جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىندا جاسالعان بايانداما

日期:2017年11月30日
来源:天山网
【字体:

جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك

  (2017 - جىلى 10-ايدىڭ 18-كۇنى)

  شي جينپيڭ

  18 - قازاندا شي جينپيڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىندا بايانداما جاسادى

  جولداستار:

  قازىر مەن پارتيا 18 - كەزەكتى ورتالىق كوميتەتى اتىنان قۇرىلتايعا بايانداما جاسايمىن.

  جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى − جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە اشىلعان ءبىر رەتكى توتەنشە ماڭىزدى قۇرىلتاي.

  قۇرىلتايدىڭ باستى تاقىرىبى: العاشقى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ.

  العاشقى ماقساتتى ۇمىتپاعاندا عانا، ءىستىڭ سوڭى باياندى بولادى. جۇڭگو كوممۋنيستەرىنىڭ العاشقى ماقساتى مەن بورىشى جۇڭگو حالقىنىڭ باقىتىن كوزدەپ، جۇڭحۋا ۇلتىنىڭ گۇلدەنۋىن كوكسەۋ بولدى. وسى العاشقى ماقسات پەن بورىش − جۇڭگو كوممۋنيستەرىن ۇزدىكسىز العا باسۋعا جىگەرلەندىرەتىن ءتۇبىرلى قوزعاۋشى كۇش. بۇكىل پارتياداعى جولداستار، ءسوزسىز، حالىقپەن ماڭگى تىنىستاس، تاعدىرلاس، تىلەكتەس بولىپ، حالىقتىڭ تاماشا ومىرگە دەگەن تالپىنىس - تىلەگىن ماڭگى كۇرەس نىساناسى ەتىپ، ەشقاشان دا مويىمايتىن رۋحاني كۇيمەن جانە العان بەتىنەن قايتپايتىن كۇرەس جۇرگىزۋ قالپىمەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ۇلى نىساناعا قاراي ۇزدىكسىز ەرلىكپەن العا باسۋ كەرەك.

  قازىر ىشكى - سىرتقى جاعدايدا تەرەڭ دە كۇردەلى وزگەرىستەر تۋىلۋدا، ەلىمىزدىڭ دامۋى كەلەلى ستراتەگيالىق وراي مەزگىلىندە تۇر، بولاشاعى اسا نۇرلى، ءدوپ كەلگەن سىندار دا توتەنشە اۋىر. بۇكىل پارتياداعى جولداستار، ءسوز جوق، بيىكتە تۇرىپ، ۇزاققا كوز جىبەرىپ، زەينەتتى كۇندە بەينەتتى كۇننىڭ بولارىن ويلاپ، وزگەرىس جاساۋعا، جاڭالىق اشۋعا باتىل بولىپ، قاتىپ - سەمۋدەن، توقىراپ قالۋدان ماڭگى اۋلاق بولىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قۇلشىنا قول جەتكىزۋ كەرەك.

      1. وتكەن 5 جىلداعى قىزمەتتەر مەن تاريحي وزگەرىستەر

  18 - قۇرىلتايدان بەرگى 5 جىل − پارتيا مەن مەملەكەتتىڭ دامۋىنداعى تىم ەرەكشە 5 جىل. دۇنيە ءجۇزى ەكونوميكاسىنىڭ جاندانۋى ءالسىز بولعان، ءىشىنارالىق قاقتىعىس پەن دۇربەلەڭ اۋىق - اۋىق تۋىلعان، جەر شارىندىق ماسەلەلەر اسقىنعان سىرتقى ورتاعا مەڭزەس، ەلىمىزدىڭ ەكونوميكالىق دامۋى جاڭا قالىپتى جاعدايعا ءوتۋ سىندى ءبىر قاتار تەرەڭ وزگەرىستەرگە ءدوپ كەلگەن جاعدايدا، ءبىز قىزمەتتى ورنىقتىلىق بارىسىندا ىلگەرىلەتۋ سىندى نەگىزگى اۋەننەن جازباي، قيىنشىلىقتان تايسالماي، ءورىس اشا ىلگەرىلەپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا تاريحي سيپاتتى تابىستارعا قول جەتكىزدىك.

  18 - قۇرىلتايدىڭ رۋحىن دايەكتىلەندىرۋ ءۇشىن، پارتيا ورتالىق كوميتەتى 7 رەت جالپى ءماجىلىس اشىپ، ۇكىمەتتىڭ قۇرىلىم رەفورماسى مەن فۋنكتسياسىنا بۇرىلىس جاساۋ، رەفورمانى جاپپاي تەرەڭدەتۋ، مەملەكەتتى زاڭمەن باسقارۋدى جاپپاي ىلگەرىلەتۋ، «13 - بەسجىلدىق» پلاندى جاساۋ، پارتيانى جاپپاي قاتاڭ باسقارۋ سياقتى كەلەلى ماسەلەلەر جونىندە شەشىم قابىلداپ، ورنالاستىرۋ جاسادى. 5 جىلدان بەرى، ءبىز «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتتىك، «12 - بەسجىلدىق» پلاندى جەڭىسپەن ورىنداپ، «13 - بەسجىلدىق» پلاندى ءساتتى اتقارا باستادىق، پارتيا مەن مەملەكەت ىستەرىندە جاپپاي جاڭا جاعداي جارىققا شىقتى.

     ەكونوميكالىق قۇرىلىستا كەلەلى جەتىستىكتەرگە قول جەتتى. جاڭا دامۋ تانىمىن بۇلجىتپاي دايەكتىلەندىرىپ، دامۋ كوزقاراسىن باتىل دۇرىستاپ، دامۋ تاسىلىندە بۇرىلىس جاساپ، دامۋدىڭ ساپاسى مەن ونىمدىلىگىن ۇزدىكسىز جوعارىلاتتىق. ەكونوميكادا ورتاشا، جوعارى ارتۋ قارقىنىن ساقتاپ، دۇنيە جۇزىندەگى نەگىزگى ەلدەردىڭ الدىڭعى قاتارىنا وتتىك، ىشكى ءوندىرىستىڭ جالپى قۇنى 54 تريلليون يۋاننان 80 تريلليون يۋانعا ارتىپ، دۇنيە ءجۇزى بويىنشا 2 - ورىندى يەلەدى، دۇنيە ءجۇزى ەكونوميكاسىنىڭ ارتۋىنا قوسقان ۇلەسىمىز %30تەن استى. قامداۋ جاعىنداعى قۇرىلىمدىق رەفورمانى ىشكەرىلەي جۇرگىزىپ، ەكونوميكالىق قۇرىلىمدى ۇزدىكسىز ساپالىلاندىرىپ، سيفرلى ەكونوميكا سياقتى جاڭا شارۋاشىلىقتاردى جىلدام دامىتىپ، جوعارى قارقىندى تەمىر جول، تاس جول، كوپىر، كەمەجاي، اۋەجاي سياقتى نەگىزدىك قۇرىلعىلار قۇرىلىسىن جەدەل ىلگەرىلەتتىك. اۋىل شارۋاشىلىعىن وسىزامانداندىرۋدى نىق قاداممەن ىلگەرىلەتىپ، استىق ءوندىرۋ قۋاتىمىز ءبىر تريلليون 200 ميلليارد جىڭعا جەتتى. قالا - قالاشىقتاندىرۋ مولشەرى جىلىنا 1.2 پايىز جوعارىلاپ، اۋىل شارۋاشىلىعىنان اۋىسقان 80 ميلليوننان استام حالىق قالا - قالاشىق تۇرعىنىنا اينالدى. وڭىرلىك دامۋدىڭ سايكەسىمدىلىگى نىعايىپ، «ءبىر بەلدەۋ، ءبىر جول» قۇرىلىسى، بەيجيڭ - تيانجين - حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، ت. ب - دا تابىسىمىز كورنەكتى بولدى. جاڭالىق اشۋ ارقىلى دامۋعا قوزعاۋشىلىق ەتۋ ستراتەگياسىن زور كۇشپەن اتقارىپ، جاسامپاز مەملەكەت قۇرىلىسىندا سۇبەلى ناتيجەگە قول جەتكىزىپ، تيانگۇڭ، جياۋلۇڭ، تيان - يان، ۋكۇڭ، موزى، ءىرى تۇرپاتتى ۇشاق سياقتى كەلەلى عىلىم - تەحنيكا جەتىستىكتەرى ىركەس - تىركەس دۇنيەگە كەلدى. نانحاي تەڭىزىنىڭ ۇساق ارالدارى قۇرىلىسىن بەلسەنە ىلگەرىلەتىپ، اشىق ەكونوميكانىڭ جاڭا ءتۇزىلىسى بىرتىندەپ كەمەلدەنىپ، سىرتقى ساۋدا، شەتەلگە قارجى قوسۋ، شەتەل اقشاسى زاپاس قورى دۇنيە ءجۇزى بويىنشا الدىڭعى قاتارعا ءوتتى.

 رەفورمانى جاپپاي تەرەڭدەتۋدە كەسەك تابىستارعا قول جەتتى. رەفورمانى تەز، ورنىقتى قاداممەن جاپپاي ىشكەرىلەي جۇرگىزىپ، ءتۇرلى جاقتارداعى تۇزىلىستىك، مەحانيزمدىك كىناراتتاردى باتىل الاستادىق. رەفورمانى جاپپاي تەبىندى جۇرگىزىپ، كوپ تۇيىندە تابىسقا جەتىپ، ىشكەرىلەي ىلگەرىلەتىپ، رەفورمانىڭ جۇيەلىلىگىن، تۇتاستىعىن، سايكەسىمدىلىگىن بارىنشا كۇشەيتتىك، رەفورمانى كەڭدىككە جانە تەرەڭدىككە قاراي بىرتە - بىرتە ءورىس الدىرىپ، 1500دەن استام رەفورما شاراسىن بەلگىلەپ، ماڭىزدى سالالار مەن شەشۋشى بۋىندار رەفورماسىندا تىڭ ىلگەرىلەۋشىلىكتەرگە جەتىپ، نەگىزگى سالالار رەفورماسىنىڭ تۇلعالىق جۇلگەسىن نەگىزىنەن ورناتتىق. جۇڭگوشا سوتسياليستىك ءتۇزىمدى اناعۇرلىم كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن كورنەكتى جوعارىلاتىپ، بۇكىل قوعامنىڭ دامۋ ومىرشەڭدىگى مەن جاڭالىق اشۋ ومىرشەڭدىگىن كورنەكتى دارەجەدە ارتتىردىق.

  دەموكراتيا، زاڭمەن باسقارۋ قۇرىلىسىندا ماڭىزدى قادام تاستالدى. سوتسياليستىك دەموكراتيالى ساياسيدى بەلسەنە دامىتىپ، مەملەكەتتى جاپپاي زاڭمەن باسقارۋدى ىلگەرىلەتىپ، پارتيا باسشىلىعىن، حالىقتىڭ وزىنە - ءوزى قوجا بولۋىن، مەملەكەتتى زاڭمەن باسقارۋدى ورگانيكالى ۇشتاستىراتىن ءتۇزىم قۇرىلىسىن جاپپاي كۇشەيتىپ، پارتيانىڭ باسشىلىق ءتۇزىلىسى مەن مەحانيزمىن توقتاۋسىز كەمەلدەندىرىپ، سوتسياليستىك دەموكراتيانى ۇزدىكسىز دامىتتىق، پارتيا ىشىندەگى دەموكراتيانى ونان ارى كەڭەيتىپ، سوتسياليستىك ءماسليحات دەموكراتياسىن جاپپاي قانات جايدىرىپ، وتانشىل بىرلىكساپتى بەكەمدەپ جانە دامىتىپ، ۇلت، ءدىن قىزمەتىن جاڭالىق اشا ىلگەرىلەتتىك. زاڭدى عىلمي شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىق زاڭعا بويسۇنۋدى ىشكەرىلەي ىلگەرىلەتتىك، مەملەكەتتى، ۇكىمەتتى، قوعامدى زاڭمەن باسقارۋ قۇرىلىسى ءبىرىن - ءبىرى جەبەپ، جۇڭگوشا سوتسياليستىك زاڭمەن باسقارۋ جۇيەسى كۇن سايىن كەمەلدەنىپ، تۇتاس قوعامنىڭ زاڭمەن باسقارۋ كوزقاراسى كورنەكتى كۇشەيدى. مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تۇيىندەردە سىناق ەتۋدە ناقتى ونىمدىلىككە قول جەتكىزىپ، اكىمشىلىك ءتۇزىلىس رەفورماسىن، ءادىليا ءتۇزىلىسى رەفورماسىن، ۇقىق جۇرگىزۋدى تەجەۋ جانە باقىلاۋ جۇيەسى قۇرىلىسىن ۇتىمدى اتقاردىق.

      يدەيا مادەنيەت قۇرىلىسىندا كەلەلى ىلگەرىلەۋشىلىكتەر بولدى. پارتيانىڭ يدەولوگيا قىزمەتىنە بولعان باسشىلىعىن كۇشەيتىپ، پارتيانىڭ نازارياسىندا جاڭالىق اشۋدى جاپپاي جەبەدىك، ماركسيزمنىڭ يدەولوگيا سالاسىنداعى جەتەكشىلىك ورنىن اناعۇرلىم ايقىنداپ، جۇڭگوشا سوتسياليزم مەن جۇڭگو ارمانىن جۇرت كوڭىلىنە تەرەڭ ۇيالاتىپ، سوتسياليستىك وزەكتى قۇن كوزقاراسى مەن جۇڭحۋانىڭ تاڭداۋلى ءداستۇرلى مادەنيەتىن كەڭىنەن ساۋلەلەندىردىك، بۇقارالىق رۋحاني وركەنيەت قۇرۋ قيمىلىن تىڭعىلىقتى ورىستەتتىك. الەۋمەتتىك مادەنيەتتىك قىزمەت وتەۋ دەڭگەيىن ۇزدىكسىز جوعارىلاتتىق، ادەبيەت - كوركەمونەر جاسامپازدىعى ءۇرتىس كوركەيىپ، مادەنيەت ىستەرى مەن مادەنيەت شارۋاشىلىعى قارىشتاپ دامىدى، ينتەرنەت قۇرىلىسىن باسقارۋ جانە ودان پايدالانۋ ۇزدىكسىز كەمەلدەنىپ، جالپى حالىقتىق دەنە شىنىقتىرۋ مەن باسەكەلىك سپورت جاپپاي وركەندەدى. ارقاۋ جىردى اسقاقتاتا شىرقاپ، بەلسەندى كۇشتەردى ءتىپتى تەبىندەتىپ، مادەنيەت جونىندەگى سەنىمدى تولىق ايگىلەپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپال كۇشىن زور دارەجەدە ارتتىرىپ، بۇكىل پارتيانىڭ، تۇتاس قوعامنىڭ يدەيالىق جاقتاعى ىنتىماعى مەن بىرلىگىن اناعۇرلىم بەكەمدەدىك.

      حالىقتىڭ تۇرمىسى ۇزدىكسىز جاقساردى. حالىقتى وزەك ەتۋ سىندى دامۋ يدەياسىن ىشكەرىلەي دايەكتىلەندىرىپ، حالىققا ءتيىمدى قىرۋار شارالاردى تياناقتى اتقارىپ، حالىقتىڭ تابىسقا رازىلىعىن كورنەكتى ارتتىردىق. كەدەيلىكتەن ارىلتۋدان قامال الۋ شايقاسىندا شەشۋشى ىلگەرىلەۋشىلىكتەرگە قول جەتكىزدىك، 60 ميلليوننان استام كەدەي حالىقتى كەدەيلىكتەن تۇراقتى ارىلتىپ، كەدەيلەسۋ جايتىنىڭ تۋىنداۋ مولشەرىن %10.2تەن %4كە جەتپەيتىن مولشەرگە تۇسىردىك. وقۋ - اعارتۋ ىستەرىن جاپپاي دامىتىپ، ورتا، باتىس بولىكتەر مەن اۋىل - قىستاقتاردىڭ وقۋ - اعارتۋىن كورنەكتى دارەجەدە كۇشەيتتىك. جۇمىستانۋ احۋالىن ءۇرتىس جاقسارتىپ، قالا - قالاشىقتاردا جىلىنا ورتا ەسەپپەن 13 ميلليوننان استام ادامدى تىڭنان جۇمىستاندىردىق. قالا، اۋىل تۇرعىندارى كىرىسىنىڭ ارتۋ قارقىنى ەكونوميكانىڭ ارتۋ قارقىنىنان اسىپ، ورتاشا كىرىستەگى قاۋىم ۇزدىكسىز ۇلعايدى. قالا، اۋىل تۇرعىندارىن قامتىعان قوعامدىق قامتاماسىزداندىرۋ جۇيەسى نەگىزىنەن ورناپ، حالىقتىڭ دەنساۋلىعى مەن ەمدەۋ - دەنساۋلىق ساقتاۋ دەڭگەيى بارىنشا جوعارىلاپ، قامتاماسىزدىق تۇرعىن ءۇي قۇرىلىسى نىق قاداممەن ىلگەرىلەدى. قوعامدىق باسقارۋ جۇيەسى ونان ارى كەمەلدەنىپ، قوعامنىڭ جالپى جاعدايى ورنىقتى بولدى، مەملەكەت حاۋىپسىزدىگى جان - جاقتى كۇشەيدى.

      ەكولوگيالىق وركەنيەت قۇرىلىسىنىڭ تابىستارى كورنەكتى بولدى. ەكولوگيالىق وركەنيەت قۇرىلىسىن زور تەبىنمەن ىلگەرىلەتتىك، بۇكىل پارتيانىڭ، بۇكىل ەلدىڭ جاسىل دامۋ تانىمىن دايەكتىلەندىرۋ جاعىنداعى سانالىلىعى مەن ىرىقتىلىعى كورنەكتى دارەجەدە جوعارىلادى، ەكولوگيالىق ورتانى قورعاۋعا نەمقۇرايدى قاراۋ جاعدايى كورنەكتى وزگەردى. ەكولوگيالىق وركەنيەت ءتۇزىمى جۇيەسىن جەدەل قالىپتاستىرىپ، نەگىزگى تۇلعالىق فۋنكتسيالىق رايون ءتۇزىمىن بىرتىندەپ اقاۋسىزداندىرىپ، مەملەكەتتىك باقشا ءتۇزىلىسىن تۇيىندە سىناق ەتۋدى بەلسەنە ىلگەرىلەتتىك. بايلىقتى جاپپاي ۇنەمدەۋدى ۇتىمدى ورىستەتىپ، ەنەرگيا بايلىعىنىڭ جۇمسالۋ كۇشەمەلىلىگىن بارىنشا تومەندەتتىك. ەكولوگيانى قورعاۋ جانە قالپىنا كەلتىرۋ جاعىنداعى ءىرى ينجەنەريالاردى ءساتتى جۇرگىزىپ، ورمانمەن كومكەرىلۋ مولشەرىن ءۇرتىس جوعارىلاتتىق. ەكولوگيالىق ورتانى وڭاۋدى ايتارلىقتاي كۇشەيتىپ، ورتانىڭ جاعدايىن جاقسارتتىق. كليمات وزگەرىسىنە توتەپ بەرۋ جونىندەگى حالىقارالىق سەلبەستىككە جەتەكشىلىك ەتىپ، جەر شارىنىڭ ەكولوگيالىق وركەنيەت قۇرىلىسىنا ماڭىزدى ات سالىسۋشى، ۇلەس قوسۋشى، باستاماشى بولدىق.

     ارميانى قۇدىرەتتەندىرۋدىڭ، كوركەيتۋدىڭ جاڭا جاعدايى قالىپتاستى. جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى كوزدە ۇستاي وتىرىپ، جاڭا جاعدايداعى اسكەري ستراتەگيا باعىتىن بەلگىلەپ، مەملەكەت قورعانىسى مەن ارميانى وسىزامانداندىرۋدى كۇش سالا ىلگەرىلەتتىك. بۇكىل ارميانىڭ گۋتيان ساياسي قىزمەت ءماجىلىسىن اشىپ، پارتيامىزدىڭ، ارميامىزدىڭ داڭقتى ءداستۇرى مەن تاڭداۋلى ستيلىن قالپىنا كەلتىرىپ جانە ساۋلەلەندىرىپ، حالىق ارمياسىنىڭ ساياسي ەكولوگياسىن ۇتىمدى جونگە سالدىق. مەملەكەت قورعانىسى مەن ارميا رەفورماسىندا تاريحي تابىستارعا جەتىپ، اسكەري ىستەر كوميتەتى جالپى جاقتان باسقاراتىن، سوعىس رايوندارى سوعىس جۇرگىزۋگە، ارميا تۇرلەرى قۇرىلىس جۇرگىزۋگە جاۋاپتى بولاتىن جاڭا اۋقىم قالىپتاستىرىپ، حالىق ارمياسىنىڭ ۇيىمدىق قۇرىلىمى مەن كۇش - قۋات جۇيەسىندە توڭكەرىستىك جاڭارۋدى جۇزەگە اسىردىق. اسكەرلەردى جاتتىقتىرىپ، سوعىس دايىندىعىن كۇشەيتىپ، تەڭىزدەگى ۇقىقتى قورعاۋ، لاڭكەستىككە قارسى تۇرۋ، ورنىقتىلىقتى قورعاۋ، قاتەردەن اراشالاۋ، اپاتتان قۇتقارۋ، حالىقارالىق بەيبىتشىلىكتى قورعاۋ، ادەن شىعاناعىندا جۇك كەمەلەرىن قورعاۋ، ادامگەرشىلىك تۇرعىدان قۇتقارۋ - كومەك بەرۋ سياقتى ماڭىزدى مىندەتتەردى تابىسپەن وتەدىك، قارۋ - جاراقتىڭ دامۋىن تەزدەتىپ، اسكەري كۇرەس دايىندىعىندا زور ىلگەرىلەۋشىلىككە قول جەتكىزدىك. حالىق ارميامىز ارميانى جۇڭگوشا قۇدىرەتتەندىرۋ جولىندا نىق قادام تاستادى.

     شياڭگاڭ، اۋمىن، تايۋان قىزمەتىندە تىڭ ىلگەرىلەۋشىلىككە قول جەتتى. «ءبىر ەل، ەكى ءتۇزىم» باعىتىن جاپپاي دۇرىس دايەكتىلەندىرىپ، نەگىزگى زاڭ مەن ءتۇبىرلى زاڭدا بەرىلگەن ورتالىقتىڭ شياڭگاڭدى، اۋمىندى جان - جاقتى باسقارۋ - جونگە سالۋ ۇقىعىن مىقتى يگەرىپ، ىشكى وڭىرلەر مەن شياڭگاڭ، اۋمىن رايوندارىنىڭ اۋىس - كۇيىسىن، سەلبەستىگىن تەرەڭدەتىپ، شياڭگاڭنىڭ، اۋمىننىڭ كوركەيىپ - گۇلدەنۋىن، ورنىقتىلىعىن ساقتادىق. ءبىر جۇڭگو پرينسيبى مەن «92 - جىلعى ورتاق تانىمعا» تاباندى بولىپ، ەكى جاعالاۋ قاتىناسىنىڭ بەيبىت دامۋىن جەبەدىك، ەكى جاعالاۋدىڭ ەكونوميكا، مادەنيەت اۋىس - كۇيىسىن، سەلبەستىگىن كۇشەيتىپ، ەكى جاعالاۋ باسشىلارىنىڭ تاريحي كەزدەسۋىن ورىندادىق. تايۋان جاعدايىنىڭ وزگەرىسىنە ۇيلەسىمدى توتەپ بەرىپ، «تايۋان دەربەستىگىن» جاقتايتىن بولشەكتەۋشى كۇشتەرگە باتىل قارسى تۇرىپ جانە ولاردى شاۋجايلاپ، تايۋان بۇعازىنىڭ بەيبىتشىلىگى مەن ورنىقتىلىعىن پارمەندى قورعادىق.

        جان - جاقتى ديپلوماتيالىق ورنالاستىرۋلار ىشكەرىلەي ءورىس الدى. جۇڭگوشا ءىرى ەلدىك ديپلوماتيانى جاپپاي ىلگەرىلەتىپ، جان - جاقتى، كوپ جىكتى، سترەولدى ديپلوماتيالىق ورنالاستىرۋلاردى تۇلعالاپ، ەلىمىزدىڭ دامۋىنا تاماشا سىرتقى شارت - جاعداي ازىرلەدىك. «ءبىر بەلدەۋ، ءبىر جولدى» بىرگە كوركەيتۋ دارىپتەمەسىن اتقارىپ، ازيا نەگىزدىك قۇرىلعىلاردى قارجىلاندىرۋ بانكەسىن اشۋ جونىندە باستاما كوتەرىپ، جىبەك جولى قورىن قۇرىپ، تۇڭعىش كەزەكتى «ءبىر بەلدەۋ، ءبىر جول» حالىقارالىق سەلبەستىگى جونىندەگى ەل باسشىلارىنىڭ تالقى مىنبەرىن، ازيا - تىنىق مۇحيت رايونى ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ بەيرەسمي كەزدەسۋىن، 20 ەل باسشىلارىنىڭ حاڭجوۋداعى كەڭەسىن، بريكس ەلدەرى باسشىلارىنىڭ شيامىنداعى كەزدەسۋىن، ازيا سەلبەستىك جانە سەنىمدىلىك شارالارى جونىندەگى كەڭەسىن وتكىزدىك. ادامزاتتىڭ تاعدىرلاس ورتاق تۇلعاسىن قۇرۋدى دارىپتەپ، جەر شارىندىق باسقارۋ جۇيەسىندە بۇرىلىس جاساۋدى جەبەدىك. ەلىمىزدىڭ حالىقاراداعى ىقپال كۇشىن، باۋراۋ قۋاتىن، سومداۋ قۋاتىن ءتىپتى ارتتىرىپ، دۇنيە ءجۇزىنىڭ بەيبىتشىلىگى مەن دامۋىنا تىڭ دا زور ۇلەستەر قوستىق.

  پارتيانى جاپپاي قاتاڭ باسقارۋدىڭ تابىسى كورنەكتى بولدى. پارتيانىڭ باسشىلىعى مەن پارتيانىڭ قۇرىلىسىن جاپپاي كۇشەيتىپ، پارتيانى باسقارۋدا جانە جونگە سالۋدا كەڭ، بوس، ءالسىز بولۋ جايتىن باتىل وزگەرتتىك. بۇكىل پارتياداعىلاردىڭ پارتيا ۋستاۆىن قاستەرلەپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتۋىن جەبەدىك، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعادىق، پارتيانىڭ ساياسي ءتارتىبى مەن ساياسي قاعيداسىن قاتايتىپ، پارتيانى باسقارۋ، پارتيانى جونگە سالۋ ساياسي جاۋاپكەرلىگىن ساتىلار بويىنشا تياناقتاندىردىق. «ايناعا قاراۋ، جاعا - جەڭدى تۇزەۋ، كىر - داقتاردى جۋۋ، اۋرۋدى ەمدەۋ» تالابىنا تاباندى بولىپ، پارتيانىڭ بۇقارالىق لۋشيان تاربيەسى مەن ونى امالياتتا ايگىلەۋ قيمىلىن جانە «ۇشتە قاتاڭ، ۇشتە شىنايى بولۋ» ارناۋلى تاربيەسىن ورىستەتتىك، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، بۇكىل پارتيانىڭ مۇرات - سەنىمىن ونان ارى بەكەمدەپ، پارتيالىلىقتى ونان ارى نىعايتتىق. جاڭا داۋىردەگى جاقسى كادر ولشەمىن دايەكتىلەندىرىپ، ادام تاڭداۋ، ادام ىستەتۋ احۋالى مەن ستيلىن ايتارلىقتاي جاقسارتتىق. پارتيا قۇرىلىسى ءتۇزىمى رەفورماسىن ىشكەرىلەي جۇرگىزىپ، پارتيا ىشىندەگى زاڭ، ەرەجە - تۇزىمدەر جۇيەسىن ۇزدىكسىز كەمەلدەندىردىك. ءتارتىپتى ماڭداي الدى ورىنعا قويىپ، حالىق بۇقاراسىنىڭ اڭىسى ەڭ كۇشتى بولعان، پارتيانىڭ بيلىك جۇرگىزۋ نەگىزىنە حاۋپى ەڭ ۇلكەن كورنەكتى ماسەلەلەردى كۇش سالا شەشتىك. ورتالىقتىڭ 8 ءتۇرلى بەلگىلەمەسىن شىعارىپ، فورماشىلدىق، تورەشىلدىك، راحاتقۇمارلىق جانە استا - توك ىسىراپشىلدىق بۇرىس ستيلدەرىن قاتاڭ تۇزەتىپ، ەرەكشە ۇقىققا باتىل قارسى تۇردىق. ارالاپ تەكسەرۋدىڭ وتكىر قانجارلىق رولىن كورنەكتىلەندىرىپ، ورتالىق پەن ولكە دارەجەلى پارتكومداردى تۇگەل ارالاپ تەكسەرۋدى جۇزەگە اسىردىق. شىرىكتەسۋگە قارسى تۇرۋدا شەكتەلگەن رايون بولماۋعا، تەگىس قامتۋعا، استە راقىم ەتپەۋگە تاباندى بولىپ، «جولبارىس سوعۋدان»، «شىبىن قاعۋدان»، «تۇلكى اۋلاۋدان» تاپجىلماي، شىرىكتەسۋگە بارعىزباۋ نىساناسىن العاشقى ادىمدا جۇزەگە اسىرىپ، شىرىكتەسۋدى ويلاتپاۋ ءتۇزىم قاپاسىن مىقتاپ توقىپ، شىرىكتەسۋگە كەلتىرمەۋ توسپاسىن سالىپ، شىرىكتەسۋگە قارسى كۇرەستە باسىمدى بولۋ اۋقىمىن قالىپتاستىردىق، كۇشەيتتىك، بەكەمدەي تۇستىك.

  5 جىلدان بەرگى تابىستار − جان - جاقتى، باستامالىق سيپات الدى، 5 جىلدان بەرگى وزگەرىستەر − تەرەڭ قاتپارلى، ءتۇبىرلى سيپات الدى. 5 جىلدان بەرى، پارتيامىز اسقان ساياسي ەرلىكپەن، كۇشتى جاۋاپكەرلىك بورىشپەن، ءبىر قىدىرۋ جاڭا مۇرات، جاڭا يدەيا، جاڭا ستراتەگيانى العا قويىپ، ءبىر قىدىرۋ ءىرى باعىت - ساياساتتاردى بەلگىلەپ، ءبىر قىدىرۋ كەلەلى شارالاردى شىعارىپ، ءبىر قىدىرۋ كەلەلى قىزمەتتەردى جۇرگىزىپ، ۇزاق ۋاقىتتان بەرى شەشۋدى ويلاساق تا، شەشە الماعان ءبىرتالاي تولعاقتى ماسەلەلەردى شەشىپ، ىلگەرى ىستەۋدى ويلاساق تا، ىستەي الماعان ءبىرتالاي ۇلكەن ىستەردى ىستەپ، پارتيا مەن مەملەكەت ىستەرىندە تاريحي سيپاتتى بۇرىلىس جاساۋعا دەمەۋشى بولدىق. مۇنداي تاريحي بۇرىلىس پارتيا مەن مەملەكەت ىستەرىنىڭ دامۋىنا كەلەلى دە تەرەڭ ىقپال ەتەدى.

  5 جىلدان بەرى، ءبىز پارتيامىز ءدوپ كەلگەن اۋىر حاۋىپ - قاتەر، سىن - سىناقتار مەن پارتيا ىشىندە ورىن تەۋىپ وتىرعان كورنەكتى ماسەلەلەرگە قاراتا باتىل بولىپ، قايىسپاس ەرىك - جىگەرمەن ستيلدى دۇرىستاپ، ءتارتىپتى كۇشەيتىپ، شىرىكتەسۋگە قارسى تۇرىپ، شىرىكتەسكەندەردى جازالاپ، پارتيا مەن مەملەكەتتىڭ ىشكى بولىگىندە ءومىر ءسۇرىپ وتىرعان اۋىر كومەسكى حاۋىپتەردى جويدىق، سونىمەن پارتيانىڭ ىشكى ساياسي تۇرمىسىنىڭ اۋاسى جاڭالانىپ، پارتيانىڭ ىشكى ساياسي ەكولوگياسى ايتارلىقتاي جاقسارىپ، پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى كورنەكتى دارەجەدە كۇشەيدى. پارتيانىڭ ىنتىماعى، بىرلىگى اناعۇرلىم بەكەمدەلىپ، پارتيا مەن بۇقارانىڭ قاتىناسى ايتارلىقتاي جاقساردى، پارتيامىز توڭكەرىستىك شىنىعۋ - شىڭدالۋ بارىسىندا ءتىپتى كۇشەيىپ، تىڭ دا قۇدىرەتتى ومىرشەڭدىك قۋاتىن تاسقىنداتىپ، پارتيا مەن مەملەكەت ىستەرىنىڭ دامۋىنا پارمەندى ساياسي كەپىلدىك ازىرلەدى.

  سونىمەن قاتار، قىزمەتىمىزدە ءالى دە ءبىرتالاي جەتەرسىزدىكتەردىڭ ورىن الىپ، ءبىرسىپىرا قيىنشىلىقتار مەن سىندارعا دا ءدوپ كەلىپ وتىرعانىن سەرگەكتىكپەن كورە ءبىلۋىمىز قاجەت. مۇنىڭ باستىلارى: دامۋدىڭ بىركەلكى، تولىق بولماۋىنداعى ءىشىنارا كورنەكتى ماسەلەلەر ءالى شەشىلگەن جوق، دامۋدىڭ ساپاسى مەن ونىمدىلىگى ءالى جوعارى ەمەس، جاڭالىق اشۋ قۋاتى ءالسىز، تۇلعالىق شارۋاشىلىقتىڭ دەڭگەيىن جوعارىلاتا تۇسۋگە تۋرا كەلەدى، ەكولوگيالىق ورتانى قورعاۋدا مىندەت اۋىر، جول ۇزاق؛ حالىق تۇرمىسى سالاسىندا ءالى دە ءبىرسىپىرا كەم - كەتىكتەر بار، كەدەيلىكتەن ارىلتۋدان قامال الۋ مىندەتى جاپالى، قالا مەن اۋىلدىڭ وڭىرلىك دامۋىنداعى پارىق پەن كىرىس بولىسىندەگى پارىق ءالى دە ءبىرشاما زور، بۇقارا جۇمىستانۋ، وقۋ - اعارتۋ، ەمدەلۋ، تۇرعىن ءۇي، زەينەتكەرلىك، ت. ب جاقتاردا ءبىرسىپىرا قيىن ماسەلەلەرگە ءدوپ كەلىپ وتىر؛ قوعامنىڭ وركەنيەتتىك دەڭگەيىن ءالى دە جوعارىلاتۋعا تۋرا كەلەدى؛ قوعامدىق قايشىلىقتار مەن ماسەلەلەر ارالاسىپ، قاباتتاسىپ وتىر، ەلدى جاپپاي زاڭمەن باسقارۋ مىندەتى ءالى اۋىر، ەلدى باسقارۋ جۇيەسى مەن باسقارۋ قابىلەتىن جوعارىلاتا تۇسۋگە تۋرا كەلەدى؛ يدەولوگيا سالاسىنداعى كۇرەس ءباز - باياعىسىنشا كۇردەلى، مەملەكەت حاۋىپسىزدىگى جاڭا احۋالدارعا ءدوپ كەلۋدە؛ رەفورما جونىندەگى كەيبىر ورنالاستىرۋلار مەن ءىرى ساياسات - شارالاردى ىشكەرىلەي تياناقتاندىرۋعا تۋرا كەلەدى؛ پارتيا قۇرىلىسى جاعىندا ءالى دە تالاي ءالسىز بۋىندار بار. بۇل ماسەلەلەردى كۇش سالا شەشۋىمىز قاجەت.

  5 جىلدان بەرگى قول جەتكەن تابىستار − پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، اسىرەسە، بۇكىل پارتيانىڭ، بۇكىل ەلدەگى ءار ۇلت حالقىنىڭ تىزە قوسا كۇرەس جۇرگىزۋىنىڭ ناتيجەسى. مەن ج ك پ ورتالىق كوميتەتى اتىنان بۇكىل ەلدەگى ءار ۇلت حالقىنا، دەموكراتيالىق پارتيا - توپتارعا، حالىقتىق ۇيىمدارعا، ءار سالاداعى وتانشىل قايراتكەرلەرگە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا جانە تايۋاندىق باۋىرلاستارعا، سونداي - اق قالىڭ مۇھاجىر باۋىرلاستارعا، جۇڭگونىڭ وسىزامانداندىرۋ قۇرىلىسىنا كوڭىل ءبولىپ، قولداۋ كورسەتىپ كەلگەن ءار ەلدەگى دوستارعا شىن جۇرەكتەن العىس ايتامىن!

  جولداستار! رەفورما جاساپ، ەسىك اشقان العاشقى كەزدە، پارتيامىز «ءوز جولىمىزبەن ءجۇرىپ، جۇڭگوشا ەرەكشەلىككە يە سوتسياليزم قۇرايىق» دەگەن ۇلى ۇندەۋىن شىعارعان بولاتىن. سودان بەرى پارتيامىز بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، قورعانىستىق قۋاتى، جالپىلىق مەملەكەت قۋاتى جاعىندا دۇنيە ءجۇزىنىڭ الدىڭعى لەگىنە ءوتۋىن جەبەپ، ەلىمىزدىڭ حالىقاراداعى ورنىن بۇرىن بولىپ كورىلمەگەن دارەجەدە جوعارىلاتتى، پارتيامىزدىڭ، مەملەكەتىمىزدىڭ، حالقىمىزدىڭ، ارميامىزدىڭ، جۇڭحۋا ۇلتىنىڭ بەت - بەينەسىندە بۇرىن - سوڭدى بولماعان وزگەرىستەر بولدى، جۇڭحۋا ۇلتى دۇنيەنىڭ شىعىسىندا شىت جاڭا بەينەمەن ەڭسە كوتەرىپ تۇر.

  ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى، بۇل − ەلىمىز دامۋىنىڭ جاڭا تاريحي بەلەسى.

  جۇڭگوشا سوتسياليزمنىڭ جاڭا داۋىرگە ءوتۋى تاياۋ زاماننان بەرگى تار جول، تايعاق كەشۋلەردى باسىنان وتكەرگەن جۇڭحۋا ۇلتىنىڭ ەڭسە كوتەرۋدەن اۋقاتتانۋعا، قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى نۇرلى بولاشاققا قادام تاستاعاندىعىن؛ عىلمي سوتسياليزمنىڭ 21 - عاسىرداعى جۇڭگودا قۇدىرەتتى ومىرشەڭدىك قۋاتىن ايگىلەپ، دۇنيە جۇزىندە جۇڭگوشا سوتسياليزمنىڭ ۇلى تۋىن بيىك كوتەرگەندىگىن؛ جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ ۇزدىكسىز دامىپ، دامۋ جولىنداعى ەلدەردىڭ وسىزاماندانۋعا بەت الۋ ارناسى كەڭەيىپ، دۇنيە جۇزىندەگى جەدەل دامۋدى كوكسەيتىن ءارى ءوزىنىڭ تاۋەلسىزدىگىن ساقتاۋدى ارماندايتىن ەلدەر مەن ۇلتتار جونىنەن شىت جاڭا تالعام ازىرلەپ، ادامزات ءدوپ كەلىپ وتىرعان ماسەلەلەردى شەشۋگە جۇڭگونىڭ اقىل - پاراساتى مەن جۇڭگونىڭ جوباسىن ارناعاندىعىن بىلدىرەدى.

       بۇل جاڭا ءداۋىر − الدىڭعىلارعا مۇراگەر، كەيىنگىلەرگە بۇيداگەر بولىپ، بولاشاققا جول اشاتىن، جاڭا تاريحي شارت - جاعدايدا جۇڭگوشا سوتسياليزمنىڭ ۇلى جەڭىسىنە ۇزدىكسىز قول جەتكىزەتىن ءداۋىر، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتەتىن، جاپپاي سوتسياليستىك وسىزاماندانعان قۇدىرەتتى ەل قۇراتىن ءداۋىر، بۇكىل ەلدەگى ءار ۇلت حالقى ىنتىماقتاسا كۇرەس جۇرگىزەتىن، ۇزدىكسىز تاماشا تۇرمىس جاراتاتىن، جالپى حالىقتىڭ بىرگە اۋقاتتانۋىن بىرتىندەپ جۇزەگە اسىراتىن ءداۋىر، بارلىق جۇڭحۋا ۇلاندارى ءبىر جاعادان باس، ءبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا جۇزەگە اسىراتىن ءداۋىر، ەلىمىز دۇنيە ساحناسىنىڭ ورتالىعىنا جاقىنداي تۇسەتىن، ادامزات ءۇشىن ۇزدىكسىز اناعۇرلىم زور ۇلەستەر قوساتىن ءداۋىر.

  جۇڭگوشا سوتسياليزم جاڭا داۋىرگە وتكەن بۇگىنگى تاڭدا، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. ەلىمىز ءبىر ميللياردتان استام ادامنىڭ ىشەر اس، كيەر كيىم ماسەلەسىن تۇراقتى شەشىپ، دوڭگەلەك داۋلەتتى جالپىلاي جۇزەگە اسىردى، كوپ ۇزاماي جاپپاي دوڭگەلەك داۋلەتتى قوعام قۇرىپ شىعادى، حالىقتىڭ تاماشا تۇرمىس قاجەتى كۇن سايىن ارتا تۇسۋدە، بۇل ماتەريالدىق مادەني تۇرمىسقا اناعۇرلىم جوعارى تالاپ قويىپ عانا قالماي، دەموكراتيا، زاڭمەن باسقارۋ، ادىلدىك، ادىلەتتىلىك، حاۋىپسىزدىك، قورشاعان ورتا سياقتى جاقتارداعى تالابى دا كۇن ساناپ ارتىپ كەلەدى. سونىمەن قاتار، ەلىمىزدىڭ قوعامدىق وندىرگىش كۇش دەڭگەيى جالپى تۇلعالىق جاقتان كورنەكتى جوعارىلاپ، قوعامدىق ءوندىرىس قۋاتى كوپتەگەن جاقتاردا دۇنيە ءجۇزىنىڭ الدىڭعى قاتارىنا ءوتتى، دامۋدىڭ بىركەلكى، تولىق بولماۋى ماسەلەسى بۇرىنعىدان دا كورنەكتىلەنىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋعا تۇساۋ بولاتىن باستى فاكتورعا اينالدى.

  ەلىمىز قوعامىنداعى باستى قايشىلىقتىڭ وزگەرۋى جالپى جاعدايعا ساياتىن تاريحي وزگەرىس ەكەنىن، ول پارتيا مەن مەملەكەت قىزمەتىنە كوپتەگەن جاڭا تالاپتار قويىپ وتىرعانىن تاني ءبىلۋىمىز قاجەت. ءبىز دامۋدى توقتاۋسىز دەمەۋ نەگىزىندە دامۋدىڭ بىركەلكى، تولىق بولماۋى ماسەلەسىن كۇش سالا ويداعىداي شەشىپ، دامۋدىڭ ساپاسى مەن ونىمدىلىگىن بارىنشا جوعارىلاتىپ، حالىقتىڭ ەكونوميكا، ساياسي، مادەنيەت، قوعام، ەكولوگيا سياقتى جاقتاردا كۇن سايىن ارتىپ وتىرعان قاجەتىن اناعۇرلىم ويداعىداي قاناعاتتاندىرىپ، ادامنىڭ جان - جاقتى جەتىلۋىن، قوعامنىڭ جاپپاي العا باسۋىن اناعۇرلىم ويداعىداي جەبەۋىمىز ءتيىس.

  مىنانى تاني ءبىلۋىمىز كەرەك: ەلىمىز قوعامىنداعى باستى قايشىلىق وزگەرگەنىمەن، ەلىمىزدىڭ سوتسياليزمنىڭ قانداي تاريحي كەزەڭىندە تۇرعانى جونىندەگى تۇجىرىمىمىز وزگەرگەن جوق، ەلىمىز ءالى دە سوتسياليزمنىڭ العاشقى ساتىسىندا تۇرعاندىعى ءارى ۇزاق ۋاقىت تۇراتىندىعى سىندى نەگىزگى جاعدايى وزگەرگەن جوق، ەلىمىزدىڭ دۇنيە جۇزىندەگى ەڭ ءىرى دامۋ جولىنداعى مەملەكەت سىندى حالىقارالىق ورنى دا وزگەرگەن جوق. بۇكىل پارتيا سوتسياليزمنىڭ العاشقى ساتىسى سىندى نەگىزگى مەملەكەت جاعدايىن بەرىك يگەرىپ، سوتسياليزمنىڭ العاشقى ساتىسى سىندى ەڭ ۇلكەن ءىس جۇزىندىكتى بەرىك تياناق ەتىپ، پارتيا مەن مەملەكەتتىڭ جان تامىرى، حالىقتىڭ باقىت ارقاۋى بولعان پارتيانىڭ نەگىزگى لۋشيانىنا بەرىك تاباندى بولىپ، بۇكىل ەلدەگى ءار ۇلت حالقىنا باسشىلىق ەتىپ جانە ولاردى ىنتىماقتاستىرىپ، ەكونوميكالىق قۇرىلىستى وزەك ەتىپ، 4 نەگىزگى پرينسيپتەن جازباي، رەفورما جاساپ، ەسىك اشۋعا تاباندى بولىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن يگىلىك جاراتىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ جولىندا كۇرەسۋ كەرەك.

  جولداستار! جۇڭگوشا سوتسياليزمنىڭ جاڭا داۋىرگە ءوتۋى جۇڭحۋا حالىق رەسپۋبليكاسىنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا كەلەلى ماڭىز الادى، دۇنيە ءجۇزى سوتسياليزمىنىڭ دامۋ تاريحىندا دا، ادامزات قوعامىنىڭ دامۋ تاريحىندا دا كەلەلى ماڭىز الادى. بۇكىل پارتيا سەنىمدى بەكەمدەپ، قايراتتانا العا ۇمتىلىپ، جۇڭگوشا سوتسياليزمنىڭ اناعۇرلىم قۇدىرەتتى ومىرشەڭدىك كۇشىن ايگىلەۋى كەرەك!

 2. جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى

  100 جىلدىڭ الدىندا قازان توڭكەرىسىنىڭ زەڭبىرەك ءۇنى جۇڭگوعا ماركسيزم - لەنينيزمدى الا كەلدى. جۇڭگونىڭ العاباسار زيالىلارى ماركسيزم - لەنينيزمنىڭ عىلمي اقيقاتىنان جۇڭگو ماسەلەسىن شەشۋدىڭ جولىن كوردى. تاياۋ زاماننان كەيىنگى جۇڭگو قوعامىنىڭ قيان - كەسكى قوزعالىس - ناۋقاندارىندا، جۇڭگو حالقىنىڭ فەودالدىق ۇستەمدىك پەن شەتەل شاپقىنشىلارىنا قارسى كەسكىلەسكەن كۇرەسىندە، ماركسيزم - لەنينيزمنىڭ جۇڭگو جۇمىسشىلار قوزعالىسىمەن ۇشتاسۋى بارىسىندا 1921 - جىلى جۇڭگو كوممۋنيستىك پارتياسى دۇنيەگە كەلدى. سونان باستاپ، جۇڭگو حالقى ۇلتتىڭ تاۋەلسىزدىگى، حالىقتىڭ ازاتتىعى، مەملەكەتتىڭ باي، قۇدىرەتتى بولۋى، حالىقتىڭ باقىتتى بولۋى جولىنداعى كۇرەستەردە ءوزىنىڭ ارقا - تىرەگىن تاپتى، جۇڭگو حالقى رۋحاني جاقتا ىرىقسىزدىقتان ىرىقتىلىققا ءوتتى.

  5000 جىلدان استام وركەنيەت تاريحى بار جۇڭحۋا ۇلتى شۇعىلالى جۇڭحۋا وركەنيەتىن جاراتىپ، ادامزاتقا سۇبەلى ۇلەستەر قوسىپ، دۇنيە جۇزىندەگى ۇلى ۇلتقا اينالدى. اپيىن سوعىسىنان كەيىن جۇڭگو ىشكى الاساپىراندىق پەن سىرتقى شاپقىنشىلىققا ۇشىراعان قارا تۇنەك جاعدايعا تاپ بولدى، جۇڭگو حالقى سوعىس ءورتى تولاستاماعان، جەرى تالان - تاراجىعا تۇسكەن، ەل تىرلىگى مۇشكىل بولعان اۋىر ازاپتى كۇندەردى باسىنان كەشتى. ۇلتتىڭ گۇلدەنىپ - كوركەيۋى ءۇشىن، سان - ساناقسىز ارداگەرلەر قايىسپاس قايسارلىق كورسەتىپ، الدىڭعىلارىنىڭ ءىزىن سوڭعىلارى باسىپ، جان تەبىرەنتەرلىك كۇرەستەر جاساپ، ءتۇرلى سىناقتار جۇرگىزدى، ءبىراق سوندا دا كونە جۇڭگو قوعامىنىڭ سيپاتىن جانە جۇڭگو حالقىنىڭ ايانىشتى تاعدىرىن وزگەرتە المادى.

  جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانىنا اينالدى. جۇڭگو كوممۋنيستىك پارتياسى قۇرىلا سالا كوممۋنيزمدى جۇزەگە اسىرۋدى پارتيانىڭ ەڭ وسكەلەڭ مۇراتى جانە ەڭ تۇپكى نىساناسى ەتىپ، ادىلەت جولىندا ەشتەڭەدەن تايىنباي، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بورىشتى ارقالاپ، حالىقتى ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، ايبىندى دا شۇعىلالى تاريحي داستان جازدى.

  پارتيامىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، جۇڭگو حالقىنىڭ جەلكەسىنەن باسىپ تۇرعان يمپەرياليزم، فەوداليزم جانە بيۋروكرات كاپيتاليزم سىندى 3 ۇلكەن تاۋدى اۋدارىپ تاستاپ، ۇلتتىڭ تاۋەلسىزدىگىن، حالىقتىڭ ازاتتىعىن، مەملەكەتتىڭ تۇتاستىعىن، قوعامنىڭ ورنىقتىلىعىن جۇزەگە اسىرۋ قاجەت ەكەنىن تولىق تانىدى. پارتيامىز حالىقتى ىنتىماقتاستىرىپ جانە باستاپ، اۋىل - قىستاق ارقىلى قالانى قورشاۋعا الۋ، بيلىكتى قارۋلى كۇشپەن تارتىپ الۋ سىندى دۇرىس توڭكەرىستىك جولدى تاۋىپ، 28 جىل قاندى شايقاس جاساپ، جاڭا دەموكراتيالىق توڭكەرىستى ورىنداپ، 1949 - جىلى جۇڭحۋا حالىق رەسپۋبليكاسىن قۇرىپ، جۇڭگونىڭ نەشە مىڭ جىلدىق فەودالدىق دارا بيلەۋشىلىك ساياسيدان حالىق دەموكراتياسىنا ءوتۋى سىندى ۇلى شارىقتاۋدى جۇزەگە اسىردى.

  پارتيامىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ەلىمىزدىڭ امالياتىنا ۇيلەسەتىن العاباسار قوعامدىق ءتۇزىم ورناتۋ قاجەت ەكەنىن تولىق تانىدى. پارتيامىز حالىقتى ىنتىماقتاستىرىپ جانە باستاپ، سوتسياليستىك توڭكەرىستى ورىنداپ، سوتسياليستىك نەگىزگى ءتۇزىمدى ورناتىپ، سوتسياليستىك قۇرىلىستى ىلگەرىلەتىپ، جۇڭحۋا ۇلتىنىڭ تاريحتان بەرگى ەڭ كەڭ كولەمدى، تەرەڭ قوعامدىق وزگەرىسىن ورىنداپ، زامانىمىزداعى جۇڭگونىڭ بارلىق جاقتان دامۋى مەن العاباسۋىنا ءتۇبىرلى ساياسي العى شارت جانە تۇزىمدىك نەگىز ازىرلەپ، جۇڭحۋا ۇلتىنىڭ تاياۋ زامانداعى تولاسسىز قۇلدىراۋدان تاعدىرىن تۇبەگەيلى وزگەرتۋگە، ءۇرتىس گۇلدەنىپ - كوركەيىپ، باي - قۇدىرەتتى بولۋعا بەت العان ۇلى شارىقتاۋىن جۇزەگە اسىردى.

  پارتيامىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءداۋىردىڭ اعىمىنا ۇيلەسىپ، حالىقتىڭ ەركىنە باعىپ، باتىل رەفورما جاساپ، ەسىك اشىپ، پارتيا مەن حالىق ىستەرىن قاي - قاشان دا ەرلىكپەن العا باستىراتىن قۇدىرەتتى قوزعاۋشى كۇشكە يە ەتۋ قاجەت ەكەنىن تولىق تانىدى. پارتيامىز حالىقتى ىنتىماقتاستىرىپ جانە باستاپ، رەفورما جاساپ، ەسىك اشۋ سىندى تىڭ دا ۇلى توڭكەرىستى جۇرگىزىپ، مەملەكەت پەن ۇلتتىڭ دامۋىنا تۇساۋ بولاتىن ءارقانداي يدەيالىق جانە تۇزىلىستىك كەدەرگىلەردى الاستاپ، جۇڭگوشا سوتسياليزم جولىن اشىپ، جۇڭگونى داۋىرگە ىلەسىپ، ارشىندى قاداممەن العاباسۋ مۇمكىندىگىنە يە ەتتى.

  96 جىلدان بەرى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بورىشىن ورىنداۋ ءۇشىن، پارتيامىز مەيلى ءالسىز نەمەسە قۋاتتى بولسىن، ءساتتى نەمەسە ءساتسىز كەزدەردە بولسىن، اۋەلگى ۋادەسىن وزگەرتپەي، العان بەتىنەن قايتپاي، حالىقتى ىنتىماقتاستىرىپ جانە باستاپ، تار جول، تايعاق كەشۋلەردەن ءوتىپ، زور بوداۋلار بەرىپ، بۇرالاڭدىقتارعا تايسالماي بەتپە - بەت كەلىپ، قاتەلىكتەردى باتىل تۇزەتىپ، الىنباس قيىن قامالداردى ءبىر - بىرلەپ الىپ، تاريح بەتىنەن ماڭگى وشپەيتىن ادامزات دۇنيەسىندەگى مۇعجيزالاردى ارت - ارتىنان جاراتتى.

  جولداستار! بۇگىن ءبىز ءارقانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قابىلەت - قۋاتىمىز دا جەتەدى.

     «100 شاقىرىمدىق جولدىڭ 90 شاقىرىمىن باسساڭ دا ءالى جولدامىن دەپ ءبىل» دەگەن. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە قۇر ايعاي - سۇرەنمەن وڭاي - وسپاق بىتە سالاتىن شارۋا ەمەس. بۇكىل پارتيا اناعۇرلىم ماشاقاتتى، اناعۇرلىم قاجىرلى قۇلشىنىس جاساۋعا ساقاداي ساي تۇرۋى قاجەت.

 ۇلى ارماندى جۇزەگە اسىرۋ ءۇشىن، ۇلى كۇرەستەر جۇرگىزۋ كەرەك. قوعام قايشىلىقتىڭ قوزعالىسى بارىسىندا العا باسادى، قايشىلىق بولعان سوڭ، كۇرەس تە بولادى. پارتيامىز حالىقتى ىنتىماقتاستىرىپ جانە باستاپ، اۋىر سىندارعا توتەپ بەرىپ، ۇلكەن قاتەرلەردىڭ الدىن الىپ، قيىن كەدەرگىلەردى جەڭىپ، ءىرى قايشىلىقتاردى شەشۋ ءۇشىن، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋى قاجەت، راحاتقۇمارلىققا، كەرەناۋلىققا، بويكۇيەزدىككە سالىناتىن، قايشىلىقتان قاشقالاقتايتىن يدەيا - ارەكەت اتاۋلىنىڭ بارلىعى قاتە. بۇكىل پارتيا پارتيانىڭ باسشىلىعى مەن ەلىمىزدىڭ سوتسياليستىك تۇزىمىنە اناعۇرلىم سانالى تاباندى بولىپ، پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىن السىرەتەتىن، بۇرمالايتىن، تەرىسكە شىعاراتىن ءسوز - ارەكەت اتاۋلىعا باتىل قارسى تۇرۋى؛ حالىقتىڭ مۇددەسىن اناعۇرلىم سانالى قورعاپ، حالىقتىڭ مۇددەسىنە زيان جەتكىزەتىن، بۇقارادان قول ۇزەتىن ارەكەت اتاۋلىعا باتىل قارسى تۇرۋى؛ رەفورما جاساپ، جاڭالىق اشۋ سىندى ءداۋىر اعىمىنا اناعۇرلىم سانالى ات سالىسىپ، ەسكىلىكتى دەرت اتاۋلىنى باتىل الاستاۋى؛ ەلىمىزدىڭ يەلىك ۇقىعىن، حاۋىپسىزدىگىن، دامۋ مۇددەسىن اناعۇرلىم سانالى قورعاپ، وتاندى بولشەكتەيتىن، ۇلتتار ىنتىماعىن جانە قوعامنىڭ جاراسىمدىلىعى مەن ورنىقتىلىعىن بۇلدىرەتىن ارەكەت اتاۋلىعا باتىل قارسى تۇرۋى؛ ءتۇرلى حاۋىپ - قاتەردەن اناعۇرلىم سانالى ساقتانىپ، ساياسي، ەكونوميكا، مادەنيەت، قوعام سياقتى سالالاردا جانە تابيعات دۇنيەسىندە جارىققا شىققان قيىنشىلىق، سىن - سىناق اتاۋلىنى باتىل جەڭۋى كەرەك. بۇكىل پارتيا وسى ۇلى كۇرەستىڭ ۇزاق ۋاقىتتىلىعىن، كۇردەلىلىگىن، جاپالىلىعىن جەتە تانىپ، كۇرەسكەرلىك رۋحتى ساۋلەلەندىرىپ، كۇرەس جۇرگىزۋ قابىلەتىن جوعارىلاتىپ، ۇلى كۇرەستىڭ تىڭ جەڭىسىنە ۇزدىكسىز قول جەتكىزۋى كەرەك.

  ۇلى ارماندى جۇزەگە اسىرۋ ءۇشىن، ۇلى ينجەنەريانى جۇرگىزۋ قاجەت. بۇل ۇلى ينجەنەريا − پارتيامىز ىشكەرىلەي جۇرگىزىپ وتىرعان پارتيا قۇرىلىسى سىندى جاڭا دا ۇلى ينجەنەريا. تاريح جۇڭگو كوممۋنيستىك پارتياسىنىڭ باسشىلىعى بولماسا، ۇلتتىڭ گۇلدەنۋىنىڭ قۇر قيالعا اينالاتىنىن دالەلدەدى ءارى دالەلدەي بەرمەك. پارتيامىز باستان - اياق ءداۋىردىڭ اتويشىسى، ۇلتتىڭ ارقا تىرەگى، ماركستىك بيلىك باسىنداعى پارتيا بولىپ تۇرۋى ءۇشىن، ءوزىن اركەز شىڭداپ وتىرۋى ءتيىس. بۇكىل پارتيا پارتيالىلىق پرينسيپكە اناعۇرلىم سانالىلىقپەن تاباندى بولىپ، ماسەلەگە بەتپە - بەت كەلۋدەن قورىقپاي، سۇيەكتى قىرىپ، ءزاھاردى ايداپ، پارتيانىڭ العاباسارلىعى مەن كىرشىكسىزدىگىنە داق تۇسىرەتىن فاكتور اتاۋلىنى جويىپ، پارتيانىڭ اقاۋسىزدىعىنا زالال جەتكىزەتىن ۆيرۋس اتاۋلىنى الاستاپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز جوعارىلاتىپ، پارتيامىزدىڭ تاسقىنداعان ومىرشەڭدىگى مەن قۇدىرەتتى جاۋىنگەرلىك قۋاتىن ماڭگى ساقتاۋىنا شىن مانىندە كەپىلدىك ەتۋى كەرەك.

    ۇلى ارماندى جۇزەگە اسىرۋ ءۇشىن، ۇلى ىستەردى تىندىرۋ قاجەت. جۇڭگوشا سوتسياليزم − رەفورما جاساپ، ەسىك اشقاننان بەرگى پارتيانىڭ بارلىق نازارياسى مەن امالياتىنىڭ نەگىزگى تاقىرىبى، پارتيا مەن حالىقتىڭ ماشاقاتتى كەشىرمەلەردى باستان وتكەرىپ، وراسان زور بوداۋ بەرۋىنىڭ ارقاسىندا قول جەتكىزگەن ءتۇبىرلى جەتىستىگى. جۇڭگوشا سوتسياليزم جولى − سوتسياليستىك وسىزامانداندىرۋدى جۇزەگە اسىرىپ، حالىقتى تاماشا تۇرمىسقا كەنەلتۋدە، ءسوزسىز، باسىپ وتەتىن جول، جۇڭگوشا سوتسياليزمنىڭ نازاريالىق جۇيەسى − پارتيا مەن حالىقتىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا جەتەكشىلىك ەتەتىن دۇرىس نازاريا، جۇڭگوشا سوتسياليستىك ءتۇزىم − زامانىمىزداعى جۇڭگونىڭ دامىپ، العاباسۋىنىڭ ءتۇبىرلى تۇزىمدىك كەپىلى، جۇڭگوشا سوتسياليستىك مادەنيەت − بۇكىل پارتيانى جانە بۇكىل ەلدەگى ءار ۇلت حالقىن ەرلىكپەن العاباسۋعا جىگەرلەندىرەتىن قۇدىرەتتى رۋحاني كۇش. بۇكىل پارتيا جول، نازاريا، ءتۇزىم، مادەنيەت جونىندەگى سەنىمدى اناعۇرلىم سانالى نىعايتىپ، تۇيىققا تىرەيتىن كونە سۇردەكپەن جۇرمەۋى، باعداردان اداستىراتىن تەرىس جولعا تۇسپەۋى، ساياسي ۇستامدىلىقتى ساقتاپ، ىسكەرلىكپەن ەلدى كوركەيتىپ، جۇڭگوشا سوتسياليزمگە باستان - اياق تاباندى بولۋى جانە ونى دامىتۋى كەرەك.

  ۇلى كۇرەس، ۇلى ينجەنەريا، ۇلى ءىس، ۇلى ارمان ءبىر - بىرىمەن تىعىز بايلانىسىپ، ءبىر - بىرىمەن ساباقتاسىپ، ءبىر - بىرىنە اسەر ەتەدى، بۇلاردىڭ ىشىندە شەشۋشى رول اتقاراتىنى − پارتيا قۇرىلىسى سىندى جاڭا دا ۇلى ينجەنەريا. ۇلى ينجەنەريانى ىلگەرىلەتۋدە ونى ۇلى كۇرەستىڭ، ۇلى ءىستىڭ، ۇلى ارماننىڭ امالياتىمەن ۇشتاستىرا وتىرىپ جۇرگىزۋ، پارتيانىڭ دۇنيە ءجۇزىنىڭ جاعدايىندا تەرەڭ وزگەرىستەر تۋىلىپ جاتقان تاريحي ۇردىستە باستان - اياق زامانانىڭ الدىڭعى لەگىندە بولۋىنا، ىشكى - سىرتقى الۋان ءتۇرلى حاۋىپ - قاتەرلەر مەن سىندارعا توتەپ بەرۋدىڭ تاريحي ۇردىسىندە باستان - اياق بۇكىل ەل حالقىنىڭ تىرەگى بولۋىنا، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇردىسىندە باستان - اياق قۇدىرەتتى باسشىلىق ۇيتقى بولۋىنا شىن مانىندە كەپىلدىك ەتۋ كەرەك.

  جولداستار! بورىش ءبىزدى مىندەت ارقالاۋعا ۇندەپ، بولاشاققا باستاپ وتىر. ءبىز حالىقتىڭ كەلەلى تاپسىرماسىن ورىنداپ، تاريحي تالعامىمىزعا ادال بولىپ، جاڭا داۋىردەگى جۇڭگوشا سوتسياليزمنىڭ ۇلى امالياتى بارىسىندا پارتيانىڭ قۇدىرەتتى باسشىلىعى جانە قاجىرلىلىقپەن كۇرەس جۇرگىزۋى ارقىلى بارشا جۇڭحۋا ۇلاندارىن ۇزدىكسىز العا ۇمتىلىپ، جۇڭگو ارمانىن ءبىر نيەتپەن ورىنداۋعا جىگەرلەندىرەتىن تەگەۋرىندى كۇش ۇيىستىرۋىمىز كەرەك!

       3. جاڭا داۋىردەگى جۇڭگوشا سوتسياليزم يدەياسى جانە نەگىزگى شارالارى

  18 - قۇرىلتايدان بەرى، ەل ءىشى - سىرتى جاعدايىنداعى وزگەرىستەر مەن ەلىمىزدەگى ءتۇرلى ىستەردىڭ دامۋى ءبىزدىڭ الدىمىزعا كەلەلى داۋىرلىك تاقىرىپ قويدى، مۇندا نازاريا مەن امالياتتى ۇشتاستىرۋ نەگىزىندە جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ باس نىساناسى، باس مىندەتى، جالپى تۇلعالىق ورنالاستىرۋى، ستراتەگيالىق ورنالاستىرۋى، دامۋ بەتالىسى، دامۋ ءتاسىلى، دامۋ قوزعاۋشى كۇشى، ستراتەگيالىق قادامى، سىرتقى شارت - جاعدايى، ساياسي كەپىلى سياقتىلاردى قامتىعان جاڭا داۋىردە، قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ سىندى نەگىزگى ماسەلەلەرگە جۇيەلى جاۋاپ بەرۋ قاجەت، سونداي - اق جۇڭگوشا سوتسياليزمگە اناعۇرلىم جاقسى تاباندى بولۋعا جانە ونى دامىتۋعا ءتيىمدى بولۋ ءۇشىن، جاڭا اماليات نەگىزىندە ەكونوميكا، ساياسي، زاڭمەن باسقارۋ، عىلىم - تەحنيكا، مادەنيەت، وقۋ - اعارتۋ، حالىق تۇرمىسى، ۇلت، ءدىن، قوعام، ەكولوگيالىق وركەنيەت، مەملەكەت حاۋىپسىزدىگى، مەملەكەت قورعانىسى، ارميا، «ءبىر ەل، ەكى ءتۇزىم» جانە وتاننىڭ تۇتاستىعى، بىرلىكساپ، ديپلوماتيا، پارتيا قۇرىلىسى سياقتىلار جونىندە نازاريالىق تالداۋ جاساۋ جانە ساياساتتىق جەتەكشىلىك ەتۋ كەرەك.

  وسى كەلەلى داۋىرلىك تاقىرىپتى ارقاۋ ەتە وتىرىپ، پارتيامىز ماركسيزم - لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋگە، يدەيانى ازات ەتىپ، شىندىقتى ءىس جۇزىنەن ىزدەپ، داۋىرمەن جارىسا ىلگەرىلەپ، اقيقاتقا جۇگىنىپ، ناقتى ىستەر ىستەۋگە، ديالەكتيكالىق ماتەرياليزم مەن تاريحي ماتەرياليزمگە تاباندى بولىپ، جاڭا داۋىرلىك شارت - جاعدايمەن جانە امالياتتىق تالاپپەن تىعىز ۇشتاستىرىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن شىت جاڭا تۇرعىدان تەرەڭدەتىپ، قاجىرلىلىقپەن نازاريالىق ىزدەنىس جاساپ، كەلەلى نازاريالىق جاڭا جەتىستىكتەرگە جەتىپ، جاڭا داۋىردەگى جۇڭگوشا سوتسياليزم يدەياسىن قالىپتاستىردى.

     جاڭا داۋىردەگى جۇڭگوشا سوتسياليزم يدەياسى جۇڭگوشا سوتسياليزمگە تاباندى بولۋ جانە ونى دامىتۋ ەكەنىن، باس مىندەتى − سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، جاپپاي دوڭگەلەك داۋلەتتى قوعام قۇرىپ شىعۋ نەگىزىندە 2 ساتىعا ءبولىپ ءجۇرىپ، ۇستەگى عاسىردىڭ ورتا شەنىندە ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ ەكەنىن ايقىنداپ بەردى؛ جاڭا داۋىردەگى ەلىمىز قوعامىنداعى باستى قايشىلىق − حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق ەكەنىن، سوندىقتان حالىقتى وزەك ەتۋ سىندى دامۋ يدەياسىنا تاباندى بولىپ، ادامنىڭ جان - جاقتىلى جەتىلۋىن، جالپى حالىقتىڭ بىرگە اۋقاتتانۋىن ۇزدىكسىز جەبەۋ كەرەكتىگىن ايقىنداپ بەردى؛ جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋى − «بەستى ءبىر تۇلعالاندىرۋ»، ستراتەگيالىق ورنالاستىرۋى − «ءتورتتى جاپپاي ورىنداۋ» ەكەنىن ايقىنداپ، جول، نازاريا، ءتۇزىم، مادەنيەت جونىندەگى سەنىمدى بەكەمدەۋدى باسا دارىپتەدى؛ رەفورمانى جاپپاي تەرەڭدەتۋدىڭ باس نىساناسى − جۇڭگوشا سوتسياليستىك ءتۇزىمدى كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ ەكەنىن؛ مەملەكەتتى زاڭمەن باسقارۋدى جاپپاي ىلگەرىلەتۋدىڭ باس نىساناسى − جۇڭگوشا سوتسياليستىك زاڭ - ءتۇزىم جۇيەسىن ورناتىپ، سوتسياليستىك زاڭمەن باسقارىلاتىن مەملەكەت قۇرۋ ەكەنىن؛ پارتيانىڭ جاڭا جاعدايداعى ارميانى قۇدىرەتتەندىرۋ نىساناسى − پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزە الاتىن، ستيلى تاڭداۋلى حالىق ارمياسىن قۇرىپ، حالىق ارمياسىن دۇنيە جۇزىندەگى الدىڭعى قاتارلى ارميا ەتىپ قۇرىپ شىعۋ ەكەنىن؛ جۇڭگوشا ءىرى ەلدىك ديپلوماتيانىڭ جاڭاشا حالىقارالىق قاتىناستىڭ قالىپتاسۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەكتىگىن؛ جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى ەكەنىن، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى − جۇڭگو كوممۋنيستىك پارتياسىنىڭ باسشىلىعى ەكەنىن، پارتيا − ەڭ جوعارعى ساياسي باسشىلىق كۇش ەكەنىن ايقىنداپ، جاڭا داۋىردەگى پارتيا قۇرىلىسىنىڭ باس تالابىن ورتاعا قويىپ، ساياسي قۇرىلىستىڭ پارتيا قۇرىلىسىنداعى ماڭىزدى ورنىن كورنەكتىلەندىردى.

 جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمدى جۇڭگوشالاندىرۋدىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، جۇڭگوشا سوتسياليزم نازاريالىق جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى كۇرەسىنىڭ ارەكەت قىبلاناماسى، وعان ۇزاق ۋاقىت تاباندى بولۋ جانە ونى ۇزدىكسىز دامىتۋ قاجەت.

  بۇكىل پارتيا جاڭا داۋىردەگى جۇڭگوشا سوتسياليزم يدەياسىنىڭ رۋحاني ءمانى مەن باي مازمۇنىن جەتە ۇعىنىپ، ءتۇرلى قىزمەتتەردە جان - جاقتى، دۇرىس دايەكتى تياناقتاندىرۋى كەرەك.

1) بارلىق قىزمەتتە پارتيانىڭ باسشىلىعىنا تاباندى بولۋ. پارتيا، ۇكىمەت، ارميا، حالىق، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى. ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان، ءبىر تۇتاس باسشىلىعىن سانالى قورعاپ، يدەيا، ساياسي، ارەكەت جاقتارىندا پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى ساقتاپ، پارتيانىڭ باسشىلىعىنا تاباندى بولۋ ءتۇزىلىسىن، مەحانيزمىن كەمەلدەندىرىپ، قىزمەتتى ورنىقتىلىق بارىسىندا ىلگەرىلەتۋ سىندى نەگىزگى اۋەنىنە تاباندى بولىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ جانە ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى جەبەپ، پارتيانىڭ بەتالىستى يگەرۋ، جالپى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتى مەن ۇستامدىلىعىن جوعارىلاتىپ، پارتيانىڭ باستان - اياق جالپى جاعدايدى مەڭگەرىپ، بارلىق جاقتى سايكەستىرۋىنە شىنايى كەپىلدىك ەتۋ قاجەت.

2) حالىقتى وزەك ەتۋگە تاباندى بولۋ. حالىق − تاريحتى جاراتۋشى، پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. حالىقتىڭ نەگىزگى تۇلعالىق ورنىنا، پارتيانى حالىق ءۇشىن قۇرۋعا، بيلىكتى حالىق ءۇشىن جۇرگىزۋگە، ءسوز جوق، تاباندى بولىپ، بۇكىل ىنتا - پەيىلمەن حالىق ءۇشىن قىزمەت ەتۋ ءتۇبىرلى ماقساتىن ورىنداپ، پارتيانىڭ بۇقارالىق لۋشيانىن ەل باسقارىپ، بيلىك جۇرگىزۋدىڭ تۇتاس بارىسىنا ءسىڭىرىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، حالىققا سۇيەنىپ، تاريحي ۇلى ىستەر ىستەۋ قاجەت.

3) رەفورمانى جاپپاي تەرەڭدەتۋگە تاباندى بولۋ. سوتسياليزم عانا جۇڭگونى قۇتقارا الادى، رەفورما جاساپ، ەسىك اشقاندا عانا، جۇڭگونى، سوتسياليزمدى، ماركسيزمدى دامىتۋعا بولادى. جۇڭگوشا سوتسياليستىك تۇزىمگە، ءسوزسىز، تاباندى بولىپ جانە ونى كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ۇزدىكسىز ىلگەرىلەتىپ، زامانعا ساي كەلمەيتىن بارلىق يدەيا مەن كوزقاراستى جانە ءتۇزىلىس مەحانيزم كىناراتتارىن باتىل الاستاپ، قاتىپ - سەمگەن مۇددەلىك بۇعاۋلاردى جويىپ، ادامزات وركەنيەتىنىڭ پايدالى جەتىستىكتەرىن قابىلداپ، جۇلگەسى كەمەلدى، عىلمي نورماعا تۇسكەن، اينالىمى ءونىمدى ءتۇزىم جۇيەسىن ورناتىپ، ەلىمىز سوتسياليستىك ءتۇزىمىنىڭ ابزالدىلىعىن تولىق ساۋلەلەندىرۋ قاجەت.

4) جاڭا دامۋ كوزقاراسىنا تاباندى بولۋ. دامۋ − ەلىمىزدىڭ بارلىق ماسەلەسىن شەشەتىن نەگىز جانە كىلت. دامۋ، ءسوزسىز، عىلمي بولۋ، جاڭالىق اشۋ، سايكەستىرۋ، جاسىل دامۋ، اشىق ۇستاۋ، تەڭ يگىلىكتەنۋ سىندى دامۋ ۇستانىمىن بۇلجىتپاي دايەكتىلەندىرۋ قاجەت. ەلىمىزدىڭ سوتسياليستىك نەگىزگى ەكونوميكالىق ءتۇزىمى مەن ءبولىس تۇزىمىنە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا بۇلجىماي دەم بەرىپ، قولداۋ كورسەتىپ، جەتەكشىلىك ەتىپ، بازاردىڭ بايلىقتى ورنالاستىرۋدا شەشۋشى رول اتقارۋىنا مۇمكىندىك جاساپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، جاڭاشا ونەركاسىپتەنۋدىڭ، ينفورماتسيالانۋدىڭ، قالا - قالاشىقتانۋدىڭ، اۋىل شارۋاشىلىعىن وسىزامانداندىرۋدىڭ قاتار دامۋىن دەمەپ، ەكونوميكانىڭ عالامدانۋ بارىسىنا بەلسەنە قاتىسىپ جانە ونى ىلگەرىلەتىپ، اناعۇرلىم جوعارى دەڭگەيدەگى اشىق ەكونوميكانى دامىتىپ، ەلىمىزدىڭ ەكونوميكالىق قۋاتى مەن جالپىلىق مەملەكەت قۋاتىن ۇزدىكسىز زورايتۋ قاجەت.

5) حالىقتىڭ وزىنە - ءوزى قوجا بولۋىنا تاباندى بولۋ. پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، ەلدى زاڭمەن باسقارۋدىڭ ورگانيكالى بىرلىگىنە تاباندى بولۋ − سوتسياليستىك ساياسيدى دامىتۋدىڭ قاجەتتى تالابى. جۇڭگوشا سوتسياليستىك ساياسي دامۋ جولىنا تاباندى بولىپ، حالىق قۇرىلتايى تۇزىمىنە، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي ءماسليحات تۇزىمىنە، ۇلتتىق تەرريتوريالىق اۆتونوميا تۇزىمىنە، نەگىزگى ساتىلارداعى بۇقارانىڭ ءوزىن - ءوزى باسقارۋ تۇزىمىنە تاباندى بولىپ جانە ونى كەمەلدەندىرىپ، ەڭ كەڭ وتانشىلدىق بىرلىكساپتى بەكەمدەپ جانە دامىتىپ، سوتسياليستىك ءماسليحات دەموكراتياسىن دامىتىپ، دەموكراتيالىق ءتۇزىمدى كەمەلدەندىرىپ، دەموكراتيا فورماسىن بايىتىپ، دەموكراتيا ارناسىن كەڭەيتىپ، حالىقتىڭ وزىنە - ءوزى قوجا بولۋىن مەملەكەتتىڭ ساياسي ءومىرى مەن قوعامدىق ومىرىندە تياناقتاندىرۋعا كەپىلدىك ەتۋ قاجەت.

6) مەملەكەتتى جاپپاي زاڭمەن باسقارۋعا تاباندى بولۋ. مەملەكەتتى جاپپاي زاڭمەن باسقارۋ − جۇڭگوشا سوتسياليزمنىڭ ماندىك تالابى جانە ماڭىزدى كەپىلى. پارتيانىڭ باسشىلىعىن مەملەكەتتى زاڭمەن باسقارۋدىڭ جالپى بارىسى مەن بارلىق جاقتارىندا دايەكتى تياناقتاندىرىپ، جۇڭگوشا سوتسياليستىك زاڭمەن باسقارۋ جولىنان اۋىتقىماي، نەگىزگى زاڭدى ۇيتقى ەتكەن جۇڭگوشا سوتسياليستىك زاڭ جۇيەسىن كەمەلدەندىرىپ، جۇڭگوشا سوتسياليستىك زاڭمەن باسقارۋ جۇيەسىن ورناتىپ، سوتسياليستىك زاڭمەن باسقارىلاتىن مەملەكەت قۇرىپ، جۇڭگوشا سوتسياليستىك زاڭمەن باسقارۋ نازارياسىن كەمەلدەندىرىپ، مەملەكەتتى زاڭمەن باسقارۋدى، بيلىكتى، اكىمشىلىكتى زاڭ بويىنشا جۇرگىزۋدى تەڭ ىلگەرىلەتىپ، مەملەكەتتى، ۇكىمەتتى، قوعامدى زاڭمەن باسقارۋدى ءبىر تۇلعالاندىرۋعا، مەملەكەتتى زاڭمەن باسقارۋدى مورالمەن باسقارۋمەن ۇشتاستىرۋعا، مەملەكەتتى زاڭمەن باسقارۋ مەن پارتيانى تۇزىممەن باسقارۋدىڭ ورگانيكالى بىرلىگىنە تاباندى بولىپ، ءادىليا ءتۇزىلىسى رەفورماسىن تەرەڭدەتىپ، تۇتاس ۇلتتىڭ زاڭمەن باسقارۋ ورەسى مەن ءمورالدىق ساپاسىن جوعارىلاتۋ قاجەت.

7) سوتسياليستىك وزەكتى قۇن جۇيەسىنە تاباندى بولۋ. مادەنيەت جونىندەگى سەنىم − ءبىر مەملەكەتتىڭ، ءبىر ۇلتتىڭ دامۋىنداعى بارىنەن دە نەگىزگى، بارىنەن دە سالماقتى، بارىنەن دە باياندى كۇش. ماركسيزمگە تاباندى بولىپ، كوممۋنيزم ۇلى مۇراتى مەن جۇڭگوشا سوتسياليستىك ورتاق مۇراتتى بەرىك ورناتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، يدەولوگيا سالاسىنداعى جەتەكشىلىك ەتۋ ۇقىعى مەن وي - پىكىر ءبىلدىرۋ ۇقىعىن ۇزدىكسىز كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇلەۋىن، جاسامپازدىقپەن دامۋىن ىلگەرىلەتىپ، توڭكەرىستىك مادەنيەتكە مۇراگەرلىك ەتىپ، سوتسياليستىك وزىق مادەنيەتتى دامىتىپ، ءتۇپ توركىندى ۇمىتپاي، شەتەلدەردىڭ وزىق مادەنيەتىن قابىلداپ، بولاشاققا بەت الىپ، جۇڭگو رۋحىن، جۇڭگو قۇندىلىعىن، جۇڭگو قۋاتىن اناعۇرلىم ويداعىداي تۇلعالاپ، حالىققا رۋحاني جاقتان جول سىلتەپ، ءجون كورسەتۋ قاجەت.

8) دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ. حالىقتىڭ ىرىس - قۇتىن ارتتىرۋ − دامۋدىڭ ءتۇبىرلى ماقساتى. حالىق تۇرمىسىنا پايدالى ىستەردى كوبىرەك ويلاستىرىپ، حالىق تۇرمىسىنداعى قيىنشىلىقتاردى كوبىرەك شەشىپ، دامۋ بارىسىندا حالىق تۇرمىسىنداعى كەم - كەتىكتى تولىقتاپ، قوعامدىق ادىلدىك پەن ادىلەتتىلىكتى جەبەپ، وقۋ الدىنداعى تاربيەدەن، ءبىلىم الۋدان، ەڭبەكاقىدان، ەمدەلۋدەن، كۇتىمدەلۋدەن، تۇرعىن ۇيدەن، كومەكتەن يگىلىكتەنۋ جاقتارىندا ۇزدىكسىز تىڭ ىلگەرىلەۋشىلىككە قول جەتكىزىپ، كەدەيلىكتەن ارىلتۋدان قامال الۋدى ىشكەرىلەي ورىستەتىپ، تۇتاس حالىقتىڭ دامۋ جولىندا بىرگە قۇلشىنىپ، دامۋدان تەڭ يگىلىكتەنۋ بارىسىندا نەعۇرلىم كوپ يگىلىككە كەنەلۋىنە كەپىلدىك ەتىپ، ادامنىڭ جان - جاقتى جەتىلۋىن ۇزدىكسىز جەبەپ، بارشا حالىقتى قاتار اۋقاتتاندىرۋ كەرەك. تىنىش جۇڭگو قۇرىپ، قوعامدىق باسقارۋدى كۇشەيتىپ جانە وندا جاڭالىق اشىپ، قوعامنىڭ جاراسىمدىلىعى مەن ورنىقتىلىعىن قورعاپ، مەملەكەتتىڭ باياندى تىنىشتىعىنا، حالىقتىڭ الاڭسىز تىرشىلىك ەتۋىنە شىنايى كەپىلدىك ەتۋ قاجەت.

9) ادام مەن تابيعاتتىڭ جاراسىمدىلىعىنا، بىرگە جاساۋىنا تاباندى بولۋ. ەكولوگيالىق وركەنيەتتى گۇلدەندىرۋ − جۇڭحۋا ۇلتىنىڭ باياندى دامۋىنىڭ ۇزاق بولاشاقتىق ۇلى جوسپارى. ءمولدىر وزەندەر مەن جاسىل تاۋلاردىڭ ءوزى اسىل بايلىق دەيتىن كوزقاراستى بەرىك ورناتىپ جانە امالياتتا ايگىلەپ، مەملەكەتتىڭ بايلىقتى ۇنەمدەۋ جانە قورشاعان ورتانى قورعاۋ نەگىزگى ساياساتىنا تاباندى بولىپ، ەكولوگيالىق ورتانى ءومىردى قاستەرلەگەندەي قاستەرلەپ، تاۋ، وزەن، ورمان - توعاي، ەگىنجاي، كول، جايلىمدى جۇيەلى وڭاۋدى ءبىر تۇتاس جوسپارلاپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارىپ، جاسىل دامۋ ۇلگىسى مەن تۇرمىس ءتاسىلىن قالىپتاستىرىپ، ءوندىرىسى دامىعان، تۇرمىسى باقۋاتتى، ەكولوگياسى تىنىستى وركەنيەتتى دامۋ جولىنان جازباي، كورىكتى جۇڭگو قۇرىپ، حالىققا جايلى ءوندىرىس، تۇرمىس ورتاسىن ازىرلەپ بەرىپ، بۇكىل جەر شارىنىڭ ەكولوگيا حاۋىپسىزدىگىنە ۇلەس قوسۋ قاجەت.

10) جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ. دامۋ مەن حاۋىپسىزدىكتى ءبىر تۇتاس جوسپارلاپ، تاۋقىمەت تانىمىن كۇشەيتىپ، زەينەتتى كۇندە بەينەتتى كۇننىڭ بولارىن ويلاۋ − پارتيامىزدىڭ ەل باسقارۋداعى ماڭىزدى پرينسيبى. مەملەكەت مۇددەسىن بارىنەن جوعارى قويۋعا، حالىقتىڭ حاۋىپسىزدىگىن باستى ماقسات ەتۋگە، ساياسي حاۋىپسىزدىكتى ارقاۋ ەتۋگە تاباندى بولىپ، سىرتقى حاۋىپسىزدىك پەن ىشكى حاۋىپسىزدىكتى، مەملەكەت تەرريتورياسىنىڭ حاۋىپسىزدىگى مەن ازاماتتاردىڭ اماندىعىن، ءداستۇرلى حاۋىپسىزدىك پەن بەي ءداستۇرلى حاۋىپسىزدىكتى، ءتول حاۋىپسىزدىك پەن ورتاق حاۋىپسىزدىكتى ءبىر تۇتاس جوسپارلاپ، مەملەكەت حاۋىپسىزدىگى ءتۇزىمى جۇيەسىن كەمەلدەندىرىپ، مەملەكەت حاۋىپسىزدىگى قۋاتى قۇرىلىسىن كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاۋ قاجەت.

11) پارتيانىڭ حالىق ارمياسىنا شارتسىز باسشىلىعىنا تاباندى بولۋ.پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزە الاتىن، ستيلى تاڭداۋلى حالىق ارمياسىن قۇرۋ − «قوس 100 جىلدىق» كۇرەس نىساناسىن ورىنداۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ستراتەگيالىق تىرەگى. پارتيانىڭ حالىق ارمياسىنا باسشىلىق ەتۋدەگى ءبىر قىدىرۋ ءتۇبىرلى پرينسيبى مەن ءتۇزىمىن جاپپاي دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ يدەياسىنىڭ مەملەكەت قورعانىسى مەن ارميا قۇرىلىسىنداعى جەتەكشى ورنىن بەكەمدەپ، ارميانى ساياسي جولمەن قۇرۋعا، رەفورما ارقىلى قۇدىرەتتەندىرۋگە، عىلىم - تەحنيكا ارقىلى گۇلدەندىرۋگە، زاڭمەن باسقارۋعا تاباندى بولىپ، ناقتى سوعىستى نەگىزگە الۋعا، جاڭالىق اشۋ ارقىلى جەبەۋگە، جۇيە قۇرىلىسىنا، شوعىرلى دا جوعارى ءونىمدى بولۋعا، اسكەري ونەركاسىپ پەن حالىقتىق ونەركاسىپتىڭ توعىسۋىنا اناعۇرلىم باسا ءمان بەرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ قاجەت

12) «ءبىر ەل، ەكى تۇزىمگە» جانە وتاننىڭ بىرلىككە كەلۋىن ىلگەرىلەتۋگە تاباندى بولۋ. شياڭگاڭنىڭ، اۋمىننىڭ باياندى گۇلدەنۋى مەن ورنىقتىلىعىن ساقتاپ، وتاننىڭ تولىق بىرلىككە كەلۋىن جۇزەگە اسىرۋ − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى. ورتالىقتىڭ شياڭگاڭ، اۋمىن ەرەكشە اكىمشىلىك رايوندارىن جاپپاي باسقارۋ ۇقىعىن قورعاۋ مەن ەرەكشە اكىمشىلىك رايونداردىڭ وسكەلەڭ اۆتونوميا ۇقىعىن قامتاماسىز ەتۋدى ورگانيكالى ۇشتاستىرىپ، «ءبىر ەل، ەكى ءتۇزىم» باعىتىنىڭ وزگەرمەۋىنە، ودان اۋىتقىماۋعا، «ءبىر ەل، ەكى ءتۇزىم» امالياتىنىڭ تۇرلەنبەۋىنە، بۇرمالانباۋىنا شىنايى كەپىلدىك ەتۋ كەرەك. ءبىر جۇڭگو پرينسيبىنە، «92 - جىلعى ورتاق تانىمعا» تاباندى بولىپ، ەكى جاعالاۋ قاتىناسىنىڭ بەيبىت دامۋىن ىلگەرىلەتىپ، ەكى جاعالاۋدىڭ ەكونوميكالىق سەلبەستىگى مەن مادەنيەت اۋىس - كۇيىسىن تەرەڭدەتىپ، ەكى جاعالاۋداعى باۋىرلاستاردىڭ مەملەكەتتى بولشەكتەيتىن بارلىق ارەكەتتەرگە بىرگە قارسى تۇرۋىن جەبەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا بىرگە كۇرەس جۇرگىزۋ قاجەت.

13) ادامزاتتىڭ تاعدىرلاس ورتاق تۇلعاسىن قۇرۋدى جەبەۋگە تاباندى بولۋ. جۇڭگو حالقىنىڭ ارمانى ءار ەل حالقىنىڭ ارمانىمەن تىعىز ۇلاسقان، جۇڭگو ارمانىن جۇزەگە اسىرۋ بەيبىت حالىقارالىق ورتا مەن ورنىقتى حالىقارالىق تارتىپتەن ايرىلا المايدى. ىشكى جانە حالىقارالىق جالپى جاعدايدى ءبىر تۇتاس ەسكەرىپ، بەيبىت دامۋ جولىنان استە اۋىتقىماي، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىن اتقارىپ، دۇرىس ادىلەتتىلىك - مۇددە كوزقاراسىنان جازباي، ورتاق، جالپىلىق، سەلبەسىمدى، باياندى جاڭا حاۋىپسىزدىك كوزقاراسىن ورناتىپ، اشىق، جاڭاشىل، كەشىرىمشىل، ءوزارا ءتيىمدى دامۋ بولاشاعىنا تالپىنىپ، پارىقتاردى ساقتاي وتىرىپ، ورتاقتىققا ۇمتىلاتىن، ۇقساماعان ءتۇرلى جاقتاردى قابىلدايتىن وركەنيەتتى بارىس - كەلىستى جەبەپ، تابيعاتقا قۇرمەت ەتىپ، زالالسىز داميتىن ەكولوگيالىق جۇيەنى قالىپتاستىرىپ، باستان - اياق دۇنيە ءجۇزى بەيبىتشىلىگىنىڭ كوركەيتۋشىسى، جەر شارىنىڭ دامۋىنا ۇلەس قوسۋشىسى، حالىقارالىق ءتارتىپتىڭ قورعاۋشىسى بولۋعا قۇلشىنۋ قاجەت.

14) پارتيانى جاپپاي قاتاڭ باسقارۋعا تاباندى بولۋ. ءوزىن تۇلەتۋگە باتىل بولىپ، پارتيانى قاتاڭ باسقارۋ، قاتاڭ جونگە سالۋ − پارتيامىزدىڭ ايقىن قاسيەتى. پارتيا ۋستاۆىن ءتۇبىرلى پرينسيپ ەتىپ، پارتيانىڭ ساياسي قۇرىلىسىن ماڭداي الدى ورىنعا قويىپ، يدەيالىق قۇرىلىسقا جانە پارتيانى تۇزىممەن باسقارۋعا ۇقساس باعىتتا كۇش سالىپ، پارتيانىڭ ءتۇرلى قۇرىلىسىن ءبىر تۇتاس ىلگەرىلەتىپ، «شەشۋشى از ساندىلاردى» مىقتى يگەرىپ، «ۇشتە قاتاڭ بولۋ، ۇشتە شىنايى بولۋدان»، دەموكراتيالىق ورتالىقتاندىرۋ تۇزىمىنەن جازباي، پارتيانىڭ ىشكى ساياسي تۇرمىسىن قاتايتىپ، پارتيا ءتارتىبىن، پارتيا ىشىندەگى باقىلاۋدى كۇشەيتىپ، پارتيا ىشىندە بەلسەندى، اقاۋسىز ساياسي مادەنيەتتى دامىتىپ، پارتيانىڭ ساياسي ەكولوگياسىن جاپپاي تازارتىپ، ءتۇرلى بۇرىس ستيلدەردى باتىل تۇزەتىپ، استە راقىم ەتپەۋ پوزيتسياسىمەن شىرىكتەسكەندەردى جازالاپ، پارتيانىڭ ءوزىن تازارتۋ، ءوزىن كەمەلدەندىرۋ، ءوزىن جاڭالاۋ، ورەسىن جوعارىلاتۋ قابىلەتىن ۇزدىكسىز كۇشەيتىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋ قاجەت.

  جوعارىداعى 14 بولىمنەن جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى شارالارى قالىپتاسادى. بۇكىل پارتياداعى جولداستار پارتيانىڭ نەگىزگى نازارياسىن، نەگىزگى لۋشيانىن، نەگىزگى شاراسىن جاپپاي دايەكتىلەندىرىپ، پارتيا مەن حالىق ىستەرىنىڭ دامۋىنا اناعۇرلىم ويداعىداي جەتەكشىلىك ەتۋى قاجەت.

  امالياتتا شەك جوق، نازاريادا جاڭالىق اشۋدا دا شەك جوق. دۇنيە جۇزىندە ساعات، مينۋت سايىن وزگەرىس تۋىلۋدا، جۇڭگودا دا ساعات، مينۋت سايىن وزگەرىس تۋىلۋدا، ءبىز نازاريالىق جاقتا داۋىرگە ىلەسىپ، زاڭدىلىقتاردى توقتاۋسىز تانىپ، نازاريا، اماليات، ءتۇزىم، مادەنيەت جانە باسقا دا جاقتاردا جاڭالىق اشۋدى تىنباي ىلگەرىلەتۋىمىز قاجەت.

  جولداستار! ءداۋىر − يدەيانىڭ اناسى، اماليات − نازاريانىڭ قاينارى. ءبىز تەك ءداۋىردىڭ ۇنىنە مۇقيات قۇلاق اسىپ، اقيقاتتا تاباندى بولۋعا، قاتەلىكتى تۇزەتۋگە باتىل بولساق، 21 - عاسىرداعى جۇڭگونىڭ ماركسيزمى، ءسوزسىز، اناعۇرلىم قۇدىرەتتى، اناعۇرلىم يلاندىرارلىق اقيقاتتىق قۇدىرەتىن ايگىلەيتىن بولادى!

       4. جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەتتى قۇرۋدىڭ جاڭا جورىعىن باستاۋ

     رەفورما جاساپ، ەسىك اشقاننان كەيىن، پارتيامىز ەلىمىزدىڭ سوتسياليستىك وسىزاماندانۋ قۇرىلىسى جونىندە ستراتەگيالىق ورنالاستىرۋ جاساپ، «ءۇش قادامعا ءبولىپ جۇرگىزۋ» ستراتەگيالىق نىساناسىن العا قويدى. حالىقتىڭ ازىق - تۇلىك، كيىم - كەشەك ماسەلەسىن شەشۋ، حالىق تۇرمىسىن جالپى جاقتان دوڭگەلەك داۋلەتتى دەڭگەيگە جەتكىزۋ سىندى ەكى نىسانا كۇنى بۇرىن جۇزەگە استى. وسى نەگىزدە پارتيامىز پارتيا قۇرىلعاندىعىنىڭ 100 جىلدىعى تۇسىندا، ەكونوميكا اناعۇرلىم دامىعان، دەموكراتيا اناعۇرلىم كەمەلدەنگەن، عىلىم - تەحنيكا، وقۋ - اعارتۋ اناعۇرلىم العا باسقان، مادەنيەت اناعۇرلىم گۇلدەنگەن، قوعام اناعۇرلىم جاراسىمدى، حالىق تۇرمىسى اناعۇرلىم اۋقاتتى دوڭگەلەك داۋلەتتى قوعام قۇرىپ شىعۋدى، ونان سوڭ تاعى 30 جىل قۇلشىنۋ ارقىلى جاڭا جۇڭگو قۇرىلعاندىعىنىڭ 100 جىلدىعى تۇسىندا، وسىزاماندانۋدى نەگىزىنەن جۇزەگە اسىرىپ، ەلىمىزدى سوتسياليستىك وسىزاماندانعان ەل ەتىپ قۇرىپ شىعۋدى العا قويدى.

 قازىردەن باستاپ 2020 - جىلعا دەيىن − جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭى. پارتيانىڭ 16 -، 17 -، 18 - قۇرىلتايىندا العا قويىلعان جاپپاي دوڭگەلەك داۋلەتتى قوعام قۇرىپ شىعۋدىڭ ءتۇرلى تالاپتارىنا ساي، ەلىمىز قوعامىنداعى باستى قايشىلىقتىڭ وزگەرىسىنە نەگىزدەلىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن ىلگەرىلەتۋدى ءبىر تۇتاس جوسپارلاپ، عىلىم - تەحنيكا، وقۋ - اعارتۋ ارقىلى مەملەكەتتى كوركەيتۋ ستراتەگياسىن، دارىندىلار ارقىلى ەلدى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا قوزعاۋشىلىق ەتۋ ستراتەگياسىن، اۋىل - قىستاقتاردى گۇلدەندىرۋ ستراتەگياسىن، وڭىرلىك سايكەستى دامۋ ستراتەگياسىن، باياندى دامۋ ستراتەگياسىن، اسكەري ونەركاسىپ پەن حالىقتىق ونەركاسىپتىڭ توعىسپالى دامۋ ستراتەگياسىن باتىل اتقارىپ، تۇيىندەردى مىقتى يگەرۋدى، كەتىكتەردى تولىقتاۋدى، ءالسىز بۋىنداردى كۇشەيتۋدى كورنەكتىلەندىرىپ، اسىرەسە، ۇلكەن حاۋىپ - قاتەردەن ساقتانۋ جانە ونى جويۋ، كەدەيلىكتەن شىن مانىندە ارىلتۋ، لاستانۋدان ساقتانۋدان جانە ونى وڭاۋدان قامال الۋ شايقاسىن باتىلدىقپەن ويداعىداي جۇرگىزىپ، جاپپاي دوڭگەلەك داۋلەتتى قوعام قۇرىپ شىعۋدىڭ حالىقتىڭ قۇپتاۋىنا يە بولىپ، تاريحتىڭ سىنىنان سۇرىنبەي وتۋىنە مۇمكىندىك جاساۋ كەرەك.

  پارتيانىڭ 19 - قۇرىلتايىنان 20 - قۇرىلتايىنا دەيىنگى كەزەڭ − «قوس 100 جىلدىق» كۇرەس نىساناسىنىڭ تاريحي توعىسۋ كەزەڭى. ءبىز جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرۋىمىز ءارى وسى قولايلى ساتتەن پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىن ورىنداۋعا جورىق جاساۋىمىز كەرەك.

  حالىقارالىق جانە ەل ىشىندەگى جاعدايعا، ەلىمىزدىڭ دامۋ شارت - جاعدايىنا جان - جاقتىلى تالداۋ جاساي كەلىپ، 2020 - جىلدان وسى عاسىردىڭ ورتا شەنىنە دەيىنگى كەزەڭدى ەكى باسقىشقا ءبولىپ ورنالاستىرۋعا بولادى.

     ءبىرىنشى باسقىش، 2020 - جىلدان 2035 - جىلعا دەيىنگى مەزگىل، بۇل باسقىشتا جاپپاي دوڭگەلەك داۋلەتتى قوعام قۇرىپ شىعۋ نەگىزىندە، تاعى 15 جىل كۇرەس جاساۋ ارقىلى سوتسياليستىك وسىزاماندانۋدى نەگىزىنەن جۇزەگە اسىرامىز. ول كەزگە بارعاندا، ەلىمىزدىڭ ەكونوميكالىق، عىلىم - تەحنيكالىق قۋاتى بارىنشا ارتىپ، جاڭاشىل ەلدەردىڭ الدىڭعى قاتارىنان ورىن الاتىن بولادى؛ حالىقتىڭ تەڭ تۇرعىدا قاتىناسۋ، تەڭ تۇرعىدا دامۋ ۇقىعى تولىق قامتاماسىز ەتىلىپ، زاڭمەن باسقارىلاتىن مەملەكەت، زاڭمەن باسقارىلاتىن ۇكىمەت، زاڭمەن باسقارىلاتىن قوعام نەگىزىنەن قۇرىلادى، ءار جاقتاعى تۇزىمدەر اناعۇرلىم كەمەلدەنىپ، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋ نەگىزىنەن جۇزەگە اسادى؛ قوعامنىڭ وركەنيەت دەڭگەيى تىڭ بەلەسكە كوتەرىلەدى، مەملەكەتتىڭ مادەنيەت جۇمساق كۇشى كورنەكتى ارتادى، جۇڭحۋا مادەنيەتىنىڭ ىقپالى ونان ارى كەڭەيىپ تەرەڭدەيدى؛ حالىق تۇرمىسى بۇرىنعىدان دا باردام بولادى، ورتاشا كىرىستى قاۋىمنىڭ سالىستىرماسى كورنەكتى جوعارىلايدى، قالا مەن اۋىلدىڭ وڭىرلىك دامۋ پارقى جانە تۇرعىنداردىڭ تۇرمىس دەڭگەيىندەگى پارىق كورنەكتى ازايادى، نەگىزگى الەۋمەتتىك قىزمەت كورسەتۋدىڭ تەڭگەرىلۋى نەگىزىنەن جۇزەگە اسادى، بارشا حالىق تەڭ اۋقاتتانۋ جولىنا نىق قادام تاستايدى؛ وسى زامانعى قوعامدىق باسقارۋ جۇيەسى نەگىزىنەن قالىپتاسادى، قوعام ومىرشەڭدىككە تولى ءارى جاراسىمدى، ءتارتىپتى بولادى؛ ەكولوگيالىق ورتا تۇبىرىنەن جاقسارادى، جۇڭگونى كورىكتى ەل ەتىپ قۇرىپ شىعۋ نىساناسى نەگىزىنەن جۇزەگە اسادى.

    ەكىنشى باسقىش، 2035 - جىلدان وسى عاسىردىڭ ورتا شەنىنە دەيىنگى مەزگىل، بۇل باسقىشتا وسىزاماندانۋدى نەگىزىنەن جۇزەگە اسىرۋ نەگىزىندە، تاعى 15 جىل كۇرەس جاساۋ ارقىلى ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز. ول كەزگە بارعاندا، ەلىمىزدىڭ ماتەريالدىق وركەنيەتى، ساياسي وركەنيەتى، رۋحاني وركەنيەتى، قوعامدىق وركەنيەتى، ەكولوگيالىق وركەنيەتى جاپپاي گۇلدەنىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ جۇزەگە اسىپ، مەملەكەتتىڭ جالپىلىق قۋاتى مەن حالىقارالىق ىقپالى الدىڭعى قاتارداعى ەلگە اينالادى، جالپى حالىقتىڭ بىرگە اۋقاتتانۋى نەگىزىنەن جۇزەگە اسادى، ەلىمىز حالقى ءتىپتى باقىتتى، الاڭسىز تۇرمىس كەشىرەدى، جۇڭحۋا ۇلتى ءتىپتى اسقاق بەينەمەن دۇنيەدەگى ۇلتتار قاتارىنان ورىن الاتىن بولادى.

  جولداستار! جاپپاي دوڭگەلەك داۋلەتتى قوعام قۇرىپ شىعۋدان وسىزاماندانۋدى نەگىزىنەن جۇزەگە اسىرۋ، ودان جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ − جاڭا داۋىردەگى جۇڭگوشا سوتسياليزمدى دامىتۋدىڭ ستراتەگيالىق ورنالاستىرۋى. ءبىز قاجىماس جىگەرمەن قۇلشىنا شايقاس جاساپ، سوتسياليستىك وسىزاماندانۋ جاڭا ساپارىنىڭ ايبىندى داستانىن جازۋىمىز كەرەك!

        5. جاڭا دامۋ تانىمىن دايەكتىلەندىرىپ، وسىزاماندانعان شارۋاشىلىق ءتۇزىلىسىن ورناتۋ

  «قوس 100 جىلدىق» كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرىپ، حالىقتىڭ تۇرمىس دەڭگەيىن ۇزدىكسىز جوعارىلاتۋدا دامۋدى پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى مىندەتى ەتۋدەن جازباي، قوعامدىق وندىرگىش كۇشتەردى ازات ەتۋگە جانە دامىتۋعا، سوتسياليستىك بازار شارۋاشىلىعىنىڭ رەفورما باعىتىنا تاباندى بولىپ، ەكونوميكانىڭ باياندى، اقاۋسىز دامۋىن جەبەۋ قاجەت.

  ەلىمىز ەكونوميكاسى تەز قارقىنمەن ارتۋ كەزەڭىنەن جوعارى ساپالى دامۋ كەزەڭىنە اياق باستى، ءدال قازىر دامۋ تاسىلىندە بۇرىلىس جاساۋدىڭ، ەكونوميكالىق قۇرىلىمىن ساپالىلاندىرۋدىڭ، ارتۋدىڭ قوزعاۋشى كۇشىن جاڭالاۋدىڭ قامال الۋ كەزەڭىندە تۇر. وسىزاماندانعان شارۋاشىلىق جۇيەسىن ورناتۋ − وتكەلدەن ءوتۋدىڭ كوكەي تەستى تالابى جانە ەلىمىز دامۋىنىڭ ستراتەگيالىق نىساناسى. ساپانى ءبىرىنشى ورىنعا قويۋعا، ونىمدىلىككە الدىمەن ءمان بەرۋگە تاباندى بولىپ، قامداۋ جاعىنداعى قۇرىلىمدىق رەفورمانى باستى جەلى ەتىپ، شارۋاشىلىقتى دامىتۋدا ساپا، ونىمدىلىك، قوزعاۋشى كۇش جاقتارىندا بۇرىلىس جاساۋدى تەزدەتىپ، جالپىلىق شەشۋشى فاكتورلاردىڭ جۇمىس ونىمدىلىگىن جوعارىلاتىپ، تۇلعالىق شارۋاشىلىق، عىلىم - تەحنيكادا جاڭالىق اشۋ، وسى زامانعى فينانس، ادام كۇشى بايلىعى سايكەستى داميتىن شارۋاشىلىق ءتۇزىلىسىن ورناتۋدى بار كۇشپەن تەزدەتىپ، بازار مەحانيزمى ۇتىمدى، ميكرولىق سۋبيەكتىلەرى جاندى، ماكرولىق تىزگىندەۋى تەبىندى شارۋاشىلىق ءتۇزىلىسىن كۇش سالا ورناتىپ، ەلىمىز ەكونوميكاسىنىڭ جاڭالىق اشۋ قۋاتى مەن باسەكەلىك قۋاتىن ۇزدىكسىز ارتتىرۋ قاجەت.

      1) قامداۋ جاعىنداعى قۇرىلىمدىق رەفورمانى تەرەڭدەتۋ. وسىزاماندانعان شارۋاشىلىق جۇيەسىن ورناتۋدا شارۋاشىلىقتى دامىتۋدىڭ ءتۇيىنىن تۇلعالىق شارۋاشىلىققا اۋدارىپ، قامداۋ جۇيەسىنىڭ ساپاسىن جوعارىلاتۋدى نەگىزگى قامال الۋ باعىتى ەتىپ، ەلىمىز شارۋاشىلىعىنىڭ ساپا جاعىنداعى باسىمدىعىن كورنەكتى ارتتىرۋ قاجەت. جاساۋ شارۋاشىلىعىندا قۋاتتى ەل قۇرۋدى تەزدەتىپ، وزىق جاساۋ شارۋاشىلىعىن جەدەل دامىتىپ، عالامتور، ءىرى ساندى مالىمەت، جاساندى زەردە جانە تۇلعالىق شارۋاشىلىقتىڭ ىشكەرىلەي توعىسۋىن جەبەپ، ورتا، جوعارى دەڭگەيدەگى تۇتىنۋ، جاڭالىق اشۋ ارقىلى جەتەكشىلىك وتەۋ، جاسىل، تومەن كومىرتەكتى، تەڭ يگىلىكتەنەتىن شارۋاشىلىق، وسى زامانعى قامداۋ جەلىسى، ادام كۇشى بايلىعىندىق قىزمەت وتەۋ سياقتى سالالاردا تىڭ ارتۋ تۇيىندەرىن جەتىلدىرىپ، تىڭ قوزعاۋشى كۇشتەردى قالىپتاستىرۋ. ءداستۇرلى شارۋاشىلىقتى ساپالىلاندىرۋدى، دارەجەسىن جوعارىلاتۋدى قولداپ، وسى زامانعى قىزمەت وتەۋ كاسىبىن جەدەل دامىتىپ، حالىقارالىق ولشەمدى كوزدە ۇستاي وتىرىپ دەڭگەيىن كوتەرۋ. ەلىمىز شارۋاشىلىعىنىڭ جەر شارىندىق قۇن تىزبەگىنىڭ ورتا، جوعارى دەڭگەيىنە قادام تاستاۋىن جەبەپ، الەمدىك دەڭگەيدەگى ءبىرقانشا وزىق جاساۋ شارۋاشىلىعى شوعىرىن جەتىلدىرۋ. سۋ يگىلىگى، تەمىر جول، تاس جول، سۋ تاسىمالى، اۆياتسيا، قۇبىر، ەلەكتر تورابى، ينفورماتسيا، زات اينالىمى سياقتى نەگىزدىك قۇرىلعىلاردىڭ توراپ قۇرىلىسىن كۇشەيتۋ. ارتىق ءوندىرىس قۋاتىن كۇشىنەن قالدىرۋعا، باسىلىپ قالعان تاۋارلاردى ءبىر جاقتىلى ەتۋگە، باسى ارتىق سۇيمەندەردى قاتاردان قالدىرۋعا، وزىندىك قۇندى تومەندەتۋگە، كەتىكتى تولىقتاۋعا تاباندى بولىپ، قالدىق بايلىقتاردى ساپالى ىڭعايلاپ، ساپالى ۇستەمەلەپ قامداۋدى كەڭەيتىپ، قامداۋ مەن قاجەتسىنۋدىڭ اۋقىمدىق تەپە - تەڭدىگىن جۇزەگە اسىرۋ. كاسىپكەرلىك رۋحتى جەبەپ جانە قورعاپ، ءتىپتى، كوپ قوعامدىق تۇلعالاردى جاڭالىق اشۋعا، شارۋاشىلىق قۇرۋعا شابىتتاندىرۋ. ءبىلىمدى، ونەرلى، جاڭاشىل ەڭبەكشىلەر قوسىنىن قۇرىپ، ەڭبەك وزاتى رۋحى مەن ىسكەرلىك رۋحتى ساۋلەلەندىرىپ، ەڭبەك داڭقتى دەپ بىلەتىن قوعامدىق سالت پەن كەمەلدەنە تۇسۋگە ۇمتىلاتىن، كاسىبىن سۇيەتىن سالت قالىپتاستىرۋ.

  2) جاڭاشىل ەل قۇرۋدى تەزدەتۋ. جاڭالىق اشۋ − دامۋعا جەتەكشىلىك ەتۋدەگى ءبىرىنشى قوزعاۋشى كۇش، وسىزاماندانعان شارۋاشىلىق جۇيەسىن قۇرۋدىڭ ستراتەگيالىق تىرەگى. الەمدىك عىلىم - تەحنيكانىڭ الدىڭعى لەگىن كوزدەي وتىرىپ، نەگىزدىك زەرتتەۋدى كۇشەيتىپ، الدىڭعى لەكتىك نەگىزدىك زەرتتەۋدى ورىنداپ، جەتەكشىلىك سيپاتتى العاشقى جاڭالىق اشۋدا كەلەلى تابىسقا جەتۋ كەرەك. قولدانىلمالى نەگىزدىك زەرتتەۋدى كۇشەيتىپ، مەملەكەتتىڭ كەلەلى عىلىم - تەحنيكا نىساندارىن كەڭەيتىپ جانە اتقارىپ، شەشۋشى، جالپىلىق تەحنيكالاردا، وزىق، جەتەكشى تەحنيكالاردا، وسى زامانعى ينجەنەريالىق تەحنيكالاردا، توڭكەرىستىك سيپاتتى تەحنيكالاردا جاڭالىق اشۋدى كورنەكتىلەندىرىپ، عىلىم - تەحنيكا، ساپا، اۆياتسيا، توراپ، قاتىناس سياقتى جاقتاردا قۋاتتى ەل بولۋعا، سيفرلى جۇڭگو، پاراساتتى قوعام قۇرۋعا مىعىم تىرەك بولۋ. مەملەكەتتىڭ جاڭالىق اشۋ جۇيەسى قۇرىلىسىن كۇشەيتىپ، ستراتەگيالىق عىلىم - تەحنيكالىق قۋاتىن نىعايتۋ كەرەك. عىلىم - تەحنيكا ءتۇزىلىسى رەفورماسىن تەرەڭدەتىپ، كاسىپورىندى نەگىزگى تۇلعا، بازاردى باعدار ەتكەن، ءوندىرۋ، وقىتۋ، زەرتتەۋ تەرەڭ توعىسقان تەحنيكالىق جاڭالىق اشۋ جۇيەسىن ورناتىپ، ورتاشا، شاعىن كاسىپورىنداردىڭ جاڭالىق اشۋىن قولداۋ تەبىنىن كۇشەيتىپ، عىلىم - تەحنيكا جەتىستىكتەرىنىڭ وندىرگىش كۇشكە اينالۋىن جەبەۋ. جاڭاشىل مادەنيەتتى دارىپتەپ، ءبىلىم مەنشىك ۇقىعى جاعىندا جاسامپازدىق جاراتۋدى، ونى قورعاۋدى، پايدالانۋدى كۇشەيتۋ كەرەك. حالىقارالىق دەڭگەيدەگى ءبىر توپ ستراتەگيالىق عىلىم - تەحنيكا دارىندىلارىن، عىلىم - تەحنيكالىق جەتەكشى دارىندىلاردى، جاس عىلىم - تەحنيكا دارىندىلارىن جانە جوعارى دەڭگەيدەگى جاڭالىق اشۋشىلار قوسىنىن باۋلۋ، جەتىلدىرۋ كەرەك.

  3) اۋىل - قىستاقتاردى كوركەيتۋ ستراتەگياسىن اتقارۋ. اۋىل شارۋاشىلىعى، اۋىل - قىستاق، ديقاندار ماسەلەسى − حالىق شارۋاشىلىعى مەن ەل تۇرمىسىنا قاتىستى ءتۇبىرلى ماسەلە، بۇل ماسەلەنى ويداعىداي شەشۋدى باستان - اياق بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋ قاجەت. اۋىل شارۋاشىلىعىن، اۋىل - قىستاقتاردى الدىمەن دامىتۋعا تاباندى بولىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، باسقارۋى ۇتىمدى، تۇرمىسى اۋقاتتى بولۋ سىندى جالپى تالاپقا ساي، قالا مەن اۋىلدى توعىستىرا دامىتاتىن ءتۇزىلىس مەحانيزمدەردى جانە ساياسات جۇيەسىن ورناتىپ، اقاۋسىزداندىرىپ، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن تەزدەتۋ كەرەك. اۋىل - قىستاقتاردىڭ نەگىزگى شارۋاشىلىق ءتۇزىمىن بەكەمدەپ جانە كەمەلدەندىرىپ، اۋىل - قىستاق جەر ءتۇزىمى رەفورماسىن تەرەڭدەتىپ، جەردى كوتەرمەگە الۋ - بەرۋ بويىنشا «ءۇش ۇقىقتى ايىرۋ» ءتۇزىمىن كەمەلدەندىرۋ كەرەك. جەردى كوتەرمەگە الۋ قاتىناسىنىڭ ورنىقتىلىعى ساقتالادى ءارى ۇزاق ۋاقىتقا دەيىن وزگەرمەيدى، جەردى ەكىنشى كەزەكتى كوتەرمەگە العان ۋاقىت تولعاننان كەيىن، تاعى 30 جىلعا ۇزارتىلادى. اۋىل - قىستاق كوللەكتيۆتىك مال - مۇلىك ۇقىعى ءتۇزىمى رەفورماسىن تەرەڭدەتىپ، ديقانداردىڭ مال - مۇلىك جونىندەگى ۇقىق - مۇددەسىن قامتاماسىز ەتىپ، كوللەكتيۆتىك شارۋاشىلىقتى زورايتۋ. مەملەكەتتىڭ استىق حاۋىپسىزدىگىنە، جۇڭگو حالقىنىڭ ازىق - تۇلىك ماسەلەسىن ءوزى مەڭگەرۋىنە شىنايى كەپىلدىك ەتۋ. وسى زامانعى اۋىل شارۋاشىلىعىنىڭ شارۋاشىلىق جۇيەسىن، ءوندىرىس جۇيەسىن، تيجارات جۇيەسىن قالىپتاستىرىپ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرىپ، الۋان فورماداعى، لايىقتى كولەمدەگى تيجاراتتى دامىتىپ، جاڭاشا اۋىل شارۋاشىلىق تيجارات سۋبيەكتىلەرىن جەتىلدىرىپ، اۋىل شارۋاشىلىعىنىڭ قوعامدانعان قىزمەت وتەۋ جۇيەسىن كەمەلدەندىرىپ، ۇساق ديقان قوجالىقتارى مەن وسى زامانعى اۋىل شارۋاشىلىعىن ورگانيكالى ۇشتاستىرىپ دامىتۋدى جۇزەگە اسىرۋ. اۋىل - قىستاقتا 1 - ، 2 - ، 3 - كاسىپتەردىڭ توعىسا دامۋىن جەبەپ، ديقانداردىڭ جۇمىستانۋىن، شارۋاشىلىق قۇرۋىن قولداپ جانە ولاردى شابىتتاندىرىپ، كىرىس ارتتىرۋ ارناسىن كەڭەيتۋ. اۋىل - قىستاق نەگىزگى ساتى ورىندارىنىڭ نەگىزدىك قىزمەتىن كۇشەيتىپ، ءوزىن - ءوزى باسقارۋ، زاڭمەن باسقارۋ، مورالمەن باسقارۋ ءوزارا ۇشتاسقان اۋىل - قىستاق باسقارۋ جۇيەسىن كەمەلدەندىرۋ. اۋىل شارۋاشىلىعىن تۇسىنەتىن، اۋىل - قىستاقتى، ديقانداردى سۇيەتىن اۋىل شارۋاشىلىعى، اۋىل - قىستاق، ديقاندار قىزمەتى قوسىنىن باۋلۋ، جەتىلدىرۋ.

     4) وڭىرلىك سايكەستى دامۋ ستراتەگياسىن اتقارۋ. بايىرعى توڭكەرىستىك رايونداردىڭ، ۇلتتىق رايونداردىڭ، شەكارا رايونداردىڭ، كەدەي رايونداردىڭ جەدەل دامۋىن قولداۋ تەبىنىن ارتتىرىپ، باتىس بولەكتى قاۋىرت اشۋدىڭ جاڭا جاعدايىنىڭ قالىپتاسۋىن شارالاردى كۇشەيتە وتىرىپ ىلگەرىلەتۋ، رەفورمانى تەرەڭدەتىپ، شىعىس سولتۇستىك سياقتى بايىرعى ونەركاسىپ بازالارىنىڭ گۇلدەنۋىن تەزدەتىپ، ورتا بولەكتەگى رايونداردىڭ دامۋىن باسىمدىقتاردى ساۋلەلەندىرە وتىرىپ جەبەپ، جاڭالىق اشۋ ارقىلى شىعىس بولەكتەگى رايونداردىڭ ساپالى دامۋىن الدىمەن جۇزەگە اسىرۋعا جەتەكشىلىك ەتىپ، وڭىرلىك سايكەستى دامۋدىڭ اناعۇرلىم ءونىمدى جاڭا مەحانيزمىن ورناتۋ. قالالار شوعىرىن نەگىزگى تۇلعا ەتىپ، ءىرى، ورتا، شاعىن قالالار مەن شاعىن قالا - قالاشىقتار سايكەستى داميتىن قالا - قالاشىق جۇيەسىن قالىپتاستىرىپ، اۋىل شارۋاشىلىعىنان اۋىسقان حالىقتىڭ قالا تۇرعىنىنا اينالۋىن تەزدەتۋ. بەيجيڭ قالاسىنىڭ استاناعا جاتپايتىن فۋنكتسيالارىن سەيىلتۋدى «مۇرىندىق» ەتىپ، بەيجيڭ - تيانجين - حىبەيدىڭ سەلبەسىپ دامۋىن ىلگەرىلەتىپ، شيۇڭ - ان جاڭا رايونىن جوعارى دەڭگەيدە جوبالاپ، جوعارى ولشەممەن قۇرۋ. تەڭ يگەرۋدى، بارىنشا قورعاۋدى، بارىنشا اشۋمەن اينالىسپاۋدى جەتەكشى باعدار ەتىپ، چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ. بايلىق قاينارىندىق رايونداردىڭ شارۋاشىلىقتىڭ تيبىن وزگەرتىپ دامۋىن قولداۋ. شەكارا رايونداردىڭ دامۋىن تەزدەتىپ، شەكارانىڭ بەكەم، حاۋىپسىز بولۋىنا شىنايى كەپىلدىك ەتۋ. قۇرلىق پەن تەڭىزدى ءبىر تۇتاس جوسپارلاۋعا تاباندى بولىپ، تەڭىز - مۇحيتتىق قۋاتتى ەل قۇرۋدى تەزدەتۋ.

     5) سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرۋ. ەكونوميكالىق ءتۇزىلىس رەفورماسىندا مال - مۇلىك ۇقىعى ءتۇزىمىن كەمەلدەندىرۋدى جانە ماڭىزدى فاكتورلاردى بازارعا بەيىمدەپ ورنالاستىرۋدى ءتۇيىن ەتىپ، مال - مۇلىك ۇقىعى جاعىندا ۇتىمدى شابىتتاندىرۋدى، ماڭىزدى فاكتورلاردىڭ ەركىن اينالىمعا ءتۇسۋىن، باعا اسەرىنىڭ يكەمدى، باسەكەنىڭ ءادىل، ءتارتىپتى بولۋىن، كاسىپورىنداردىڭ جارامدىسىن قالدىرىپ، جارامسىزىن قاتاردان شىعارۋدى جۇزەگە اسىرۋ قاجەت. مەملەكەت مەنشىگىندەگى ءتۇرلى مال - مۇلىكتى باسقارۋ ءتۇزىلىسىن كەمەلدەندىرىپ، مەملەكەت مەنشىگىندەگى كاپيتالدىڭ ۇقىق بەرىپ، شارۋاشىلىق جۇرگىزۋ ءتۇزىلىسىن رەفورمالاپ، مەملەكەت مەنشىگىندەگى شارۋاشىلىقتىڭ جۇلگەسىن ساپالىلاندىرۋدى، قۇرىلىمىن رەتتەۋدى، ستراتەگيالىق قايتا قۇرۋدى تەزدەتىپ، مەملەكەت مەنشىگىندەگى مال - مۇلىكتىڭ قۇنىن ساقتاۋدى، ارتتىرۋدى جەبەپ، مەملەكەت مەنشىگىندەگى كاپيتالدى كۇشەيتۋ، جاقسارتۋ، زورايتۋدى تەزدەتىپ، مەملەكەت مەنشىگىندەگى مال - مۇلىكتىڭ زايا كەتۋىنەن ءونىمدى ساقتانۋ قاجەت. مەملەكەت مەنشىگىندەگى كاسىپورىندار رەفورماسىن تەرەڭدەتىپ، ارالاس مەنشىك تۇزىمىندەگى شارۋاشىلىقتاردى دامىتىپ، الەمدىك باسەكەلىك قۋاتقا يە دۇنيە ءجۇزى بويىنشا الدىڭعى قاتارداعى كاسىپورىنداردى جەتىلدىرۋ. بازارعا كىرۋدە رۇقسات ەتىلمەيتىندەر ءتىزىمى ءتۇزىمىن جاپپاي اتقارىپ، بازاردى بىرلىككە كەلتىرۋ مەن ءادىل باسەكەگە بوگەت بولاتىن ءتۇرلى بەلگىلەمەلەر مەن ادىستەردى اداقتاپ جانە كۇشىنەن قالدىرىپ، حالىق باسقارۋىنداعى كاسىپورىنداردىڭ دامۋىن قولداپ، ءتۇرلى بازار سۋبيەكتىلەرىنىڭ ومىرشەڭدىگىن ارتتىرۋ. ساۋدا ىستەرى ءتۇزىمى جونىندەگى رەفورمانى تەرەڭدەتىپ، اكىمشىلىك سيپاتتى مونوپوليالاۋدى بۇزىپ، بازار مونوپولياسىنان ساقتانىپ، ماڭىزدى فاكتورلاردىڭ باعاسىن بازارعا بەيىمدەۋ رەفورماسىن تەزدەتىپ، قىزمەت وتەۋ كاسىبىنىڭ بازارعا كىرۋ رۇقسات ش−ەگىن جەڭىلدەتىپ، بازاردى باقىلاۋ - باسقارۋ ءتۇزىلىسىن كەمەلدەندىرۋ. ماكرولىق تىزگىندەۋدە جاڭالىق اشىپ جانە ونى كەمەلدەندىرىپ، مەملەكەتتىڭ دامۋ جوسپارىنىڭ ستراتەگيالىق جەتەكتەۋ رولىن ساۋلەلەندىرىپ، قازىنا، اقشا، شارۋاشىلىق، ءوڭىر سياقتىلار جونىندەگى ەكونوميكالىق ساياساتتى سايكەستىرۋ مەحانيزمىن اقاۋسىزداندىرۋ. تۇتىنۋدى جەبەيتىن ءتۇزىلىس، مەحانيزمدەردى كەمەلدەندىرىپ، تۇتىنۋدىڭ ەكونوميكالىق دامۋداعى نەگىزدىك رولىن كۇشەيتۋ. قارجى قوسۋ، قارجى قۇراۋ ءتۇزىلىسى رەفورماسىن تەرەڭدەتىپ، قارجى قوسۋدىڭ قامداۋ قۇرىلىمىن ساپالىلاندىرۋداعى شەشۋشى رولىن ساۋلەلەندىرۋ. وسى زامانعى قازىنا ءتۇزىمىن ورناتۋدى تەزدەتىپ، ورتالىق پەن جەرگىلىكتى ورىنداردىڭ ۇقىق پەن جاۋاپكەرشىلىگى ايقىن، قازىنالىق قۋاتى سايكەسىمدى، وڭىرلىك دامۋى بىركەلكى قازىنالىق قاتىناسىن ورناتۋ. جاپپاي جۇيەگە تۇسكەن، اشىق، ولشەمى عىلمي، تەجەمى پارمەندى مەجە ەسەپ ءتۇزىمىن ورناتىپ، ونىمدىلىگىن باسقارۋدى جاپپاي اتقارۋ. باجى ءتۇزىمى رەفورماسىن تەرەڭدەتىپ، جەرگىلىكتى باجى جۇيەسىن كەمەلدەندىرۋ. فينانس ءتۇزىلىسى رەفورماسىن تەرەڭدەتىپ، فينانستىڭ تۇلعالىق شارۋاشىلىققا قىزمەت وتەۋ قۋاتىن نىعايتىپ، تىكەلەي قارجى قۇراۋ سالىستىرماسىن جوعارىلاتىپ، كوپ جىكتى كاپيتال بازارىنىڭ اقاۋسىز دامۋىن جەبەۋ. اقشا ساياساتى مەن ماكرولىق بايىپتى ساياساتتىڭ قوس تىرەكتىك تىزگىندەۋ جۇلگەسىن كەمەلدەندىرىپ،ءوسىم مەن سىندىرىلىمدى بازارعا بەيىمدەۋ رەفورماسىن تەرەڭدەتۋ. فينانستىق باقىلاۋ - باسقارۋ جۇيەسىن اقاۋسىزداندىرىپ، جۇيەلىك فينانستىق حاۋىپ - قاتەر تۋىلماۋدىڭ تومەنگى شەگىن ساقتاۋ.

  6) جاپپاي ەسىك اشاتىن جاڭا جاعدايدىڭ قالىپتاسۋىن جەبەۋ. ەسىك اشۋ − العا باستىرادى، ەسىكتى جاۋىپ الۋ − ارتتا قالدىرادى. جۇڭگونىڭ قاقپاسى اشىق تۇرادى، قايتا جابىلمايدى، بارعان سايىن ايقارا اشىلادى. «ءبىر بەلدەۋ، ءبىر جول» قۇرىلىسىن ءتۇيىن ەتىپ، سىرتتان ەنگىزۋ مەن سىرتقا شىعارۋعا تەڭ ءمان بەرۋگە تاباندى بولىپ، بىرگە اقىلداسۋ، بىرگە قۇرۋ، تەڭ يگىلىكتەنۋ پرينسيبىنە بويسۇنىپ، جاڭالىق اشۋ قابىلەتىن اشىق ۇستاۋ جاعىنداعى سەلبەستىكتى كۇشەيتىپ، قۇرلىق پەن تەڭىز، ەل ءىشى مەن حالىقارا بايلانىسقان، شىعىس پەن باتىس ەكى جاق ءبىرىن - ءبىرى جەبەيتىن ەسىك اشۋ جۇيەسىن قالىپتاستىرۋ كەرەك. سىرتقى ساۋدانى كەڭەيتىپ، ساۋدانىڭ جاڭا فورماسىن، جاڭا ۇلگىسىن جەتىلدىرىپ، ساۋدادا قۇدىرەتتى ەل قۇرۋدى ىلگەرىلەتۋ. ساۋدا مەن قارجى قوسۋدىڭ جوعارى دەڭگەيدە ەركىن، قولايلى بولۋ ساياساتىن اتقارىپ، بازارعا كىرۋىنە رۇقسات ەتۋدەن بۇرىن ازاماتتىق مامىلە جاساۋ جانە وعان رۇقسات ەتىلمەيتىندەر ءتىزىمىن قوسىپ باسقارۋ ءتۇزىمىن جاپپاي اتقارىپ، بازارعا كىرۋ رۇقساتىن بارىنشا جەڭىلدەتىپ، قىزمەت وتەۋ كاسىبىن سىرتقا اشىق ۇستاۋدى كەڭەيتىپ، شەتەل ساۋداگەرلەرىنىڭ قارجى قوسۋ زاڭدى ۇقىق - مۇددەسىن قورعاۋ. ەلىمىز تەرريتورياسىندا تىركەلگەن كاسىپورىن بولسا بولعانى، بارلىعىن بىردەي كورىپ، تەڭ مامىلە جاساۋ. وڭىرلىك ەسىك اشۋ جۇلگەسىن جاقسارتىپ، باتىس بولەكتىڭ ەسىك اشۋ تەبىنىن ارتتىرۋ. ەركىن ساۋدا سىناق رايوندارىنا اناعۇرلىم زور رەفورما، ءوزىن - ءوزى باسقارۋ ۇقىعىن بەرۋ، ەركىن ساۋدا پورتتارىن قۇرۋ جولدارىن قاراستىرۋ. سىرتقا قارجى قوسۋ تاسىلىندە جاڭالىق اشىپ، ءوندىرىس قۋاتى جاعىنداعى حالىقارالىق سەلبەستىكتى جەبەپ، بۇكىل جەر شارىنا بەت العان ساۋدا، قارجى قوسۋ، قارجى قۇراۋ، ءوندىرىس، قىزمەت وتەۋ تورابىن قالىپتاستىرىپ، حالىقارالىق ەكونوميكالىق سەلبەستىك پەن باسەكەدە تىڭ باسىمدىقتى جەدەل جەتىلدىرۋ.

  جولداستار! قوعامدىق وندىرگىش كۇشتەردى ازات ەتۋ مەن دامىتۋ − سوتسياليزمنىڭ ماندىك تالابى. بۇكىل قوعامنىڭ جاسامپازدىق قۋاتى مەن دامۋ قۋاتىن تاسقىنداتىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋدى قۇلشىنا جۇزەگە اسىرۋىمىز كەرەك!

     6. حالىقتىڭ وزىنە - ءوزى قوجا بولۋ ءتۇزىمى جۇيەسىن اقاۋسىزداندىرىپ، سوتسياليستىك دەموكراتيالى ساياسيدى دامىتۋ

  ەلىمىز − جۇمىسشى تابى باسشىلىعىنداعى، جۇمىسشى - ديقان وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەت، مەملەكەتتىڭ بارلىق بيلىگى حالىققا ءتان. ەلىمىزدىڭ سوتسياليستىك دەموكراتياسى − حالىقتىڭ ءتۇبىرلى مۇددەسىن قورعايتىن ەڭ كەڭ، ەڭ شىنايى، ەڭ جارامدى دەموكراتيا. سوتسياليستىك دەموكراتيالىق ساياسيدى دامىتۋ حالىقتىڭ ەركىن بەينەلەۋ، حالىقتىڭ ۇقىق - مۇددەسىن قامتاماسىز ەتۋ، حالىقتىڭ جاسامپازدىق قۋاتىن تاسقىنداتۋ، تۇزىمدىك جۇيە ارقىلى حالىقتىڭ وزىنە - ءوزى قوجا بولۋىنا كەپىلدىك ەتۋ بولىپ تابىلادى.

  جۇڭگوشا سوتسياليستىك ساياسي دامۋ جولى − تاياۋ زاماننان بەرگى جۇڭگو حالقىنىڭ ۇزاق ۋاقىت قاجىرلىلىقپەن كۇرەس جاساۋىنىڭ تاريحي، نازاريالىق، امالياتتىق لوگيكاسىنىڭ تابيعي ناتيجەسى، پارتيانىڭ ماندىك قاسيەتىنەن تايماي، پارتيانىڭ ءتۇبىرلى ماقساتىن جۇزەگە اسىرۋىنىڭ قاجەتتى تالابى. دۇنيە جۇزىندە بۇكىلدەي ۇقساس ساياسي ءتۇزىم ۇلگىسى جوق، ساياسي تۇزىمگە ەرەكشە قوعامدىق ساياسي شارت پەن تاريحي مادەنيەت داستۇرىنەن قول ءۇزىپ ابستراكت باعا بەرۋگە كەلمەيدى، ءبىر كۇيدە قاتىپ - سەمۋگە، شەتەلدىڭ ساياسي ءتۇزىم ۇلگىسىن قاز - قالپىندا كوشىرىپ الۋعا بولمايدى. ەلىمىزدىڭ سوتسياليستىك دەموكراتيالىق ساياسيىنا ۇزاق ۋاقىت تاباندى بولىپ، ونى ۇزدىكسىز دامىتىپ، ساياسي ءتۇزىلىس رەفورماسىن بەلسەنە ورنىقتى ىلگەرىلەتىپ، سوتسياليستىك دەموكراتيالىق ساياسيدى تۇزىمدەندىرۋدى، جۇيەلىلەندىرۋدى، تارتىپتەندىرۋدى تەزدەتىپ، حالىقتىڭ ءتۇرلى جولدار مەن فورمالار ارقىلى مەملەكەت ىستەرىن، ەكونوميكا، مادەنيەت ىستەرىن، قوعامدىق ىستەردى زاڭ بويىنشا باسقارۋىنا كەپىلدىك ەتىپ، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋ جانە دامىتۋ كەرەك.

     1) پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋ. پارتيانىڭ باسشىلىعى − حالىقتىڭ وزىنە - ءوزى قوجا بولۋىنىڭ جانە مەملەكەتتى زاڭمەن باسقارۋدىڭ ءتۇبىرلى كەپىلى، حالىقتىڭ وزىنە - ءوزى قوجا بولۋى − سوتسياليستىك دەموكراتيالىق ساياسيدىڭ ماندىك ەرەكشەلىگى، مەملەكەتتى زاڭمەن باسقارۋ − پارتيانىڭ حالىققا باسشىلىق ەتىپ مەملەكەتتى باسقارۋىنىڭ نەگىزگى ءتاسىلى، وسى ۇشەۋى ەلىمىزدىڭ سوتسياليستىك دەموكراتيالىق ساياسيىنىڭ ۇلى امالياتىمەن ءبىر ارنادا توعىسادى. ەلىمىزدىڭ ساياسي ومىرىندە پارتيا باسشىلىق ورىندا تۇرادى، پارتيانىڭ ورتالىقتانعان ءبىر تۇتاس باسشىلىعىن كۇشەيتۋ مەن حالىق قۇرىلتايىنىڭ، ۇكىمەتتىڭ، ساياسي كەڭەستىڭ جانە سوت مەكەمەسىنىڭ، پروكۋراتۋرانىڭ زاڭ بويىنشا، ۋستاۆ بويىنشا مىندەت وتەۋىنە، قىزمەت ورىستەتۋىنە، رولىن ساۋلەلەندىرۋىنە قولداۋ كورسەتۋدە ورتاقتىق بار. پارتيانىڭ باسشىلىق ءتاسىلى مەن بيلىك جۇرگىزۋ ءتاسىلىن جاقسارتىپ، پارتيانىڭ حالىققا باسشىلىق ەتىپ مەملەكەتتى ۇتىمدى باسقارۋىنا كەپىلدىك ەتۋ؛ حالىقتىڭ ساياسيعا تارتىپپەن ارالاسۋىن كەڭەيتىپ، حالىقتىڭ زاڭ بويىنشا دەموكراتيالىق سايلاۋ جۇرگىزۋىنە، دەموكراتيالىق كەڭەسۋىنە، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋىنا كەپىلدىك ەتۋ؛ مەملەكەت زاڭ - ءتۇزىمىنىڭ تۇتاستىعىن، ابىرويىن، بەدەلىن قورعاپ، ادامدىق ۇقىقتى زاڭمەن باسقارۋ ارقىلى قامتاماسىز ەتۋدى كۇشەيتىپ، حالىقتىڭ زاڭ بويىنشا جان - جاقتىلى ۇقىق پەن ەركىندىككە يە بولۋىنا كەپىلدىك ەتۋ كەرەك. نەگىزگى ساتىنىڭ بيلىگىن بەكەمدەپ، نەگىزگى ساتىنىڭ دەموكراتيالىق ءتۇزىمىن كەمەلدەندىرىپ، حالىقتىڭ جاعدايدى ءبىلۋ ۇقىعىن، ارالاسۋ ۇقىعىن، ويىن ءبىلدىرۋ ۇقىعىن، باقىلاۋ ۇقىعىن قامتاماسىز ەتۋ. زاڭ بويىنشا شەشىم جاساۋ مەحانيزمىن كەمەلدەندىرىپ، شەشىمى عىلمي، اتقارۋى باتىل، باقىلاۋى پارمەندى ۇقىق جۇرگىزۋ مەحانيزمىن ورناتۋ. ءار دارەجەلى باسشى كادرلار دەموكراتيا تانىمىن كۇشەيتىپ، دەموكراتيالىق ستيلدى ساۋلەلەندىرىپ، حالىقتىڭ باقىلاۋىن قابىلداپ، حالىقتىڭ قالاۋلى قىزمەتكەرى بولۋ كەرەك.

    2) حالىقتىڭ وزىنە - ءوزى قوجا بولۋ ءتۇزىمىن قامتاماسىز ەتۋدى كۇشەيتۋ. حالىق قۇرىلتايى ءتۇزىمى − پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولعان ءتۇبىرلى ساياسي تۇزىمدىك ورنالاستىرۋ، وعان ۇزاق ۋاقىت تاباندى بولۋ، ونى ۇزدىكسىز كەمەلدەندىرۋ قاجەت. حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداۋ جانە وعان كەپىلدىك ەتۋ كەرەك. حالىق قۇرىلتايى مەن ونىڭ تۇراقتى كوميتەتىنىڭ زاڭ شىعارۋ قىزمەتىندەگى جەتەكشىلىك رولىن ساۋلەلەندىرىپ، حالىق قۇرىلتايىنىڭ ۇيىمدىق ءتۇزىمى مەن قىزمەت ءتۇزىمىن كەمەلدەندىرىپ، حالىق قۇرىلتايىنىڭ زاڭ شىعارۋ ۇقىعىن، باقىلاۋ ۇقىعىن، ۇيعارىم جاساۋ ۇقىعىن، مىندەتكە تاعايىنداۋ جانە مىندەتىنەن قالدىرۋ ۇقىعىن زاڭ بويىنشا جۇرگىزۋىن قولداپ جانە وعان كەپىلدىك ەتىپ، حالىق قۇرىلتايى ۋاكىلدەرىنىڭ رولىن اناعۇرلىم ويداعىداي ساۋلەلەندىرىپ، ءار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرىن نەگىزگى زاڭ مەن زاڭداردا جۇكتەلگەن ءتۇرلى مىندەت جاۋاپكەرلىگىن تولىق ارقالاي الاتىن قىزمەت ورگانىنا، حالىق بۇقاراسىمەن ەتەنە بايلانىسىن ساقتايتىن ۋاكىلدىك ورگانعا اينالدىرۋ. حالىق قۇرىلتايىنىڭ ارناۋلى كوميتەتتەرىن قۇرۋ قىزمەتىن كەمەلدەندىرىپ، حالىق قۇرىلتايىنىڭ تۇراقتى كوميتەتى مەن ونىڭ ارناۋلى كوميتەتتەرى قۇرامىنداعىلاردىڭ قۇرىلىمىن ساپالىلاندىرۋ.

     3) سوتسياليستىك ءماسليحات دەموكراتياسىنىڭ ماڭىزدى رولىن ساۋلەلەندىرۋ. ءىستى كەڭەسپەن شەشۋ، كوپتىڭ ءىسىن كوپتىڭ كەڭەسىنە سالۋ − حالىق دەموكراتياسىنىڭ شىن ءمانى. ءماسليحات دەموكراتياسى − پارتيانىڭ باسشىلىعىن جۇزەگە اسىرۋدىڭ ماڭىزدى فورماسى، ەلىمىزدىڭ سوتسياليستىك دەموكراتيالىق ساياسيىنىڭ ەرەكشە فورماسى جانە وزىندىك ابزالدىلىعى. ءماسليحات دەموكراتياسىنىڭ جان - جاقتىلى، ساتىلى، تارتىپپەن دامۋىن ىلگەرىلەتىپ، ساياسي پارتيا كەڭەسىن، حالىق قۇرىلتايى كەڭەسىن، ۇكىمەت كەڭەسىن، ساياسي ءماسليحات كەڭەسىن، حالىقتىق توپتار كەڭەسىن، نەگىزگى ساتى كەڭەسىن، سونداي - اق قوعامدىق ۇيىمدار كەڭەسىن ءبىر تۇتاس ىلگەرىلەتۋ كەرەك. ءماسليحات دەموكراتياسى ءتۇزىمى قۇرىلىسىن كۇشەيتىپ، كەمەلدى ءتۇزىم ءتارتىبى مەن ارالاسۋ امالياتىن قالىپتاستىرىپ، حالىقتىڭ كۇندەلىكتى ساياسي ومىردە كەڭىنەن، ءۇرتىس، ىشكەرىلەي ارالاسۋ ۇقىعىنىڭ بولۋىنا كەپىلدىك ەتۋ.

 حالىق ساياسي كەڭەسى − جۇڭگوشا ەرەكشەلىككە يە تۇزىمدىك ورنالاستىرۋ، سوتسياليستىك ءماسليحات دەموكراتياسىنىڭ ماڭىزدى ارناسى جانە ارناۋلى كەڭەس قۇرىلىمى. حالىق ساياسي كەڭەسىنىڭ قىزمەتى پارتيا مەن مەملەكەتتىڭ وزەكتى مىندەتىن نازارعا الىپ، ىنتىماق جانە دەموكراتيا سىندى 2 ۇلكەن تاقىرىپتى ارقاۋ ەتىپ، ءماسليحات دەموكراتياسىن ساياسي ءماسليحاتتاسۋدىڭ، دەموكراتيالىق باقىلاۋدىڭ، ۇكىمەت ىسىنە ارالاسىپ، اقىل - كەڭەس بەرۋدىڭ تۇتاس بارىسىنا ءسىڭىرىپ، ءماسليحاتتاسۋ، ۇكىمەت ىسىنە اقىل - كەڭەس بەرۋ مازمۇنى مەن فورماسىن كەمەلدەندىرىپ، ورتاق تانىمدى كۇشەيتۋگە، ىنتىماقتى جەبەۋگە كۇش سالۋ كەرەك. حالىق ساياسي كەڭەسىنىڭ دەموكراتيالىق باقىلاۋىن كۇشەيتىپ، پارتيا مەن مەملەكەتتىڭ كەلەلى باعىت - ساياساتتارى مەن ماڭىزدى شەشىم - ورنالاستىرۋلارىنىڭ دايەكتى تياناقتانۋىن ءتۇيىندى باقىلاۋ. حالىق ساياسي كەڭەسىنىڭ ءار سالاداعى ۋاكىلدىك سيپاتىن، مۇشەلەر قوسىنى قۇرىلىسىن كۇشەيتۋ.

  4) مەملەكەتتى زاڭمەن باسقارۋ امالياتىن ىشكەرىلەي ءورىس الدىرۋ. مەملەكەتتى جاپپاي زاڭمەن باسقارۋ − ەل باسقارۋداعى تەرەڭ توڭكەرىس، زاڭمەن باسقارۋدى قاتاڭ جۇرگىزۋگە، عىلمي جولمەن زاڭ شىعارۋدى ىلگەرىلەتۋگە، زاڭدى قاتاڭ اتقارۋعا، ءادىليادا ءادىل بولۋعا، جالپى حالىقتىڭ زاڭعا بويسۇنۋىنا تاباندى بولۋ قاجەت. ورتالىقتىڭ مەملەكەتتى جاپپاي زاڭمەن باسقارۋ باسشىلىق گرۋپپاسىن قۇرىپ، زاڭمەن باسقارىلاتىن جۇڭگو قۇرىلىسىنا ءبىر تۇتاس باسشىلىقتى كۇشەيتۋ. نەگىزگى زاڭدى اتقارۋدى جانە باقىلاۋدى كۇشەيتىپ، نەگىزگى زاڭعا سيىمدىلىعىن تەكسەرۋ قىزمەتىن ىلگەرىلەتىپ، نەگىزگى زاڭنىڭ بەدەلىن قورعاۋ. زاڭ شىعارۋدا عىلمي، دەموكراتيالى بولۋدى، زاڭدى نەگىز ەتۋدى ىلگەرىلەتىپ، دامۋدى كەمەلدى زاڭمەن جەبەپ، ويداعىداي باسقارۋدى قامتاماسىز ەتۋ. زاڭمەن باسقارىلاتىن ۇكىمەت قۇرىپ، اكىمشىلىكتى زاڭ بويىنشا جۇرگىزۋدى ىلگەرىلەتىپ، زاڭدى ءادىل، وركەنيەتتى اتقارۋدى قاتاڭ ارناعا ءتۇسىرۋ. ءادىليا ءتۇزىلىسىن جان - جاقتىلى كەمەلدەندىرۋ رەفورماسىن تەرەڭدەتىپ، ءادىليالىق جاۋاپكەرلىك ءتۇزىمىن جاپپاي تياناقتاندىرىپ، حالىق بۇقاراسىنا ءاربىر ءادىليالىق دەلودان ادىلدىك پەن ادىلەتتىلىكتى سەزىندىرۋگە قۇلشىنۋ. جالپى حالىققا زاڭ جالپىلاستىرۋ تەبىنىن كۇشەيتىپ، سوتسياليستىك زاڭمەن باسقارىلاتىن مادەنيەت ورناتىپ، نەگىزگى زاڭ مەن زاڭدار بارىنەن جوعارى تۇراتىن، زاڭ الدىندا بارلىق ادامنىڭ تەرەزەسى تەڭ بولاتىن زاڭمەن باسقارۋ تانىمىن ورناتۋ. ءار دارەجەلى پارتيا ۇيىمدارى مەن جالپى پارتيا مۇشەلەرى زاڭعا قۇرمەت ەتۋدە، زاڭدى ۇيرەنۋدە، زاڭعا بويسۇنۋدا، زاڭدى قولدانۋدا باستاماشى بولۋ، ءارقانداي ۇيىم مەن جەكەدە نەگىزگى زاڭنان، زاڭداردان اسىپ تۇسەتىن ەرەكشە ۇقىقتىڭ بولۋىنا بولمايدى، ءسوزىن زاڭنىڭ ورنىنا قويۋىنا، زاڭدى ۇقىعىمەن تۇنشىقتىرۋىنا، پايدانى كوزدەپ زاڭعا قيعاشتىق جاساۋىنا، جەكە مۇددەگە بولا زاڭدى بۇزۋىنا استە جول بەرىلمەيدى.

    5) قۇرىلىمدىق جانە اكىمشىلىك ءتۇزىلىس رەفورماسىن تەرەڭدەتۋ.ءتۇرلى قۇرىلىمدار قۇرۋدى ءبىر تۇتاس ويلاستىرىپ، پارتيا، ۇكىمەت تاراۋلارىنىڭ جانە ولاردىڭ ىشكى قۇرىلىمدارىنىڭ ۇقىعىن عىلمي ورنالاستىرىپ، قىزمەت جاۋاپكەرلىگىن ايقىنداۋ. ءار سالاداعى شتات قورىن ءبىر تۇتاس پايدالانىپ، عىلمي، ۇيلەسىمدى باسقارۋ ءتۇزىلىسىن تۇلعالاپ، مەملەكەت قۇرىلىمدارىنىڭ ۇيىمدىق زاڭىن كەمەلدەندىرۋ. ۇكىمەت فۋنكتسياسىندا بۇرىلىس جاساپ، اكىمشىلىكتى ىقشامداپ، ۇقىقتى تومەنگە بەرۋدى ىشكەرىلەي ىلگەرىلەتىپ، باقىلاۋ - باسقارۋ تاسىلىندە جاڭالىق اشىپ، ۇكىمەتتىڭ سەنىمدىلىگى مەن اتقارۋ قۋاتىن نىعايتىپ، حالىق رازى بولاتىن قىزمەت وتەۋ تيپىندەگى ۇكىمەت قۇرۋ. ولكە دارەجەلى جانە ودان تومەنگى ۇكىمەتتەرگە ءوزىن - ءوزى باسقارۋ ۇقىعىن اناعۇرلىم كوبىرەك بەرۋ. ولكە، قالا، اۋدانداردا فۋنكتسياسى قارايلاس پارتيا، ۇكىمەت ورگاندارىن بىرىكتىرىپ قۇرۋ نەمەسە ولاردىڭ بىرلەسىپ جۇمىس جۇرگىزۋ جولدارىن قاراستىرۋ. ءىسورىندار رەفورماسىن تەرەڭدەتىپ، الەۋمەتتىك يگىلىك سيپاتىن كۇشەيتىپ، ۇكىمەت پەن ءىسورىندى، ءىسورىن مەن كاسىپورىندى ايىرۋدى، باسقارۋ مەن ىستەتۋدى ءبولۋدى ىلگەرىلەتۋ.

    6) وتانشىلدىق بىرلىكساپتى بەكەمدەۋ جانە دامىتۋ. بىرلىكساپ − پارتيا ىستەرىنىڭ جەڭىسكە جەتۋىنىڭ ماڭىزدى اسىلى، وعان ۇزاق ۋاقىت تاباندى بولۋ كەرەك. وتانشىلدىق، سوتسياليزم تۋىن بيىك ۇستاپ، ۇلى ىنتىماق، زور بىرلەسۋ سىندى نەگىزگى تاقىرىپتى مىقتى يگەرىپ، ءبىرىڭعايلىق پەن الۋان تۇرلىلىكتىڭ تۇتاستىعىن ساقتاپ، ەڭ ۇلكەن ورتاق بولگىشتى تاۋىپ، ەڭ ۇلكەن وزەكتەس شەڭبەردى سىزۋ كەرەك. ۇزاق ۋاقىت قاتار ءومىر سۇرۋگە، ءبىرىن - ءبىرى باقىلاۋعا، ءبىر - بىرىنە ادال بولۋعا، داڭقتا دا، نامىستا دا بىرگە بولۋعا تاباندى بولىپ، دەموكراتيالىق پارتيا - توپتاردىڭ جۇڭگوشا سوتسياليستىك ۇكىمەت ىسىنە ارالاسۋشى پارتياعا قويىلاتىن تالاپتار بويىنشا قىزمەت فۋنكتسيالارىن اناعۇرلىم ويداعىداي اتقارۋىنا قولداۋ كورسەتۋ. پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، جۇڭحۋا ۇلتىنىڭ ورتاق تۇلعالىق تانىمىن بەرىك ورناتىپ، ءار ۇلتتىڭ جاناسۋىن، ىشتەسۋىن، توعىسۋىن كۇشەيتىپ، ءار ۇلتتىڭ اناردىڭ دانىندەي تىعىز ۇيىسىپ، ىنتىماقتاسا كۇرەس جۇرگىزىپ، بىرگە كوركەيىپ - گۇلدەنۋىن، دامۋىن جەبەۋ. پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، ەلىمىزدەگى دىندەردى جۇڭگوشالاندىرۋ باعىتىنا تاباندى بولىپ، ءدىندى سوتسياليستىك قوعامعا سايكەسۋگە بەلسەنە باستاۋ. پارتيا سىرتىنداعى زيالىلار قىزمەتىن كۇشەيتىپ، جاڭا قوعامدىق جىكتەردەگى قايراتكەرلەر قىزمەتىن ويداعىداي ىستەپ، ولاردىڭ جۇڭگوشا سوتسياليزم ىستەرىندەگى ماڭىزدى رولىن ساۋلەلەندىرۋ. اكىمشىلىك پەن ساۋدانىڭ باۋىرمال، پاك، جاڭاشا قاتىناسىن قالىپتاستىرىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەردىڭ اقاۋسىز جەتىلۋىن جەبەۋ. شەتەلدەگى مۇھاجىرلارمەن، ەلگە ورالعان مۇھاجىرلارمەن جانە ولاردىڭ تۋىس - تۋعاندارىمەن كەڭ كولەمدە ىنتىماقتاسىپ، بايلانىس ورناتىپ، جۇڭحۋا ۇلتىنىڭ ۇلى گۇلدەنۋىنە ورتاق كۇش شىعارۋ.

  جولداستار! جۇڭگوشا سوتسياليستىك ساياسي ءتۇزىم − جۇڭگو كوممۋنيستىك پارتياسى مەن جۇڭگو حالقىنىڭ ۇلى جاسامپازدىعى. ءبىزدىڭ جۇڭگونىڭ سوتسياليستىك دەموكراتيالىق ساياسيىنىڭ باسىمدىعى مەن ەرەكشەلىگىن تولىق ساۋلەلەندىرىپ، ادامزاتتىڭ ساياسي وركەنيەتىنىڭ العا باسۋىنا جۇڭگوعا ءتان اقىل - پاراساتىمىزبەن ۇلەس قوسۋعا سەنىمىمىز كامىل، كۇش - قۋاتىمىز قاپتال جەتەدى!

    7. مادەنيەت جونىندەگى سەنىمدى بەكەمدەپ، سوتسياليستىك مادەنيەتتىڭ گۇلدەنىپ - كوركەيۋىن جەبەۋ

  مادەنيەت − ءبىر ەلدىڭ، ءبىر ۇلتتىڭ جانى. مادەنيەت كوركەيسە ەل كوركەيەدى، مادەنيەت كۇشەيسە ۇلت كۇشەيەدى. وسكەلەڭ مادەنيەت سەنىمى بولمايىنشا، مادەنيەتتىڭ گۇلدەنىپ - كوركەيۋى بولمايدى، جۇڭحۋا ۇلتىنىڭ ۇلى گۇلدەنۋى دە بولمايدى. جۇڭگوشا سوتسياليستىك مادەنيەتتى دامىتۋ جولىنان اۋىتقىماي، جالپى ۇلتتىڭ مادەنيەتتە جاڭالىق اشۋ، جاسامپاز بولۋ ومىرشەڭدىگىن تاسقىنداتىپ، مادەنيەتتە قۋاتتى سوتسياليستىك ەل قۇرۋ كەرەك.

     جۇڭگوشا سوتسياليستىك مادەنيەت − جۇڭحۋا ۇلتىنىڭ 5000 جىلدان استامعى وركەنيەت تاريحىنان باستاۋ الىپ جەتىلگەن جۇڭحۋانىڭ تاڭداۋلى ءداستۇرلى مادەنيەتى، ول پارتيانىڭ حالىققا باسشىلىق ەتىپ توڭكەرىس، قۇرىلىس، رەفورما بارىسىندا جاراتقان توڭكەرىستىك مادەنيەتىمەن جانە سوتسياليستىك وزىق مادەنيەتىمەن بىتە قايناسىپ، جۇڭگوشا سوتسياليزمنىڭ ۇلى امالياتىنا تەرەڭ تامىر تارتقان. جۇڭگوشا سوتسياليستىك مادەنيەتتى دامىتۋ، سايىپ كەلگەندە، ماركسيزمدى جەتەكشى ەتىپ، جۇڭحۋا مادەنيەتى مايدانىنا تاباندى بولىپ، زامانىمىزداعى جۇڭگونىڭ ناقتى جاعدايىن تياناق ەتىپ، بۇگىنگى داۋىرلىك جاعدايمەن بىرلەستىرىپ، وسىزاماندانۋعا، دۇنيەگە، بولاشاققا بەت العان، ۇلتتىق، عىلمي، بۇقارالىق سوتسياليستىك مادەنيەتتى دامىتىپ، سوتسياليستىك رۋحاني وركەنيەت پەن ماتەريالدىق وركەنيەتتىڭ سايكەستى دامۋىن ىلگەرىلەتۋ بولىپ تابىلادى. حالىق ءۇشىن، سوتسياليزم ءۇشىن قىزمەت ەتۋگە، بارلىق گۇل شەشەك اتۋ، جالپى جارىسا ءۇن قاتۋ باعىتىنا، جاسامپازدىق سيپاتتى بۇرىلىسقا، جاڭالىق اشا دامۋعا تاباندى بولىپ، جۇڭحۋا مادەنيەتىنىڭ تىڭ دا شۇعىلالى تابىستارىن تىنباي جاراتۋ كەرەك.

 1) يدەولوگيا قىزمەتىنە بولعان باسشىلىق ۇقىقتى مىقتى يگەرۋ. يدەولوگيا مادەنيەتتىڭ العاباسۋ بەتالىسى مەن دامۋ جولىن بەلگىلەيدى. ماركسيزمنىڭ جۇڭگوشالانۋىن، زامانالانۋىن، بۇقارالانۋىن ىلگەرىلەتىپ، قۇدىرەتتى ۇيىستىرۋ قۋاتقا جانە جەتەكشىلىك قۋاتقا يە سوتسياليستىك يدەولوگيا ورناتىپ، جالپى حالىقتىڭ مۇرات - سەنىم، قۇن كوزقاراسى، ءمورال كوزقاراسى جاعىندا تىعىز ىنتىماقتاسۋىنا مۇمكىندىك جاساۋ قاجەت. نازاريامەن قارۋلانۋدى كۇشەيتىپ، جاڭا داۋىردەگى جۇڭگوشا سوتسياليزم يدەياسىنىڭ جۇرت جۇرەگىنە تەرەڭ ۇيالاۋىن جەبەۋ كەرەك. ماركسيزمدىك نازاريانى زەرتتەۋدى جانە ماركسيزمدىك نازاريا قۇرىلىسىن تەرەڭدەتىپ، جۇڭگوشا فيلوسوفيالىق، قوعامدىق عىلىمداردى تۇلعالاۋدى جەدەلدەتىپ، جۇڭگوشا جاڭا اقىل - پاراسات قويماسى قۇرىلىسىن كۇشەيتۋ. دۇرىس جاماعات پىكىرى بەتالىسىنا تاباندى بولىپ، تاراتۋ ءتاسىلى قۇرىلىسىنا جانە وندا جاڭالىق اشۋعا وسكەلەڭ ءمان بەرىپ، اقپاراتتىڭ جاماعات پىكىرىندىك تاراتۋ قۋاتىن، جەتەكشىلىك قۋاتىن، ىقپال كۇشىن، الەۋمەتتىك سەنىمدىلىگىن جوعارىلاتۋ. عالامتور مازمۇنى قۇرىلىسىن كۇشەيتىپ، عالامتوردى ۋنيۆەرسال باسقارۋ جۇيەسىن ورناتىپ، اقاۋسىز عالامتور كەڭىستىگىن قالىپتاستىرۋ. يدەولوگيا قىزمەتىنىڭ جاۋاپكەرلىك ءتۇزىمىن تياناقتاندىرىپ، شەپ قۇرىلىسىن جانە ونى باسقارۋدى كۇشەيتىپ، ساياسي پرينسيپ ماسەلەسىن، يدەيالىق تانىم ماسەلەسىن، عىلمي كوزقاراس ماسەلەسىن پارىقتاۋعا ءمان بەرىپ، ءتۇرلى قاتە كوزقاراستارعا تۋى ايقىن تۇردە قارسى تۇرۋ جانە ونى تەجەۋ.

  2) سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ. سوتسياليستىك وزەكتى قۇن كوزقاراسى − زامانىمىزداعى جۇڭگو رۋحىنىڭ شوعىرلى بەينەلەنۋى، وعان تۇتاس حالىقتىڭ قۇن جونىندەگى ورتاق تالپىنىسى سىڭگەن. ۇلتتىڭ گۇلدەنۋى سىندى ۇلى مىندەتتى ارقالاپ وتىرعان داۋىردەگى جاڭا ۇرپاقتاردى تاربيەلەۋدى وزەك ەتىپ، ءتالىم - تاربيە ارقىلى جەتەكتەۋدى، اماليات بارىسىندا جەتىلدىرۋدى، تۇزىمدىك جاقتان قامتاماسىز ەتۋدى كۇشەيتىپ، سوتسياليستىك وزەكتى قۇن كوزقاراسىنىڭ حالىقتىق وقۋ - اعارتۋداعى، رۋحاني وركەنيەت قۇرۋداعى، رۋحاني مادەنيەت ونىمدەرىن جاراتۋ، ءوندىرۋ، تاراتۋداعى جەتەكشىلىك رولىن ساۋلەلەندىرىپ، سوتسياليستىك وزەكتى قۇن كوزقاراسىن قوعامدىق دامۋدىڭ ءارقايسى جاقتارىمەن توعىستىرىپ، حالىقتىڭ سەزىمدىك تانىمى مەن ارەكەت داعدىسىنا اينالدىرۋ كەرەك. جالپى حالىقتىق قيمىلعا، كادرلار باستاماشى بولۋعا، وتباسىنان باستاۋعا، بالا كەزدەن مىقتى ۇستاۋعا تاباندى بولۋ. جۇڭحۋانىڭ تاڭداۋلى ءداستۇرلى مادەنيەتىندە جاتقان يدەيالىق كوزقاراستى، گۋمانيتارلىق رۋحتى، ءمورالدىق ولشەمدى ىشكەرىلەي اشىپ، ءداۋىر تالابىمەن ۇشتاستىرا وتىرىپ مۇراگەرلىك ەتىپ جانە جاڭالىق اشىپ، جۇڭحۋا مادەنيەتىنىڭ ماڭگىلىك قۇدىرەتى مەن داۋىرلىك ەرەكشەلىگىن ايگىلەۋ.

       3) يدەيا - ءمورال قۇرىلىسىن كۇشەيتۋ. حالىقتا سەنىم، مەملەكەتتە قۋات بولسا، ۇلتتا ءۇمىت بولادى. حالىقتىڭ يدەيالىق ساناسىن، ءمورالدىق ورەسىن، وركەنيەت ساپاسىن ارتتىرىپ، تۇتاس قوعامنىڭ وركەنيەت دەڭگەيىن جوعارىلاتۋ كەرەك. مۇرات - سەنىم تاربيەسىن كەڭىنەن ەتەك الدىرىپ، جۇڭگوشا سوتسياليزم مەن جۇڭگو ارمانى جونىندەگى ۇگىت - تاربيەنى تەرەڭدەتىپ، ۇلت رۋحى مەن ءداۋىر رۋحىن اسقاقتاتىپ، وتانشىلدىق، كوللەكتيۆشىلدىك، سوتسياليستىك تاربيەنى كۇشەيتىپ، حالىقتى تاريح، ۇلت، مەملەكەت، مادەنيەت جونىندە دۇرىس كوزقاراس ورناتۋعا جەتەكتەۋ كەرەك. ازاماتتاردىڭ ءمورال قۇرىلىسى ينجەنەرياسىن ىشكەرىلەي اتقارىپ، قوعامدىق جالپىلىق ءمورال، كاسىپتىك ءمورال، وتباسىندىق تاماشا ءمورال، جەكە احىلاق قۇرىلىسىن ىلگەرىلەتىپ، حالىقتى العا ۇمتىلۋعا، ىزگىلىككە تالپىنۋعا، وپالى ۇرپاق، باۋىرمال تۋىس بولۋعا، وتانعا، حالىققا ادال بولۋعا ىنتالاندىرۋ. يدەيالىق - ساياسي قىزمەتتى كۇشەيتىپ جانە جاقسارتىپ، بۇقارالىق رۋحاني وركەنيەت قۇرۋ قيمىلىن ىشكەرىلەي ورىستەتۋ. عىلمي رۋحتى ساۋلەلەندىرىپ، عىلىم - بىلىمدەردى جالپىلاستىرىپ، ەسكى سالت - سانانى وزگەرتەتىن، داۋىرلىك جاڭا سالتتى اسقاقتاتاتىن قيمىلداردى ورىستەتىپ، شىرىك، مەشەۋ مادەنيەتتىڭ ازدىرۋىنا قارسى تۇرۋ. سەنىمدىلىك قۇرىلىسى مەن ەرىكتى قىزمەت وتەۋدى تۇزىمدەندىرۋدى ىلگەرىلەتىپ، قوعامدىق جاۋاپكەرلىك تانىمىن، ءتارتىپ تانىمىن، ءوزىن ارناۋ تانىمىن كۇشەيتۋ.

     4) سوتسياليستىك ادەبيەت - كوركەمونەردى گۇلدەندىرۋ جانە دامىتۋ. سوتسياليستىك ادەبيەت - كوركەمونەر − حالىقتىڭ ادەبيەت - كوركەمونەرى. حالىقتى وزەك ەتكەن جاسامپازدىق باعىتقا تاباندى بولىپ، ومىرگە ىشكەرىلەي ارالاسىپ، حالىقتىڭ اراسىنا تامىر تارتىپ، زامانعا لايىق ادەبيەت - كوركەمونەر تۋىندىلارىن جاراتۋ قاجەت. ادەبيەت - كوركەمونەر شىعارماشىلىعىن گۇلدەندىرۋدە يدەياسى تەرەڭ بولۋدىڭ، كوركەمدىك دەڭگەيى جوعارى بولۋدىڭ، شىعارماشىلىق شەبەرلىگى كۇشتى بولۋدىڭ بىرلىگىنە تاباندى بولىپ، رەال تاقىرىپتىق تۋىندى جاراتۋدى كۇشەيتىپ، پارتيانى، وتاندى، حالىقتى، قاھارمانداردى جىرلايتىن سارا تۋىندىلار جاراتۋعا كۇش سالۋ كەرەك. عىلىم دەموكراتياسىن، كوركەمونەر دەموكراتياسىن ساۋلەلەندىرىپ، ادەبيەت - كوركەمونەر ءتول شىعارماشىلىعى قۋاتىن جوعارىلاتىپ، ادەبيەت - كوركەمونەردە جاڭالىق اشۋدى ىلگەرىلەتۋ. ساپاعا، اۋەنگە، جاۋاپكەرشىلىككە ءمان بەرۋدى دارىپتەپ، انايىلىقتى، تۇرپايىلىقتى، جارامساقتىقتى تەجەۋ. ادەبيەت - كوركەمونەرشىلەر قوسىنى قۇرىلىسىن كۇشەيتىپ، ءمورالدى دا ونەرلى ايتۋلى الىپتاردى جەتىلدىرىپ، جوعارى ورەلى تۋىندى جاراتاتىن دارىندىلاردى جەتىلدىرۋ.

       5) مادەنيەت ىستەرى مەن مادەنيەت شارۋاشىلىعىنىڭ دامۋىن ىلگەرىلەتۋ.حالىقتىڭ تاماشا تۇرمىسقا كەنەلۋ سىندى تىڭ تىلەگىن قاناعاتتاندىرۋدا مول رۋحاني ازىقپەن قامداۋ قاجەت. مادەنيەت ءتۇزىلىسى رەفورماسىن تەرەڭدەتىپ، مادەنيەت باسقارۋ ءتۇزىلىسىن كەمەلدەندىرىپ، قوعامدىق ونىمدىلىكتى ماڭداي الدى ورىنعا قوياتىن، قوعامدىق ونىمدىلىك پەن ەكونوميكالىق ونىمدىلىك ءوزارا ۇشتاسقان ءتۇزىلىس مەحانيزمىن جەدەل ورناتۋ قاجەت. الەۋمەتتىك مادەنيەتتىك قىزمەت وتەۋ جۇيەسىن كەمەلدەندىرىپ، مادەنيەتتەن حالىقتى يگىلىكتەندىرۋ ينجەنەرياسىن ىشكەرىلەتىپ، بۇقارالىق مادەنيەت قيمىلىن مولايتۋ. مادەني بۇيىمداردى قورعاۋدى، ودان پايدالانۋدى جانە مادەني مۇرالاردى قورعاۋدى، وعان مۇراگەرلىك ەتۋدى كۇشەيتۋ. وسى زامانعى مادەنيەت شارۋاشىلىعى جۇيەسى مەن بازار جۇيەسىن اقاۋسىزداندىرىپ، ءوندىرىس - تيجارات مەحانيزمىن جاڭالاپ، مادەنيەت شارۋاشىلىعى ساياساتىن كەمەلدەندىرىپ، جاڭاشا مادەنيەت كاسىپتەرىن جەتىلدىرۋ. جالپى حالىقتىق دەنە شىنىقتىرۋ قيمىلىن كەڭ كولەمدە ەتەك الدىرىپ، دەنە تاربيەدە قۇدىرەتتى ەل قۇرۋ قۇرىلىسىن جەدەلدەتىپ، بەيجيڭ قىسقى وليمپيادا جارىسىن، مۇگەدەكتەردىڭ قىسقى وليمپيادا جارىسىن ءساتتى وتكىزۋ. جۇڭگو مەن شەتەلدىڭ گۋمانيتارلىق اۋىس - كۇيىسىن كۇشەيتۋدە ءوزىمىزدى نەگىز ەتىپ، ءتۇرلى جاقتاردى تولىق قابىلداۋ. حالىقارالىق تاراتۋ قابىلەتى قۇرىلىسىن ىلگەرىلەتىپ، جۇڭگو حيكاياسىن ويداعىداي بايانداپ، جۇڭگونى ناقتى، كەمەلدى، جان - جاقتىلى كورسەتىپ، مەملەكەتتىڭ مادەنيەت جۇمساق كۇشىن نىعايتۋ.

  جولداستار! جۇڭگو كوممۋنيستىك پارتياسى قۇرىلعان كۇننەن باستاپ، جۇڭگونىڭ وزىق مادەنيەتىنىڭ بەلسەندى جەتەكشىسى جانە امالياتتا ايگىلەۋشىسى ءارى جۇڭحۋانىڭ تاڭداۋلى ءداستۇرلى مادەنيەتىنىڭ ادال مۇراگەرى جانە جارشىسى بولدى. زامانىمىزداعى جۇڭگو كوممۋنيستەرى مەن جۇڭگو حالقى جاڭا مادەنيەت بورىشىن ارقالاۋعا ءتيىس ءارى، ءسوزسىز، ارقالاي الادى، ءىس جۇزىندىك جاسامپازدىق بارىسىندا مادەنيەتتە جاڭالىق اشىپ، تاريحي العاباسۋ بارىسىندا مادەنيەتتىڭ العا باسۋىن جۇزەگە اسىرا الادى!

      8. حالىقتىڭ تۇرمىسىن قامتاماسىز ەتۋ جانە جاقسارتۋ ورەسىن جوعارىلاتىپ، قوعامدىق باسقارۋدى كۇشەيتۋ جانە وندا جاڭالىق اشۋ

      بۇكىل پارتياداعىلار ادام ماسەلەسىنىڭ نەلىكتەن ءبىر ساياسي پارتيانىڭ، ءبىر اكىمياتتىڭ سيپاتىن سىنايتىن سىنتاس ەكەنىن ەستە بەرىك ساقتاۋلارى كەرەك. حالىقتى تاماشا تۇرمىسقا جەتەلەۋ − پارتيامىزدىڭ باستان - اياق تاباندى بولىپ كەلگەن كۇرەس نىساناسى. حالىقتىڭ مۇددەسىن باستان - اياق بارىنەن جوعارى قويىپ، بارشا حالىقتىڭ رەفورمانىڭ، دامۋدىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەنىپ، بىرگە اۋقاتتانۋدى جۇزەگە اسىرۋ جولىندا ۇزدىكسىز العا باسۋىنا مۇمكىندىك جاساۋ قاجەت.

  حالىق تۇرمىسىن قامتاماسىز ەتۋدە جانە جاقسارتۋدا حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتى يگەرىپ، شاما كەلەتىن ىستەرگە كۇش سالا كىرىسىپ، ءىستى بىرىنەن سوڭ ءبىرىن، جىلدان - جىلعا جالعاستىرىپ ىستەۋ كەرەك. بارلىق ادام جاۋاپكەرلىگىن ادا ەتۋگە، بارلىق ادام يگىلىكتەنۋگە تاباندى بولىپ، تومەنگى شەكتى بەرىك ساقتاپ، ءتۇيىندى كورنەكتىلەندىرىپ، ءتۇزىمدى كەمەلدەندىرىپ، مەجەلى نىساناعا باستاپ، الەۋمەتتىك قىزمەت وتەۋ جۇيەسىن كەمەلدەندىرىپ، بۇقارانىڭ نەگىزگى تۇرمىسىن قامتاماسىز ەتىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرىپ، قوعامدىق ادىلدىك پەن ادىلەتتىلىكتى تىنباي جەبەپ، ۇتىمدى قوعامدىق باسقارۋ، تاماشا قوعامدىق ءتارتىپ قالىپتاستىرىپ، حالىقتىڭ تابىسقا كەنەلۋ سەزىمىن، باقىت سەزىمىن، حاۋىپسىزدىك سەزىمىن مۇنان دا مول، مۇنان دا قامسىز، مۇنان دا باياندى ەتۋ كەرەك.

  1) وقۋ - اعارتۋ ىستەرىن الدىمەن دامىتۋ. وقۋ - اعارتۋدا قۇدىرەتتى ەل قۇرۋ − جۇڭحۋا ۇلتىنىڭ ۇلى گۇلدەنۋىنىڭ نەگىزدىك ينجەنەرياسى، وقۋ - اعارتۋ ىستەرىن ماڭداي الدى ورىنعا قويىپ، وقۋ - اعارتۋ رەفورماسىن تەرەڭدەتىپ، وقۋ - اعارتۋدىڭ وسىزاماندانۋىن جەدەلدەتىپ، وقۋ - اعارتۋدى حالىق رازى بولاتىنداي ەتىپ جاقسى باسقارۋ قاجەت. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءمورالدى ادام تاربيەلەۋ سىندى ءتۇبىرلى مىندەتتى تياناقتاندىرىپ، ساپالىق وقۋ - اعارتۋدى دامىتىپ، وقۋ - اعارتۋداعى ادىلدىكتى جەبەپ، سوتسياليزمنىڭ احىلاق، اقىل - وي، دەنە، ەستەتيكا جاعىنان جان - جاقتى جەتىلگەن قۇرۋشىلارى مەن ءىزباسارلارىن تاربيەلەۋ كەرەك. قالا مەن اۋىلداردا مىندەتتى وقۋ - اعارتۋدىڭ ءبىرتۇلعالانىپ دامۋىن ىلگەرىلەتىپ، اۋىل - قىستاقتارداعى مىندەتتى وقۋ - اعارتۋعا وسكەلەڭ ءمان بەرىپ، وقۋ الدىنداعى تاربيەنى، ەرەكشە وقىتۋدى جانە ينتەرنەتتىك وقىتۋدى ويداعىداي جۇرگىزىپ، تولىق ورتا ساتىسىنداعى وقىتۋدى جالپىلاستىرىپ، ءاربىر بالانى ءادىل دە ساپالى ءبىلىم الۋ مۇمكىندىگىنە يە ەتۋگە قۇلشىنۋ. كاسىپتىك وقىتۋ مەن كۋرستان وتكىزۋ جۇيەسىن كەمەلدەندىرىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتۋ. الدىڭعى قاتارداعى جوعارى مەكتەپتەر جانە وزىق عىلىم - ءپان قۇرىلىسىن جەدەلدەتىپ، جوعارى دارەجەلى وقۋ - اعارتۋدىڭ مايەكتى دامۋىن جۇزەگە اسىرۋ. وقۋشىلارعا قارجى جاقتان كومەكتەسۋ ءتۇزىمىن كەمەلدەندىرىپ، قالا - اۋىلداعى تىڭنان قوسىلعان باسىم كوپ سانداعى ەڭبەككۇشتەردىڭ تولىق ورتا مەكتەپ ساتىسىنداعى وقۋ - اعارتۋ تاربيەسىن قابىلداۋىنا، جوعارى دارەجەلى وقۋ - اعارتۋ تاربيەسىن اناعۇرلىم كوپ قابىلداۋىنا مۇمكىندىك جاساۋ. قوعامدىق كۇشتەردىڭ وقۋ - اعارتۋمەن شۇعىلدانۋىن قولداۋ جانە جۇيەگە ءتۇسىرۋ. وقىتۋشىلاردىڭ ءمورال - ستيل قۇرىلىسىن كۇشەيتىپ، جوعارى ساپالى وقىتۋشىلار قوسىنىن جەتىلدىرىپ، تۇتاس قوعامدا وقىتۋشىلاردى قۇرمەتتەۋدى، وقىتۋعا ءمان بەرۋدى دارىپتەۋ. ۇزدىكسىز ءبىلىم بەرۋ تاربيەسىن ويداعىداي جۇرگىزىپ، ۇيرەنۋگە قۇلىقتى قوعام قۇرۋدى جەدەلدەتىپ، حالىقتىڭ ساپاسىن بارىنشا جوعارىلاتۋ.

     2) جۇمىستانۋ ساپاسى مەن حالىقتىڭ كىرىس دەڭگەيىن جوعارىلاتۋ. جۇمىستانۋ حالىق تۇرمىسىنا ساياتىن ەڭ ۇلكەن ءىس. جۇمىستانۋدى الدىمەن ويلاستىرۋ ستراتەگياسى مەن بەلسەندى جۇمىستاندىرۋ ساياساتىنا تاباندى بولىپ، اناعۇرلىم جوعارى ساپالى جانە اناعۇرلىم تولىق جۇمىستانۋدى جۇزەگە اسىرۋ كەرەك. كاسىپتىك ونەرگە باۋلۋدى كەڭىنەن ەتەك الدىرىپ، جۇمىستانۋداعى قۇرىلىمدىق قايشىلىقتى شەشۋگە ءمان بەرىپ، شارۋاشىلىق قۇرۋ ارقىلى جۇمىستانۋدى جەتەكتەۋگە دەم بەرۋ. الەۋمەتتىك جۇمىستانۋعا جان - جاقتىلى قىزمەت وتەپ، جوعارى مەكتەپ بىتىرگەن وقۋشىلار قاتارلى جاستار قاۋىمىنىڭ، ديقان جۇمىسكەرلەردىڭ كوپ جولدارمەن جۇمىستانىپ، شارۋاشىلىق قۇرۋىن جەبەۋ. ەڭبەككۇشتەردىڭ، دارىندىلاردىڭ قوعامدىق سيپات العان اۋىسۋىنا تۇساۋ بولاتىن ءتۇزىلىس مەحانيزمى كىناراتتارىن الاستاپ، بارلىق ادامنىڭ قاجىرلى ەڭبەگى ارقىلى وزىندىك دامۋدى جۇزەگە اسىرۋلارىنا وراي جاراتۋ. ۇكىمەت، جۇمىسشى ۇيىمى، كاسىپورىن بىرگە ات سالىساتىن كەڭەس بەرۋ، سايكەستىرۋ مەحانيزمىن كەمەلدەندىرىپ، جاراسىمدى ەڭبەك قاتىناسىن ورناتۋ. ەڭبەگىنە قاراي ءبولۋ پرينسيبىنە تاباندى بولىپ، فاكتور بويىنشا بولەتىن ءتۇزىلىس مەحانيزمىن كەمەلدەندىرىپ، كىرىس ءبولىسىنىڭ اناعۇرلىم ۇيلەسىمدى، ءتارتىپتى بولۋىن جەبەۋ. زاڭعا بويسۇنىپ، قاجىرلى ەڭبەگىمەن اۋقاتتانۋعا دەم بەرىپ، ورتاشا كىرىستى قاۋىمنىڭ كولەمىن كەڭەيتىپ، تومەن كىرىستەگىلەردىڭ كىرىسىن مولايتىپ، كىرىسى تىم جوعارىلاردىڭ كىرىسىن رەتتەپ، زاڭسىز كىرىستى كۇشىنەن قالدىرۋ. ەكونوميكانى ارتتىرۋمەن قاتار، تۇرعىنداردىڭ كىرىسىن دە بىردەي ارتتىرۋعا، ەڭبەك ونىمدىلىگىن جوعارىلاتۋمەن قاتار، ەڭبەكاقىنى دا بىردەي جوعارىلاتۋدى جۇزەگە اسىرۋعا تاباندى بولۋ. تۇرعىنداردىڭ ەڭبەك كىرىسى مەن مال - مۇلىكتىك كىرىس ارناسىن كەڭەيتۋ. ۇكىمەتتىڭ قايتالاي بولىسكە سالۋ، رەتتەۋ فۋنكتسياسىن ويداعىداي وتەپ، نەگىزدىك الەۋمەتتىك قىزمەت وتەۋدىڭ تەڭگەرىلۋىن جەدەل ىلگەرىلەتىپ، كىرىس بولىسىندەگى پارىقتى ازايتۋ.

     3)قوعامدىق قامتاماسىزداندىرۋ جۇيەسى قۇرىلىسىن كۇشەيتۋ. تومەنگى ولشەمنەن تۇسىرمەۋ، توردى بەرىك توقۋ، مەحانيزم ورناتۋ تالابى بويىنشا، جالپى حالىقتى تۇتاس قامتيتىن، قالا مەن اۋىل ءبىر تۇتاس جوسپارعا الىناتىن، ۇقىق پەن بورىشى ايقىن، ۇيلەسىمدى قامتاماسىز ەتىلەتىن، باياندى، كوپ ساتىلى قوعامدىق قامتاماسىزداندىرۋ جۇيەسىن جاپپاي قۇرۋ. جالپى حالىقتى قوعامدىق قامسىزداندىرۋعا قاتىناستىرۋ جوسپارىن جاپپاي اتقارۋ. قالا - قالاشىقتاعى جۇمىسشى - قىزمەتكەرلەردىڭ نەگىزگى زەينەتكەرلىك قامسىزداندىرۋى مەن قالا - اۋىل تۇرعىندارىنىڭ نەگىزگى زەينەتكەرلىك قامسىزداندىرۋى ءتۇزىمىن كەمەلدەندىرىپ، زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى تەز ارادا جۇزەگە اسىرۋ. قالا - اۋىل تۇرعىندارىنىڭ بىرلىككە كەلگەن نەگىزگى ەمدەلۋىن قامسىزداندىرۋ ءتۇزىمى مەن سالماقتى اۋرۋلارىن قامسىزداندىرۋ ءتۇزىمىن كەمەلدەندىرۋ. جۇمىسسىزدىقتى، جۇمىس ۇستىندە جارالانۋدى قامسىزداندىرۋ ءتۇزىمىن كەمەلدەندىرۋ. قوعامدىق قامسىزداندىرۋدىڭ بۇكىل ەل بويىنشا بىرلىككە كەلگەن الەۋمەتتىك قىزمەت وتەۋ تەكشەسىن قۇرۋ. قالا مەن اۋىلداردىڭ قوعامدىق قۇتقارۋ، كومەك بەرۋ جۇيەسىن ءبىر تۇتاس جوسپارلاپ، ەڭ تومەنگى تۇرمىستىق قامتاماسىزداندىرۋ ءتۇزىمىن كەمەلدەندىرۋ. مەملەكەتتىڭ ەر - ايەل تەڭدىگى جونىندەگى نەگىزگى ساياساتىنا تاباندى بولىپ، ايەلدەر مەن بالالاردىڭ زاڭدى ۇقىق - مۇددەسىن قامتاماسىز ەتۋ. قوعامدىق قۇتقارۋ، كومەك بەرۋ، قوعامدىق يگىلىك، قايىر - ساحابات ىستەرى، قامقورلىق جاساۋ جولىمەن ورنالاستىرۋ قاتارلى تۇزىمدەردى كەمەلدەندىرىپ، اۋىل - قىستاقتارداعى ۇيدە قالعان بالالار مەن ايەلدەرگە، قارتتارعا قامقورلىق جاساۋ، قىزمەت وتەۋ جۇيەسىن اقاۋسىزداندىرۋ. مۇگەدەكتەر ءىسىن دامىتىپ، مۇگەدەكتەردى ساۋىقتىرۋ جونىنەن قىزمەت وتەۋدى كۇشەيتۋ. ءۇي ساۋداعا سالۋعا ەمەس، تۇرۋعا ارنالعان دەگەن ۇستانىمعا تاباندى بولىپ، كوپ نەگىزدى قامدالاتىن، كوپ ارنامەن قامتاماسىز ەتىلەتىن، مايلاپ الۋ مەن ساتىپ الۋ تەڭ اتقارىلاتىن تۇرعىن ءۇي ءتۇزىمىن ورناتۋدى تەزدەتىپ، تۇتاس حالىقتىڭ تۇرار جايى بولۋىنا مۇمكىندىك جاساۋ.

     4) كەدەيلىكتەن ارىلتۋدان قامال الۋ شايقاسىندا، ءسوزسىز، جەڭىپ شىعۋ. كەدەي بۇقارا مەن كەدەي رايونداردى بۇكىل ەلمەن بىرگە جاپپاي دوڭگەلەك داۋلەتتى قوعامعا جەتكىزۋ − پارتيامىزدىڭ ايبىندى ۋادەسى. بۇكىل پارتيانى، بۇكىل ەلدى، جالپى قوعامدىق كۇشتەردى اتتانىسقا كەلتىرىپ، كەدەيلەردى ورنىن ءدال تاۋىپ سۇيەمەلدەۋگە، كەدەيلىكتەن شىن مانىندە ارىلتۋعا تاباندى بولىپ، ورتالىق ءبىر تۇتاس ورنالاستىراتىن، ولكە باستى جاۋاپكەرلىك ارقالايتىن، قالا - اۋداندار تياناقتاندىرۋعا جاۋاپتى بولاتىن قىزمەت مەحانيزمىنە تاباندى بولىپ، پارتيا مەن ۇكىمەتتىڭ ءبىرىنشى باسشىسى باستى جاۋاپكەرلىك ارقالاۋ ءتۇزىمىن كۇشەيتىپ، كەدەيلەردى جاپپاي سۇيەمەلدەۋ جۇيەسىنەن جازباي، كەدەيلەردى سۇيەمەلدەۋدى جىگەر - قايرات جاعىنان سۇيەمەلدەۋمەن، اقىل - قابىلەت جاعىنان سۇيەمەلدەۋمەن ۇشتاستىرۋعا باسا ءمان بەرىپ، باتىس، شىعىس بولەكتەردىڭ كەدەيلەردى سۇيەمەلدەۋدەگى سەلبەستىگىن ىشكەرىلەي اتقارىپ، ەرەكشە كەدەي وڭىرلەردى كەدەيلىكتەن ارىلتۋ مىندەتىن ورىنداۋدان ءتۇيىندى تۇردە قامال الىپ، 2020 - جىلعا بارعاندا، ەلىمىزدىڭ قازىرگى ولشەمى بويىنشا اۋىل - قىستاقتىڭ كەدەي حالقىن كەدەيلىكتەن ارىلتىپ، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋعا كەپىلدىك ەتىپ، وڭىرلىك ءبىرىڭعاي كەدەيلىك ماسەلەسىن شەشىپ، ناق كەدەيلىكتەن ارىلتۋدى، كەدەيلىكتەن شىنايى ارىلتۋدى جۇزەگە اسىرۋ كەرەك.

  5) اقاۋسىز جۇڭگو ستراتەگياسىن اتقارۋ. حالىقتىڭ دەنساۋلىعى − ۇلتتىڭ گۇلدەنىپ - كوركەيۋى مەن مەملەكەتتىڭ بايىپ قۇدىرەتتەنۋىنىڭ ماڭىزدى بەلگىسى. حالىقتىڭ دەنساۋلىعى جونىندەگى ساياساتتى كەمەلدەندىرىپ، حالىق بۇقاراسىنا دەنساۋلىق جاعىندا جان - جاقتى، تولىق دۇركىندى قىزمەت وتەۋ كەرەك. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، جۇڭگوشا نەگىزگى ەمدەۋ - دەنساۋلىق ساقتاۋ ءتۇزىمىن، ەمدەلۋدى قامتاماسىز ەتۋ ءتۇزىمىن جانە ەمدەۋ - دەنساۋلىق ساقتاۋ جونىنەن ساپالى، ءونىمدى قىزمەت وتەۋ جۇيەسىن جاپپاي ورناتىپ، وسى زامانعى شيپاحانا باسقارۋ ءتۇزىمىن اقاۋسىزداندىرۋ. نەگىزگى ساتىنىڭ ەمدەۋ - دەنساۋلىق ساقتاۋعا قىزمەت وتەۋ جۇيەسى مەن تولىق ءپاندى شيپاگەرلەر قوسىنى قۇرىلىسىن كۇشەيتۋ. شيپاحانالاردى ءدارى - دارمەك اقىسىمەن اسىراۋدى جاپپاي كۇشىنەن قالدىرىپ، ءدارى - دارمەكپەن قامداۋدى قامتاماسىز ەتۋ ءتۇزىمىن اقاۋسىزداندىرۋ. الدىن الۋدى نەگىز ەتۋگە تاباندى بولىپ، وتانشىلدىق دەنساۋلىق ساقتاۋ قيمىلىن ىشكەرىلەي ورىستەتىپ، اقاۋسىز، وركەنيەتتى تۇرمىس ءتاسىلىن دارىپتەپ، سالماقتى اۋرۋلاردىڭ الدىن الۋ، تىزگىندەۋ. ازىق - تۇلىك حاۋىپسىزدىگى ستراتەگياسىن اتقارىپ، حالىقتى تاماقتانۋ جاعىنان الاڭسىز ەتۋ. جۇڭگوشا شيپاگەرلىك پەن باتىسشا شيپاگەرلىككە تەڭ ءمان بەرۋگە تاباندى بولىپ، جۇڭگوشا ەمدەۋ، ءدارى - دارمەك ىستەرىن دامىتۋ جانە وعان مۇراگەرلىك ەتۋ. قوعامنىڭ شيپاحانا قۇرۋىن قولداپ، دەن سالاماتتىعى كاسىبىن دامىتۋ كەرەك. تۋىت ساياساتى مەن قاتىستى ەكونوميكالىق، قوعامدىق ساياساتتاردىڭ سايكەسۋىن، توعىسۋىن جەبەپ، حالىق سانىنىڭ دامۋ ستراتەگياسى جونىندەگى زەرتتەۋدى كۇشەيتۋ. حالىقتىڭ قارتتانۋىنا بەلسەنە سايكەسىپ، قارتتاردى كۇتىمدەيتىن، قارتتارعا كۇيىنەتىن، قارتتاردى قۇرمەتتەيتىن ساياساتتىق جۇيە جانە قوعامدىق ورتا قالىپتاستىرىپ، ەمدەۋ مەن كۇتىمدەۋدىڭ ۇشتاسۋىن ىلگەرىلەتىپ، قارتتار ءىسىنىڭ جانە قارتتار كاسىبىنىڭ دامۋىن جەدەلدەتۋ.

  6) قوعامدىق باسقارۋدىڭ بىرگە قۇرىپ، بىرگە باسقارىپ، تەڭ يگىلىكتەنەتىن جۇيەسىن ورناتۋ. قوعامدىق باسقارۋ ءتۇزىمى قۇرىلىسىن كۇشەيتىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، بۇقارا ات سالىساتىن، زاڭمەن باسقارۋ قامتاماسىز ەتىلەتىن قوعامدىق باسقارۋ ءتۇزىلىسىن كەمەلدەندىرىپ، قوعامدىق باسقارۋدىڭ قوعامدانۋ، زاڭمەن باسقارىلۋ، زەردەلىلەنۋ، ماماندانۋ دەڭگەيىن جوعارىلاتۋ. قوعامدىق قايشىلىقتاردان ساقتانۋ جانە ونى جويۋ مەحانيزمى قۇرىلىسىن كۇشەيتىپ، حالىقتىڭ ىشكى بولەگىندەگى قايشىلىقتاردى دۇرىس ءبىر جاقتى ەتۋ. حاۋىپسىز دامۋ تانىمىن ورناتىپ، «ءومىر بارىنەن قىمبات، حاۋىپسىزدىك ءبىرىنشى» يدەياسىن ساۋلەلەندىرىپ، الەۋمەتتىك حاۋىپسىزدىك جۇيەسىن كەمەلدەندىرىپ، حاۋىپسىز ءوندىرىس جاۋاپكەرلىگى ءتۇزىمىن كەمەلدەندىرىپ، ەرەكشە اۋىر حاۋىپسىزدىك شىرعالاڭدارىن باتىل تەجەپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قۋاتىن جوعارىلاتۋ. قوعام اماندىعى جاعىنداعى الدىن الۋ - تىزگىندەۋ جۇيەسى قۇرىلىسىن جەدەلدەتىپ، سارى الاپات، قۇمار ويناۋ، ەسىرتكى تۇتىنۋ، قارا قوعام، الداپ ساتۋ، الدامكوستىك ىستەۋ سياقتى زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ جانە ونى جازالاپ، حالىقتىڭ كىسىلىك ۇقىعىن، مال - مۇلىك ۇقىعىن، ار - نامىس ۇقىعىن قورعاۋ. قوعامدىق پسيحولوگيالىق قىزمەت وتەۋ جۇيەسى قۇرىلىسىن كۇشەيتىپ، ءوزىن قۇرمەتتەيتىن، وزىنە سەنەتىن، اقىلدى دا بايسالدى، بەلسەندى، العاباسار قوعامدىق پيعىل قالىپتاستىرۋ. الەۋمەتتىك اۋماقتى باسقارۋ جۇيەسى قۇرىلىسىن كۇشەيتىپ، قوعامدىق باسقارۋدىڭ ءتۇيىنىن نەگىزگى ساتىعا ويىستىرۋدى ىلگەرىلەتىپ، قوعامدىق ۇيىمداردىڭ رولىن ساۋلەلەندىرىپ، ۇكىمەتتىڭ باسقارۋى مەن قوعامنىڭ رەتتەۋىنىڭ، تۇرعىنداردىڭ ءوزىن - ءوزى باسقارۋىنىڭ ءوزارا ءتيىمدى ىقپالداستىعىن جۇزەگە اسىرۋ.

    7) مەملەكەت حاۋىپسىزدىگىن ۇتىمدى قورعاۋ. مەملەكەت حاۋىپسىزدىگى − ەلدىڭ تىنىش، ورنىقتى بولۋىنىڭ ماڭىزدى ىرگە تاسى، مەملەكەت حاۋىپسىزدىگىن قورعاۋ بۇكىل ەلدەگى ءار ۇلت حالقىنىڭ ءتۇبىرلى مۇددەسىنە سايادى. مەملەكەت حاۋىپسىزدىگى ستراتەگياسى مەن مەملەكەت حاۋىپسىزدىگى ساياساتىن كەمەلدەندىرىپ، مەملەكەتتىڭ ساياسي حاۋىپسىزدىگىن باتىل قورعاپ، ءتۇرلى حاۋىپسىزدىك قىزمەتتەردى ءبىر تۇتاس جوسپارلاپ ىلگەرىلەتۋ كەرەك. مەملەكەت حاۋىپسىزدىگى جۇيەسىن كەمەلدەندىرىپ، مەملەكەت حاۋىپسىزدىگىن زاڭمەن باسقارۋ جاعىندا قامتاماسىز ەتۋدى كۇشەيتىپ، حاۋىپسىزدىك حاۋىپ - قاتەرلەرىنىڭ الدىن الۋ جانە ودان ساقتانۋ قۋاتىن جوعارىلاتۋ. ءتۇرلى ءسىڭىپ كىرۋ، اۋدارۋ، ءبۇلدىرۋ ارەكەتتەرىنەن، زورلىقتى كۇش، لاڭكەستىك ارەكەتىنەن، ۇلتتىق بولشەكتەۋشىلىك ارەكەتىنەن، ءدىني ۇشقارى ارەكەتتەردەن قاتاڭ ساقتانۋ جانە وعان باتىل سوققى بەرۋ. مەملەكەت حاۋىپسىزدىگى تاربيەسىن، بۇكىل پارتيانىڭ، بۇكىل ەل حالقىنىڭ مەملەكەت حاۋىپسىزدىگى تانىمىن كۇشەيتىپ، تۇتاس قوعامدا مەملەكەت حاۋىپسىزدىگىن قورعايتىن قۇدىرەتتى كۇش بىرلىگىنىڭ قالىپتاسۋىن ىلگەرىلەتۋ.

  جولداستار! پارتيانىڭ بارلىق ىسىندە قالىڭ حالىقتىڭ ءتۇبىرلى مۇددەسىن ەڭ جوعارى ولشەم ەتۋ قاجەت. ءبىز حالىق جۇرتشىلىعىنىڭ جاي ىستەرىن ءوزىمىزدىڭ ۇلكەن ىسىمىزگە بالاۋعا تاباندى بولىپ، حالىق بۇقاراسى كوڭىل بولەتىن، حالىق بۇقاراسى رازى بولاتىن ىستەردەن باستاپ كىرىسىپ، حالىقتى تىنباي تاماشا تۇرمىس جاراتۋعا باستاۋىمىز قاجەت!

      9. ەكولوگيالىق وركەنيەت ءتۇزىلىسى رەفورماسىن تەزدەتىپ، كورىكتى جۇڭگو قۇرۋ

  ادام مەن تابيعات − تىرشىلىكتىڭ ورتاق تۇلعاسى، ادامزات تابيعاتقا قۇرمەت ەتۋى، تابيعاتقا بويسۇنۋى، تابيعاتتى قورعاۋى قاجەت. ادامزات تابيعاتتىڭ زاڭدىلىعىنا بويسۇنعاندا عانا، تابيعاتتى اشۋدا، پايدالانۋدا بۇراڭ جولعا ءتۇسىپ كەتۋدەن ۇتىمدى ساقتانۋىنا بولادى، تابيعاتتى ويرانداۋ، تۇبىندە، ادامزاتتىڭ ءوزىن ويرانداۋى سانالادى. بۇل ەشكىم دە قارسى كەلە المايتىن زاڭدىلىق.

  ءبىز جۇزەگە اسىراتىن وسىزامانداندىرۋ − ادام مەن تابيعات جاراسىمدى ءومىر سۇرەتىن وسىزامانداندىرۋ، ول حالىقتىڭ كۇن سايىن ارتىپ وتىرعان تاماشا تۇرمىس قاجەتىن ءتىپتى مول ماتەريالدىق بايلىق پەن رۋحاني بايلىق جاراتۋ ارقىلى قاناعاتتاندىرادى ءارى حالىقتىڭ كۇن سايىن ارتىپ وتىرعان تاماشا ەكولوگيالىق ورتاعا قاجەتىن ءتىپتى مول ساپالى ەكولوگيالىق ونىمدەرمەن قاناعاتتاندىرادى. ءبىز ۇنەمشىلدىكتى الدىڭعى ورىنعا قويۋدى، قورعاۋدى الدىڭعى ورىنعا قويۋدى، تابيعاتتى قالپىنا كەلتىرۋدى نەگىز ەتكەن باعىتتان جازباي، بايلىقتى ۇنەمدەيتىن جانە ەكولوگيالىق ورتانى قورعايتىن كەڭىستىك جۇيەسىن، شارۋاشىلىق قۇرىلىمىن، ءوندىرىس - تۇرمىس ءتاسىلىن قالىپتاستىرىپ، تابيعاتتىڭ تىنىشتىعىن، جاراسىمدىلىعىن، كوركەمدىگىن قالپىنا كەلتىرۋىمىز كەرەك.

    1) جاسىل دامۋدى ىلگەرىلەتۋ. جاسىل ءوندىرىس پەن تۇتىنۋ جونىندەگى زاڭ - تۇزىمدەر مەن ساياساتتىق بەتالىس ورناتۋدى تەزدەتىپ، جاسىل، تومەن كومىرتەكتى، اينالمالى داميتىن شارۋاشىلىق جۇيەسىن ورناتۋ جانە كەمەلدەندىرۋ. بازار جەتەكشىلىك ەتكەن جاسىل تەحنيكادا جاڭالىق اشۋ جۇيەسىن قۇرىپ، جاسىل فينانستى دامىتىپ، ەنەرگيا ۇنەمدەيتىن، ورتاعا زالالسىز شارۋاشىلىقتى، تازا ءوندىرىس شارۋاشىلىعىن، تازا ەنەرگيا شارۋاشىلىعىن ۇلعايتۋ. ەنەرگيا ءوندىرىسى مەن ەنەرگيا جۇمساۋ توڭكەرىسىن ىلگەرىلەتىپ، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن ورناتۋ. بايلىقتى جان - جاقتى ۇنەمدەۋ مەن اينالمالى پايدالانۋدى دەمەپ، مەملەكەتتىڭ سۋ ۇنەمدەۋ قيمىلىن ەتەك الدىرىپ، ەنەرگيانىڭ، زاتتىڭ جۇمسالىمىن تومەندەتىپ، ءوندىرىس جۇيەسى مەن تۇرمىس جۇيەسىنىڭ اينالمالى تۇتاسۋىن جۇزەگە اسىرۋ. ۇنەمشىل، ۇيلەسىمدى، جاسىل، تومەن كومىرتەكتى تۇرمىس ءتاسىلىن دارىپتەپ، استا - توك ىسىراپشىلدىق پەن ورىنسىز تۇتىنۋعا قارسى تۇرىپ، ۇنەمشىل مەكەمە - ورگان، جاسىل وتباسى، جاسىل مەكتەپ، جاسىل الەۋمەتتىك اۋماق قۇرۋ جانە جاسىل كولىكتەن پايدالانۋ سياقتى قيمىلداردى ورىستەتۋ.

 2) ورتاعا قاتىستى كورنەۋ ماسەلەلەردى كۇش سالا شەشۋ. جالپى حالىق بىرگە وڭاۋعا، تۋ باستان الدىن الۋعا جانە وڭاۋعا تاباندى بولىپ، اتموسفەرانىڭ لاستانۋىنىڭ الدىن الۋ جانە ونى وڭاۋ قيمىلىن ۇزبەي اتقارىپ، كوگىلدىر اسپاندى قورعاۋ شايقاسىن جەڭىستى جۇرگىزۋ. سۋدىڭ لاستانۋىنىڭ الدىن الۋدى جانە ونى وڭاۋدى جەدەلدەتىپ، اعارلاردىڭ تابيعاتى مەن جاعا - جيەككە تاياۋ تەڭىز ايدىندارىن جان - جاقتى وڭاۋ. توپىراقتىڭ لاستانۋىن باقىلاۋ - تەجەۋدى جانە قالپىنا كەلتىرۋدى، اۋىل شارۋاشىلىعىندىق لاستانۋدىڭ الدىن الۋدى جانە ونى تىزگىندەۋدى كۇشەيتىپ، اۋىل - قىستاقتاردىڭ قونىستىق ورتاسىن وڭاۋ قيمىلىن ورىستەتۋ. جاراقسىز قاتتى زاتتار مەن قوقىر - قوقسىقتى ءبىر جايلى ەتۋدى كۇشەيتۋ. لاس شىعارۋ - ىعىستىرۋ ولشەمىن جوعارىلاتىپ، لاس شىعارۋ - ىعىستىرۋشىلاردىڭ جاۋاپكەرشىلىگىن قاتايتىپ، ورتانى قورعاۋ سەنىمدىلىگىن باعالاۋ، ينفورماتسياسىن ءماجبۇري جاريالاتۋ، قاتاڭ جازالاۋ، اۋىر ايىپ سالۋ سياقتى تۇزىمدەردى كەمەلدەندىرۋ. ۇكىمەتتى جەتەكشى، كاسىپورىندى نەگىزگى تۇلعا ەتەتىن، قوعامدىق ۇيىمدار مەن بارشا قاۋىم بىرگە ات سالىساتىن ورتانى وڭاۋ جۇيەسىن ورناتۋ. جەر شارى ورتاسىن وڭاۋعا بەلسەنە ات سالىسىپ، شىعارىلاتىن - ىعىستىرىلاتىن لاستى ازايتۋ ۋادەسىن ورىنداۋ.

 3) ەكولوگيا جۇيەسىن قورعاۋ تەبىنىن ارتتىرۋ. ەكولوگيا جۇيەسىن قورعايتىن جانە ونى قالپىنا كەلتىرەتىن ماڭىزدى ءىرى ينجەنەريالاردى اتقارىپ، ەكولوگيا حاۋىپسىزدىگىنىڭ دالدا جۇيەسىن ساپالىلاندىرىپ، ەكولوگيالىق ءدالىز بەن ءتىرى ورگانيزمدەردىڭ الۋان تۇرلىلىگىن قورعاۋ تورابىن قۇرىپ، ەكولوگيا جۇيەسىنىڭ ساپاسى مەن ورنىقتىلىعىن ارتتىرۋ. ەكولوگيانى قورعاۋ قىزىل سىزىعى، ماڭگىلىك نەگىزگى ەگىنجاي، قالا - قالاشىقتاردى اشۋ شەگى بويىنشا 3 مەڭگەرۋ سىزىعىن بەلگىلەۋ قىزمەتىن ورىنداۋ. مەملەكەت جەرىن جاسىلداندىرۋ قيمىلىن ورىستەتىپ، جەردىڭ قۇمايتتانۋىن، تاستاقتانۋىن، توپىراقتىڭ شايىلۋىن جان - جاقتى وڭاۋدى ىلگەرىلەتىپ، سازدىقتاردى قورعاۋدى جانە قالپىنا كەلتىرۋدى كۇشەيتىپ، گەولوگيالىق اپاتتىڭ الدىن الۋدى جانە ونى جونگە سالۋدى كۇشەيتۋ. تابيعي ورمان - توعايدى قورعاۋ ءتۇزىمىن كەمەلدەندىرىپ، ەگىستىك جەرلەرگە قايتادان ورمان، ءشوپ ءوسىرۋ اۋماعىن كەڭەيتۋ. ەگىنجايلاردى قاتاڭ قورعاپ، ەگىستىك جەرلەرگە كەزەكپەن ءتۇرلى داقىل ەگۋ، تىنىقتىرۋ سىناق تۇيىندەرىن كەڭەيتىپ، ەگىنجاي، جايلىم، ورمان - توعاي، وزەن - كولدەردى تىنىقتىرۋ - تىڭايتۋ ءتۇزىمىن جاقسارتىپ، بازارلانعان، كوپ نەگىزدەنگەن ەكولوگيالىق تولەم بەرۋ مەحانيزمىن ورناتۋ.

  4) ەكولوگيالىق ورتانى باقىلاۋ - باسقارۋ تۇزىلىسىنە رەفورما جاساۋ. ەكولوگيالىق وركەنيەت قۇرىلىسىن جالپى تۇلعالىق جاقتان جوبالاۋدى جانە وعان ۇيىمدىق باسشىلىقتى كۇشەيتىپ، مەملەكەت مەنشىگىندەگى تابيعي بايلىقتى، مال - مۇلىكتى باسقارۋ جانە جاراتىلىستىق ەكولوگيانى باقىلاۋ - باسقارۋ قۇرىلىمىن ورناتىپ، ەكولوگيالىق ورتانى باسقارۋ ءتۇزىمىن كەمەلدەندىرىپ، جالپى حالىقتىق مەنشىكتەگى تابيعي بايلىق پەن مال - مۇلىكتى مەنشىكتەنۋشىلەردىڭ مىندەت جاۋاپكەرشىلىگىن، تۇتاس جەر بايلىعى مۇمكىندىگىن پايدالانۋ - باسقارۋ جانە ەكولوگيانى قورعاۋ - قالپىنا كەلتىرۋ مىندەت جاۋاپكەرشىلىگىن، قالا مەن اۋىلداعى ءتۇرلى لاستى شىعارۋ - ىعىستىرۋدى باقىلاۋ - باسقارۋ جانە اكىمشىلىك زاڭ اتقارۋ مىندەت جاۋاپكەرشىلىگىن ءبىر تۇتاس اتقارۋ. جەر بايلىعى مۇمكىندىگىن اشۋ جانە قورعاۋ ءتۇزىمىن ورناتىپ، نەگىزگى تۇلعالىق فۋنكتسيالىق رايونعا قاتىستى سايكەستى ساياساتتاردى جاقسارتىپ، مەملەكەتتىك باقشالاردى نەگىزگى تۇلعا ەتكەن تابيعي قورىق جۇيەسىن ورناتۋ. ەكولوگيالىق ورتانى بۇلدىرەتىن ارەكەتتەرگە باتىل تيىم سالۋ جانە ونى جازالاۋ.

  جولداستار! ەكولوگيالىق وركەنيەت قۇرىلىسى − بۇگىنگە ەڭبەك، ەرتەڭگە يگىلىك. سوتسياليستىك ەكولوگيالىق وركەنيەت كوزقاراسىن بەرىك ورناتىپ، وسىزامانداندىرۋ قۇرىلىسىنىڭ ادام مەن تابيعات جاراسىمدى وركەندەيتىن جاڭا جۇلگەسىنىڭ قالىپتاسۋىن جەبەپ، ەكولوگيالىق ورتانى قورعاۋ جولىندا بۇگىنگى بۋىن − بىزدەر قۇلشىنۋىمىز كەرەك!

    10. جۇڭگوشا ەرەكشەلىككە يە ارميانى قۇدىرەتتەندىرۋ جولىمەن جۇرۋگە تاباندى بولىپ، مەملەكەت قورعانىسى مەن ارميانى وسىزامانداندىرۋدى جاپپاي ىلگەرىلەتۋ

  مەملەكەت قورعانىسى مەن ارميا قۇرىلىسى تىڭ تاريحي باستامادا تۇر. مەملەكەتتىڭ حاۋىپسىزدىك ورتاسىنىڭ تەرەڭ وزگەرىستەرىنە، مەملەكەتتى، ارميانى قۇدىرەتتەندىرۋدەگى ءداۋىر تالابىنا مەڭزەس، ءبىز پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا جاعدايداعى اسكەري ستراتەگيالىق باعىتىن دايەكتىلەندىرىپ، قۇدىرەتتى وسىزاماندانعان قۇرلىق ارمياسىن، تەڭىز ارمياسىن، اۋە ارمياسىن، راكەتا ارمياسىن جانە ستراتەگيالىق كومەك بەرۋ قوسىنىن قۇرىپ، ۇرىس مايدانىندا بىرلەسىپ سوعىس جۇرگىزە الاتىن قايسار، جوعارى ءونىمدى قولباسشىلىق قۇرىلىمىن قالىپتاستىرىپ، جۇڭگوشا وسى زامانعى سوعىس جۇرگىزۋ جۇيەسىن ورناتىپ، پارتيا مەن حالىق جۇكتەگەن جاڭا داۋىردەگى بورىشتار مەن مىندەتتەردى ارقالاۋىمىز قاجەت.

  دۇنيە ءجۇزى جاڭا اسكەري ىستەر توڭكەرىسىنىڭ دامۋ اۋقىمى مەن مەملەكەت حاۋىپسىزدىگىنىڭ قاجەتىنە سايكەسىپ، دامۋ ساپاسى مەن ونىمدىلىگىن جوعارىلاتىپ، 2020 - جىلعا بارعاندا مەحانيكالانۋدى نەگىزىنەن جۇزەگە اسىرۋعا شىنايى كەپىلدىك ەتىپ، ينفورماتسيالانۋ قۇرىلىسىندا كەلەلى جەتىستىكتەرگە جەتىپ، ستراتەگيالىق قۋاتتى بارىنشا ارتتىرۋ. مەملەكەتتىڭ وسىزاماندانۋ بارىسىنا بىرلەستىرىپ، اسكەري ىستەر نازارياسىنىڭ، ارميانىڭ ۇيىمدىق فورماسىنىڭ، اسكەري قىزمەتكەرلەردىڭ، قارۋ - جاراقتىڭ وسىزاماندانۋىن جاپپاي ىلگەرىلەتىپ، 2035 - جىلعا بارعاندا مەملەكەت قورعانىسى مەن ارميانىڭ وسىزاماندانۋىن نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا حالىق ارمياسىن دۇنيە جۇزىندەگى الدىڭعى قاتارداعى ارميا ەتىپ جاپپاي قۇرىپ شىعۋعا كۇش سالۋ.

  ارميانىڭ پارتيا قۇرىلىسىن كۇشەيتىپ، «قىزىل گەندى جالعاستىرىپ، ارميانى قۇدىرەتتەندىرۋدىڭ اۋىر جۇگىن ارقالاۋ» تاقىرىبىنداعى تاربيەنى ورىستەتىپ، اسكەري ادام بولۋدى داڭق ساناۋ جۇيەسى قۇرىلىسىن ىلگەرىلەتىپ، رۋحتى، ونەرلى، ەر جۇرەك، ءمورالدى جاڭا ۇرپاق توڭكەرىسشىل اسكەريلەردى باۋلىپ، حالىق ارمياسىنىڭ سيپاتىن، ءتۇبىرلى ماقساتىن، قاسيەتىن ماڭگى ساقتاۋ. قورعانىس پەن ارميا رەفورماسىن ۇزدىكسىز تەرەڭدەتىپ، وفيتسەرلەردى مامانداندىرۋ ءتۇزىمى، اكىمشىلىك قىزمەتكەرلەر ءتۇزىمى، اسكەرلىك مىندەت ءتوزىمى سياقتى كەلەلى ساياسات - ءتۇزىم رەفورمالارىن ىشكەرىلەي جۇرگىزىپ، اسكەري ىستەردى باسقارۋ توڭكەرىسىن ىلگەرىلەتىپ، جۇڭگوشا سوتسياليستىك اسكەري ىستەر ءتۇزىمىن كەمەلدەندىرۋ جانە دامىتۋ. عىلىم - تەحنيكا وزەكتى جاۋىنگەرلىك قۋات دەگەن يدەيانى ورناتىپ، ءىرى تەحنيكالاردا جاڭالىق اشۋدى، دەربەس جاڭالىق اشۋدى دەمەپ، اسكەري دارىندىلاردى جەتىلدىرۋ جۇيەسى قۇرىلىسىن كۇشەيتىپ، جاڭاشىل حالىق ارمياسىن قۇرۋ. ارميانى جاپپاي قاتاڭ باسقارىپ، ارميانى باسقارۋ فورماسىنا تۇبەگەيلى بۇرىلىس جاساۋدى ىلگەرىلەتىپ، قورعانىس پەن ارميا قۇرىلىسىن زاڭمەن باسقارۋ دەڭگەيىن جوعارىلاتۋ.

  ارميا سوعىس جۇرگىزۋ ءۇشىن ساقاداي ساي تۇرۋى قاجەت، بارلىق قىزمەتتە تۇگەلدەي جاۋىنگەرلىك قۋاتتى ولشەم ەتىپ، سوعىس جۇرگىزە الۋعا، سوعىستا جەڭىپ شىعۋعا قاراي شوعىرلانۋ ءتيىس. بارلىق ستراتەگيالىق باعىتتاعى اسكەري كۇرەس دايىندىعىن تىڭعىلىقتى جاساپ، ءداستۇرلى حاۋىپسىزدىك سالاسى مەن جاڭاشا حاۋىپسىزدىك سالاسىنداعى اسكەري كۇرەس دايىندىعىن ءبىر تۇتاس ىلگەرىلەتىپ، جاڭاشا سوعىس جۇرگىزۋ قۋاتى مەن قامتاماسىز ەتۋ قۋاتىن ارتتىرىپ، ناقتى سوعىستىق اسكەري جاتتىعۋ جاساپ، اسكەري قۋاتتان پايدالانۋدى كۇشەيتىپ، اسكەري ىستەردى زەردەلى دامىتۋدى جەدەلدەتىپ، توراپتىق ينفورماتسيا جۇيەسىن نەگىز ەتكەن بىرلەسىپ سوعىس جۇرگىزۋ قۋاتىن، تۇتاس وڭىرلىك سوعىس جۇرگىزۋ قۋاتىن ارتتىرىپ، اۋقىمدى ۇتىمدى قالىپتاستىرۋ، داعدارىستى شاۋجايلاۋ، ۇرىستى تىزگىندەۋ، سوعىستا جەڭىپ شىعۋ.

     مەملەكەتتى الۋەتتەندىرۋ مەن ارميانى قۇدىرەتتەندىرۋدىڭ بىرلىگىنە تاباندى بولىپ، ءبىر تۇتاس باسشىلىقتى، جوعارى دەڭگەيدە جوبالاۋدى، رەفورمادا جاڭالىق اشۋدى جانە ءىرى نىسانداردى تياناقتاندىرۋدى كۇشەيتىپ، قورعانىستىق عىلىم - تەحنيكا ونەركاسىبى رەفورماسىن ىشكەرىلەتىپ، اسكەري ونەركاسىپ پەن حالىقتىق ونەركاسىپتىڭ توعىسا ىشكەرىلەي دامۋ جۇلگەسىن قالىپتاستىرىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قۋاتىن تۇلعالاۋ. قورعانىسقا جۇمىلدىرۋ جۇيەسىن كەمەلدەندىرىپ، قۇدىرەتتى دە بەرىك وسى زامانعى شەكارا، تەڭىز، اۋە قورعانىسى جۇيەسىن ورناتۋ. ارميادان قايتقان اسكەريلەردى باسقارۋ - قامتاماسىز ەتۋ قۇرىلىمىن قۇرىپ، اسكەريلەر مەن ولاردىڭ وتباسىنداعىلاردىڭ زاڭدى ۇقىق - مۇددەسىن قورعاپ، اسكەريلەردى تۇتاس قوعام قۇرمەت ەتەتىن كاسىپكە اينالدىرۋ. قارۋلى ساقشى بولىمدەرى رەفورماسىن تەرەڭدەتىپ، وسىزاماندانعان قارۋلى ساقشى بولىمدەرىن قۇرىپ شىعۋ.

 جولداستار! ارميامىز − حالىقتىڭ ارمياسى، مەملەكەت قورعانىسىمىز − جالپى حالىقتىق قورعانىس. ءبىز جالپى حالىقتىق قورعانىس تاربيەسىن كۇشەيتىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەپ، جۇڭگو ارمانىن، ارميانى قۇدىرەتتەندىرۋ ارمانىن ورىنداۋعا قۇدىرەتتى كۇش - قۋات ۇيىستىرۋىمىز كەرەك!

  11. «ءبىر ەل، ەكى تۇزىمگە» تاباندى بولىپ، وتاننىڭ بىرلىككە كەلۋىن ىلگەرىلەتۋ

  شياڭگاڭ، اۋمىن وتان قۇشاعىنا ورالعاننان بەرى، «ءبىر ەل، ەكى ءتۇزىم» امالياتى دۇنيە ءجۇزى جاپپاي مويىنداعان تابىستارعا جەتتى. اقيقات «ءبىر ەل، ەكى ءتۇزىم» − تاريحتان كەلە جاتقان شياڭگاڭ، اۋمىن ماسەلەسىن شەشۋدىڭ ەڭ ۇتىمدى جوباسى ەكەنىن ءارى شياڭگاڭ، اۋمىن وتان قۇشاعىنا ورالعان سوڭ ۇزاق ۋاقىت گۇلدەنىپ - كوركەيۋىن جانە ورنىقتىلىعىن ساقتاۋداعى ەڭ ۇتىمدى ءتۇزىم ەكەنىن ايعاقتادى.

  شياڭگاڭ مەن اۋمىننىڭ ۇزاق ۋاقىت گۇلدەنىپ - كوركەيۋى مەن ورنىقتىلىعىن ساقتاۋدا «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا بولۋ باعىتىن جان - جاقتى دۇرىس دايەكتىلەندىرىپ، جۇمىستى نەگىزگى زاڭ مەن ءتۇبىرلى زاڭعا ساي قاتاڭ جۇرگىزىپ، ءتۇبىرلى زاڭدى اتقارۋعا قاتىستى ءتۇزىم مەن مەحانيزمدى كەمەلدەندىرۋ قاجەت. ەرەكشە اكىمشىلىك رايون ۇكىمەتتەرى مەن اكىمدەرىنىڭ بيلىكتى زاڭ بويىنشا جۇرگىزىپ، مىندەتتەرىن بەلسەنە وتەپ، شياڭگاڭ مەن اۋمىنداعى ءار سالا قايراتكەرلەرىن ءبىر نيەت، ءبىر تىلەكپەن دامۋعا تالپىنىپ، جاراسىمدىلىقتى جەبەۋگە ىنتىماقتاستىرىپ جانە باستاپ، حالىق تۇرمىسىن قامتاماسىز ەتىپ جانە جاقسارتىپ، دەموكراتيانى تارتىپپەن ىلگەرىلەتىپ، قوعامنىڭ ورنىقتىلىعىن قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن نەگىزگى زاڭدىق جاۋاپكەرشىلىگىن اتقارۋىنا قولداۋ كورسەتۋ كەرەك.

  شياڭگاڭ مەن اۋمىننىڭ دامۋى ىشكى ولكەلەردىڭ دامۋىمەن بىتە قايناسقان. شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن توعىسۋىن قولداپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى، گۋاڭدۇڭ - شياڭگاڭ - اۋمىن سەلبەستىگى، تۇتاس جۋجياڭ اتىراۋى وڭىرلىك سەلبەستىگى سياقتىلاردى ءتۇيىن ەتىپ، ىشكى وڭىرلەردىڭ شياڭگاڭمەن، اۋمىنمەن ءوزارا ءتيىمدى سەلبەستىگىن جاپپاي ىلگەرىلەتىپ، شياڭگاڭ، اۋمىن تۇرعىندارىنىڭ ىشكى وڭىرلەردە ءورىس اشۋىنا قولايلى ساياساتتار مەن شارالاردى بەلگىلەۋ جانە كەمەلدەندىرۋ كەرەك.

  ءبىز وتانشىلداردى نەگىز ەتەتىن «شياڭگاڭدى شياڭگاڭدىقتار باسقارۋعا»، «اۋمىندى اۋمىندىقتار باسقارۋعا» تاباندى بولىپ، وتاندى، شياڭگاڭدى، اۋمىندى سۇيەتىن كۇشتەردى وركەندەتىپ جانە ۇلعايتىپ، شياڭگاڭدىق، اۋمىندىق باۋىرلاستاردىڭ مەملەكەت تانىمى مەن وتانشىلدىق رۋحىن نىعايتىپ، شياڭگاڭدىق، اۋمىندىق باۋىرلاستارعا وتان حالقىمەن بىرگە ۇلتتى گۇلدەندىرۋ سىندى تاريحي جاۋاپكەرشىلىكتى تەڭ ارقالاپ، ولاردى وتانىمىزدىڭ گۇلدەنىپ - كوركەيۋى، باي - قۇدىرەتتى بولۋى سىندى ۇلى داڭققا بىردەي كەنەلدىرۋىمىز كەرەك.

  تايۋان ماسەلەسىن شەشىپ، وتاندى تولىق بىرلىككە كەلتىرۋ − بۇكىل جۇڭحۋا ۇلاندارىنىڭ ورتاق تىلەگى، تۇتاس جۇڭحۋا ۇلتىنىڭ ءتۇبىرلى مۇددەسىنە ساياتىن ءىس. «بەيبىت جولمەن بىرلىككە كەلۋ، ءبىر ەل، ەكى ءتۇزىم» باعىتىنا ۇزدىكسىز تاباندى بولىپ، ەكى جاعالاۋ قاتىناسىنىڭ بەيبىت دامۋىن جەبەپ، وتاندى بەيبىت جولمەن بىرلىككە كەلتىرۋ اياق الىسىن ىلگەرىلەتۋ قاجەت.

  ءبىر جۇڭگو پرينسيبى − ەكى جاعالاۋ قاتىناسىنىڭ ساياسي نەگىزى. ءبىر جۇڭگو پرينسيبىن ايگىلەيتىن «92 - جىلعى ورتاق تانىمدا» ەكى جاعالاۋ قاتىناسىنىڭ ءتۇبىرلى سيپاتى ايقىن بەلگىلەنگەن، بۇل − ەكى جاعالاۋ قاتىناسىنىڭ بەيبىت دامۋىنا شىنايى كەپىلدىك ەتۋدىڭ كىلتى. «92 - جىلعى ورتاق تانىمداعى» تاريحي فاكتتەردى مويىنداسا، ەكى جاعالاۋدىڭ ءبىر جۇڭگوعا تاۋەلدى ەكەنىن قۇپتاسا، ەكى جاعالاۋداعى باۋىرلاستار كوڭىل ءبولىپ وتىرعان ماسەلەلەردى ەكى جاعالاۋداعىلار كەڭەسىپ، اقىلداسىپ شەشە الادى، تايۋانداعى ءارقانداي ساياسي پارتيا مەن ۇيىمنىڭ ۇلى قۇرلىقپەن قارىم - قاتىناسى دا كەدەرگىگە ۇشىرامايدى.

  ەكى جاعالاۋداعى باۋىرلاستار − تاعدىرى توعىسقان قانداس تۋىستار، ءبىر ءۇيدىڭ ادامدارى. ءبىز «ەكى جاعالاۋداعىلار ءبىر شاڭىراقتىڭ ادامى» دەيتىن كوزقاراستى نەگىزگە الىپ، تايۋاننىڭ قازىرگى قوعامدىق تۇزىمىنە جانە تايۋاندىق باۋىرلاستاردىڭ تۇرمىس تاسىلىنە قۇرمەت ەتەمىز، تايۋاندىق باۋىرلاستارمەن ۇلى قۇرلىقتىڭ دامۋ ورايىنان بىرگە يگىلىكتەنۋگە دايىنبىز. ءبىز ەكى جاعالاۋدىڭ ەكونوميكا، مادەنيەت جاعىنداعى اۋىس - كۇيىسى مەن سەلبەستىگىن ۇلعايتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرىپ، تايۋاندىق باۋىرلاستاردىڭ ۇلى قۇرلىققا كەلىپ وقۋىنا، شارۋاشىلىق قۇرۋىنا، جۇمىستانۋىنا، تۇرمىس كەشۋىنە ۇلى قۇرلىقتاعى باۋىرلاستارمەن بىردەي مامىلە جاساپ، تايۋاندىق باۋىرلاستاردىڭ ىرىس - قۇتىن ارتتىرامىز. ءبىز ەكى جاعالاۋداعى باۋىرلاستاردىڭ جۇڭحۋا مادەنيەتىن بىرگە ساۋلەلەندىرۋىنە دەم بەرىپ، كوڭىلدەرىنىڭ توعىسۋىن جەبەيمىز.

  ءبىز مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعايمىز، مەملەكەت بولشەكتەنگەن تاريحي تراگەديانىڭ قايتالانۋىنا استە جول بەرمەيمىز. وتاندى بولشەكتەيتىن ارەكەت اتاۋلىعا بۇكىل جۇڭگو حالقى باتىل قارسى تۇرادى. بىزدە «تايۋان دەربەستىگى» سىندى ءارقانداي فورماداعى بولشەكتەۋ دامەسىن بىت - شىت ەتەتىن بەرىك جىگەر، كامىل سەنىم، جەتكىلىكتى كۇش - قۋات بار. ءبىز ءارقانداي ادامنىڭ، ۇيىمنىڭ، ساياسي پارتيانىڭ قاي - قاشان دا، ءارقانداي فورمامەن ءارقانداي ءبىر سۇيەم جەردى جۇڭگودان ءبولىپ اكەتۋىنە مۇلدە جول بەرمەيمىز!

  جولداستار! جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − بارشا جۇڭگولىقتاردىڭ ورتاق ارمانى. ءبىز شياڭگاڭدىق، اۋمىندىق، تايۋاندىق باۋىرلاستاردى قامتىعان تۇتاس جۇڭحۋا ۇلاندارىنىڭ تاريحتىڭ اۋقىمىنا سايكەسىپ، ۇلتتىڭ ادىلەتتى ءىسىن بىرگە ارقالاپ، ۇلت تاعدىرىن ءوز قولدارىندا مىقتى ۇستاسا، جۇڭحۋا ۇلتىنىڭ ۇلى گۇلدەنۋىندەگى جارقىن بولاشاقتى، ءسوز جوق، بىرگە جاراتا الاتىندىعىنا كامىل سەنەمىز!

       12. بەيبىت دامۋ جولىنا تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ

  جۇڭگو كوممۋنيستىك پارتياسى جۇڭگو حالقىنىڭ باقىتىن كوزدەيتىن ساياسي پارتيا ءارى ادامزاتتىڭ العاباسارلىق ىستەرى ءۇشىن كۇرەس جۇرگىزەتىن ساياسي پارتيا. جۇڭگو كوممۋنيستىك پارتياسى ادامزاتقا تىڭ دا اناعۇرلىم زور ۇلەستەر قوسۋدى باستان - اياق ءوزىنىڭ بورىشى ساناپ كەلدى.

      جۇڭگو بەيبىتشىلىك، دامۋ، سەلبەستىك، تەڭ يگىلىكتەنۋ تۋىن بيىك ۇستاپ، دۇنيە ءجۇزىنىڭ بەيبىتشىلىگىن قورعاۋ، قاتار دامۋدى دەمەۋ ديپلوماتيالىق ساياساتىنىڭ تۇپكىلىكتى ماقساتىنا بويسۇنىپ، بەيبىت قاتار تۇرۋدىڭ 5 پرينسيبىنەن اۋىتقىماۋ نەگىزىندە، ءار ەلمەن دوستىق سەلبەستىگىن دامىتىپ، ءبىرىن - ءبىرى قۇرمەتتەيتىن، ءادىل دە ادىلەتتى، سەلبەستىك جاساپ، تەڭ يگىلىكتەنەتىن جاڭاشا حالىقارالىق قاتىناس ورناتۋدى جەبەيدى.

      دۇنيە ءجۇزى قارىشتاپ دامۋ، ۇلكەن وزگەرۋ، زور رەتتەلۋ كەزەڭىندە تۇر، بەيبىتشىلىك پەن دامۋ ءالى دە ءداۋىردىڭ باستى تاقىرىبى. دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى، قوعامنىڭ ينفورماتسيالانۋى، مادەنيەتتىڭ الۋان تۇرلىلەنۋى ىشكەرىلەي دامىپ، جەر شارىندىق باسقارۋ جۇيەسى مەن حالىقارالىق ءتارتىپتىڭ بۇرىلىس قارقىنى تەزدەپ، ەلدەر ارا بايلانىس پەن ءبىر - بىرىنە ارقا سۇيەۋ بارعان سايىن تەرەڭدەپ، حالىقارالىق كۇشتەردىڭ سالىستىرماسى اناعۇرلىم تەڭەسۋگە بەت الدى، بەيبىتشىلىك پەن دامۋ بوگەۋ بەرمەس اۋقىمعا اينالدى. سونىمەن قاتار، دۇنيە ءجۇزى ءدوپ كەلگەن ورنىقسىزدىق، تۇراقسىزدىق جايتى كورنەكتىلەنىپ، دۇنيە ءجۇزى ەكونوميكاسىن ارتتىراتىن كۇش جەتكىلىكسىز بولىپ، باي - كەدەيگە جىكتەلۋ ونان ارى اۋىرلاپ بارادى، وڭىرلىك قولامتالى ماسەلەلەر ىركەس - تىركەس تۋىنداپ، لاڭكەستىك، ينتەرنەت حاۋىپسىزدىگى، اۋىر جۇقپالى اۋرۋلار، كليمات وزگەرىسى، ت. ب بەي ءداستۇرلى حاۋىپ - قاتەرلەر تولاسسىز ءورشىپ، ادامزات كوپتەگەن ورتاق سىن - سىناققا ءدوپ كەلدى.

  ءبىز جاساپ جاتقان دۇنيە ۇمىتكە دە، سىنعا دا تولى. ءومىردىڭ قيىندىعىنا بولا ارماننان قول ۇزۋىمىزگە، مۇرات - ماقساتىمىز ورىندالمادى دەپ تالاپتانباي قويۋىمىزعا بولمايدى. ادامزات ءدوپ كەلىپ وتىرعان ءتۇرلى سىن - سىناقتارعا ەشقانداي ءبىر مەملەكەت جالعىز توتەپ بەرە المايدى، ءارقانداي ەل ءوزىن - ءوزى تۇمشالاپ، وقشاۋ ارال سياقتى كۇيگە تۇسە المايدى.

  ءبىز ءار ەل حالقىن ءبىر نيەتپەن سەلبەسىپ، ادامزاتتىڭ تاعدىرلاس ورتاق تۇلعاسىن قالىپتاستىرىپ، باياندى بەيبىتشىلىك ورناعان، جالپى بەتتىك حاۋىپسىز، بىرگە كوركەيىپ - گۇلدەنەتىن، اشىق ۇستالاتىن، كەشىرىمشىل، كىرشىكسىز، كوركەم دۇنيە قۇرۋعا ۇندەيمىز. مۇندا ءبىرىن - ءبىرى قۇرمەتتەيتىن، تەڭ تۇرعىدا كەڭەسەتىن، قىرعي قاباقتىق وي مەن وكتەمدىك ساياسيدان ادا - كۇدە ارىلعان، قارسىلاسپاي، پىكىرلەسەتىن، وداقتاسپاي، سەرىكتىكتەسەتىن مەملەكەت ارالىق جاڭاشا قارىم - قاتىناس جولىمەن ءجۇرۋ كەرەك. داۋ - شاردى پىكىرلەسۋ ارقىلى شەشۋگە، الاۋىزدىقتاردى كەڭەسۋ ارقىلى جويۋعا تاباندى بولىپ، ءداستۇرلى جانە بەي ءداستۇرلى حاۋىپسىزدىك حاۋىپ - قاتەرىنە ءبىر تۇتاس توتەپ بەرىپ، ءارقانداي فورماداعى لاڭكەستىك اتاۋلىعا قارسى تۇرۋ كەرەك. قيىندىقتاردى تىزە قوسا جەڭىپ، ساۋدا مەن قارجى قوسۋدىڭ ەركىن، قولايلى بولۋىن جەبەپ، ەكونوميكانىڭ جاھاندانۋىنىڭ اناعۇرلىم اشىق، كەڭ، جالپىعا ءتيىمدى، تەپە - تەڭ بولۋ، تەڭ يگىلىكتەنۋ باعىتىنا قاراي دامۋىنا دەم بەرۋ قاجەت. دۇنيە ءجۇزى وركەنيەتىنىڭ كوپ تۇرلىلىگىنە قۇرمەت ەتىپ، وركەنيەت اۋىس - كۇيىسى ارقىلى وركەنيەت كىربەڭدىگىن، وركەنيەتتىڭ ءبىر - بىرىنەن ۇلگى الۋى ارقىلى وركەنيەت قاقتىعىسىن جويىپ، وركەنيەتتەردى قاتار ساقتاۋ ارقىلى وركەنيەتتەردىڭ ارتىقشىلىعىن ساۋلەلەندىرۋ كەرەك. ورتانىڭ جاراسىمدى بولۋىنان جازباي، كليمات وزگەرىسىنە سەلبەسە توتەپ بەرىپ، ادامزاتتىڭ تىرشىلىك مەكەنى بولعان جەر شارىن ويداعىداي قورعاۋ كەرەك.

  جۇڭگو دەربەس، وزىنە - ءوزى قوجا بولاتىن بەيبىت ديپلوماتيا ساياساتىن باتىل اتقارادى، ءار ەل حالقىنىڭ دامۋ جولىن ءوزى تاڭداۋ ۇقىعىنا قۇرمەت ەتەدى، حالىقارالىق ادىلدىك پەن ادىلەتتىلىكتى قورعايدى، ءوز ەركىن وزگەگە زورلاپ تاڭۋعا، باسقا ەلدىڭ ىشكى ىسىنە كيلىگۋگە، كۇشتىنىڭ ءالسىزدى باسىنۋىنا قارسى تۇرادى. جۇڭگو ءوزىن وركەندەتۋگە بولا، باسقا ەلدىڭ مۇددەسىن استە بوداۋ ەتپەيدى، ءوزىنىڭ ورىندى ۇقىق - مۇددەسىنەن دە استە كەشپەيدى، ءارقانداي ادام جۇڭگو ءوز مۇددەسىن قۇرىدىمعا جىبەرەدى، ءوزىن - ءوزى سورلاتادى دەگەن قۇر قيالعا سالىنباۋى كەرەك. جۇڭگو قورعانۋ سيپاتىندىق قورعانىس ساياساتىن جۇرگىزەدى. جۇڭگونىڭ دامۋى ەشبىر ەلگە حاۋىپ توندىرمەيدى. جۇڭگو مەيلى دامىپ قاي دارەجەگە جەتسىن، ماڭگى زورەكەر بولمايدى، ماڭگى ىرگە كەڭەيتپەيدى.

  جۇڭگو الەمدىك ارىپتەستىك قاتىناستى بەلسەنە دامىتىپ، ءار ەلمەن مۇددە جاعىنداعى توعىسۋ تۇيىندەرىن كەڭەيتىپ، ءىرى ەلدەرمەن سايكەسۋدى جانە سەلبەسۋدى ىلگەرىلەتىپ، جالپى جاقتان ورنىقتى، بىركەلكى داميتىن ءىرى ەلدەر قاتىناسى جۇلگەسىن ورناتىپ، جاقىن - جان اشىر، ادال بولۋ، تيىمدىلىك جاساۋ، كەشىرىمشىل بولۋ كوزقاراسى مەن كورشىلەس ەلدەرگە قايىرىمدى بولۋ، ىرگەلەس ەلدەرمەن سەرىك بولۋ سىندى توڭىرەكتىك ديپلوماتيا باعىتى بويىنشا، اينالاسىنداعى ەلدەرمەن قاتىناسىن جاقسارتىپ، دۇرىس ادىلەتتىلىك مۇددە كوزقاراسىن جانە شىنشىل، باۋىرمال، ادال بولۋ تانىمىن ۇستانىپ، دامۋ جولىنداعى ەلدەرمەن ىنتىماقتاستىقتى، سەلبەستىكتى كۇشەيتەدى. ءار ەلدىڭ ساياسي پارتيالارىمەن جانە ساياسي ۇيىمدارىمەن اۋىس - كۇيىستى، سەلبەستىكتى كۇشەيتىپ، حالىق قۇرىلتايىنىڭ، ساياسي كەڭەستىڭ، ارميانىڭ، جەرگىلىكتى ورىنداردىڭ، حالىقتىق ۇيىمداردىڭ، ت. ب لاردىڭ شەتەلدەرمەن قارىم - قاتىناسىن ىلگەرىلەتەدى.

  جۇڭگو سىرتقا ەسىك اشۋ سىندى نەگىزگى مەملەكەت ساياساتىنا، ەسىكتى اشىق ۇستاي وتىرىپ قۇرىلىس جۇرگىزۋگە تاباندى بولىپ، «ءبىر بەلدەۋ، ءبىر جول» حالىقارالىق سەلبەستىگىن بەلسەنە جەبەپ، ساياساتتىق سايكەسۋدى، قۇرىلعىلاردى تۇتاستىرۋدى، ساۋدا ىركىلىسسىزدىگىن، قارجى اينالىمىن، حالىق تىلەگىن توعىستىرۋدى كۇش سالا جۇزەگە اسىرىپ، جاڭا حالىقارالىق سەلبەستىك تەكشەسىن ورناتىپ، قاتار دامۋعا تىڭ قوزعاۋشى كۇش قوسادى. دامۋ جولىنداعى ەلدەرگە، اسىرەسە، دامىماعان ەلدەرگە كومەك بەرۋ تەبىنىن ارتتىرىپ، تۇستىك پەن تەرىستىكتىڭ دامۋ پارقىن ازايتۋعا كۇش سالادى. جۇڭگو كوپ جاقتى ساۋدا ءتۇزىلىسىن قولداپ، ەركىن ساۋدا رايونىن قۇرۋدى جەبەپ، اشىق ۇستالاتىن الەمدىك ەكونوميكانىڭ دامۋىن ىلگەرىلەتەدى.

  جۇڭگو بىرگە اقىلداسۋ، بىرگە دامىتۋ، تەڭ يگىلىكتەنۋ سىندى جەر شارىندىق باسقارۋ كوزقاراسىن ۇستانىپ، حالىقارالىق قاتىناستىڭ دەموكراتيالانۋىن دارىپتەپ، مەملەكەتتەردىڭ ۇلكەن - كىشى، كۇشتى - ءالسىز، باي - كەدەي دەپ بولىنبەۋىنە، تەرەزەسى تەڭ بولۋىنا تاباندى بولىپ، بىرلەسكەن مەملەكەتتەر ۇيىمىنىڭ بەلسەندى رول اتقارۋىنا، دامۋ جولىنداعى ەلدەردىڭ حالىقارالىق ىستەردەگى ۋاكىلدىك ورنى مەن وي - پىكىرىن ايتۋ ۇقىعىنىڭ جوعارىلاۋىنا قولداۋ كورسەتەدى. جۇڭگو جاۋاپكەرشىلىك ارقالاي بىلەتىن ءىرى ەلدىك رولىن ۇزدىكسىز ساۋلەلەندىرىپ، جەر شارىندىق باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، جۇڭگونىڭ اقىل - پاراساتى مەن كۇش - قۋاتىن ۇزدىكسىز ارنايدى.

  جولداستار! دۇنيە ءجۇزىنىڭ تاعدىرى ءار ەل حالقىنىڭ قولىندا، ادامزاتتىڭ بولاشاعى ءار ەل حالقىنىڭ تالعامىنا بايلانىستى. جۇڭگو حالقى ادامزاتتىڭ تاعدىرلاس ورتاق تۇلعاسىن ءار ەل حالقىمەن بىرگە قۇرىپ، جارقىن بولاشاعىن بىرگە جاراتۋدى قالايدى!

       13. پارتيانى جاپپاي قاتاڭ باسقارۋدان اۋىتقىماي، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتۋ

  جۇڭگوشا سوتسياليزم جاڭا داۋىرگە ءوتتى، پارتيامىز، ءسوزسىز، جاڭا بەينەمەن تىڭ جۇمىستار تىندىرۋى قاجەت. تەمىر سوقساڭ قۇرىش بول دەگەن. پارتيامىز حالىقتى ىنتىماقتاستىرىپ جانە باستاپ، ۇلى كۇرەستەر جۇرگىزۋ، ۇلى ىستەر تىندىرۋ، ۇلى ارماندى ورىنداۋ ءۇشىن، پارتيانىڭ باسشىلىعىنان جازباۋعا جانە ونى جاقسارتۋعا، پارتيانى اناعۇرلىم قۇدىرەتتى دە قۋاتتى ەتىپ قۇرىپ شىعۋعا تيتتەي دە اۋىتقىماي تاباندى بولۋ قاجەت.

        پارتيانى جاپپاي قاتاڭ باسقارۋ ماڭگى جۇرگىزىلەدى. ءبىر ساياسي پارتيانىڭ، ءبىر بيلىكتىڭ بولاشاعى مەن تاعدىرى حالىقتىڭ قولداۋ - قولداماۋىنا بايلانىستى. حالىق بۇقاراسى نەلەرگە قارسى تۇرىپ، نەلەرگە كەكتەنسە، ءبىز سولاردان باتىل ساقتانۋىمىز جانە سولاردى باتىل تۇزەتۋىمىز كەرەك. بۇكىل پارتيا پارتيامىز ءدوپ كەلىپ وتىرعان بيلىك جۇرگىزۋ ورتاسىنىڭ كۇردەلى ەكەنىن، پارتيانىڭ العاباسارلىعىنا ىقپال جاسايتىن، پارتيانىڭ كىرشىكسىزدىگىنە داق تۇسىرەتىن فاكتورلاردىڭ دا كۇردەلى ەكەنىن، پارتيا ىشىندە ورىن تەۋىپ وتىرعان يدەيا، ۇيىم، ستيل جاقتارىندا كىرشىكسىز بولماۋ سياقتى كورنەكتى ماسەلەلەردىڭ ءالى تۇبەگەيلى شەشىلمەگەنىن سەرگەكتىكپەن كورە ءبىلۋى تيىس. پارتيامىز ءدوپ كەلىپ وتىرعان بيلىك جۇرگىزۋ سىنىنىڭ، رەفورما جاساپ، ەسىك اشۋ سىنىنىڭ، بازار شارۋاشىلىعى سىنىنىڭ، سىرتقى ورتا سىنىنىڭ ۇزاق ۋاقىتتىلىعى مەن كۇردەلىلىگىن، پارتيامىز ءدوپ كەلىپ وتىرعان رۋحاني بويكۇيەزدىك، قابىلەت تايازدىعى، بۇقارادان قول ءۇزۋ، كەرەناۋلىق، ازعىنداۋ قاتەرىنىڭ وتە اۋىر ءارى كۇردەلى ەكەنىن جىعا تانىپ، ماسەلەنى شەشۋدى باعىت ەتۋدەن جازباي، ستراتەگيالىق ۇستامدىلىقتى ساقتاپ، پارتيانى جاپپاي قاتاڭ باسقارۋدىڭ ىشكەرىلەي دامۋىن جەبەۋ كەرەك.

  جاڭا داۋىردەگى پارتيا قۇرىلىسىنىڭ باس تالابى: پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيا ءوزىن باسقارۋعا، ءوزىن جاپپاي قاتاڭ باسقارۋعا تاباندى بولۋ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىعى مەن پاكتىك قۇرىلىسىن كۇشەيتۋدى نەگىزگى جەلى، پارتيانىڭ ساياسي قۇرىلىسىن نۇسقاۋشى، مىزعىماس مۇراتىن، سەنىمىن، ماقساتىن ءتۇبىرلى ارقاۋ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدى ءتۇيىن ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلاردىڭ جالپى بارىسىنا ءسىڭىرۋ، شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، پارتيا قۇرىلىسىنىڭ ساپاسىن تىنباي جوعارىلاتۋ، پارتيانى ءارقاشاندا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، ءوزىن تۇلەتۋگە باتىل، ءتۇرلى داۋىلدار مەن تولقىنداردىڭ سىنىنان وتە الاتىن، كۇش - قايراتى تاسقىنداعان ماركستىك بيلىك باسىنداعى پارتيا ەتىپ قۇرىپ شىعۋ كەرەك.

  1) پارتيانىڭ ساياسي قۇرىلىسىن ماڭداي الدى ورىنعا قويۋ. تۋى ايقىن تۇردە ساياسيدى دارىپتەۋ ماركستىك ساياسي پارتيا ساناتىنداعى پارتيامىزدىڭ ءتۇبىرلى تالابى. پارتيانىڭ ساياسي قۇرىلىسى پارتيانىڭ ءتۇبىرلى قۇرىلىسى، پارتيا قۇرىلىسىنىڭ بەتالىسى مەن تابىسىن بەلگىلەيدى. بۇكىل پارتيانىڭ ورتالىققا بويسۇنۋىنا كەپىلدىك ەتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ پارتيانىڭ ساياسي قۇرىلىسىنداعى ماڭداي الدى مىندەت. بۇكىل پارتيا پارتيانىڭ ساياسي لۋشيانىن بۇلجىتپاي اتقارىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ساياسي مايدان، ساياسي بەتالىس، ساياسي پرينسيپ، ساياسي جول جاقتارىندا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋى كەرەك. پارتيا ۋستاۆىنا قۇرمەت ەتىپ، جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەمدى قاتاڭ اتقارىپ، پارتيانىڭ ىشكى ساياسي تۇرمىسىنىڭ ساياسي، داۋىرلىك، پرينسيپتىك، جاۋىنگەرلىك سيپاتىن كۇشەيتىپ، تاۋار ايىرباسى پرينسيبىنىڭ پارتيانىڭ ىشكى تۇرمىسىن بۇلدىرۋىنە سانالى تۇردە تيىم سالىپ، تازا دا جايلى، تاماشا ساياسي ەكولوگيا قالىپتاستىرۋ كەرەك. دەموكراتيالىق ورتالىقتاندىرۋعا قاتىستى تۇزىمدەردى كەمەلدەندىرىپ جانە تياناقتاندىرىپ، دەموكراتيا نەگىزىندەگى ورتالىقتاندىرۋ مەن ورتالىقتاندىرۋ جەتەكشىلىگىندەگى دەموكراتيانى ءوزارا ۇشتاستىرۋعا تاباندى بولۋ، دەموكراتيانى تولىق ساۋلەلەندىرۋمەن بىرگە، ورتالىقتاندىرىپ ءبىر تۇتاس باسقارۋعا شەبەر بولۋ ءتيىس. ادال دا ۇقىپتى، ءادىل دە تۋراشىل بولۋ، شىندىقتى ءىس جۇزىنەن ىزدەۋ، شىنشىل دا كىرشىكسىز بولۋ سىندى قۇن كوزقاراسىن ساۋلەلەندىرىپ، جەكەشىلدىكتەن، بىتىراندىلىقتان، ەركىنسۋشىلدىكتەن، ورىنشىلدىقتان، جاقسى اتتانۋشىلدىقتان، جىكشىلدىكتەن، شەڭبەرلىك مادەنيەتتەن، توبىرلىق مادەنيەتتەن باتىل ساقتانۋ جانە وعان قارسى تۇرۋ، ەكىبەتكەيلىككە، ەكىجۇزدىلىك ىستەۋگە باتىل قارسى تۇرۋ كەرەك. بۇكىل پارتياداعى جولداستار، اسىرەسە، جوعارى دارەجەلى كادرلار پارتيالىق جاقتان شىنىعىپ - شىڭدالۋدى كۇشەيتىپ، ساياسي سانا مەن ساياسي قابىلەتتى ۇزدىكسىز جوعارىلاتىپ، پارتياعا ادال بولۋدى، پارتيانىڭ قامىن ويلاۋدى، پارتيا ءۇشىن مىندەتىن سارقا وتەۋدى، حالىققا باقىت باعىشتاۋدى ءتۇبىرلى ساياسي مىندەت ەتىپ، كوممۋنيستەردىڭ ساياسي قاسيەتىن ماڭگى ساقتاۋى قاجەت.

       2) بۇكىل پارتيانى جاڭا داۋىردەگى جۇڭگوشا سوتسياليزم يدەياسىمەن قارۋلاندىرۋ. يدەيا قۇرىلىسى پارتيانىڭ نەگىزدىك قۇرىلىسى. توڭكەرىستىڭ مۇرات بارىنەن اسقاق. كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى جۇڭگو كوممۋنيستەرىنىڭ رۋحاني تىرەگى جانە ساياسي جان جۇيەسى، سونداي - اق پارتيانىڭ بەرەكە - بىرلىگىن ساقتاۋدىڭ يدەيالىق نەگىزى. مۇرات - سەنىمدى بەكەمدەۋدى پارتيانىڭ يدەيا قۇرىلىسىندا ماڭداي الدى مىندەت ەتىپ، بۇكىل پارتيانى پارتيانىڭ ءتۇبىرلى ماقساتىن ەستە بەرىك ساقتاپ، كوممۋنيستەرگە ءتان رۋحاني تىرەكتى تۇلعالاپ، دۇنيەگە، ومىرگە، قۇنعا كوزقاراس سىندى «باس تەتىك» ماسەلەسىن ويداعىداي شەشىپ، سانالى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنا كامىل سەنۋشى جانە ونى ادالدىقپەن امالياتتا ايگىلەۋشى بولۋعا تاربيەلەۋ، جەتەلەۋ كەرەك. ماركستىك ۇيرەنۋ ستيلىن اسقاقتاتىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ۇدايىلاندىرۋ، تۇزىمدەندىرۋ، اۋدان - باسقارما دارەجەلىدەن جوعارى باسشى كادرلاردى ءتۇيىن ەتىپ، بۇكىل پارتيادا «العاشقى ماقساتتى ۇمىتپاي، بورىشتى ەستە بەرىك ساقتاۋ» تاقىرىبىندا تاربيە قيمىلىن ورىستەتىپ، پارتيانىڭ جاسامپازدىق نازارياسىمەن وي - سانانى قارۋلاندىرىپ، بۇكىل پارتيانىڭ پارتيانىڭ جاڭا داۋىردەگى تاريحي بورىشىن اناعۇرلىم سانالى ورىنداۋ جولىندا قاجىماي - تالماي كۇرەس جۇرگىزۋىن جەبەۋ كەرەك.

        3) ماماندانعان جوعارى ساپالى كادرلار قوسىنىن قۇرۋ. پارتيانىڭ كادرلارى پارتيا مەن مەملەكەت ىستەرىنىڭ تىرەكتى كۇشى. كادرلاردى پارتيا باسقارۋ پرينسيبىنە تاباندى بولىپ، ءمورالدى دا قابىلەتتى بولۋدان، ءمورالدى الدىڭعى ورىنعا قويۋدان، كادرلاردى جەر - جەردەن سارالاۋدان، قابىلەتتىلەردى مىندەتكە تاعايىنداۋدان، پارتيا ىستەرىن باستى ورىنعا قويۋدان، ءادىل دە تۋراشىل بولۋدان جازباي، جاقسى كادر بولۋ ولشەمىن ناقتاپ تياناقتاندىرۋ كەرەك. كادرلاردى تاڭداپ، مىندەتكە قويۋدىڭ دۇرىس بەتالىسىنان جازباي، كادرلاردى تاڭداۋ، مىندەتكە قويۋ ستيلىن دۇرىستاپ، ساياسي ولشەمدى كورنەكتىلەندىرىپ، «4 تانىم» مەن «4 سەنىمدى» بەرىك ورناتقان، پارتيا ورتالىق كوميتەتىنىڭ بەدەلىن باتىل قورعايتىن، پارتيانىڭ نازارياسى مەن لۋشيان، باعىت - ساياساتتارىن جاپپاي دايەكتى اتقاراتىن، ادال، پاك، مىندەتتى باتىل ارقالايتىن كادرلاردى ءوسىرىپ، ماڭىزدى مىندەتتەرگە قويىپ، ءار دارەجەلى باسشىلىق القالارىن ويداعىداي سۇرىپتاۋ جانە كۇشەيتۋ كەرەك. كاسىپتىك قابىلەتتى، كاسىپتىك رۋحتى جەتىلدىرۋگە ءمان بەرىپ، كادرلار قوسىنىنىڭ جاڭا داۋىردەگى جۇڭگوشا سوتسياليزمنىڭ دامۋ تالابىن ۇيلەسۋ قابىلەتىن ءوسىرۋ ءتيىس. جاس كادرلاردى كۇش سالا بايقاۋ، دايىنداۋ، نەگىزگى ساتىلاردىڭ الدىڭعى شەبى مەن كەدەي، جاپالى جەرلەردە جاس كادرلاردى باۋلۋعا، شىنىقتىرۋعا كوڭىل ءبولىپ، اماليات بارىسىندا سىننان وتكەن تاڭداۋلى جاس كادرلاردى ۇزبەي تاڭداپ ءوسىرىپ، مىندەتكە قويۋ كەرەك. ايەل كادرلاردى، از ۇلت كادرلارىن جانە پارتيا سىرتىنداعى كادرلاردى باۋلۋ، تاڭداپ ءوسىرۋ قىزمەتىن ءبىر تۇتاس جوسپارلاۋ جانە ويداعىداي ورىستەتۋ قاجەت. دەمالىسقا، زەينەتكە شىققان كادرلار قىزمەتىن مۇقيات جاقسى ىستەۋ. قاتاڭ باسقارۋ مەن مەيىر - شاپاعات جەتكىزۋدى ۇشتاستىرۋعا، شابىتتاندىرۋ مەن تەجەۋگە بىردەي ءمان بەرىپ، كادرلاردى سىننان وتكىزۋ - باعالاۋ مەحانيزمىن كەمەلدەندىرۋ، شابىتتاندىرۋ مەحانيزمىن جانە قاتەلىگىنە كەڭشىلدىكپەن قاراۋ، قاتەلىكتى تۇزەتۋ مەحانيزمىن ورناتۋ، مىندەتتى باتىل ارقالايتىن، جۇمىسقا شوگەل، باس پايداعا سالىنبايتىن كادرلاردى تۋى ايقىن تۇردە جىگەرلەندىرىپ، دەمەپ وتىرۋ قاجەت. ءار دارەجەلى پارتيا ۇيىمدارى نەگىزگى ساتى كادرلارىنا كوڭىل ءبولۋى، ولاردى ايالاۋى، ولاردى ىرىقتى تۇردە ۋايىمنان ارىلتىپ، قيىنشىلىعىن شەشۋى ءتيىس.

 دارىندىلار ۇلتتىڭ گۇلدەنۋىن جۇزەگە اسىرىپ، حالىقارالىق باسەكەدە ىرىقتى ورىنعا شىعۋداعى ستراتەگيالىق بايلىق. دارىندىلاردى پارتيا باسقارۋ پرينسيبىنە تاباندى بولىپ، جەر جۇزىندەگى دارىندىلاردى باۋراۋعا، ولاردان پايدالانۋعا ءمان بەرىپ، مەملەكەتتى دارىندىلار ارقىلى قۇدىرەتتەندىرۋ اياق الىسىن جەدەلدەتۋ كەرەك. اناعۇرلىم بەلسەندى، اشىق، ۇتىمدى دارىندىلار ساياساتىن اتقارىپ، دارىندىلاردى تاني بىلەتىن كورەگەندىكپەن، ايالاي بىلەتىن ىنتا - پەيىلىمەن، پايدالانا بىلەتىن باتىلدىقپەن، قادىرىنە جەتەتىن دارقاندىقپەن، شوعىرلاندىرا الاتىن ۇتىمدى ادىسپەن پارتيا ءىشى - سىرتىنداعى، ەل ءىشى - سىرتىنداعى بارلىق تاڭداۋلى دارىندىلاردى پارتيا مەن حالىقتىڭ ۇلى كۇرەسىنە ۇيىستىرۋ، دارىندىلاردى شەت - شالعاي، كەدەي رايوندارعا، شەكاراداعى ۇلتتىق رايوندارعا، بايىرعى توڭكەرىستىك رايوندار مەن نەگىزگى ساتىلاردىڭ الدىڭعى شەبىنە بارىپ جۇمىس جۇرگىزۋگە جىگەرلەندىرىپ جانە باستاپ، بارلىق ادام بىلىكتى بولۋدى كوكسەيتىن، بارلىق ادام تالانتتى بولۋعا تالپىناتىن، بارلىق ادامنىڭ مامان بولۋىنا مۇمكىندىك جاسالاتىن، بارلىق ادام ءوز قابىلەتىن تولىق ايگىلەي الاتىنتاماشا جاعداي ازىرلەۋگە قۇلشىنىپ، بارشا دارىندىلاردىڭ جاسامپازدىق جىگەرىن تاسقىنداتىپ، اقىل - پاراساتىن تولىق ساۋلەلەندىرۋ كەرەك.

  4) نەگىزگى ساتى ۇيىمدارىنىڭ قۇرىلىسىن كۇشەيتۋ. پارتيانىڭ نەگىزگى ساتى ۇيىمدارى پارتيانىڭ لۋشيان، باعىت - ساياساتتارى مەن شەشىم - ورنالاستىرۋلارىنىڭ دايەكتى تياناقتانۋىنا كەپىلدىك ەتەتىن نەگىز. ۇيىمداستىرۋ قۋاتىن جوعارىلاتۋدى ءتۇيىن ەتىپ، ساياسي فۋنكتسيانى كورنەكتىلەندىرىپ، كاسىپورىن، اۋىل - قىستاق، مەكەمە - ورگان، مەكتەپ، عىلمي زەرتتەۋ ورىندارى، ءمالى ءىس باسقارۋ ورنى، الەۋمەتتىك اۋماق، قوعامدىق ۇيىم قاتارلىلاردىڭ نەگىزگى ساتى پارتيا ۇيىمدارىن پارتيانىڭ قۋاتتاماسىن ۇگىتتەيتىن، شەشىمىن دايەكتىلەندىرەتىن، نەگىزگى ساتىلاردى باسقارۋعا باسشىلىق ەتەتىن، بۇقارانى ىنتىماقتاستىراتىن، جۇمىلدىراتىن، رەفورما مەن دامۋدى ىلگەرىلەتەتىن بەرىك جاۋىنگەرلىك قورعان ەتىپ قۇرىپ شىعۋ كەرەك. پارتيا ياچەيكاسى پارتيا مۇشەلەرىن تىكە باۋلۋ، باسقارۋ، باقىلاۋ جانە بۇقارانى ۇيىمداستىرۋ، ۇگىتتەۋ، ۇيىستىرۋ، بۇقاراعا قىزمەت وتەۋ مىندەت جاۋاپكەرلىگىن ويداعىداي ارقالاپ، قالىڭ پارتيا مۇشەلەرىن العاباسار، ونەگەلىك رولىن ساۋلەلەندىرۋگە باستاۋى كەرەك. «3 جيىن، ءبىر ساباق» تۇزىمىنە تاباندى بولىپ، پارتيانىڭ نەگىزگى ساتى ۇيىمدارىنىڭ قۇرىلىمى مەن قيمىل جۇرگىزۋ فورماسىن جاڭالاپ، نەگىزگى ساتى پارتيا ۇيىمدارى جەتەكشىلەرىنىڭ قوسىن قۇرىلىسىن كۇشەيتىپ، نەگىزگى ساتى پارتيا ۇيىمدارىنىڭ قامتىمىن كەڭەيتىپ، كەيبىر نەگىزگى ساتى پارتيا ۇيىمدارىنىڭ السىرەۋى، قۇر فورماعا اينالۋى، وقشاۋ قالۋى ماسەلەسىن كۇش سالا شەشۋ كەرەك. پارتيا ىشىندەگى نەگىزگى ساتىلاردىڭ دەموكراتياسىن كەڭەيتىپ، پارتيا قىزمەتىن جاريا ۇستاۋدى ىلگەرىلەتۋ، پارتيا مۇشەلەرىنىڭ پارتيانىڭ ىشكى جۇمىستارىنا ارالاسۋ، پارتيا ۇيىمدارى مەن كادرلارىن باقىلاۋ، جوعارى دارەجەلى پارتيا ۇيىمىنا پىكىر ايتىپ، ۇسىنىس بەرۋ جولدارىن ىركىلىسسىزدەندىرۋ قاجەت. ونەركاسىپ جۇمىسشىلارى، جاس ديقاندار، جوعارى ءبىلىمدى قاۋىم اراسىنان، سونداي - اق جالپىلىق مەنشىككە جاتپايتىن شارۋاشىلىق ۇيىمدارى مەن قوعامدىق ۇيىمداردان پارتياعا مۇشە قابىلداۋعا ءمان بەرۋ ءتيىس. پارتيا ىشىندە شابىتتاندىرۋ، قامقورلىق جاساۋ، سۇيەمەلدەۋ قىزمەتىن كۇشەيتۋ كەرەك. پارتيا مۇشەلەرىن باۋلۋ، باسقارۋ قىزمەتىنىڭ باعىتتامالىلىعى مەن ونىمدىلىگىن ارتتىرىپ، تولىمسىز پارتيا مۇشەلەرىن ۇيىمدىق ءبىر جايلى ەتۋ قىزمەتىن ۇيلەسىمدى، ءتارتىپتى جۇرگىزۋ كەرەك.

        5) ستيلدى دۇرىستاپ، ءتارتىپتى قاتايتۋ قيمىلىن باياندى جۇرگىزۋ.پارتيا حالىقتىكى، حالىققا تامىر تارتقان، حالىققا قىزمەت ەتەدى، پارتيامىز بۇقارادان قول ۇزسە، ومىرشەڭدىك قۋاتىنان ايرىلادى. ستيل قۇرىلىسىن كۇشەيتۋدە پارتيانىڭ حالىق بۇقاراسىمەن ەتەنە بايلانىسىن ساقتاۋدى تىعىز وزەك ەتۋ، بۇقارالىق كوزقاراس پەن بۇقارالىق سۇيىسپەنشىلىكتى كۇشەيتۋ، پارتيانىڭ بيلىك جۇرگىزۋدەگى بۇقارالىق نەگىزىن ۇزدىكسىز بەكەمدەۋ قاجەت. بۇقارانىڭ اڭىسى كۇشتى بولىپ وتىرعان ماسەلەلەرگە تۇگەلدەي قاتاڭ، مۇقيات مامىلە جاساۋ، بۇقارانىڭ مۇددەسىنە زيان جەتكىزەتىن ءىس -ارەكەت اتاۋلىنى باتىل تۇزەتۋ كەرەك. جوعارىنى تومەنگە ۇلگى ەتۋگە تاباندى بولۋ، ورتالىقتىڭ 8 تارماقتى بەلگىلەمەسىنىڭ رۋحىن تياناقتاندىرۋ جەتىستىكتەرىن بەكەمدەۋ جانە ۇلعايتۋ، «4 بۇرىس ستيل» ماسەلەسىن ۇزدىكسىز وڭاۋ، ەرەكشە ۇقىق يدەياسى مەن ەرەكشە ۇقىق قۇبىلىسىنا باتىل قارسى تۇرۋ قاجەت. ساياسي ءتارتىپ پەن ۇيىمدىق ءتارتىپتى باسا كۇشەيتۋ، پاكتىك ءتارتىبىن، بۇقارالىق ءتارتىپتى، قىزمەت ءتارتىبىن، تۇرمىس ءتارتىبىن قاتايتا ءتۇسۋ كەرەك. سىن جانە ءوز - وزىنە سىندى ورىستەتۋگە، وتكەندەگىدەن ساباق الىپ، كەيىنگىگە عيبىرات ەتۋگە، اۋرۋدى ەمدەپ، ادامدى قۇتقارۋعا تاباندى بولۋ، ءتارتىپتىڭ اتقارىلۋىن باقىلايتىن «4 ءتۇرلى فورمادان» پايدالانىپ، ءارقانداي ءىستى تۋ باسىنان، بايقالعان كەزىنەن باستاپ مىقتى مەڭگەرۋ، اسقىنباي تۇرعان كەزىندە تىزگىندەۋ قاجەت. كادرلاردى باسقارۋ ۇقىق شەگى بار پارتيا ۇيىمدارىنا سايكەستى ءتارتىپ جازاسى ۇقىعىن بەرۋ، ءتارتىپتىڭ اتقارىلۋىن باقىلاۋ، جاۋاپكەرشىلىكتى قۋزاستىرۋدى كۇشەيتۋ ءتيىس. ءتارتىپ تاربيەسىن، ءتارتىپتىڭ اتقارىلۋىن كۇشەيتىپ، پارتيا مۇشەلەرىنىڭ، كادرلاردىڭ يمەنۋدى بىلۋىنە، ساق جۇرۋىنە، تومەنگى شەكتى بۇزباۋىنا مۇمكىندىك جاساۋ، ولاردى باقىلاۋ مەن تەجەمدى قابىلدايتىن ورتادا قىزمەت ىستەپ، تۇرمىس كەشۋگە داعدىلاندىرۋ قاجەت.

          6) شىرىكتەسۋگە قارسى كۇرەستىڭ تۇبەگەيلى جەڭىسىنە جەتۋ. شىرىكتەسۋ قۇبىلىسىنا حالىق بۇقاراسى ءتىس - تىرناعىمەن قارسى، شىرىكتەسۋ پارتيامىز ءدوپ كەلىپ وتىرعان ەڭ ۇلكەن حاۋىپ. شىرىكتەسۋگە توقتاۋسىز، ماڭگى قارسى تۇرۋ جىگەرى مەن بەكىمىندە بولا وتىرىپ، ۇستىنەن دە، تۇبىرىنەن دە وڭاۋدى تەرەڭدەتىپ، كادرلاردىڭ تۋراشىل، ۇكىمەتتىڭ پاك، ساياسيدىڭ كىرشىكسىز بولۋىنا كەپىلدىك ەتكەندە عانا، تاريحتىڭ دۇركىندىك يىرىمىنەن اتتاپ شىعىپ، پارتيا مەن مەملەكەتتىڭ باياندى تىنىشتىعىنا شىنايى كەپىلدىك ەتۋگە بولادى. قازىر شىرىكتەسۋگە قارسى كۇرەستىڭ جاعدايى ءالى دە اۋىر، ءالى دە كۇردەلى، وسى كۇرەستە باسىمدىلىقتاردى بەكەمدەپ، تۇبەگەيلى جەڭىسكە جەتەتىن بولاتتاي بەرىك بەكىم بولۋ قاجەت. شەكتەلگەن رايون بولماۋعا، تەگىس قامتۋعا، استە راقىم ەتپەۋگە تاباندى بولىپ، شىرىكتەسكەندەردى قاتاڭ تيۋعا، ولارعا قاتتى قىسىم تۇسىرۋگە، توقتاۋسىز ۇرەي تۋدىرۋعا تاباندى بولىپ، پارا الۋ - بەرۋدى بىرگە تەكسەرىپ، پارتيا ىشىندە مۇددەلەس توپتاردىڭ قالىپتاسۋىنان باتىل ساقتانۋ كەرەك. قالالىق، اۋداندىق پارتكومداردا ارالاپ تەكسەرۋ ءتۇزىمىن ورناتىپ، بۇقارانىڭ اينالاسىنداعى شىرىكتەسۋ ماسەلەلەرىن جويۋ تەبىنىن ارتتىرۋ ءتيىس. شىرىكتەسكەندەر قايدا قاشىپ بارسا دا قۋعىنداپ ۇستاپ، زاڭ بويىنشا جازالاۋ كەرەك. شىرىكتەسۋگە قارسى تۇرۋ جونىنەن مەملەكەتتىڭ زاڭ شىعارۋىن كۇشەيتىپ، ءتارتىپ تەكسەرۋ، باقىلاۋ - تەكسەرۋ جۇيەسىن قامتىعان اشكەرەلەۋ، مالىمدەۋ تەكشەسىن ورناتۋ قاجەت. شىرىكتەسۋگە بارعىزباۋ سەسىن كۇشەيتىپ، شىرىكتەسۋگە كەلتىرمەۋ قاپاسىن بەرىكتەپ، شىرىكتەسۋدى ويلاماۋ سانالىلىعىن ارتتىرىپ، قاجىماي - تالماي قۇلشىنۋ ارقىلى بەيبىت زامانعا، تىنىش ومىرگە قول جەتكىزۋ كەرەك.

     7) پارتيا مەن مەملەكەتتىڭ باقىلاۋ جۇيەسىن اقاۋسىزداندىرۋ. پارتيانىڭ ءوزىن - ءوزى كىرشىكسىزدەندىرۋ قۋاتىن جوعارىلاتۋدا، نەگىزىنەن پارتيانىڭ ءوزىن - ءوزى باقىلاۋىن جانە بۇقارالىق باقىلاۋدى كۇشەيتۋگە سۇيەنەدى. ۇقىق جۇرگىزۋدى تەجەۋ مەن باقىلاۋدى كۇشەيتىپ، ۇقىقتى حالىققا باقىلاتىپ، اشىق - جاريا جۇرگىزىپ، ءتۇزىم ارقىلى تەجەپ وتىرۋ ءتيىس. جوعارىدان تومەنگە قاراي ۇيىمدىق باقىلاۋدى، تومەننەن جوعارىعا قاراي دەموكراتيالىق باقىلاۋدى نىعايتىپ، دارەجەلەس ورىنداردىڭ ءبىرىن - ءبىرى باقىلاۋ رولىن ساۋلەلەندىرىپ، پارتيالى باسشى كادرلاردى كۇندەلىكتى باقىلاۋ - باسقارۋدى كۇشەيتۋ كەرەك. ساياسي ارالاپ تەكسەرۋدى تەرەڭدەتىپ، ماسەلەلەردى بايقاۋدان، سەس كورسەتۋدەن جازباي، ارالاپ كورۋدە جانە تەكسەرۋدە جوعارى مەن تومەن سايكەسۋ سىندى باقىلاۋ تورابىن قۇرۋ قاجەت. مەملەكەتتىڭ باقىلاۋ - تەكسەرۋ ءتۇزىلىسى رەفورماسىن ىشكەرىلەتىپ، تۇيىندەردە سىناق ەتۋ قىزمەتىن بۇكىل ەل كولەمىندە ورىستەتىپ، مەملەكەتتىك، ولكەلىك، قالالىق، اۋداندىق باقىلاۋ - تەكسەرۋ كوميتەتتەرىن قۇرىپ، ولاردى پارتيانىڭ ءتارتىپ تەكسەرۋ ورگاندارىمەن بىرگە جۇمىس جۇرگىزەتىن ەتىپ، مەملەكەت ۇقىعىن جۇرگىزەتىن بارلىق ۇكىمەت قىزمەتكەرلەرىن باقىلاۋ - تەكسەرۋ كەرەك. مەملەكەتتىڭ باقىلاۋ - تەكسەرۋ زاڭىن جاساپ، باقىلاۋ - تەكسەرۋ كوميتەتتەرىنە مىندەت جاۋاپكەرلىگىن، ۇقىق شەگىن جانە تەكسەرۋ ءتاسىلىن زاڭ بويىنشا جۇكتەپ، «بەلگىلەنگەن ۋاقىتتا، بەلگىلەنگەن ورىندا تەكسەرۋ» شاراسىنىڭ ورنىنا «تۇرعان جەرىندە تەكسەرۋ» شاراسىن قولدانۋ. قازىنالىق باقىلاۋدى باسقارۋ تۇزىلىسىنە رەفورما جاساپ، ساناق ءتۇزىلىسىن كەمەلدەندىرۋ. پارتيا ءبىر تۇتاس قولباسشىلىق ەتەتىن، جاپپاي جالپىلاسقان، قۇزىرلى، اسا ۇتىمدى باقىلاۋ جۇيەسىن ورناتىپ، پارتيا ىشىندە باقىلاۋدى مەملەكەت ورگاندارىنىڭ باقىلاۋىمەن، دەموكراتيالىق باقىلاۋمەن، ءادىليالىق باقىلاۋمەن، بۇقارالىق باقىلاۋمەن، جاماعات پىكىرىندىك باقىلاۋمەن توعىستىرىپ، باقىلاۋدىڭ بىرىككەن كۇشىن نىعايتۋ.

 8) بيلىك جۇرگىزۋ قابىلەتىن جاپپاي كۇشەيتۋ. ءبىر ميلليارد 300 ميلليوننان استام حالقى بار سوتسياليستىك ءىرى ەلگە باسشىلىق ەتۋدە پارتيامىز ءارى ساياسيعا بارىنشا توسەلگەن بولۋى، ءارى بيلىك جۇرگىزۋ قابىلەتى جوعارى دا ۇستەم بولۋى كەرەك. ونەر ۇيرەنۋدى كۇشەيتىپ، پارتيا بويىنشا ۇيرەنۋگە شەبەر، امالياتتا ايگىلەۋگە باتىل ەرەكشە اۋقىم قالىپتاستىرىپ، ۇيرەنۋگە قۇلىقتى ماركستىك ساياسي پارتيا قۇرىپ، ۇيرەنۋگە قۇلىقتى ءىرى ەل بولۋدى جەبەۋ كەرەك. ساياسي باسشىلىق قابىلەتىن كۇشەيتىپ، ستراتەگيالىق، جاڭالىق اشۋ، ديالەكتيكالىق، زاڭمەن باسقارۋ، شەكتەن اتتاماۋ بويىنشا وي جۇگىرتۋگە تاباندى بولىپ، پارتيانىڭ لۋشيان، باعىت - ساياساتتارىن عىلمي بەلگىلەپ جانە باتىل اتقارىپ، پارتيانىڭ جالپى جاعدايدى مەڭگەرۋىن، بارلىق جاقتى سايكەستىرۋىن ناقتى تياناقتاندىرۋ. رەفورمادا جاڭالىق اشۋ قابىلەتىن جوعارىلاتىپ، قايراتتانا العا ۇمتىلۋ سىندى رۋحاني بەت - بەينەنى ساقتاپ، قىزمەتتى ءىس جۇزىندىك جاعدايعا ۇشتاستىرا جاسامپازدىقپەن ىستەۋگە، عالامتور تەحنيكاسىنان جانە ينفورماتسيالىق تاسىلدەردەن پايدالانىپ ورىستەتۋگە شەبەر بولۋ. عىلمي دامۋ قابىلەتىن جوعارىلاتىپ، جاڭا دامۋ تانىمىن دايەكتىلەندىرۋگە شەبەر بولىپ، جاڭا دامۋ جاعدايىن ۇزدىكسىز جاراتۋ. زاڭ بويىنشا بيلىك جۇرگىزۋ قابىلەتىن جوعارىلاتىپ، پارتيا باسشىلىعىن جانە پارتيا قۇرىلىسىنىڭ بارلىق جاعىن قامتيتىن پارتيانىڭ ىشكى زاڭ، ەرەجە - ءتۇزىم جۇيەسىن جەدەل قالىپتاستىرىپ، مەملەكەتتىڭ بيلىك ورگانىنا باسشىلىقتى كۇشەيتۋ جانە جاقسارتۋ. بۇقارالىق قىزمەت قابىلەتىن جوعارىلاتىپ، بۇقارالىق قىزمەت ءتۇزىلىسى مەحانيزمىندە جانە ءادىس - امالداردا جاڭالىق اشىپ، جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىم - توپتاردىڭ ساياسي، العاباسارلىق، بۇقارالىق سيپاتىن كۇشەيتىپ، بۇقارامەن بايلانىس جاساۋداعى كوپىرلىك، دانەكەرلىك رولىن ساۋلەلەندىرىپ، قالىڭ حالىق بۇقاراسىن اۋىتقىماستان پارتياعا ىلەسۋگە ۇيىمداستىرۋ، جۇمىلدىرۋ. تياناقتاندىرۋدى مىقتى يگەرۋ قابىلەتىن كۇشەيتىپ، شىن سويلەۋگە، ناقتى جۇمىس تىندىرۋعا، ۇتىمدى ءادىس - امال تابۋعا، سۇبەلى ناتيجەگە جەتۋگە تاباندى بولىپ، تەز قيمىلداۋ مەن ۇزاق ۋاقىت ەڭبەكتەنۋدى ورگانيكالى ۇشتاستىرىپ، باتىلدىقپەن قيىن قامالداردى الىپ، قىزمەتتەردى شەگە قاعۋ رۋحىمەن ناقتى، ەگجەي -تەگجەيلى، ويداعىداي ىستەۋ. حاۋىپ - قاتەردى مەڭگەرە ءبىلۋ قابىلەتىن كۇشەيتىپ، ءتۇرلى حاۋىپ - قاتەردەن ساقتانۋ، ونى تىزگىندەۋ مەحانيزمىن كەمەلدەندىرىپ، ءتۇرلى كۇردەلى قايشىلىقتاردى شەبەرلىكپەن ءبىر جايلى ەتىپ، العا باسۋ جولىنداعى تار جول، تايعاق كەشۋلەردەن تايسالماي ءوتىپ، قىزمەتتىڭ تىزگىنىن مىقتى يگەرۋ كەرەك.

  جولداستار! ۇلى ىستەرگە قۇدىرەتتى پارتيا باسشىلىق ەتۋى كەرەك. پارتيامىز جاقسى دامىپ - گۇلدەنەتىن بولسا، حالىقپەن ويلاعان ويى، ىستەگەن ءىسى باستان - اياق بىر بولاتىن بولسا، جۇڭگو حالقىنىڭ ۇلى ارمانى تيەلگەن الىپ كەمە تولقىن جارا العا تارتىپ، شۇعىلالى جاعاعا جەڭىسپەن جول الارى حاق!

  جولداستار! جۇڭحۋا ۇلتى مىڭ ءبىر ازاپتى باسىنان كەشكەن، مويىماس - قاجىماس ۇلى ۇلت، جۇڭگو حالقى ەڭبەكشىل، باتىر، تالىقپاي تالپىناتىن ۇلى حالىق، جۇڭگو كوممۋنيستىك پارتياسى كۇرەس جۇرگىزۋگە، جەڭىسكە جەتۋگە باتىل ۇلى ساياسي پارتيا. ايبىندى ءداۋىر كوشىندە تاريح تەگەرشىگى العا تارتىپ بارادى. تاريح تاباندىلارمەن، العاباسارلارمەن، كۇرەسكەرلەرمەن عانا ساناسادى، تابانسىزداردى، بويكۇيەزدەردى، تايساقتاۋشىلاردى كۇتىپ تۇرمايدى. بۇكىل پارتيا قاجىرلىلىقپەن كۇرەس جۇرگىزۋ، داندايسىماۋ، ۇشقالاقتىققا سالىنباۋ ستيلىن ساقتاپ، ۋاقىت قىمبات، ۋاقىتتى قاپى جىبەرمە دەيتىن رۋحپەن، جاڭا ءداۋىردىڭ ۇزاق جورىق جولىمەن ۇدەرە العا تارتۋعا كۇش سالۋ قاجەت. بۇكىل پارتيا پارتيانىڭ ىنتىماعىن، بىرلىگىن سانالى قورعاپ، پارتيانىڭ حالىق بۇقاراسىمەن ەتەنە بايلانىسىن ساقتاپ، ەلىمىزدەگى ءار ۇلت حالقىنىڭ ۇلى ىنتىماعىن بەكەمدەپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن نىعايتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، ءبىر جاعادان باس، ءبىر جەڭنەن قول شىعارا وتىرىپ، جۇڭحۋا ۇلتىنىڭ ۇلى گۇلدەنۋى سىندى نۇرلى بولاشاققا بەت الۋى قاجەت.

  جاستار كوركەيسە، ەل كوركەيەدى، جاستار قۇدىرەتتەنسە، ەل قۇدىرەتتەنەدى. جاس بۋىن مۇراتتى بولسا، قابىلەتتى بولسا، بورىش ارقالاسا، مەملەكەتتە جارقىن كەلەشەك، ۇلتتا ءۇمىت بولادى. جۇڭگو ارمانى تاريحي، رەال ءارى بولاشاقتىق ارمان؛ بۇل ءبىزدىڭ ارمانىمىز، ونان دا ماڭىزدىسى، جاس بۋىننىڭ ارمانى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى سايىپ كەلگەندە، نەشە بۋىن جاستاردىڭ ءىزىمىزدى باسا وتىرىپ كۇرەس جۇرگىزۋى بارىسىندا جۇزەگە اسادى. پارتيا جاستارعا كوڭىل ءبولىپ جانە ولاردى ايالاپ، ولار ءۇشىن كىسىلىك ءومىردىڭ قۇنىن جۇزەگە اسىراتىن تەكشە ازىرلەپ بەرۋى كەرەك. قالىڭ جاستار مۇرات - سەنىمىن بەكەمدەپ، اسقاق ارمان ارقالاپ، تىڭعىلىقتى ىستەپ، زامانا تولقىنىنىڭ الدىڭعى لەگىندە جۇرۋگە باتىل بولىپ، جۇڭگو ارمانىن جۇزەگە اسىرۋدىڭ جاندى امالياتىندا جاستىق ارمانىنا قانات ءبىتىرىپ، حالىقتىڭ مۇددەسى ءۇشىن تىنباي كۇرەسۋ جولىندا ايبىندى ءومىر داستانىن جازۋى كەرەك!

  ەل بيلەۋدىڭ ەڭ بيىك ولشەمى حالىقتى باقىتقا كەنەلتۋ. جۇڭگونىڭ 9 ميلليون 600 مىڭ شارشى كيلومەتردەن اساتىن ۇلان - بايتاق دالاسىندا تۇرىپ، جۇڭحۋا ۇلتىنىڭ 5000 جىلدان استامعى ۇزاق كۇرەسى بارىسىندا جيناقتالعان مادەنيەتىنەن ءنار الساق، ءبىر ميلليارد 300 ميلليوننان استام جۇڭگو حالقىنىڭ جۇدىرىقتاي جۇمىلعان كۇش - قۋاتىنىڭ ارقاسىندا، جۇڭگوشا سوتسياليزم جولىمەن جۇرسەك، شەكسىز دە شەتسىز داۋىرلىك ءورىسىمىز، تەڭدەسسىز مىعىم تاريحي نەگىزىمىز، ولشەۋسىز قۇدىرەتتى العا باساتىن قۋاتىمىز بولادى. بۇكىل پارتيا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، قايسارلىقپەن العا ۇمتىلىپ، ايانباي جۇمىس تىندىرىپ، وسىزامانداندىرۋ قۇرىلىسىن ىلگەرىلەتۋ، وتاندى بىرلىككە كەلتىرۋ، دۇنيە ءجۇزىنىڭ بەيبىتشىلىگىن قورعاۋ جانە قاتار دامۋدى جەبەۋ سىندى ءۇش ۇلكەن تاريحي مىندەتتى ورىنداۋ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تىلەگىن ورىنداۋ جولىندا ۇزدىكسىز كۇرەس جۇرگىزۋ كەرەك!

(شينحۋا اگەنتتىگىنىڭ 27 - قازاندا بەيجيڭنەن بەرگەن تەلەگرامماسى)

  (جۇڭگو ۇلتتار ءتىل - اۋدارما مەكەمەسى اۋداردى)