ءساندى بەزەنگەن ايتىللا قيابايدىڭ جانارىنان نۇر وينايدى.ءوزى كەستەلەگەن ادەمى ۇلتتىق كيىم – كەشەك ونىڭ اجارىن اشا تۇسكەن. «قازىر تۇرمىسىمىز كۇن سايىن جاقساردى، اۋەلى ‹قوجايىن› بولىپ وتىرعان جايىم بار!»، — دەيدى ول.
ايتىللا شينجياڭ قىزىلسۋ قىرعىز اۆتونوميالى وبلىسى اقتاۋ اۋدانى تار تاجىك ۇلتتىق اۋىلىنىڭ كۇز قىستاعىندا تۇرادى، قارا تاۋ ونى مەن اۋىلداستارىنىڭ سىرتقى الەممەن قارىم – قاتىناسىنا كەدەرگى بولىپ قويماي، ولاردىڭ دامۋىنا دا تۇساۋ بولعان.
2019 – جىلى 8 – ايدا كەدەيلەردى كوشىرىپ سۇيەمەلدەۋ ساياساتىنىڭ دەمەۋىمەن، ايتىللا مەن كۇنلۇن تاۋىنىڭ قويناۋىنداعى 6000 نان استام قىستاق تۇرعىنى اقتاۋ اۋدانى سىلۋ جيايۋان كەدەيلەردى كوشىرىپ سۇيەمەلدەۋ ورنالاستىرۋ تۇيىنىنە كوشىپ كەلىپ، جاڭا ۇيگە قونىستاندى. «تاڭەرتەڭ ويانعاندا، كۇن نۇرى تەرەزەدەن ۇيگە ءتۇسىپ، ءۇيدىڭ ءىشىن جاپ – جارىق نۇرعا بولەيدى، سۋ مەن توكتەن پايدالانۋ دا قولايلى. ناۋقاس كورسەتۋ دە قولايلى، ەمحانا ەسىگىمىزدىڭ الدىندا»، — دەيدى ول.
«جايلى قونىس» — ءبىرىنشى قادام، «تابىس تابۋ» — كەدەي جۇرتشىلىق ەڭ كوڭىل بولەتىن ءىس. قوي مەن سيىردى باقتاشىعا وتكىزىپ بەرگەن سوڭ، ايتىللانىڭ قولى بوساپ قالدى، كەدەيلەردى سۇيەمەلدەيتىن كادرلار وتباسىنا كەلىپ جەكەلىك شەبەرلىك پەن كاسىپتەنۋ تىلەگىن تىزىمگە العان كەزدە، ول ءوزىنىڭ جۇمىس ىستەۋ ويىنىڭ بار ەكەنىن، الايدا، قايدان باستارىن بىلمەي جۇرگەنىن ايتتى.
ايتىللا تاۋ قويناۋىنان كوشىپ كەلمەي تۇرعاندا – اق كەستەشىلىكتى ۇناتاتىن، قۇنتتاپ تىككەن قولونەر بۇيىمدارىنا كوپ ادام قىزىعاتىن. الايدا، قاتىناس قولايسىز بولعاندىقتان ءارى ينتەرنەت جالعانباعاندىقتان، تىككەن بۇيىمدارىن ءوزى پايدالاناتىن نەمەسە وزگەلەرگە ۇسىناتىن، ودان كىرىس كىرگىزۋگە امال بولمايتىن. تاۋ قويناۋىنان كوشىپ تۇسكەن سوڭ، كوپتەگەن ادامداردىڭ ينتەرنەت ارقىلى نارسە ساتىپ العانىن كورگەن ول ءوزىنىڭ كەستەشىلىك قولونەرىن كادەگە جاراتاتىن ءسات كەلدى دەپ ويلايدى.
كەدەيلەردى سۇيەمەلدەۋشى كادرلاردىڭ كومەكتەسۋىندە، ايتىللا سىلۋ جيايۋان شاعىن اۋماعىندا كەستەشىلىك كوپەراتيۆىن اشىپ، تاجىك ۇلتىنىڭ ءداستۇرلى كيىم – كەشەكتەرى مەن قولونەر بۇيىمدارىن ارنايى تىگەدى. «ءبىزدىڭ ونىمدەرىمىز قاشقارعا، حوتانعا دەيىن ساتىلدى، ءوزىم ايىنا 6000 يۋاننان استام كىرىس كىرگىزەمىن، مۇنان سىرت، كەدەي قىستاق تۇرعىندارىنان 12 ادامعا تۇراقتى كاسىپتەنۋ ورايىن جاراتتىم»، — دەيدى.
http://kazakh.people.com.cn/65181/15827392.html
