مىڭ جىلدىق كەدەيلىككە قوش ايتىپ، دوڭگەلەك داۋلەتتىلىك ارمانىن بىرگە جۇزەگە اسىردى
− شينجياڭنىڭ 10 مىڭ شاقىرىمدىق شەكاراسىنداعى كەدەيلىكتەن ارىلتۋدان ەستەلىك
2020 - جىلى 11 - ايدىڭ 14 - كۇنى شينجياڭ ۇيعۇر اۆتونوميالى رايوندىق حالىق ۇكىمەتى حابارلاندىرۋ جاريالاپ، ياركەن اۋدانى، قاعىلىق اۋدانى قاتارلى كەدەيلىكتەن ارىلماعان ەڭ سوڭعى 10 اۋداننىڭ ”كەدەيلىك قالپاعىن الىپ تاستاۋىن“ بەكىتتى. سونىمەن شينجياڭداعى 32 كەدەي اۋدان تۇگەلدەي كەدەي اۋداندار قاتارىنان شىعىپ، مۇلدەم كەدەيلىكتى تاريحي جويدى.
مەملەكەت تەرريتورياسىنىڭ التىدان ءبىرىن ۇستايتىن شينجياڭ ەلىمىزدىڭ توڭىرەكتەگى مەملەكەتتەرمەن شەكارالاساتىن اۋدانى ەڭ ۇلكەن ولكە - اۆتونوميا رايون، شەكارا سىزىعىنىڭ ۇزىندىعى 5700 كيلومەتردەن استامعا جەتەدى.
ەجەلدەن بەرى شەكارا اقىندارىنىڭ قالامىنداعى باتىس وڭىردەگى شەكارانىڭ ۇلان - قايىر كەرەمەتى، كەدەيلىك تاقسىرەتى وقىعان ادامدى تەبىرەنتپەي قالمايتىن.
2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭ شەكارا ءوڭىردى ماڭىزدىنىڭ ماڭىزدىسى ەتۋگە تاباندى بولىپ، كاسىپ سالاسى ارقىلى كەدەيلەردى سۇيەمەلدەپ، باسقا جەرگە كوشىرىپ قونىستاندىرىپ، باسقا كاسىپكە ويىستىرىپ جۇمىستاندىرىپ، ءوز كۇشىنە سۇيەنىپ شارۋاشىلىق قۇرۋعا مۇمكىندىك جاساپ، كەدەيلىكتەن ارىلتۋدان قامال الۋداعى شەشۋشى سيپاتتى تابىسقا قول جەتكىزدى.
شەكارانى قورعاۋ:
تۇرمىستا وراسان زور وزگەرىس تۋىلعانىمەن، ىنتا - ىقىلاس وزگەرمەدى
قىس باسى، پامير ءۇستىرتىنىڭ قويناۋىنا العاشقى قار جاۋدى. توڭىرەگىن تاۋ قورشاعان تاشقورعان تاجىك اۆتونوميالى اۋدانى مارياڭ اۋىلى ءپىل قىستاعى كوميتەتىنىڭ اۋلاسىندا ءبىر اپتادا ءبىر رەت كەلەتىن مەملەكەت تۋىن شىعارۋ سالتى وتكىزىلۋدە. مەملەكەت ءانى اۋەلەپ، بۇكىل قىستاقتاعى ۇلكەن - كىشى مەملەكەت تۋىنا ىززەتپەن قارادى. باياۋ كوتەرىلگەن بەس جۇلدىزدى قىزىل تۋ كۇن نۇرىن ءسۇيىپ، ءۇستىرتتىڭ كوك اسپانىنىڭ ارلەۋىمەن ەرەكشە كوز تارتادى.
مەملەكەت تۋىن شىعارۋ سالتىنا قاتىناسقاننان كەيىن، حوجا سادىق شەكارا قورعاۋشىلارعا ارنايى ازىرلەنگەن موتوتسيكلىنە ءمىنىپ، قىستاقتى كەسىپ وتەتىن اسفالت جولدى بويلاپ، تاۋ اسىپ كوزدەن عايىپ بولدى. جولدىڭ ءبىر جاعى جالاما جارتاستى تاۋ، ءبىر جاعى ارقىراي اققان ياركەن وزەنى.
”جول تۇتاستى، بالالار وقۋعا بارعاندا تۇيە مىنبەيتىن، ارقان جولدان ىسپالاپ وتپەيتىن بولدى، ساباق باستالعاندا الەۋمەتتىك اۆتوبۋز بالالاردى الۋعا كەلەدى، بالالار جاپا شەكپەسە، ءبىز دە الاڭسىز بولامىز“، - دەدى حوجا.
2019 - جىلى جالپى ۇزىندىعى 207 مەتر كەلەتىن ءپىل قىستاعى كوپىرى سالىنىپ، قىستاق تۇرعىندارىنىڭ تاۋدان شىعار جولى اناعۇرلىم قولايلىلاستى. قازىر تۇتاس قىستاقتا مىندەتتى وقۋ - اعارتۋ كەزەڭى بويىنشا 140 وقۋشى بار، وقۋعا ءتۇسۋ مولشەرى ％100كە جەتتى. بۇرىنعى جولدىڭ قيىندىعى نەمەسە ءۇيىنىڭ قيىنشىلىعى سەبەبىنەن وقۋعا تۇسە المايتىن، وقۋدان قول ۇزەتىن جاعداي كەلمەسكە كەتتى.
كەزىندە كەدەيلىكپەن اتاعى شىققان بۇل شەكاراداعى تاۋلى قىستاق قازىر كەدەيلىكتى ارتقا تاستادى. حوجانىڭ ءۇيى قىستاق كوميتەتىنەن 12 كيلومەتر شالعايدا، بۇكىل قىستاقتاعى ەڭ شەت، شالعاي وتىرعان ءۇي. ”2016 - جىلى كەدەيلىكتەن ارىلدىم!“، - دەدى حوجا ماقتانىشپەن، - ”ايىنا 2600 يۋان تۇراقتى كىرىسىم بار، تاعى استىق جانە جايلىم قوسىمشا قاراجاتى بەرىلەدى، مەنىڭ مىندەتىم شەكارانى جاقسى قورعاۋ“.
مەملەكەت تەرريتورياسىن كۇزەتىپ، شەكارانى قورعاۋ پامير ۇستىرتىندەگى ءار ۇلت تۇرعىندارىنىڭ ۇرپاقتار بويى جالعاستىرعان بورىشى. ”بۇل ارادا ولار تاۋدى عانا ەمەس، ءتىپتى دە ماڭىزدىسى، وتباسى مەن وتاندى قورعايدى“. تاشقورعان تاجىك اۆتونوميالى اۋداندىق پارتكومنىڭ شۋجيى ۋاڭ فۋيوۋ بىلاي دەدى: كەيبىر اتپال ازاماتتار تاۋ قويناۋىندا شەكارا قورعاۋعا ىرىقتى سۇرانسا، ءتىپتى دە كوپ ادامدار تاۋدان كوشىپ ءتۇسىپ، قالاعا بارىپ جۇمىس ىستەپ، كاسىپ سالاسىن دامىتىپ، كەدەيلىكتەن تۇبەگەيلى ارىلۋدى تاڭدادى.
2 جىلدىڭ الدىندا اعايىندى ساتۋالدى سىمايىل مەن سۇلايمان سىمايىل ەكەۋى ۇستىرتتەگى كەدەي مالشى بولاتىن. كەدەيلىكتەن ارىلتۋ ساياساتىنىڭ كومەگىندە، ەكى وتباسى ىلگەرىندى - كەيىندى تاۋدان كوشىپ ءتۇستى.
”ءىنىم 2017 - جىلى كوشىپ ءتۇسىپ، ورنالاستىرۋعا ارنالعان شاعىن اۋماققا كوشىپ كىردى، سونداي - اق كەدەيلەردى سۇيەمەلدەۋ جىلىجايىنا دا يە بولدى“، - دەدى اعاسى ساتۋالدى، - ”قايران قالعانىم، ءىنىم قاۋىن جانە كوكونىس ءوسىرۋدى ۇيرەنىپ، سول جىلى 20 مىڭ يۋاننان استام كىرىس كىرگىزىپ، ەكىنشى جىلى كەدەيلىكتەن ءساتتى ارىلدى“.
2019 - جىلى كوكتەمدە اعاسى دا كوشۋگە بەكىدى. ”وسىزاماندانعان تاماشا تۇرمىستى كىم كوكسەمەسىن“. ساتۋالدى بىلاي دەدى: ءۇستىرتتىڭ ورتاسى ناشار، ەمدەۋ - دەنساۋلىق ساقتاۋ شارت - جاعدايى ناشار، بىرنەشە جىلدىڭ الدىندا اكەم توسىننان جۇرەك اۋرۋى ۇستاپ، دەر كەزىندە قۇتقارۋ بولماعاندىقتان قايتىس بولىپ كەتتى، قازىر بولسا قۇتقارىپ قالۋعا ابدەن بولاتىن ەدى“.
شينجياڭ اقتاۋ اۋدانىنىڭ قالا ماڭىنداعى كۇنلۇن جيايۋان جانە سىلۋ جيايۋان سىندى 2 كوشىرىپ قونىستاندىرۋ بويىنشا ورنالاستىرۋ شاعىن اۋماعىنا پامير ۇستىرتىندەگى تاۋلى وڭىردەن كوشىرىلگەن 10 مىڭنان استام كەدەي ورنالاستىرىلعان. ورنالاستىرۋ ۇيلەرىنە سۋ، ەلەكتر، جىلۋ جۇيەسى جالعانعان، شاعىن اۋماقتا شيپاحانا، بالاباقشا، قيمىل ورتالىعى سياقتىلار دا بار.
كەدەيلىكتەن ارىلتۋدان قامال الۋ شايقاسىنىڭ دابىلى قاعىلعاننان بەرى، شينجياڭنىڭ جەر - جەرىندەگى اۋىل - قىستاقتاردا، قالا - قالاشىقتاردا بەيقۇت ءۇي ينجەنەرياسى بويىنشا نەشە ميلليون ءۇي سالىنىپ، 10 ميلليوننان استام بۇقارا جاڭا تۇراققا قۋانىشپەن كوشىپ كىردى؛ ەگىن، مال شارۋاشىلىق وڭىرلەرىندەگى ەمدەۋ قۇرىلعى شارت - جاعدايى كورنەكتى جاقسارىپ، اۋىل - قالاشىق ەمحانالارى مەن قىستاق ەمحانالارىنىڭ ولشەمدەنۋ مولشەرى ％100كە جەتتى.
تيانشاننىڭ سولتۇستىگىندەگى التاي تاۋى سىلەمىنىڭ شىعىس وڭتۇستىگىندەگى شىڭگىل اۋدانى جۇڭگو - موڭعۇليا شەكاراسىمەن جالعاسىپ جاتىر، تاۋلى، سۋىق، قىسى ۇزاق جەر. جەردىڭ قۇنارسىزدىعى سەبەبىنەن مالشىلارى ”سۋدىڭ تۇنىعىن، ءشوپتىڭ سونىسىن قۋالاپ كوشىپ - قوناتىن“ شىڭگىل اۋدانى مەملەكەتتىك كەدەيلەردى سۇيەمەلدەۋ، وركەندەتۋ قىزمەتىندەگى ءتۇيىندى اۋدان قاتارىنا كىرگىزىلدى.
قازىر جاڭا قالاشىق شىڭگىل اۋدانىنىڭ شىعىس وڭتۇستىگىنەن بوي كوتەردى، عيماراتتارى جاڭا، نەگىزدىك قۇرىلعىلارى تولىق تا قولايلى. بۇل ارا سولتۇستىك شينجياڭداعى ەڭ ءىرى باسقا جەرگە كوشىرىپ قونىستاندىرۋ ءتۇيىنى، 4000نان استام ەگىنشى - مالشى قونىستانعان.
كاسىپتى گۇلدەندىرۋ:
قالتا قامپايدى، وي - سانا ءوستى
جۇڭگو مەن قازاقستان شەكاراسىنداعى اقسۋ ايماعى ءۇشتۇرپان اۋدانىنىڭ دالاسىندا رەتتى ەگىلگەن شىرعاناق ورمانى بار. قىزعىلت سارى رەڭدى قىشقىلتىم جەمىس وسەتىن شىرعاناق قازىر جەرگىلىكتى شارۋالاردىڭ كەدەيلىكتەن ارىلىپ بايۋىنىڭ ”التىن دانىنە“ اينالدى.
شارۋا امەر داۋىت وتكەن 45 جىلدا شىرعاناق سياقتى وسى جەردە جاپالى تۇرمىس كەشىرىپ كەلگەن بولاتىن. ”شىرعاناق ءبىزدىڭ كەدەيلىكتەن ارىلىپ، كىرىسىمىزدى ارتتىرۋىمىزعا مۇمكىندىك جاسايدى دەپ ويلاپ كورمەپپىن“، - دەدى ول.
كەدەيلىكتەن ارىلتۋدان قامال الۋ شايقاسىنىڭ دابىلى قاعىلعاننان بەرى، ءۇشتۇرپان اۋدانى جەر جاعدايىنا قاراي ىستەپ، جەرگىلىكتى ورىننىڭ ەرەكشەلىگىمەن بىرلەستىرىپ، شىرعاناق كاسىپ سالاسىن دامىتۋدى ەگىنشى - مالشىلاردى كىرىسىن ارتتىرىپ، بايۋعا جەتەكتەۋدىڭ قامال الۋ ءتۇيىنى ەتتى. ءبىر جىلدىق دامۋ ارقىلى شىرعاناق مايسا بازاسى باستاپقى قادامدا كولەمدەندى. امەر داۋىت تا كاسىپ وزگەرتىپ ەگىنشىگە اينالىپ، ورنىقتى جۇمىستاندى.
”’كەدەيلىكتىڭ تامىرىن ءۇزىپ‘ قانا قويماي، كاسىپ دامۋىنىڭ ساپاسى مەن ونىمدىلىگىن بىردەي جوعارىلاتۋدى جەبەپ، كاسىپ سالاسى ارقىلى كەدەيلەردى جەتەكتەۋ، كەدەيلەردى تيىمدىلىككە كەنەلتۋ قابىلەتىن جوعارىلاتىپ، كەدەي وتباسىلارىنىڭ كەدەيلىكتەن ارىلۋمەن قوسا، بايۋىنا دەم بەرۋ كەرەك“، - دەدى ءۇشتۇرپان اۋداندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى سۇن گويۋان.
شينجياڭنىڭ كەڭ - بايتاق شەكارا وڭىرلەرىندە ەرەكشە باعىمشىلىق، توقىماشىلىق، كيىم - كەشەك، ۇلتتىق قولونەركاسىبى... سياقتى جەر جاعدايىنا قاراي جولعا قويىلعان ەرەكشە كاسىپ سالالارى ءار ۇلت بۇقاراسىنىڭ كەدەيلىكتەن ارىلىپ بايۋىنىڭ نەگىزگى ارناسىنا اينالدى.
پاتىگۇل تۇرسىن ءار كۇنى تاڭەرتەڭ تازا دا رەتتى قىزمەت كيىمىن كيىپ، 10 مينۋت شاماسىندا جاياۋ ءجۇرىپ قىزمەت ىستەيتىن زاۆودقا كەلەدى، بۇل قاشقار ايماعى ياركەن اۋدانىنىڭ كەدەيلەردى سۇيەمەلدەۋ كاسىپ سالاسى باقشاسىنداعى ءبىر ازىق - تۇلىك وڭدەۋ كاسىپورنى.
”بۇرىن جاڭعاق پەن بادامدى ۇساق - تۇيەك تاعامدار دەپ ويلايتىنمىن، قازىر ءبىز مىنا قۇرعاق جەمىستەردى ءوز قولىمىزبەن جوعارى سورتتى ماي ەتىپ وڭدەيمىز، شىنىندا، كەرەمەت“، - دەدى پاتىگۇل. قىستاقتا تۇرعان كەدەيلەردى سۇيەمەلدەۋ كادرلارى وعان كومەكتەسىپ، وسى كاسىپورىندا جۇمىس ىستەۋگە بايلانىس جاساعان كەزدە ول ەشقانداي تەحنيكا بىلمەيتىن، ءبىر جىلدان بەرى قىزمەت ىستەي ءجۇرىپ ۇيرەنىپ، سەحتاعى تەحنيكالىق تىرەكتىگە اينالدى. ”ايىنا 4000 يۋاننان استام ەڭبەكاقى الامىن، ءۇيىم كەدەي وتباسى قالپاعىن تۇبەگەيلى الىپ تاستادى“، - دەدى ول.
سولتۇستىك شينجياڭنىڭ ءشول دالاسىنان وڭتۇستىك شينجياڭنىڭ ۇستىرتىنە دەيىن كەدەيلەردى سۇيەمەلدەۋ سەحتارى كوپتەگەن كەدەي ايەلدەردىڭ تۇڭعىش رەت ”ۇيىنەن اتتاپ شىعىپ“، ومىرىندەگى تۇڭعىش ەڭبەكاقىسىن الۋىنا مۇمكىندىك جاسادى. 2019 - جىلدىڭ اياعىنا دەيىن شينجياڭ توقىماشىلىق، كيىم - كەشەك كاسىپ سالاسىنا تۇراقتى مال - مۇلىك بويىنشا جيىنى 170 ميليارد يۋاننان استام قارجى سالىپ، 600 مىڭعا جۋىق ادامنىڭ جۇمىستانۋىن جەبەدى، مۇنىڭ ءبىرتالايى ايەل قىزمەتكەر.
ارمان ورىندالدى:
دوڭگەلەڭ داۋلەتكە ۇمتىلىپ، باقىتپەن قاۋىشتى
قورعاس ەجەلدەن جىبەك جولى سولتۇستىك ارناسىنداعى ماڭىزدى ساۋدا قالاشىعى، مىڭ جىل بويىندا كەرۋەن قايشالىسقان جەر. قازىر ساۋدا كەرۋەنىنىڭ ورنىن جۇڭگو - ەۆروپا كەزەكشى پويەزى باستى.
حايلور تۇراحۇن ىلە وزەنى اڭعارىندا مالشى وتباسىندا دۇنيەگە كەلگەن. اتادان جالعاسقان ناۋبايشىلىقتىڭ ءوزىن سىرتقى ساۋدا كاسىپورنىنىڭ ءبىر قىزمەتكەرىنە اينالدىرارىن ول ەشقاشان ويلاماعان ەدى.
جۇڭگو مەن قازاقستاننىڭ شەكارا وتكەلىندەگى قورعاس نان شارۋاشىلىعى كاسىپ باقشاسىنىڭ زاۆود ۇيلەرى ەڭسەلى ءارى رەتتى، قورشاعان ورتاعا زالالسىز زەردەلى ەلەكترلى تونارلار قاز - قاتار تىزىلگەن، وزىق سيفرلى مەڭگەرۋ جۇيەسىنەن توناردىڭ تەمپەراتۋراسى كورىنىپ تۇرادى، ءبىر نانعا جۇمسالاتىن ۇننىڭ، مايدىڭ، قوسىمشا ماتەريالداردىڭ ءبىر تۇتاس ولشەمى بار.
حايلور مەن باسقا 500دەن استام كەدەي قاۋىم وسى ارادا جۇمىستاندى، ”قازىر ايلىق ەڭبەكاقىمىز 3000 يۋاننان اسادى، بۇرىن جارتى جىلدا تاباتىن كىرىسىمىزبەن قارايلاس، بۇل ارادان اقشا تابا الامىز ءارى وسى زامانعى ازىق - تۇلىك وڭدەۋ تەحنيكاسىن دا ۇيرەنەمىز، كوپتەگەن دوستارىمىز وسى ارادا جۇمىس ىستەپ، كەدەيلىكتەن ارىلدى“، - دەدى حايلور.
”كەدەيلىك“ سىندى اۋىر جۇكتەن قۇلشىنا ارىلعاننان كەيىن، كەدەيلىكتەن ارىلتۋ تابىستارىن بەكەمدەۋ، دەڭگەيىن جوعارىلاتۋ ءۇشىن، قورعاس قالاسى كاسىپ سالاسىن بارىنشا دامىتىپ، جۇمىستانۋعا جەتەكشىلىك ەتتى، كەدەي وتباسىلارىنداعى ەڭبەك قۋاتى بار ادامداردىڭ ءبارى جۇمىستانىپ، اي سايىن كىرىس تابا الاتىن بولدى ، ”ەكىدەن تارىقتىرماۋ، ءۇشتى قامتاماسىز ەتۋ“ كورنەكتى ماسەلەسى شەشىلىپ، كەدەيلەسۋ سالىستىرماسى نولگە ءتۇستى.
پامير ۇستىرتىندەگى كەدەيلەردى سۇيەمەلدەۋ بويىنشا كوشىرىپ قونىستاندىرىلعان گۇلحان ازەزدىڭ وتباسى بيىل ءبىر اسحانا اشقان بولاتىن، جۇڭگو مەن قىرعىزستان شەكاراسىنداعى تورعات شەكارا وتكەلىنە جاقىن بولعاندىقتان، كەي شەتەلدىك ساۋداگەرلەر دە دايىم كەلىپ تاماق ءىشىپ تۇراتىن قوناعىنا اينالدى. ول: ”شەكارا وتكەلىندە كاسىپ ىستەپ كىرىس تابامىن دەپ كىم ويلاعان“، - دەيدى.
كەدەيلىكتەن ارىلتۋدان قامال الۋ شايقاسىنىڭ دابىلى قاعىلعاننان كەيىن، جەرگىلىكتى كەدەيلەردى سۇيەمەلدەۋ تاراۋى 138 كەدەي مالشى وتباسىن كەدەيلەردى سۇيەمەلدەۋ بويىنشا شەكارا وتكەلى ماڭىنا كوشىرىپ اكەلىپ، دۇكەن، بازار سياقتى قۇرىلعىلاردى كەمەلدەندىرىپ، ولاردىڭ شەكارا وتكەلى بايلىعى مەن وڭىرلىك ورىن باسىمدىعىنان پايدالانىپ شارۋاشىلىق قۇرۋعا شابىتتاندىردى.
گۇلحاننىڭ اسحاناسى كەدەيلەردى سۇيەمەلدەۋ قارجىسىنىڭ كومەگىمەن اشىلعان. ول اسحانادان اي سايىن 4000 يۋاننان استام كىرىس كىرگىزەتىندىگىن، كۇيەۋىنىڭ شەكارا وتكەلىندە سكلات قاراۋ جۇمىسىن ىستەپ، ايىنا 3000 يۋان كىرىس كىرگىزەتىندىگىن، ”كوشىرىلگەن اۋىلداستاردىڭ ءبارى كەدەيلىكتەن ارىلعاندىعىن“ ايتتى.
شينجياڭ ۇيعۇر اۆتونوميالى رايوندىق كەدەيلەردى سۇيەمەلدەۋ كەڭسەسى بىلاي دەپ تانىستىردى: كەدەيلەر قاتارىنان شىعارىلعان كەدەي اۋداندار، كەدەي قىستاقتار، كەدەيلەر جونىنەن وتپەلى كەزەڭدە قازىرگى كومەكتەسۋ - سۇيەمەلدەۋ ساياساتىنىڭ تۇلعالىق جاقتان ورنىقتىلىعى ساقتالادى. كەدەيلىكتەن ارىلتۋ مىندەتىن جاپپاي ورىنداۋ نەگىزىندە اۋىل - قىستاقتاردى گۇلدەندىرۋ ءىسى باسا ىلگەرىلەتىلەدى، كەدەيلىكتەن ارىلتۋدان قامال الۋ تابىستارى بەكەمدەلەدى.
شينجياڭ كەدەيلىكتەن ارىلتۋدان قامال الۋدا شەشۋشى سيپاتتى تابىسقا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، 25 ميلليون شەكارا ءوڭىر ۇلاندارىنىڭ وتانشىلدىق سۇيىسپەنشىلىگى تاسقىنداپ، وتاندى ءسۇيۋ، شينجياڭدى گۇلدەندىرۋ قۇدىرەتتى بىرىككەن كۇشى قالىپتاستى.
تىڭ بەلەستە شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسى مەن جوعارى ساپالى دامۋدى كۇش سالا ىلگەرىلەتىپ، شەكارا وڭىردەگى ءار ۇلت بۇقاراسىن تاعى دا تىڭ كەرەمەتتەر جاراتۋعا باستاۋدا.
