كوپ جىلدان بەرى، ول قىستاق تۇرعىندارىنىڭ قيىنشىلىعىنا كومەكتەسىپ كەلەدى. كوپ جىلدان بەرى، ونىڭ شىنايى سۇيىسپەنشىلىگى ۇلتتار ىنتىماعىنىڭ كوپىرىن سالدى. ول — كورلا قالاسى تەكەشى اۋىلى پارتكومىنىڭ ورىنباسار شۋجيى، تومەنگى چاچي قىستاعى پارتيا باس ياچەيكاسىنىڭ ورىنباسار شۋجيى لي بين.
«لي بين مەنىڭ ءومىرىمدى قۇتقاردى، ول پارتيانىڭ جاقسى كادرى عانا ەمەس، بۇقارانىڭ جۇرەگىندەگى جاقسى شۋجي». 10-ايدىڭ 14-كۇنى، لي بيندى اۋىزعا العاندا، تومەنگى چاچي قىستاعىنىڭ تۇرعىنى ياسىن تۇردى تەبىرەنە باسبارماعىن كوتەردى.
2016-جىلى 9-ايدا، 56 جاستاعى ياسىن تۇردىنىڭ اياعى كەنەت ءىسىپ كەتەدى، شيپاحانا جۇمساق تكاندارى زاقىمدالعان ءارى شىرىك قان اۋرۋى بار دەگەن دەگنوز قويادى، ەگەر دەركەزىندە ەمدەتپەسە كەسۋى مۇمكىن.
ياسىننىڭ وتباسىندا 4 جان بار، قىستاقتاعى كەدەي وتباسى، قىمبات وپەراتسيا اقىسى ياسىن وتباسىن تىعىرىققا تىرەدى.
قايتەرىن بىلمەگەن ياسىننىڭ ايەلىنىڭ ەسىنە لي بين تۇسەدى، ونىڭ مەيىرىمدى ادام عوي، كومەكتەسەر دەگەن ويعا كەلەدى.
«لي شۋجي، مەنىڭ جولداسىمدى قۇتقارا كورىڭىز!» ياسىننىڭ ايەلى ەڭىرەپ تۇرىپ، ونىڭ كومەكتەسۋىن وتىنەدى.
لي بين قالتاسىنداعى 1000 يۋان ناق اقشانى ياسىننىڭ ايەلىنە ۇستاتادى ءارى قىستاق كوميتەتى ءبىر امالىن قاراستىرۋعا ۋادە بەرەدى.
«بۇقارانىڭ ءىسى — ءبىزدىڭ ءىسىمىز، تۋىسىمىزعا قارايلاسقانداي قارايلاسۋىمىز كەرەك». كەيىنگى تەڭشەۋ جينالىسىندا، لي بين باس بولىپ جىلۋ اتايدى ءارى قىستاق كوميتەتى كادرلارى مەن بۇقارانى ياسىنعا كومەك قولىن سوزۋعا اتتانىسقا كەلتىرەدى.
كوپشىلىك 5000 يۋان جىلۋ جيناپ، ياسىننىڭ وپەراتسيا قاراجاتىن تاپسىرۋىنا كومەكتەسەدى.
2014-جىلى 9-ايدا، تومەنگى چاچي قىستاعىنداعى 18 جاستاعى ياقۇپجان راقىپ شينقياڭ قازىنا-ەكونوميكا داشۋەسىنە قابىلدانادى، ءبىراق وتباسىنىڭ ەكونوميكالىق جاعدايى جار بەرمەيتىندىكتەن ياقۇپجاننىڭ وقۋدان قول ۇزۋىنە تۋرا كەلەدى. بۇل جاعدايدى ەستىگەن لي بين ياقۇپجاننىڭ اتا-اناسىنا: «الاڭداماڭىزدار، ياقۇپجاننىڭ وقۋ قاراجاتىن مەن شىعارامىن، وقۋ تاۋىسقانشا ءار ايدا تاعى 1000 يۋان تۇرمىس قاراجاتىن بەرىپ تۇرامىن»،-دەيدى.
«لي بين مەنىڭ تۋعان اعامداي بولىپ كەتتى، ماعان عانا ەمەس، قىستاق تۇرعىندارىنا دا كومەكتەسىپ تۇرادى، ول قىستاعىمىزدىڭ تىرەگى، بولاشاقتا مەن دە سول سياقتى بولامىن»،-دەدى ياقۇپجان.
بيىل قىستاقتاعى مامەت راحىمان قاريا 7-ايدىڭ سوڭىندا ۇلكەن ۇلى ماحىمۇت مامەتتى ۇيلەندىرمەكشى بولاتىن، ءبىراق 5-ايدىڭ سوڭىنا دەيىن جاڭا ءۇيىن اشەكەيلەپ بولا المادى.
قارجى جەتىسپەي قالعاندىعىن بىلگەننەن كەيىن، لي بين دوستارىنان كومەك سۇراپ، جاڭا ءۇيدى اشەكەيلەۋگە قاراجات جيناپ بەردى. كەيىن توي جۇمىستارىنا دا كومەكتەستى ءارى 7-ايدىڭ 28-كۇنى ماحىمۇت مامەت قىستاق كوميتەتىندە دۋماندى نەكە سالتىن وتكىزدى.
باسقالارعا گۇل بەرسەڭ قولىڭدا حوش ءيسى قالادى. قىستاق تۇرعىندارىنا كومەكتەسكەن وسىنداي ىستەرى قىستاق تۇرعىندارىنىڭ جۇرەگىندە ساقتالىپ قالا بەرمەك. كوپشىلىك ونى تۋىسىنداي كورىپ كەتتى، لي بين دە شەكسىز سۇيىسپەنشىلىگىمەن ۇلتتار ىنتىماعىنىڭ تۇقىمىن سەپتى.
