«ءسىڭىلىم، مەن قالاشىقتان ەكى كيلوگرام قوي ەتىن ساتىپ اكەلدىم، سەن كەشتە كەل، بىرگە تۇشپارا تۇيەيىك». 11-ايدىڭ 9-كۇنى تۇستەن كەيىن، بۇراتالا قالاسى دالتۋ قالاشىعى حارمودۇن ارتقى قىستاعىنداعى قازاق ايەل پاتىگۇل داس قىزى، ەبينۇر سازدىق جەر مەملەكەت دارەجەلى تابيعي قورىق رايونىن باسقارۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا حارمودۇن قىستاعىندا تۇراتىن قىزمەت اترەتىندەگى ءسىڭىلىسى جين چاڭيڭگە تەلەفون سوعىپ، كەشتە ۇيگە كەلىپ تۇشپارا جەۋگە شاقىردى.
وسى بىرنەشە كۇندە، پاتىگۇلدىڭ ۇيىنەن شاتتىق ۇزىلمەدى، ۇلكەن ۇلى نۇرلان جاقىن ماڭداعى كىرپىس زاۆودىنا قازۋ ماشيناسىن ايداۋعا جۇمىسقا تۇردى، ەكى ايدا 6 مىڭ يۋان ايلىق الادى، كىشى ۇلى تۇرسىنعازى تراكتور ايداپ قىستاق تۇرعىندارىنىڭ ماقتا اتىزىنا ەگىس ءدارىسىن شاشىپ، 30 مىڭ يۋاننان ارتىق كىرىس كىرگىزدى، ول وسى اقشاسىنا ءىرى تۇرپاتتى اۋىل شارۋاشىلىق ماشيناسىن ساتىپ الدى. اپەكەسىنىڭ قۋانىشتى حابارىن ەستىگەندە جين چاڭيڭ قاتتى قۋاندى.
بيىل 2-ايدىڭ 1-كۇنى، ەبينۇر كولى سازدىق جەر مەملەكەت دارەجەلى قورىق رايونىن باسقارۋ مەكەمەسىنىڭ 5 كادرى «كۇش جالعاپ»، «ۇعىسۋ، تيىمدىلىك جاساۋ، توعىستىرۋ» بويىنشا حارمودۇن قىستاعىنا قىزمەت اترەتى بولىپ ورنالاستى. قىستاقتا تۇراتىن قىزمەت اترەتى وتباسىلارىن ارالاپ جاعداي ۇعىسۋ، دالمە-ءدال سۇيەمەلدەنەتىن 10 وتباسىنىڭ جاعدايىن يەلەۋ، «ءبىر وتباسىنا ءبىر ارحيۆ» تالابى بويىنشا كارتچكالادى ءارى ولاردىڭ وتباسىنىڭ ناقتى جاعدايىنا نەگىزدەلە وتىرىپ تۇتاس جىلدىق سۇيەمەلدەۋ جوسپارىن جاسادى، قىزمەت اترەتىنىڭ مۇشەسى جين چاڭيڭنىڭ تۋىسى پاتىگۇل.
2004-جىلى 7-ايدا، پاتىگۇلدىڭ جولداسى اۆتوكولىك شىرعالاڭىنان قايتىس بولىپ، ۇيدەگى جيعان-تەرگەنىن جۇمساپ بولادى. ەكى ۇلى كىرىس كىرگىزۋ ءۇشىن، قىستاق تۇرعىندارىنىڭ 80 باس سيىرىن باعادى، ءار باس سيىرعا جىلىنا 340 يۋان الادى. 2010-جىلى 4-ايدىڭ ءمالىم ءبىر كۇنى، 20 باس سيىر جوعالىپ، 70 مىڭ يۋان قارىز بولىپ قالادى. قارىزدى قايتارۋ ءۇشىن پاتىگۇل 26.5 مۋ جەرىن جىلىنا ءار مۋىن 300 يۋاننان ۇزاق ۋاقىت كوتەرەگە بەرەدى. ەكى ۇلىنىڭ جىگەرى مۇقالىپ، جوقشىلىق تاقسىرەتىن ابدەن تارتتى. تىرشىلىك ءۇشىن، پاتىگۇل بۇراتالا قالاسىنا كەلىپ ءۇي كۇتۋشىسى بولادى، وسىلايشا 8 جىلدى ارتقا تاستادى.
بيىل 3-ايدا، قانتتى نەسەپ اۋرۋىنا شالدىققان پاتىگۇل قىستاققا قايتىپ كەلدى، وتباسىندا 2016-جىلى سالىنعان 45 شارشى مەترلىك ۇيدەن باسقا ەشتەڭەسى جوق ەدى، ەكى ۇلى دا جۇمىس ىستەمەگەندىكتەن ەشقانداي ەكونوميكالىق كىرىسى جوق. ول بولاشاعىنان قاتتى ۇمىتسىزدەندى.
جين چاڭيڭ پاتىگۇلدىڭ 26.5 مۋ اتىزىن جىلىنا ءار مۋىن 300 يۋاننان ۇزاق مەرزىمگە كوتەرەگە بەرگەنىن، باعاسىنىڭ وتە تومەن ەكەندىگىن ۇعىسقاننان كەيىن، بۇل ءىستى قىستاق پارتيا ياچەيكاسىنىڭ شۋجيىنا اڭىس ەتەدى. قىستاقتا تۇراتىن قىزمەت اترەتى مەن قىستاق ەكى كوميتەتىنىڭ رەتتەۋىندە، ەكى جاق ورتاق تانىمعا كەلىپ، ەڭ سوڭىندا ءار كوتەرەگە الۋ اقىسى جىلىنا ءار مۋى 300 يۋاننان جىلىنا ءار مۋى 700 يۋانعا تەڭشەلدى.
بيىل 4-ايدىڭ ءبىر كۇنى، جين چاڭيڭ مەن پاتيگۇل اۋلادا توبەسى اشىق پەشتە تاماق ىستەپ جاتقاندا، كەنەت بوران سوعىپ، قازان-وشاقتى توپىراق باسىپ قالادى. بۇل جولعى تۇسكى تاماق جين چاڭيڭنىڭ كەڭىردەگىنەن ارەڭ وتەدى، ول سول كەزدە اپەكەسى ءۇشىن بىرەر ءىس ىستەۋدى ويلايدى. بىرنەشە كۇن جوسپارلاۋ ارقىلى جين چاڭيڭ 14000 يۋاننان استام قارجى شىعارىپ، ءتۇستى بولاتتان 40 شارشى مەترلىك اس ءۇي سالىپ، سۋ، توك تارتقىزىپ بەرەدى.
پاتىگۇلگە كىرىس كىرگىزۋ ءۇشىن، جين چاڭيڭ ونىڭ ۇلدارىنا يدەيالىق قىزمەت ىستەيدى. ول تۇرسىنعازىنىڭ تراكتور ايداي الاتىنىن، ۇيدە ەگىس دارىلەرىن شاشۋ ماشيناسى تۇرعانىن بىلگەننەن كەيىن، 1000 يۋان شىعارىپ، كاسىبىن جالعاستىرۋعا شابىتتاندىرادى ءارى وعان جۇمىس ىزدەيدى. ءبىر ايدا، تۇرسىنعازى 3000 يۋاننان ارتىق كىرىس كىرگىزدى.
بيىل 9-ايدىڭ ءبىر كۇنى، جين چاڭيڭ دوسىنان كورشىلەس قىستاقتاعى كىرپىش زاۆودى قازۋ ماشيناسىن ايدايتىن ادام قابىلدايتىنىن ەستيدى، جين چاڭيڭ نۇرلاندى جۇمىس ىستەۋگە كوندىرەدى ءارى دوسىنا تانىستىرادى، تاربيەلەۋ ارقىلى نۇرلان كىرپىش زاۆودىنا جۇمىسقا كىردى.
«قازىر، وتباسىمنىڭ جاعدايى كوپ جاقسى بولىپ قالدى، ەكى ۇلىم دا جۇمىس ىستەيدى، ەندى تىرشىلىك ءۇشىن باس قاتىرمايتىن بولدىق، بۇنىڭ ءبارى قىزمەت اترەتىنىڭ ارقاسى، جين چاڭيڭ سىڭىلىمە العىس ايتامىن»،-دەدى پاتىگۇل.
