اۋىل - قىستاق ەلەكتر تورىن وزگەرتۋ بايۋ جولىن نۇرلاندىردى
11 - ايدىڭ 30 - كۇنى حوتان اۋدانى قاشتاش اۋىلى ومىشا قىستاعىندا قىستاق تۇرعىنى ايسا اپىز ۇيىندە تەلەۆيزور كورىپ وتىر، ايەلى جاننات وسمان اس ۇيىندە ەلەكترلى قازاندا تاماق ىستەۋدە، ەلەكترلى جىلىتقىش پار بولعاندىقتان، ءۇي ءىشى جىپ - جىلى ەدى. بيىل ومىشا قىستاعى فوتوۆولت توك كوزىنە قوش ايتىپ، تۇراقتى ۇلكەن تور ەلەكترىنەن پايدالاندى، وسى قىستا قىستاقتىڭ تۇرعىندارى وڭتۇستىك شينجياڭداعى 200 مىڭنان استام وتباسىنداعى ەگىنشى - مالشىمەن بىردەي ەلەكترلى جىلىتۋدان يگىلىكتەندى.
ەگىنشى - مالشىلار اۆتونوميالى رايون اتقارعان ءبىرقاتار ەلەكتر قۋاتى ءتۇيىندى نىساندارىنىڭ ارقاسىندا ەلەكترلەنگەن تۇرمىسقا كەنەلدى. بۇل نىساندار اۋىل - قىستاق ەلەكتر تورىن وزگەرتىپ دارەجەسىن جوعارىلاتۋ، كومىردى ەلەكترگە وزگەرتۋ، اۋىر كەدەي وڭىرلەردىڭ ەلەكتر تورى قۇرىلىسى سياقتىلارعا سايادى، بۇل قىستاق تۇرعىندارىنىڭ تۇرمىسىنا قولايلىلىق جاراتۋمەن بىرگە، ولاردىڭ كەدەيلىكتەن ارىلىپ، بايۋ جولىن نۇرلاندىردى.
ەلەكتر تورى تۇتاس شينجياڭنىڭ اۋىل - قالاشىقتارىنا تۇتاستىرىلدى
11 - ايدىڭ ورتا شەنىنىڭ ءبىر كەشى، تاشقورعان تاجىك اۆتونوميالى اۋدانى داتۇڭ اۋىلىنىڭ ديقانى تاجيدەن يىلمىن وتباسىنداعىلار قوناق بولمەسىنە جينالىپ، تەلەۆيزور كوردى. تۇتاس شينجياڭداعى ەڭ سوڭعى ءبىر دارا ەلەكتر تورىنان پايدالاناتىن اۋىل − داتۇڭ اۋىلىنا 6 - ايدىڭ سوڭىندا ۇلكەن تور ەلەكترى جالعانعان سوڭ، قىستاق تۇرعىندارىنىڭ تۇرمىسىندا تۇبەگەيلى وزگەرىستەر تۋىلدى.
”بۇرىن ەلەكتر شامنىڭ ۇلكەن قۋاتتاعىسىن ساتىپ الۋعا باتىنا الماۋشى ەدىك، تەلەۆيزور كورگىمىز كەلگەندە ەلەكتر كوزىنە قوسا بەرگەندە ەلەكتر ءۇزىلىپ قالاتىن. ۇلكەن تور ەلەكترى جالعانعاننان كەيىن، ساتىپ العان تىگىن ماشيناسى، توڭازىتقىش سياقتى ەلەكتر جابدىقتارىن پايدالانا باستادىم“، - دەدى تاجيدەن.
داتۇڭ اۋىلى اۋدان قالاشىعىنان 180 نەشە كيلومەتر الىستا، تەڭىز دەڭگەيىنەن ورتاشا بيىكتىگى 3800 مەتردەن جوعارى. وتكەن عاسىردىڭ 80 - جىلدارىنان باستاپ، داتۇڭ اۋىلىنىڭ ەلەكتردەن پايدالانۋ قيىن بولۋ ماسەلەسىن شەشۋ ءۇشىن، وسى اۋىل ىلگەرىندى - كەيىندى 2 شاعىن سۋ ەلەكتر ستانسياسىن سالىپ، فوتوۆولتتان پايدالانۋمەن ۇشتاستىرىپ ەلەكتر تاراتقان ەدى. سۋ كۇشىمەن ەلەكتر تاراتۋ ورنىقتى ەمەس، ءبىر جىلدىڭ جارتىسىندا عانا قالىپتى ەلەكتر تاراتا الاتىن؛ فوتوۆولتتان پايدالانىپ ەلەكتر تاراتۋ سيىمدىلىقتىڭ شەكتەمەسىنە ۇشىرايدى، تەك نەگىزگى جارىقتاندىرۋدى عانا شەشۋگە بولاتىن، ەلەكتر قۋاتىنىڭ تاپشى بولۋى جەرگىلىكتى ورىننىڭ ەكونوميكاسىنىڭ، قوعامىنىڭ دامۋىن تەجەيتىن نەگىزگى فاكتوردىڭ بىرىنە اينالعان.
داتۇڭ اۋىلى سياقتى شالعاي جەرلەرگە ورنالاسقاندىقتان، ەلەكتردەن پايدالانۋ ساپاسى جوعارى ەمەس اۋىلدار 2019 - جىلى اۆتونوميالى رايون جاعىنان فوتوۆولتتان پايدالانىپ وتىرعان 11 اكىمشىلىك قىستاققا ۇلكەن ەلەكتر تورىن جەتكىزۋ ينجەنەرياسىنا كىرگىزىلەدى. 2019 - جىلدان 2020 - جىلعا دەيىن، اۆتونوميالى رايون مەن مەملەكەتتىك ەلەكتر تورى شەكتى سەرىكتەستىگى شامامەن 592 ميلليون يۋان ارناۋلى نىسان قارجىسىن قوسىپ، ۇلكەن تور ەلەكترىن كەڭەيتۋ ءادىسى ارقىلى شالعاي تاۋلى قىستاقتاردىڭ ەلەكتر كەمشىل بولۋ ماسەلەسىن شەشتى، 1535 ەگىنشى - مالشى وتباسى يگىلىككە كەنەلدى، وتباسى سايىن 386 مىڭ يۋان قارجى قوسىلدى. 2020 - جىلى 6 - ايدىڭ 26 - كۇنى شينجياڭنىڭ 259 شەكارا بويىنداعى قىستاقتارىنىڭ اۋىل - قىستاق ەلەكتر تورىن وزگەرتۋ، دارەجەسىن جوعارىلاتۋ ينجەنەرياسى جالپى بەتتىك ىسكە قوسىلىپ، 22 مىڭ وتباسىنداعى 87 مىڭ 400 ەگىنشى - مالشىعا تيىمدىلىك جەتكىزدى.
2020 - جىلى قۋانىشتى حابارلار بىرىنەن سوڭ ءبىرى تارالدى. بيىل مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ”كەدەيلىكتەن ارىلتۋدان قامال الۋ. اۋىل - قىستاقتى نۇرلاندىرۋ“ ەلەكترمەن قامداۋ ساپاسىن جوعارىلاتۋ ارناۋلى ارەكەتىن ورىستەتىپ، قۇرىلىس مىندەتىن الدىن الا ورىنداپ، جالپى 668 ميلليون يۋان قارجى قوسىپ، مەملەكەت دارەجەلى 10 كەدەي اۋداندا ءومىر ءسۇرىپ وتىرعان ءبىر ءبولىم ەلەكتر تورابىنىڭ بولىنىسكە سالىنۋى ”قىسپاقتا قالۋ“ جانە تومەن كەرنەۋلى بولۋ ماسەلەسىن ءتۇيىندى تۇردە شەشىپ، 42 مىڭ 100 وتباسىنداعى 165 مىڭ 800 ادامعا تيىمدىلىك اكەلدى.
”كومىردى ەلەكترگە وزگەرتۋ“ ەگىنشى - مالشىلارعا باقىت اكەلدى
11 - ايدىڭ 6 - كۇنى گۇما اۋدانى زاڭگۇي اۋىلى لاڭگار قىستاعىندا 56 جاستاعى قىستاق تۇرعىنى ابىليمىت مامەت پەن ايەلى ەلەكترلى جىلىتقىش ورناتىلعان ۇيىندە وتىرىپ اڭگىمە - دۇكەن قۇردى.
ابىليمىت اسەرلەنە بىلاي دەدى: ”قازىر ءتۇن ورتاسىندا مەشكە كومىر سالىپ اۋرە بولمايتىن بولدىق، ءۇيىمىز تازا دا جىلى، ەلەكترلى جىلىتۋ، راسىندا، جاقسى ەكەن“.
لاڭگار قىستاعى گۇما اۋدانى زاڭگۇي اۋىلىنىڭ باتىس وڭتۇستىگىندە 338 وتباسى بار. 2019 - جىلى زاڭگۇي اۋىلىندا كومىردى ەلەكترگە وزگەرتۋ ينجەنەرياسى قۇرىلىس باستاپ، بيىل قۇرىلىس اياقتاپ پايدالانۋعا بەرىلىپ، تۇتاس اۋىلداعى 3772 وتباسىنا تيىمدىلىك جەتكىزدى.
ابىليمىت سياقتى بيىل قىستا تۇتاس شينجياڭدا 200 مىڭنان استام ەگىنشى - مالشى وتباسى ەلەكترلى جىلىتۋدىڭ پايداسىن كوردى.
2019 - جىلى اۆتونوميالى رايون «وڭتۇستىك شينجياڭداعى 4 ايماق - وبلىستا كومىردى ەلەكترگە وزگەرتۋ ينجەنەرياسىن (ءبىرىنشى مەرزىمى) اتقارۋ جوباسىن (2019 − 2021 - جىل)» باسىپ تاراتتى، 3 جىل ۋاقىتتان پايدالانىپ قاشقاردا، حوتاندا، قىزىلسۋ قىرعىز اۆتونوميالى وبلىسىندا 892 مىڭ وتباسىندا كومىردى ەلەكترگە وزگەرتۋ قۇرىلىسىن ورىنداپ، ءاربىر وتباسى بويىنشا 50 شارشى مەترلىك جىلۋمەن قامداۋ كولەمىنە جىلۋمەن قامداۋ جابدىعىن ورناتادى. 2019 - جىلى اۆتونوميالى رايون 316 مىڭ وتباسىن ەلەكترلى جىلۋمەن قامداۋعا وزگەرتۋ مىندەتىن ورىندادى، 2020 - جىلى 289 مىڭ وتباسىن ەلەكترلى جىلۋمەن قامداۋعا وزگەرتۋ مىندەتىن ورىندايدى.
مەملەكەت ەلەكتر تورى حوتان ەلەكترمەن قامداۋ سەرىكتەستىگى نىسان باسقارۋ ورتالىعىنىڭ جاۋاپتىسى ليۋ دىۋي بىلاي دەدى: بيىل حوتان ايماعى جالپى 956 ميلليون يۋان قارجى قوسىپ، كومىردى ەلەكترگە وزگەرتۋ سايكەستى ەلەكتر تورى 10 كيلوۆولت جانە ودان تومەنگى ينجەنەريا قۇرىلىسىنا پايدالاندى، نىسان 8 اۋدانداعى (قالا) 76 اۋىل - قالاشىق، 322 قىستاقتى قامتىپ، 99 مىڭ 191 وتباسى كومىردى ەلەكترگە وزگەرتتى. بۇرىن وڭتۇستىك شينجياڭداعى ەگىنشى - مالشىلاردىڭ كوبى كومىر جاعىپ جىلىناتىن، وزىندىك قۇنى جوعارى بولىپ قانا قالماستان، كومەسكى حاۋىپ تە ساقتالعان. قازىر وڭتۇستىك شينجياڭ ەلەكترلى جىلىنۋدى جالپىلاستىرعان سوڭ، جىلۋمەن قامداۋدىڭ وزىندىك قۇنىن تومەندەتىپ قانا قالماستان، قورشاعان ورتانى دا جاقسارتتى.
ساندى مالىمەتكە قاراعاندا، وڭتۇستىك شينجياڭدا كومىردى ەلەكترگە وزگەرتۋ ءبىرىنشى مەرزىمدىك ينجەنەرياسى اتقارىلعان سوڭ، بيىلعى جىلدىڭ سوڭىنا دەيىن مەجەمەن ولشەمدى كومىردەن 950 مىڭ توننا ۇنەمدەلىپ، كومىرتەگى قوس توتىعىنان 2 ميلليون 460 مىڭ توننا، توزاڭنان 9500 توننا، كۇكىرت قوس توتىعىنان 22 مىڭ 800 توننا از ىعىستىرىلىپ، تازا ەنەرگيانىڭ ىستەتىلۋىمەن اسپان ونان ارى اشىق بولعان.
ەلەكتر جولى ”كەڭەيىپ“، كاسىپورىندار ”شاتتاندى“
11 - ايدىڭ 25 - كۇنى مەملەكەت ەلەكتر تورى اقسۋ ەلەكترمەن قامداۋ سەرىكتەستىگىنىڭ قىزمەتكەرلەرى شينجياڭ لياڭزاي جەمىس شارۋاشىلىعى شەكتى سەرىكتەستىگىنىڭ ەلەكتر ساعاتىن جاڭا ەلەكترمەن قامداۋ لەنياسىنا كوشىرۋمەن قاربالاس بولۋدا. قاربالاس جۇمىس ىستەپ جاتقان ەلەكتر جۇمىسشىلارىنا قاراپ، شينجياڭ لياڭزاي جەمىس شارۋاشىلىعى شەكتى سەرىكتەستىگىنىڭ جاۋاپتىسى ليۋ ليدىڭ قۋانىشتان جۇزىنە كۇلكى ءۇيىرىلدى.
لياڭزاي جەمىس شارۋاشىلىعى سەرىكتەستىگىندە 3000 مۋ الما باعى جانە سيىمدىلىعى 2000 توننالىق توڭازىتقىش قويما بار، توڭازىتقىش قويمانىڭ سيىمدىلىعى جوعارى، ەلەكتر پايدالانۋ مولشەرى دە كوپ. ەلەكتر تورىنىڭ دارەجەسىن جوعارىلاتىپ وزگەرتۋدەن بۇرىن، المانى سۋىق ساقتاۋ، ماقتا مانەرلەۋ سياقتى مەزگىلدىك ەلەكتردەن كوپ پايدالاناتىن مەزگىلدە، قويما تولىق سيىمدىلىقتا اينالىمعا تۇسە المايدى.
بيىل 11 - ايدىڭ سوڭىندا حۇڭچيپو ەگىس الاڭى ەلەكتر تورىن سەپتەۋ قۇرىلىس ينجەنەرياسى سالىنىپ ىسكە قوسىلعان سوڭ، ليۋ لي توڭازىتقىش قويمانىڭ ەلەكتردەن پايدالانۋىنان الاڭدامايتىن بولدى. ”مەنىڭ الما باعىمنىڭ مۋ باسىندىق ءونىمى 3 تونناعا جەتەدى، بيىلعى ءار كيلوگرامى 5.5 يۋاننان 7.5 يۋاندىق باعامەن ەسەپتەگەندە، كىرىسىم مەجەمەن 50 ميلليون يۋانعا جەتۋى مۇمكىن. جەتكىلىكتى ەلەكتر قۋاتىنىڭ قامتاماسىز ەتۋىندە، توڭازىتقىش قويما ءتىپتى دە زور رول اتقارادى“، - دەدى ليۋ لي.
اقسۋ حۇڭچيپو ەگىس الاڭى بيڭتاڭشين الماسىنىڭ نەگىزگى ءوندىرۋ ءوڭىرى، جۋىق جىلداردان بەرى ەرەكشە جەمىس ورمان كاسىبىنىڭ ۇزدىكسىز دامۋىنا ىلەسە، حۇڭچيپو ەگىس الاڭىندا توڭازىتقىش قويما، قاعاز جاشىك، تاقتا زاۆودى سياقتى قاتىستى قاراستى كاسىپورىندار جىل سايىن مولايىپ، حۇڭچيپو ەگىس الاڭىنداعى بۇرىنعى قىستاق ەلەكتر تورىنىڭ ەلەكترمەن قامداۋ قۋاتى جەرگىلىكتى ەرەكشە جەمىس ورمانىنىڭ ەلەكتردەن پايدالانۋ قاجەتىن قامداي الماي قالاتىن.
وسى جونىندە مەملەكەت ەلەكتر تورى اقسۋ ەلەكترمەن قامداۋ سەرىكتەستىگى بيىل 35 ميلليون يۋان قارجى قوسىپ، حۇڭچيپو ەگىس الاڭى ەلەكتر تورىن سەپتەۋ قۇرىلىس ينجەنەرياسىن اتقارىپ، سيىمدىلىعى ءتىپتى دە جوعارى ترانسفورماتوردان 35ىن ورناتتى، جاڭالادى، سيىمدىلىعى 7000 كيلوۆولت - امپەرگە جەتتى، 10 كيلوۆولتتىق جەلىلەردى جاڭادان وزگەرتىپ سالدى. نىسان حۇڭچيپو ەگىس الاڭىنا، ماڭايداعى 5 جەمىس ونىمدەرى كاسىپورنىنا، 5000نان ارتىق جەمىسشى وتباسىنا جانە تۇرعىندارعا تيىمدىلىك جەتكىزدى.
بۇل نىسان رايونىمىزدىڭ 2020 - جىلعى اۋىل - قىستاق ەلەكتر تورىنىڭ دارەجەسىن جوعارىلاتىپ وزگەرتۋ ينجەنەرياسىنىڭ بىرەۋى. بيىل مەملەكەتتىك دامۋ جانە رەفورما كوميتەتى، مەملەكەتتىك ەنەرگيا مەكەمەسى رايونىمىزدىڭ 2020 - جىلعى اۋىل - قىستاق ەلەكتر تورىنىڭ دارەجەسىن جوعارىلاتىپ وزگەرتۋ ينجەنەرياسىنا 7 ميلليارد 563 ميلليون يۋان قارجى قوسۋدى جوسپارلاپ، 2019 - جىلمەن سالىستىرعاندا ％36.8 ارتتى، مۇنىڭ ىشىندە ورتالىقتىڭ مەجە ەسەبىنەن 3 ميلليارد 200 ميلليون يۋان قارجى قوسىپ، 2019 - جىلمەن سالىستىرعاندا ％23 ارتىپ، تاريحتان بەرگى ورنالاستىرعان قارجى قوسۋ كولەمى ەڭ كوپ جىل بولىپ، قارجىلاي قولداۋ تەبىنى تاريحتاعى ەڭ جوعارعى دەڭگەيگە جەتتى.
