ءپايزاۋات اۋدانى:
كۇش - قۋاتتى شوعىرلاندىرىپ قيىن ماسەلەلەردى شەشىپ، حالىق تۇرمىسىنا شىنايى سۇيىسپەنشىلىكپەن تيىمدىلىك جەتكىزدى
”بيىل 6 - ايدا ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسى بويىنشا جالپى بەتتىك سۋ جەتكىزىلىپ، وسىنداعى بارلىق وتباسىلار حاۋىپسىز سۋ ىشە الاتىن بولدى...“، - دەدى 10 - ايدىڭ 16 - كۇنى تۇستەن كەيىن ءپايزاۋات اۋدانى جامباز اۋىلى جىبەكشى قىستاعىنداعى ساقا پارتيا مۇشەسى تۇرسىن قادىر تىلشىگە، سوڭعى بىرنەشە جىلدا پارتيا مەن ۇكىمەت بۇقارانىڭ حال - جاعدايىن كوكەيدە ساقتاپ، تومەنگى شەكتەن تۇسىرمەي قامتاماسىزداندىرىپ، ولقىلىقتاردى تولىقتاپ، حالىق تۇرمىسىنا قاتىستى قىرۋار ماسەلەنى شەشتى، قىستاق تۇرعىندارىنىڭ تۇرمىسى كۇننەن - كۇنگە جاقساردى.
تاياۋ جىلداردان بەرى ءپايزاۋات اۋدانى تىلەك توعىستىرىپ، بىلەك بىرىكتىرىپ، حالىق تۇرمىسى قۇرىلىسىن ىلگەرىلەتىپ، بۇقارانىڭ ىرىس - قۇتىن مولايتىپ، ءاربىر ءىستى ناقتى ىستەدى.
حاۋىپسىز اۋىز سۋ جۇرت كوڭىلىنە ءنار بەردى
قازىرگى تاڭدا، جىبەكشى قىستاعىنىڭ تۇرعىنى ابدۇقيىم قۇربان وزگەلەرگە ۇيىندەگى سۋ شۇمەگىنەن اعىپ شىعىپ جاتقان تۇپ - تۇنىق قۇبىر سۋى تۋرالى ايتقان سايىن باس بارماعىن كورسەتىپ القاي جونەلەدى.
بيىل 6 - ايدا ابدۇقيىمنىڭ ۇيىندە بولعان بۇل قۋانارلىق وزگەرىس ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسىنىڭ اتقارىلۋىنىڭ ناتيجەسى ەدى. ءبىر ميلليارد 749 ميلليون يۋان قارجى جۇمسالعان بۇل ينجەنەريانىڭ سالىنىپ ءبىتۋى بۇكىل اۋدانداعى 460 مىڭ حالىقتىڭ ”كەرمەك سۋ“ ءىشۋ تاريحىن اياقتاتىپ، تۇپ - تۇنىق قۇبىر سۋىنان يگىلىكتەنۋىنە مۇمكىندىك جاسادى.
ابدۇقيىمنىڭ ايتۋىنشا، بۇرىن ءپايزاۋات اۋدانىنداعى كوپتەگەن شارۋالار اتا - باباسىنان بەرى كولشىك سۋ ءىشىپ كەلىپتى، ول شاقتاردا كولشىك سۋدان سۋ اكەلۋدىڭ ماشاقاتىن ايتپاعان كۇننىڭ وزىندە دە، ۇيگە اكەلىنگەن سۋدى ءسۇزىپ، تۇنىتقاننان كەيىن بارىپ تۇتىنۋعا بولادى ەكەن. 2005 - جىلى ءپايزاۋات اۋدانىنىڭ اۋىل - قالاشىقتارىنا نەگىزىنەن قۇبىر سۋى تارتىلعان. كولشىك سۋعا قوش ايتىپ، سۋ تازارعانىمەن، باسقا دا ءبىرتالاي ماسەلەلەر بەلەڭ بەرگەن.
ءپايزاۋات اۋدانى وڭىرىندە جەر سىلكىنىسى كوپ تۋىلادى، ەرەكشە جەر بەدەرى مەن سۋ گەولوگياسى شارت - جاعدايى ءبىر ءبولىم جەرلەردەگى جەر استى سۋىنداعى كۇكىرت قىشقىلىنىڭ تۇزدارى، فتوريدتەر سياقتىلاردىڭ كورسەتكىشى ولشەمنەن اسىپ كەتۋىن تۋدىرعان. سۋ ساپاسى ەرەكشە تۇراقسىز بولعاندىقتان، مىڭ ءبىر ماشاقاتپەن سۋ قۇرىلعىلارىن وزگەرتكەنىمەن، جەر سىلكىنىسى تۋىلعاندا قايتادان كەرمەك سور سۋعا اينالىپ شىعا كەلەدى ەكەن.
حاۋىپسىز، اقاۋسىز اۋىز سۋ ءپايزاۋات اۋدانىنداعى قالىڭ ەگىنشى - مالشىلاردىڭ، اسىرەسە، كەدەي حالىقتىڭ تۇرمىس دەڭگەيىندە ساپالىق وزگەرىس تۋدىردى. قازىر كوپتەگەن شارۋا وتباسىلارىنىڭ ءبىر ايدا تۇتىنعان سۋ اقىسى ءبىر شەلەك تازا سۋدىڭ اقشاسىنا دا جەتپەيدى. سۋ ساپاسى جاقساردى، دەنساۋلىق تا جاقساردى، وسىنىڭ ناتيجەسىندە جاستاردىڭ سىرتقا شىعىپ جۇمىس ىستەۋى نەمەسە ۇيىندە ەگىنشىلىك، باعىمشىلىق جۇمىستارىمەن شۇعىلدانۋ ىنتاسى ارىنداي ءتۇستى.
اۋىز سۋ حاۋىپسىزدىگى ينجەنەرياسى بۇقارانى كەدەيلىكتەن ارىلۋ جولىنداعى الاڭ - ۋايىمنان ارىلتتى، - دەيدى ءپايزاۋات اۋدانى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى جيا جۇڭحۋ.
قونىس جاڭالاپ ورنالاستىرۋ كەدەيلىكتىڭ تامىرىنا بالتا شاپتى
ءپايزاۋات اۋدانىنداعى قونىس جاڭالاپ ورنالاستىرىلعان تۇرعىندار شاعىن اۋماعىنا كىرگەن ءتىلشى جول، جاسىل بەلدەۋ، اۆتوتۇراق سياقتى قۇرىلعىلاردىڭ ءبارىنىڭ تولىق ەكەندىگىن، قاقپانىڭ الدىندا ”نان دۇكەنى“ سياقتى ساۋدا دۇكەندەرى ورنالاستىرىلعانىن، عيماراتتاردىڭ ءپىشىنى مەن ءتۇر ءتۇسىنىڭ زاماناۋي لەپكە تولى ەكەندىگىن كوردى.
”قالاعا كەلىپ قونىس تەۋىپ، ونىڭ ۇستىنە مىناداي جاقسى ۇيدە وتىرمىز، تاماشا قورشاعان ورتانىڭ يگىلىگىن كوردىك، بۇرىن بۇلاردى كىم ويلاعان دەرسىز!“، - دەدى وسىندا ورنالاستىرىلعان 62 جاستاعى قۇربان روزى تىلشىگە. بيىل 1 - ايدىڭ 19 - كۇنى بۇل اۋداننىڭ شەكەركول قالاشىعىندا 4. 6 بال جەر سىلكىنىپ، قۇرباننىڭ ءۇيىن قامتىعان 239 شارۋا وتباسىنىڭ وزدەرى سالعان 524 ءۇيى جانە ءبىر ءبولىم قورا - قوپسى، كۇركە، داۋالدار تۇرلىشە دەڭگەيدە بۇلىنەدى.
اپاتقا ۇشىراعان بۇقارانىڭ الاڭسىز، جايلى تۇرۋى، اپات سەبەبىنەن قايتا كەدەيلەسۋدەن، كەدەيلەسۋگە اپارىپ سوعۋدان ساقتانۋ ءۇشىن، 3 - ايدىڭ 5 - كۇنى ءپايزاۋات اۋدانى 60 ميلليون يۋان قارجى قوسىپ قونىس جاڭالاپ ورنالاستىرۋ ينجەنەرياسىن اتقارىپ، قونىس جاڭالاپ ورنالاستىرۋعا جاڭادان 220 ءۇيلى 6 عيمارات جانە الەۋمەتتىك اۋماقتىڭ قىزمەت وتەۋ ورتالىعى ءۇشىن ءبىر عيمارات سالىپ بەردى، 7 - ايدىڭ سوڭىندا قونىس جاڭالاعان وتباسىلار وعان تولىقتاي كوشىپ كىردى.
”ەكىدەن تارىقتىرماۋ، ءۇشتى قامتاماسىز ەتۋ“ كەدەي حالىقتىڭ كەدەيلىكتەن ارىلتۋدىڭ نەگىزگى تالابى جانە وزەكتى كورسەتكىشى، ول كەدەيلىكتەن ارىلتۋدان قامال الۋ شايقاسىنىڭ ساپاسىمەن تىكەلەي بايلانىستى. ءپايزاۋات اۋدانى جەر سىلكىنىسى كوپ تۋىلاتىن اۋماققا جاتاتىندىقتان، اۋىل - قىستاق بەيقۇت ءۇي ينجەنەرياسىن اتقارۋ تىپتەن ماڭىزدى بولىپ تابىلادى. 2011 - جىلدان بەرى، ءپايزاۋات اۋدانى جالپى 950 مىڭ بەيقۇت ءۇي سالىپ، اۋىل - قىستاق حالقىن تۇرعىن ءۇي حاۋىپسىزدىگىمەن تولىق قامتۋدى جۇزەگە اسىردى.
2018 - جىلى ءپايزاۋات اۋدانى جاڭاءمالى اۋىلى اياقلاڭگار قىستاعىنداعى كەدەي وتباسى كەرىم سايىم ءۇي ىشىمەن كەڭ، جايلى بەيقۇت ۇيگە كوشتى، اۋلاسىندا ەگىمشىلىك پەن باعىمشىلىقتى دامىتۋ ارقىلى بىلتىر بۇل وتباسى كەدەيلىكتەن ارىلدى.
جاقىن ماڭدا، سول جەردە جۇمىستانىپ، كىرىستەرىن ورنىقتى ارتتىردى
”2016 - جىلى مەن تەگىن كۋرسقا قاتىناسقان سوڭ تام سىلاقشى بولىپ، ءبىر كۇندە 100 يۋاننان استام اقشا تاباتىن بولدىم؛ 2017 - جىلى مەن قۇرىلىس توبىن ۇيىمداستىرىپ، 20 كەدەي ەڭبەككۇشتى باستاپ ءۇي سالىپ اقشا تاپتىم؛ 2019 - جىلى مەن قىستاقتاعى شارۋاشىلىق قۇرۋ شاعىن بازارىنان اۋىل شارۋاشىلىق ءوندىرىسىنىڭ قۇرال - جابدىقتارى ەرەن بازارىن اشتىم“. وسى جىلداردا ءپايزاۋات اۋدانى قىزىلسۋ اۋىلى كوتەرمە قىستاعىنىڭ تۇرعىنى قۇربان پايتار وتباسىنىڭ تۇرمىس جاعدايى بارعان سايىن جاقسارا ءتۇستى.
ءبىر ادام جۇمىستانسا، بۇكىل وتباسى كەدەيلىكتەن ارىلادى. 2014 - جىلى ءپايزاۋات اۋدانىنداعى كەدەيلىكتىڭ تۋىلۋ سالىستىرماسى ％31.2 بولسا، 2019 - جىلدىڭ سوڭىندا بۇكىل اۋدانداعى كەدەيلىكتىڭ تۋىلۋ مولشەرى ％3.8كە تومەندەدى. كەدەيلىكتەن ارىلۋدىڭ ەڭ ءونىمدى، ەڭ تىكە ءتاسىلى جۇمىستانۋدى كوبەيتۋ بولدى.
نان شارۋاشىلىعى، شينمەي شارۋاشىلىعى، ءپايزاۋات قاۋىن - قاربىز شارۋاشىلىعى، توقىما، كيىم - كەشەك شارۋاشىلىعى سياقتى كاسىپ سالالارىنىڭ وركەندەۋى كوپتەگەن اۋىل - قىستاق ەڭبەككۇشتەرىن جاقىن ماڭدا، سول جەردە جۇمىستانۋعا باستادى. ءپايزاۋات اۋدانى كەدەيلەردى سۇيەمەلدەۋ - وركەندەتۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشى لي چاڭچيڭنىڭ تانىستىرۋىنشا، تەك بۇكىل اۋدانداعى شارۋالار سەلبەستىك كووپەراتيۆى، اۋىل - قىستاقتاعى ءوندىرىس سەحتارىنىڭ ءوزى - اق 10 مىڭنان استام ادامدى ۇيلەرىنىڭ جانىندا جۇمىستانۋعا باستاعان، مۇندا كەدەي وتباسىلار مۇنىڭ جارتىسىنا جۋىعىن يەلەگەن.
وسى اۋداننىڭ شاپتول قالاشىعى مىلىك قىستاعىندا تۇراتىن نۇرمامەت ءادىل 2019 - جىلى 10 - ايدا ءپايزاۋات اۋدانىنىڭ ونەركاسىپ باقشا رايونىنان كيىم - كەشەك وڭدەيتىن قىزمەت تاپتى، پراكتيكا مەرزىمى تولعان سوڭ ونىڭ ايلىق كىرىسى كوپ بولعاندا 4000 يۋانعا جەتتى. ”ءۇيدىڭ جانىندا جۇمىسقا تۇرىپ، اقشا تابۋ جانە ۇيگە قارايلاسۋدىڭ ەكەۋىن دە اقساتپادىم، بۇرىنعى كۇندەگى تۇس - تۇسقا شاۋىپ ۇساق - تۇيەك جۇمىستار ىستەۋگە قاراعاندا الدەقايدا كەرەمەت“، - دەدى ول قۋانا.
بيىل ءپايزاۋات اۋدانى نىسان قۇرىلىسى، كاسىپورىن، الەۋمەتتىك يگىلىك سيپاتىنداعى جۇمىس ورنى سياقتى جاقتاردان 47 مىڭنان استام جۇمىس ورنىن اشىپ، ءار ۇيدە كاسىپتىڭ ىڭعايى، ءار ادامدا ىستەيتىن جۇمىس، اي سايىن كىرىس بولۋدى ورىندادى.
