كەدەيلىكتەن ارىلتۋدان قامال الىپ، جاپپاي دوڭگەلەك داۋلەتتى قوعام ورناتۋعا ۇمتىلايىق (حالىق كوزقاراسى)

— «13 – بەسجىلدىق» جوسپار مەزگىلىندەگى ەكونوميكا مەن قوعام دامۋى جايلى تولعانىس

日期:2020年11月13日
来源:人民网
【字体:

  كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، كەدەيلىك ماسەلەسىن تاريحي سيپاتتى شەشىم ەتۋ، جۇڭحۋا ۇلتىنىڭ مىڭ جىلدىق ارمانى بولۋمەن بىرگە، حالىقتى وزەك ەتە دامۋ يدەياسىن ءامالياتتا ايگىلەۋدىڭ شوعىرلى بەينەلەنۋى ەسەپتەلەدى

  حالىقتى نەگىزگى تۇلعا ەتۋگە باستان – اياق تاباندى بولىپ، ورتاق اۋقاتتانۋ باعىتىندا تاباندى بولىپ، دامۋدى حالىق ءۇشىن ورىنداۋ، دامۋدا حالىققا سۇيەنۋ، دامۋ جەتىستىگىنەن حالىقتى ورتاق يگىلىكتەندىرۋدى ورىنداعاندىقتان، 5 جىلدان بەرى، ءبىز كەدەيلىكتى ازايتۋ ىستەرىندە ۇزدىكسىز جاڭا ىلگەرىلەۋشىلىكتەرگە قول جەتكىزىپ، جاڭا ساتىعا قادام تاستاي الدىق

  «كەدەيلىكتەن ارىلتۋدان قامال الۋ جەتىستىكتەرى دۇنيە ءجۇزىن جالت قاراتتى، اۋىل – قىستاقتارداعى 55 ميلليون 750 مىڭ كەدەي جان سانى كەدەيلىكتەن ارىلدى»، پارتيا 19 – كەزەكتى ورتالىق كوميتەتى بەسىنشى جالپى ماجىلىسىندە «ج ك پ ورتالىق كوميتەتىنىڭ حالىق شارۋاشىلىعى مەن قوعام دامۋىنىڭ 14 – بەسجىلدىق جوسپارى جانە 2035 – جىلعا دەيىنگى بولاشاقتىق نىسانانى بەكىتۋ جونىندەگى ۇسىنىسى» قارالىپ ماقۇلدانىپ، «13 – بەسجىلدىق» جوسپار مەزگىلىندەگى ەلىمىزدىڭ كەدەيلىكتەن ارىلتۋدان قامال الۋ جاعىندا قول جەتكىزگەن كورنەكتى ناتيجەلەرىنە جوعارى باعا بەرىلدى، بۇكىل پارتياداعىلار مەن بۇكىل ەل حالقىنىڭ شىرقاۋدان شىرقاۋعا ۇمتىلىپ، جىگەرلەنە ءتۇسىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ، ءبىرىنشى ءجۇز جىلدىق كۇرەس نىساناسىن بەلگىلەنگەن مەرزىمدە ورىنداۋىنا سەنىم مەن قوزعاۋشى كۇش باعىشتادى.

  باس شۋجي شي جينپيڭ مىنانى باسا دارىپتەدى: اۋىل – قىستاق دوڭگەلەك داۋلەتتى ورەگە جەتپەسە، وتە – موتە، كەدەي وڭىرلەر دوڭگەلەك داۋلەتتى ورەگە جەتپەسە، جاپپاي دوڭگەلەك داۋلەتتى قوعام ورناتۋدان اۋىز اشۋعا بولمايدى. بيىل 5 – ايدا، سىچۋان ولكەسى دالياڭشان وبلىسى جاۋجۋە اۋدانى اتۋليەر قىستاعىنىڭ تۇرعىنى موۋسىداتي مەن ايەلى 2556 باسپالداقتان ءتۇسىپ، 5 ۇرپاق بويى «جالاما جارتاستاعى قىستاقتا» تۇرعان تاريحتى اياقتاتتى. «13 – بەسجىلدىق» جوسپار مەزگىلىندە، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلىمىز كەدەيلەردى دالمە – ءدال سۇيەمەلدەۋ، كەدەيلىكتەن دالمە – ءدال ارىلتۋ باعىتىن كۇش سالا اتقارىپ، قوردى اناعۇرلىم مولىنان قوسىپ، شارالاردى اناعۇرلىم دالمە – ءدال اتقاردى.

http://kazakh.people.com.cn/158373/15829746.html