جۇڭگونىڭ تىنق مۇحيت ارال ەلدەرىمەن قاتىناسىندا تاعى دا جەلكەن جايىپ تىڭ ساپار باستايىق
شينحۋا اگەنتتىگى، 11 – ايدىڭ 14 – كۇنى، بەيجيڭ. پاپۋا - جاڭا گۆينەيا تاۋەلسىز ەلىندە مەملەكەتتىك ساپارعا شىعۋ قارساڭىندا، مەملەكەت ءتوراعاسى شي جينپيڭ 11 - ايدىڭ 14 - كۇنى پاپۋا - جاڭا گۆينەيانىڭ «حابارشى پوچتا گازەتىندە»، «حالىق گازەتىندە» «جۇڭگونىڭ تىنق مۇحيت ارال ەلدەرىمەن قاتىناسىندا تاعى دا جەلكەن جايىپ تىڭ ساپار باستايىق» دەگەن تاقىرىپتا اۆتورلى ماقالا جاريالادى. ماقالا تومەندەگىدەي:
جۇڭگونىڭ تىنق مۇحيت ارال ەلدەرىمەن قاتىناسىندا تاعى دا جەلكەن جايىپ تىڭ ساپار باستايىق
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
مەن الدا اتى ايگىلى «ءجاننات مەكەن» پاپۋا - جاڭا گۆينەيا ەلىندە مەملەكەتتىك ساپاردا بولماقشىمىن ءارى پاپۋا - جاڭا گۆينەيادا وتكىزىلەتىن ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 26 - رەتكى بەيرەسمي ماجىلىسىنە قاتىناسپاقپىن. بۇل مەنىڭ پاپۋا - جاڭا گۆينەياداعى تۇڭعىش ساپارىم ءارى جۇڭگو مەملەكەت ءتوراعاسىنىڭ پاپۋا - جاڭا گۆينەياداعى تۇڭعىش مەملەكەتتىك ساپارى. مەن ساپاردى اسىعا كۇتەمىن.
پاپۋا - جاڭا گۆينەيا – تىنىق مۇحيتتاعى جەر اۋماعى ەڭ كەڭ، حالىق سانى ەڭ كوپ ارال مەملەكەت، جاراتىلىستىق بايلىعى مول، دامۋ كومەسكى كۇشى وراسان زور، ۇمىتكە تولى ىرىستى مەكەن. تاياۋ جىلداردان بەرى پرەمەر مينيستر ونەيلدىڭ باسشىلىعىندا پاپۋا - جاڭا گۆينەيا ۇكىمەتى مەن حالقى بەلسەنە العا ۇمتىلىپ، قاجىرلىلىقپەن قۇلشىنا ىستەدى، مەملەكەتتىڭ دامۋىندا ەرەن تابىسقا قول جەتكىزىلىپ، قوعامنىڭ بەينەسىندە شىت جاڭا وزگەرىس تۋىلدى. مەن پاپۋا - جاڭا گۆينەيانىڭ مەملەكەت قۇرىلىسى مەن ەكونوميكانى، قوعامدى دامىتۋ جولىندا تىڭ دا اناعۇرلىم زور تابىسقا قول جەتكىزۋىن تىلەيمىن، وسى رەت پاپۋا - جاڭا گۆينەيا باسقارىپ اشاتىن ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىنىڭ ءساتتى وتكىزىلۋىنە تىلەۋلەستىك بىلدىرەمىن.
كەلۋ قاينارى: حالىق تورابى
