يۇننان ولكەسى، شينجياڭ ۇيعۇر اۆتونوميالى رايونى، گۋاڭشي جۋاڭزۋ اۆتونوميالى رايونى قاتارلى ولكەلىك ۇكىمەتتەردىڭ جاريالاۋىنشا، نۋزۋ ۇلتى، قىرعىز ۇلتى، مۋلاۋ ۇلتى جۋىردا ىركەس – تىركەس تۇتاس ۇلت بويىنشا كەدەيلىكتەن ارىلعان. وسىمەن، جۇڭگوداعى جان سانى ءبىرشاما از ۇلتتار تۇگەلدەي تۇتاس ۇلت بويىنشا كەدەيلىكتەن ارىلۋدى ورىنداپ، مۇلدە كەدەيلىككە تاريحي سيپاتتى قوش ايتىسقان.
جاپپاي دوڭگەلەك داۋلەتتى قوعام قۇرۋدا، ءبىر ۇلتتى قاعىس قالدىرۋعا بولمايدى. بيىل 5 – ايدا، ەلىمىزدەگى جان سانى ءبىرشاما از ۇلتتاردىڭ ءبىرى بولعان ماۋنان ۇلتى تۇتاس ۇلت بويىنشا كەدەيلىكتەن ارىلۋدى ورىنداعان، باس شۋجي شي جينپيڭ ماڭىزدى نۇسقاۋ بەرگەندە مىنانى بىلدىرگەن: جۋىرداعى جىلداردان بەرى، بىرنەشە از ۇلت ىلگەرىندى – كەيىندى تۇتاس ۇلت بويىنشا كەدەيلىكتەن ارىلدى، بۇل كەدەيلىكتەن ارىلتۋدان قامال الۋ قىزمەتىندە قول جەتكىزگەن كەلەلى جەتىستىك.
پارتيا 18 – قۇرىلتايىنان بەرى، پارتيا ورتالىق كوميتەتى كەدەيلەردى دالمە – ءدال سۇيەمەلدەپ، كەدەيلىكتەن ارىلتۋدىڭ باعدارى مەن ءتاسىلىن ءدال تاۋىپ اتقارىپ، كەدەيلىكتەن ارىلتۋدان قامال الۋ شايقاسىن جالپى بەتتىك ورىستەتتى، شىعىس بولىك پەن باتىس بولىك كەدەيلەردى سۇيەمەلدەۋدە سايكەسە قىزمەت ىستەدى، ورتالىققا قاراستى ورىندار ءتۇيىندى تۇردە كەدەيلەردى سۇيەمەلدەدى، ارميا كەدەيلەردى سۇيەمەلدەدى ... قوعامنىڭ ءار سالاسىنداعى كۇشتى اتتانىسقا كەلتىرىپ، دالمە – ءدال شارا اتقارىپ، قاجەتتى تۇيىندە ءدال كومەكتەسىپ، كەدەيلەردى تۇبىرىنەن سۇيەمەلدەدى.
كەدەيلىكتەن ارىلتۋدان قامال الۋ شايقاسى باستالعاننان بەرى، جان سانى ءبىرشاما از ۇلتتار قونىستانعان وڭىرلەر تابيعي بايلىق قاينارى مەن مادەنيەت بايلىق قاينارى ابزالدىلىعىن تياناق ەتىپ، كوپەراتيۆ ۇيىمدارىن جەتىلدىرىپ، اۋقاتتانۋ جاعىنداعى باستاۋشىلاردى تاربيەلەدى، ەگىمشىلىك – باعىمشىلىق كاسىبى، ورمان – جايىلىم كاسىبى، اۋىل شارۋاشىلىعى ونىمدەرىن وڭدەۋ كاسىبى، ەرەكشەلىككە يە قولونەر كاسىبى، اۋىل – قىستاقتاعى ساياحات كاسىبى قاتارلىلاردى كۇش سالا دامىتۋ ارقىلى ءبىر توپ جۇرتشىلىقتى كىرىسىن ارتتىرىپ، اۋقاتتانۋعا جەتەلەدى.
جان سانى ءبىرشاما از ۇلتتار قونىستانعان وڭىرلەردەگى اۋىل – قىستاقتارداعى جول، ەگىس اتىزدارىنداعى سۋ يگىلىگى، نەگىزگى الەۋمەتتىك قىزمەت وتەۋ قۇرىلعىلارى، وتىرىقتانۋ ورتاسى قاتارلى جاقتارداعى قۇرىلىستاردا كەلەلى ىلگەرىلەۋشىلىكتەرگە قول جەتكىزىلدى؛ وقۋ جاسىنداعى بالالاردىڭ وقۋعا ءتۇسۋ مولشەرى، توعىز جىلدىق مىندەتتى وقۋ – اعارتۋدى بەكەمدەۋ مولشەرى، ورتا مەكتەپ كەزەڭىندەگى وقۋعا قابىلداۋ جالپى مولشەرى قاتارلى كورسەتكىشتەر كورنەكتى جوعارىلاتىلدى؛ قىستاقتاردا قىستاق دارەجەلى دەنساۋلىق ساقتاۋ ورىندارى تۇگەل قۇرىلدى؛ جاڭا تيپتى كاسىپتىك ديقانداردى تاربيەلەۋ، جۇمىسكەرلەردىڭ شەبەرلىگىن جەتىلدىرۋ ارقىلى ءبىر توپ جۇرتشىلىقتىڭ كاسىپتەنۋ جولى بارعان سايىن كەڭەيتىلدى.
http://kazakh.people.com.cn/155425/15830828.html
