«حالىق
گازەتى»، 11 – ايدىڭ 8 – كۇنى، بەيجيڭ (ءتىلشى ۋاڭ يۋان). مەملەكەت ءتوراعاسى شي
جينپيڭ 11 - ايدىڭ 8 - كۇنى حالىق سارايىندا كۋبانىڭ مەملەكەت ىستەرى كوميتەتىنىڭ
ءتوراعاسى، قوسىمشا مينيسترلەر كەڭەسىنىڭ ءتوراعاسى دياز - كانەلمەن كەڭەس
وتكىزدى.
شي جينپيڭ
دياز - كانەلدىڭ جۇڭگوعا تۇڭعىش رەت مەملەكەت ىستەرىمەن ساپارلاي كەلگەنىن قارسى
الدى. دياز - كانەلگە ءبىرىنشى شۋجي راۋل كاستروعا ىقىلاستى سالەمىن جەتكىزۋدى
تاپسىردى. شي جينپيڭ بىلاي دەدى: كۋبا اتى زاتىنا ساي ۇلى ەل، جارتى عاسىردان بەرى
جاپا - ماشاقاتتان تايساللماي، ءوز جولىمەن جۇرۋدە تاباندى بولىپ، دۇنيە ءجۇزى
حالىقتارىنىڭ قۇرمەتىنە بولەندى. جۇڭگو مەن كۋبا سوتسياليستىك ەل، سەنىمدى دوس،
جاقسى جولداس، جاقىن باۋىرلاس. مۇنى اماليات دالەلدەگەن، بۇل ءارى ۋاقىت پەن
حالىقارالىق اۋقىمىنىڭ سىنىنان وتكەن. جۇڭگو حالقى 58 جىلدىڭ الدىنداعى فيدەر
كاسترو جولداس باسشىلىعىنداعى كۋبانىڭ باتىس جارتى شارداعى ەلدەر اراسىندا ەڭ الدى
بولىپ جاڭا جۇڭگومەن ديپلوماتيالىق قاتىناس ورناتقانىن، ول باسشىلىق ەتكەن كۋبا
پارتياسى مەن حالقىنىڭ جۇڭگو حالقىنىڭ يەلىك ۇقىقتى قورعاۋ، مەملەكەت قۇرىلىسىن
ىلگەرىلەتۋ سىندى ادىلەتتى ءىسىن باتىل قولداعانىن ماڭگى ەسىنەن شىعارمايدى. مەن
ەكى رەت كۋباعا ساپارلاي باردىم، فيدەر كاسترو جولداسپەن كەڭەس وتكىزگەن ساتتەرىم
ءالى ەسىمدە. جۇڭگو مەن كۋبا ەكى ەلدىڭ اعا بۋىن باسشىلارى ورناتقان جانە بىرگە
سومداعان ەكى ەل دوستىعىن ايرىقشا قاستەرلەپ، وعان مۇراگەرلىك ەتىپ، ويداعىداي
دامىتىپ، ەكى ەلدىڭ دوستىق، سەلبەستىگىنىڭ تىڭ پاراعىن بىرگە جازۋى
كەرەك.
كەلۋ قاينارى: حالىق
تورابى
