مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسى مىنانى تالاپ ەتتى

ءتۇيىندى سالالارداعى كومەسكى حاۋىپتەردى تەكسەرۋ - الاستاۋ جانە وڭالتۋدى مىقتى ۇستاۋ كەرەك

حالىق گازەتى، 11 – ايدىڭ 12 – كۇنى، بەيجيڭ (ءتىلشى: ديڭ يتيڭ) جىل سوڭىنا تاياعان سايىن، ءتۇرلى سالالارداعى كاسىپورىندار ءوندىرىستىڭ قاربالاس كەزەڭىنە وتەدى، كۇننىڭ سۋىتۋى، جاۋىن – شاشىننىڭ كوبەيۋى، مۇز قاتۋ سىندى زالالدى اۋا رايىنىڭ كوپ تۋىلۋىنا بايلانىستى مەملەكەتتىك كەڭەستىڭ ءوندىرىس حاۋىپسىزدىگى كەڭسەسى جۋىردا شۇعىل ۇقتىرۋ شىعارىپ، ءوندىرىس حاۋىپسىزدىگى قىزمەتىن كۇشەيتۋدى تالاپ ەتتى.

تانىستىرۋعا قاراعاندا، قازىر ءىشىنارا كاسىپورىنداردىڭ حاۋىپسىزدىك جاعىنداعى قوسىلىمى ازايىپ، حاۋىپسىزدىك تەحنيكاسى جاعىنداعى قۇرىلعىلارى دەركەزىندە جاڭالانباعان؛ كومىر، سەمەنت قاتارلى ەنەرگيالىق شيكىزات ماتەريالدارى مەن نەگىزدىك حيميالىق ونەركاسىپ ونىمدەرىمەن قامداۋ ءبىرشاما تاپشى، باعاسىنىڭ ءوسۋ مولشەرى كورنەكتى بولعاندىقتان، بولات – تەمىر كاسىپورىندارىنىڭ دومنا پەشتەرىنىڭ ءوندىرىس قۋاتىنان پايدالانۋ مولشەرى ۇزدىكسىز جوعارىلادى، مۇنداي جاعدايدا البىرتتىقپەن ءوندىرىس جۇرگىزۋ، ءتىپتى زاڭ – بەلگىلەمەگە قايشى ءوندىرىس جۇرگىزۋ جاعدايى وتە وڭاي تۋىلادى. مۇنداي ماسەلەلەر مولشەرمەن جىل سوڭىنان بۇرىن اناعۇرلىم كورنەكتى بولۋى مۇمكىن. ۇقتىرۋدا مىنالار تالاپ ەتىلگەن: ءتۇيىندى كاسىپ سالالارىندا كومەسكى حاۋىپتەردى تەكسەرىپ – الاستاپ جانە وڭالتىپ، جىل سوڭى مەن جىل باسىنداعى جۇمىس ۋاقىتىن ۇتۋ، اياق الىستى جەدەلدەتۋ، كوتەرىمدىلىكتەن ارتىق ءوندىرۋ ارەكەتتەرىن باتىل جويۋىمىز كەرەك.

كەلۋ قاينارى: حالىق تورابى