سەنىمدى بەكەمدەپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەۋ، كەڭەيتۋ كەرەك
12 - ايدىڭ 15 - كۇنىنەن 16 - كۇنىنە دەيىن اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن شەريا اۋدانىندا كەدەيلىكتەن ارىلتۋدان قامال الۋدى باسى - قاسىندا قاداعالاۋ قىزمەتىن ورىستەتتى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ۇدايىلانعان ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا سەنىمدى بەكەمدەپ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەۋ، كەڭەيتۋ كەرەك.
شاۋكەت يمىن شيپاحاناعا، كاسىپورىنعا، جۇمىس ورنىنا جانە بۇقارانىڭ ۇيلەرىنە بارىپ، جەرگىلىكتى ورىننىڭ ۇدايىلانعان ىندەتتەن ساقتانۋ - تىزگىندەۋ مەن كەدەيلىكتەن ارىلتۋدان قامال الۋدى ءبىر تۇتاس جوسپارلاپ ىلگەرىلەتۋ، جۇمىس ورنىن ورنىقتىرۋ، جۇمىستاندىرۋ، كەدەيلىكتەن ارىلتۋدان قامال الۋ تابىستارىن بەكەمدەۋ، كەڭەيتۋ، سونداي - اق كاسىپ سالاسى ارقىلى كەدەيلەردى سۇيەمەلدەۋ سياقتى جاعدايلارىن ەگجەي - تەگجەيلى ۇعىستى.
نيە - لوپ جوعارى قارقىندى تاس جولى 300 + K2317 دايىنداۋ الاڭىنىڭ ارالاستىرۋ پۋنكتىندە شاۋكەت يمىن بىلاي دەپ باسا دارىپتەدى: ۇدايىلانعان ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، كەلەلى نىسان قۇرىلىستارىن بەلسەنە ىلگەرىلەتىپ، جوعارى قارقىندى تاس جولدىڭ ەرتەرەك سالىنىپ كولىك قاتىناپ، ءار ۇلت بۇقاراسىنا يگىلىك جەتكىزۋىن ىلگەرىلەتۋ كەرەك.
شەريا اۋدانى زەردەلى جاساۋ كەدەيلەردى سۇيەمەلدەۋ ەلەكترون كاسىپ سالاسى باقشاسىندا شاۋكەت يمىن كاسىپورىن جاۋاپتىلارىمەن جانە جۇمىسشى - قىزمەتكەرلەرمەن اڭگىمەلەسىپ، كاسىپورىننىڭ بۇقارانى سول جەردىڭ وزىندە، جاقىن ماڭدا جۇمىستاندىرۋعا جەتەكتەۋى سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: جاڭا دامۋ ارناسىمەن بەلسەنە توعىسىپ، ەلەكترون كاسىپ سالاسىن زورايتىپ، كۇشەيتىپ، كاسىپ سالاسىنىڭ تيبىنىڭ وزگەرىپ، دارەجەسىنىڭ ءوسۋىن ىلگەرىلەتىپ، اناعۇرلىم كوپ جۇمىستانۋ ورايىن جاراتىپ، بۇقارانىڭ كىرىستەرىنىڭ ۇزدىكسىز ورنىقتى تۇردە ارتۋىنا شىنايى كەپىلدىك ەتۋ كەرەك.
شەريا اۋدانىنداعى شىليۋحۋا الەۋمەتتىك اۋماعى قونىس جاڭالاپ كوشىرىلگەندەر تۇراتىن الەۋمەتتىك اۋماق، وسى الەۋمەتتىك اۋماقتا تۇراتىن ءماتتۇرسىن ءماتتۇردى وتباسىنىڭ بيىلعى جان باسىندىق تازا كىرىسى 14 مىڭ يۋانعا جەتىپتى. شاۋكەت يمىن ونى سەنىمدى بەكەمدەپ، وتباسىنداعىلارىن قاجىرلىلىقپەن بايۋعا، كىرىستى ۇزدىكسىز ارتتىرۋعا باستاپ، تۇرمىستارىن ءتىپتى دە تاماشا ەتۋگە جىگەرلەندىردى.
شاۋكەت يمىن بىلاي دەپ باسا دارىپتەدى: ساياسي دەڭگەيدى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كەدەيلىكتەن ارىلتۋدان قامال الۋدى اياقتاتۋدىڭ ءتۇرلى قىزمەتتەرىن تىڭعىلىقتى جاقسى ىستەپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەۋ، كەڭەيتۋ كەرەك. ”ءتورتتى توقتاتپاۋدى“ ورىنداپ، ”سەگىزدى وزگەرتپەۋگە“ شىنايى كەپىلدىك ەتىپ، كاسىپ سالاسىن گۇلدەندىرۋدى كۇش سالا ويداعىداي يگەرىپ، ەرەكشە كاسىپ سالالارىن كۇشەيتىپ، اۋىل شارۋاشىلىعى ونىمدەرىنىڭ قوسالقى قۇنىن جوعارىلاتۋ كەرەك. جۇمىستانۋ بەتالىسىن كورنەكتىلەندىرىپ، جۇمىس ورنىن ورنىقتىرۋ، جۇمىستاندىرۋ قىزمەتىن ۇزدىكسىز تۇردە ەگجەي - تەگجەيلى، مىقتى يگەرۋ كەرەك. قاداعالاۋ مەن ساقتاندىرۋدى بارىنشا كۇشەيتىپ، كومەكتەسۋ - سۇيەمەلدەۋ مەحانيزمىن كەمەلدەندىرىپ، يكەمدىلىكپەن كومەكتەسۋدى، سۇيەمەلدەۋدى تياناقتاندىرىپ، قايتا كەدەيلەسۋدەن، كەدەيلەسۋدەن ساقتانۋ كەرەك. كەدەيلەردى سۇيەمەلدەۋ مەن اقىل - پاراسات جاعىنان سۇيەمەلدەۋدى ۇشتاستىرۋعا تاباندى بولىپ، ىشكى دامۋ قوزعاۋشى كۇشى مەن دامۋ ومىرشەڭدىك كۇشىن باسا كۇشەيتۋ كەرەك. وقۋ - اعارتۋ ارقىلى كەدەيلەردى سۇيەمەلدەۋگە، سالاماتتىق ارقىلى كەدەيلەردى سۇيەمەلدەۋگە، تۇتىنۋ ارقىلى كەدەيلەردى سۇيەمەلدەۋگە اناعۇرلىم باسا ءمان بەرىپ، كەدەيلىكتەن ارىلعاننان كەيىن دامۋىنا، باياندى بولۋىنا شىنايى كەپىلدىك ەتۋ كەرەك. پارتيانىڭ باسشىلىعىن ونان ارى كۇشەيتىپ، باسشىلىق جاۋاپكەرشىلىكتى قاتاڭ تياناقتاندىرىپ، مىندەت وتەپ، جاۋاپكەرشىلىكتى ادا ەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تابىستارىن ۇزدىكسىز بەكەمدەۋ كەرەك.
