”مەنىڭ اۋىلىم ءپايزاۋات اۋدانىندا، مۇندا ءپايزاۋات قاۋىنىنىڭ اتاعى جەر جارادى...“ 11 - ايدىڭ 19 - كۇنى ءپايزاۋات اۋدانى عولتوعىراق قالاشىعى شالا ۇسا قىستاعىندا تۇراتىن ءالي روزى ينتەرنەتتە تىكە تاراتۋىن باستادى. ول ءپايزاۋات قاۋىنىن ەككەنىنە 30 جىلدان اسقان قاۋىن ەگۋشى ديقان ەدى، بيىل وعان تاعى ”تىكە تاراتۋداعى دارىندى“ دەگەن جاڭا سالاۋات قوسىلدى.
ءتۇرلى كاسىپپەن شۇعىلدانىپ، الۋان سالاۋاتقا يە كوپ نەگىزدى تۇرمىستى تاڭدايتىن جاستار ”سەگىز قىرلى“ جاستار دەپ اتالادى. قاشقار ايماعىندا ءىشىنارا ديقاندار كاسىپ سالاسى جۇمىسشىسى، تىكە تاراتۋداعى دارىندى، تەحنيك سياقتىلارعا وزگەرىپ شىعا كەلدى. ”سەگىز قىرلى“ ديقاندار ولاردىڭ ەسىمدىگىنە اينالدى.
”بيىل 9 - ايدا مەن تۇڭعىش رەت ينتەرنەتتە تىكە تاراتۋعا ارالاستىم. قىلشىلداعان جاس بولماعانىممەن، الايدا بۇل مەنىڭ جاڭا نارسەلەردى ۇيرەنۋىمە ىقپال جاسامادى“، - دەدى ءالي سەنىممەن. جەرگىلىكتى ورىنداعى تاجىريبەسى مول تىكە تاراتۋشى ”ينتەرنەت جۇلدىزدارىنان“ ۇيرەنگەن سوڭ، ول اۋىلىنىڭ ەرەكشە ونىمدەرىن ينتەرنەتتە تىكە تاراتۋ ارقىلى تانىستىرۋدى سىناپ كورۋگە كىرىسەدى، مۇنان سىرت، ءوزى سۇيەمەل قوسىپ اۋىل جىرىن شىرقاپ، قىرۋار ادامنىڭ نازارىن اۋداردى.
”بيىل ۇيىمىزدە ءپايزاۋات قاۋىنى پىسقاندا، باسقالار تىكە تاراتۋ ارقىلى ساتۋىمىزعا كومەكتەسكەن بولاتىن، ءونىمى ەرەكشە جاقسى بولدى. مەنىڭ قازىر تىكە تاراتۋمەن شۇعىلدانۋىم كەلەر جىلى ءپايزاۋات قاۋىنىن ساتۋعا دايىندىق جاساۋ ءۇشىن. قازىر كوپتەگەن توراپتاستار مەنىمەن حابارلاسىپ ۇلگىردى، ولار كەلەر جىلعى ءپايزاۋات قاۋىنىنا زاكاز بەرمەكشى“، - دەدى ءالي.
قاۋىنشى ديقان جانە ”تىكە تاراتۋداعى دارىندى“ سىندى 2 سالاۋاتقا يە بولعان سوڭ، ءاليدىڭ تۇرمىسى بارعان سايىن باي مازمۇندى بولا ءتۇستى، وتباسىلارىنداعى قاۋىندى ساتۋمەن بىرگە، توراپتاستارعا تاعى اۋىلىن جانە اۋىلىنداعى اۋىل شارۋاشىلىعى ەرەكشە ونىمدەرىن تانىستىرىپ، 2 شارۋانى ءبىر جولدا تامامدادى.
بۇل عانا ەمەس، ءتۇبۇحان امەت ياركەن اۋدانى تاعارشى قالاشىعى جوعارعى بويلا قىستاعىنىڭ تۇرعىنى، جىلىجايدا كوكونىس ەگەتىن وتباسى. 4 جىلدىڭ الدىندا باسقا كاسىپكە ويىستىرىپ جۇمىستاندىرۋ سىندى كەدەيلەردى سۇيەمەلدەۋ ساياساتىنىڭ ارقاسىندا، ارحيۆ تۇرعىزىلىپ، كارتچكالاندىرىلعان كەدەي وتباسى ءتۇبۇحان ياركەن اۋداندىق كەدەيلەردى سۇيەمەلدەۋ كاسىپ سالاسى باقشاسىنىڭ مايسا ءوسىرۋ ورتالىعىنا كەلىپ قىزمەت ىستەيدى. باۋلۋ ارقىلى ءتۇبۇحان كوكونىس، جەمىس - جيدەك، گۇل جەتىلدىرۋ تەحنيكاسىن جەتىك يگەردى جانە شاعىن گرۋپپانىڭ باستىعى بولىپ، 10 جىلىجايدى باسقارۋعا جاۋاپتى بولدى.
”قىستاقتا مەن جىلىجايدا كوكونىس ەگەتىن كاسىپكەرمىن؛ بۇل ارادا مايسا ءوسىرۋ ورتالىعىنداعى شاعىن گرۋپپانىڭ باستىعىمىن. ءاربىر قىزمەتىمنەن از بولماعان كىرىس تابامىن. قازىر جىلىجايدا قىزاناق مايساسى، اشتى بۇرىش مايساسى، باكلاجان مايساسى قاتارلىلاردى وسىرەمىن، بۇل كوكونىس مايسالارى تەز ارادا ساتىلۋ الدىندا تۇر. جىلىجايداعى كوكونىس مايسالارىن ساتىپ جىبەرگەن سوڭ، جىلىجايدا مايسا ءوسىرۋ كولەمىن ۇزدىكسىز كەڭەيتىپ، اناعۇرلىم كوپ اۋىلداستارىمنىڭ كوكونىس مايسا ءوسىرۋ تەحنيكاسىن ۇيرەنۋىنە كومەكتەسەمىن“، - دەدى ءتۇبۇحان.
”سەگىز قىرلى“ ديقانعا اينالعان سوڭ، الۋان ءتۇرلى سالاۋات، كوپ نەگىزدى كىرىس سەبەبىنەن كەيبىرەۋلەردىڭ كىرىسى ارتتى، اۋقاتتاندى، كەيبىرەۋلەردىڭ رۋحاني تۇرمىسى بايىدى، ولاردىڭ تۇرمىسىندا تىڭ وزگەرىستەر تۋىلۋدا.
بيىل 37 جاستاعى گۇلياسمان سۇلتان يىڭىسار اۋدانى سوگەت اۋىلى لايبۇلاق قىستاعىنداعى ءبىر قاراپايىم اۋىل ايەلى. بۇرىن ول بالا باعىپ، ەگىن جۇمىستارىمەن اينالىسىپ، وت باسى، وشاق قاسىنان ۇزاپ شىقپايتىن. قازىر ونىڭ ءۇش سالاۋاتى بار: سەلبەستىك كووپەراتيۆىنىڭ القا باستىعى، قامىس مانەرلەۋ زاۆودىنىڭ باستىعى، تاسىمال سەرىكتەستىگىنىڭ باس ديرەكتورى.
”قىستاقتا قامىس كوپ بولعانىمەن، كادەگە جارامايتىن. اتا - ەنەم قامىس توقي الادى، مەن بۇنى بايۋعا باستايتىن جاقسى ونەر دەپ ويلاپ، سەلبەستىك كووپەراتيۆىن قۇرىپ، قامىس توقىپ، ونى بازارعا اكەپ ساتتىم. بارا - بارا زاكاز كوبەيدى. قىستاق ’ەكى كوميتەتىنىڭ‘ كۇش سالا قولداۋىندا، مەن تاعى دا مانەرلەۋ زاۆودىن قۇرىپ، قىستاقتاعى اپەكە - سىڭلىلەردىڭ جۇمىستانۋ ماسەلەسىن شەشتىم“، - دەدى گۇلياسمان.
قامىس مانەرلەۋ زاۆودىن جۇرگىزۋ بارىسىندا تاعى تاسىمال ماسەلەسىنە جولىققان گۇلياسمان تاسىمالدى دا قولعا الدى. ”قازىر مەنىڭ ىستەگەن جۇمىسىم كوپ بولعانىمەن، الايدا ءار كۇنىم باي مازمۇندى ءوتىپ، بالالارعا دا ونەگە كورسەتە الدىم. قازىر بالالار دا جاقسى ۇيرەنىپ، ونەر ۇيرەنگەن سوڭ شارۋاشىلىق قۇراتىندىقتارىن، ونان سوڭ اناعۇرلىم كوپ ادامدى بايۋعا جەتەكتەيتىندىكتەرىن ايتاتىن بولدى“.
ءالي، ءتۇبۇحان، گۇلياسمان سىندى ”سەگىز قىرلى“ 3 ديقان قازىر قاشقار ايماعىنداعى شارۋالاردىڭ ءوندىرىس، تۇرمىسىنداعى جاڭا بەت - بەينەنىڭ شاعىن كارتيناسى سانالادى. 1 -، 2 -، 3 - كاسىپتىڭ دامۋى، ”ءبىر ادامدا ءبىر قىزمەت ورىن بولۋ“ سياقتى جۇمىستاندىرۋ ساياساتتارىنىڭ تياناقتانۋى، شارۋاشىلىق قۇرۋ ساياساتتارىنىڭ سۇيەمەلدەۋى سياقتىلار جەرگىلىكتى ورىنداعى ديقانداردىڭ كىرىستى ارتتىرىپ اۋقاتتانۋىن جۇزەگە اسىرىپ قالماستان، كىرىستىڭ كوپ نەگىزدى بولۋىن ىسكە اسىرىپ، شارۋالاردىڭ جۇمىس ىستەپ شارۋاشىلىق قۇرۋ قىزۋ ىنتاسىنا دەم بەرىپ، ولاردىڭ دوڭگەلەك داۋلەتتىلىك جولىندا شات - شادىمان بەينەمەن نىق قادام تاستاۋىنا مۇمكىندىك جاسادى.
