭگو حالقىنىڭ بايىرعى دوسى جانە جاقسى دوسى بولىپ، ۇزاق ۋاقىتتان بەرى جۇڭگو مەن فيليپپيننىڭ دوستىق ىستەرى ءۇشىن قىرۋار قىزمەت ىستەگەنىن القادى. شي جينپيڭ بىلاي دەدى: تاياۋ جىلداردان بەرى جۇڭگو – فيليپپين قاتىناسىندا تىڭ ومىرشەڭدىك كۇش پايدا بولدى، اينالسوقتاۋدان، بەكەمدەلۋدەن جوعارى دارەجەگە ءوتۋ سىندى قارىشتاپ دامۋ جۇزەگە اسىپ، ەكى ەل حالىقتارىنا باقىت سيلاپ، وڭىرلىك بەيبىتشىلىك پەن ورنىقتىلىق جەبەلدى. كەشە پرەزيدەنت دۋتەرت ەكەۋىمىز جۇڭگو مەن فيليپپيننىڭ جالپى بەتتىك ستراتەگيالىق سەلبەستىك قاتىناسىن ورناتۋدى ءبىر اۋىزدان ۇيعارىپ، ەكى ەل قاتىناسىن دامىتۋعا جول نۇسقادىق. ءبىز وسى دۇرىس جولمەن العا تارتىپ، ماندىك سەلبەستىكتى تەرەڭدەتىپ، ەكى جاقتى قاتىناستىڭ زاتتىق نەگىزىن بەكەمدەۋىمىز، گۋمانيتارلىق اۋىس – كۇيىستى كۇشەيتىپ، ەكى جاقتى قاتىناستىڭ حالىق تىلەگى نەگىزىن نىعايتۋىمىز، نانحاي تەڭىزى ماسەلەسىن ويداعىداي ءبىر جاقتى ەتىپ، ەكى جاقتى قاتىناستىڭ دۇرىس باعىتپەن دامۋىندا تاباندى بولۋىمىز، ورتاق داميتىن تاتۋ كورشى، تاماشا سەرىكتەر بولۋىمىز كەرەك.

كەلۋ قاينارى: حالىق تورابى