لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى كوردى
«حالىق گازەتى»، 11 – ايدىڭ 13 - كۇنى، بەيجيڭ. رەفورما جاساپ، ەسىك اشۋدىڭ 40 جىلدىعىن قۇتتىقتاۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 – ايدىڭ 13 – كۇنى مەملەكەتتىك مۇراجايعا بارىپ، «ۇلى وزگەرىس ــ رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىن» كوردى. ول مىنالاردى دارىپتەدى: رەفورما جاساپ، ەسىك اشقان 40 جىلدان بەرى جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو حالقى قاجىرلىلىقپەن كۇرەس جۇرگىزىپ، قاجىماي – تالماي شايقاس جاساپ، قوس قولىمەن مەملەكەت پەن ۇلتتىڭ دامۋىنىڭ سالتاناتتى تاريحي داستانىن جازدى، جۇڭحۋانىڭ بايتاق دالاسىندا عالامات ۇلى وزگەرىس جارىققا شىقتى. پارتيانىڭ 19 – قۇرىلتايىندا جۇڭگونىڭ دامۋ ايبىندى جوباسى جاسالدى، ءبىز جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا ورتالىق كوميتەتىنىڭ شەشىم، ورنالاستىرۋلارىن جاپپاي دايەكتىلەندىرىپ جانە تياناقتاندىرىپ، رەفورمانى بۇلجىماستان تەرەڭدەتىپ، سىرتقا ەسىكتى ايقارا اشاتىن بولساق، جۇڭگوشا سوتسياليزم اناعۇرلىم تاماشا بولاشاققا يە بولادى. كورمە ارقىلى قالىڭ كادر – جۇرتشىلىقتى جۇڭگو كوممۋنيستىك پارتياسىنىڭ، جۇڭگو حالقىنىڭ جانە جۇڭگوشا سوتسياليزمنىڭ ۇلى كۇش – قۋاتىن اناعۇرلىم تەرەڭ تانۋعا، پارتيامىزدىڭ نازارياسىنىڭ دۇرىستىعىن، پارتيا ورتالىق كوميتەتى تۇراقتاندىرعان رەفورما جاساۋ، ەسىك اشۋ لۋشيانى مەن باعىتىنىڭ دۇرىستىعىن، رەفورما جاساۋ، ەسىك اشۋدىڭ ءبىرقىدىرۋ ستراتەگيالىق ورنالاستىرۋلارىنىڭ دۇرىستىعىن اناعۇرلىم تەرەڭ تانۋعا، رەفورما جاساۋ، ەسىك اشۋ مەن سوتسياليستىك وسىزامانداندىرۋ قۇرىلىسىنىڭ جارقىن بولاشاعىن جەتە تانۋعا تاربيەلەپ جانە جەتەكتەپ، يدەيانى بىرلىككە كەلتىرىپ، ورتاق تانىم ۇيىستىرىپ، كۇرەس جىگەرىن قاۋلاتىپ، ىنتىماقتاسا كۇرەس جۇرگىزىپ، پارتياعا ىلەسىپ جۇڭگوشا سوتسياليزم جولىمەن ءجۇرۋ، رەفورما جاساۋ، ەسىك اشۋ جولىمەن ءجۇرۋ سەنىمى مەن بەكىمىن بەكەمدەۋ كەرەك.
لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى كوردى.
تۇستەن كەيىن ساعات 4 مولشەرىندە شي جينپيڭ قاتارلى باسشى جولداستار مەملەكەتتىك مۇراجايعا كەلىپ، كورمە زالىنا كىرىپ، كورمەنى كوردى. كورمەدە جۇڭگوشا سوتسياليزمدە تاباندى بولۋ جانە ونى دامىتۋ نەگىزگى تاقىرىپ ەتىلىپ، رەفورما جاساپ، ەسىك اشۋدىڭ 40 جىلدىق بارىسىنا تىعىز قابىستىرىلىپ، رەفورما جاساپ، ەسىك اشۋدىڭ تاريحقا بويلاۋ سەزىمىنە، بۇقارانىڭ تابىس سەزىمىنە، دامۋدىڭ تابىس سەزىمىنە تىعىز قابىستىرىلىپ، 6 نەگىزگى تاقىرىپتىق مازمۇن بويىنشا كورمە ورنالاستىرىلىپ، رەفورما جاساپ، ەسىك اشۋدىڭ شۇعىلالى بارىسى، ۇلى تابىستارى، قۇندى تاجىريبەلەرى ءار قىرىنان، تولىق بەينەسىمەن شوعىرلى كورسەتىلىپ، پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتىنىڭ رەفورما جاساپ، ەسىك اشۋ تۋىن بيىك ۇستاپ، رەفورمانى جاپپاي تەرەڭدەتۋ، سىرتقا ەسىكتى ايقارا اشۋ ستراتەگيالىق شەشىم، ورنالاستىرۋلارىن ىلگەرىلەتكەنى كورسەتىلىپ، پارتيا ورتالىق كوميتەتىنىڭ رەفورمانى تۇبەگەيلى جۇرگىزۋگە بەل بۋعان ساياسي الىمدىلىعى مەن باتىل بەكىمى ايگىلەندى.
كەلۋ قاينارى: حالىق تورابى
