باس شۋجي شي جينپيڭ مىنانى باسا دارىپتەگەن: «بۇكىل پارتياداعى جولداستار جاڭا داۋىردەگى جۇڭگوشا سوتسياليزمنىڭ دامۋ تالابىنا، ءسوزسىز، سايكەسۋى، ستراتەگيالىق جاقتان وي جۇگىرتۋ، جاڭالىق جاراتۋ تۇرعىسىنان وي جۇگىرتۋ، ديالەكتيكالىق جاقتان وي جۇگىرتۋ، زاڭمەن جونگە سالۋ تۇرعىسىنان وي جۇگىرتۋ قۋاتىن جوعارىلاتۋى كەرەك». وسىنداي عىلىمي وي جۇگىرتۋدىڭ كەدەيلىكتەن ارىلتۋدان قامال الۋ شايقاسىندا قولدانىلۋى، كەدەيلەردى سۇيەمەلدەۋ – كوركەيتۋدىڭ جۇڭگوشا جولىنىڭ نازاريالىق جاقتا جاڭالىق جاراتۋىن جانە امالياتتا جاڭالىق جاراتۋىن ايگىلەپ، دۇنيەگە ماركسيزمدىك كوزقاراس پەن ءادىستىڭ شۇعىلاسىن شاشتى، جاڭا داۋىردە پارتيانىڭ بۇكىل ەلىمىزدەگى ءار ۇلت حالقىنا باسشىلىق ەتە وتىرىپ، ءار ۇلت حالقىنىڭ كوڭىلىن توعىستىرىپ، كۇشىن شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋىنە عىلىمي جول سىلتەدى.
ستراتەگيالىق جاقتان وي جۇگىرتۋ ارقىلى كەدەيلىكتەن ارىلتۋدان قامال الۋ شايقاسىن جوسپارلادى
كەدەيلىكتى الاستاۋ، حالىق تۇرمىسىن جاقسارتۋ، ورتاق بايۋدى ىسكە اسىرۋ — سوتسياليزمنىڭ ماندىك تالابى. باس شۋجي شي جينپيڭ حالىقتى وزەك ەتە دامۋ يدەياسىنا تاباندى بولىپ، كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويىپ، ستراتەگيالىق جاقتان وي جۇگىرتۋ جۇيەسى ارقىلى كەدەيلىكتەن ارىلتۋدان قامال الۋ شايقاسىن جۇيەلى، جان – جاقتىلى جوسپارلادى.
«ەكى زور جالپى جاعداي» بارىسىندا كەدەيلىكتەن ارىلتۋدان قامال الۋدى مىقتى يگەرۋگە تاباندى بولۋ كەرەك. پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىن ىسكە اسىرۋ ستراتەگياسى سىندى جالپى جاعداي مەن دۇنيە جۇزىندەگى ءجۇز جىلدا كەزدەسپەگەن زور وزگەرىس جاعدايىن كوزدە ۇستاي وتىرىپ، كەدەيلەردى سۇيەمەلدەۋ جاعىنداعى كوركەيتۋ قىزمەتىن «بەستى ءبىرتۇلعالاندىرۋ» جالپى تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى كولەمىنە ەنگىزىپ، ءبىرقىدىرۋ كەلەلى ستراتەگيالىق ورنالاستىرۋ جاساپ، كەدەيلىكتەن ارىلتۋدان قامال الۋ شايقاسىن جاپپاي باستادى. ەل ىشىنەن الىپ قاراعاندا، جاپپاي دوڭگەلەك داۋلەتتى قوعام قۇرۋ، ءبىرىنشى ءجۇز جىلدىق كۇرەس نىساناسىن ورىنداۋ بارىسىنداعى ەڭ جاپالى مىندەت — كەدەيلىكتەن ارىلتۋدان قامال الۋ. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزە الۋ – الماۋ جاپپاي دوڭگەلەك داۋلەتتى قوعام قۇرۋدى مەرزىمىندە ورىنداي الۋ – الماۋعا، ءبىرىنشى ءجۇز جىلدىق كۇرەس نىساناسىن مەرزىمىندە ورىنداي الۋ – الماۋعا ساياتىن ءىس.
حالىقارادان الىپ قاراعاندا، دۇنيە جۇزىندە عاسىردا كەزدەسپەگەن زور وزگەرىستەر تۋىلىپ، جەدەل ۇلعايىپ كەلەدى، زور وزگەرىستەر بارىسىندا ستراتەگيالىق ىرىقتىلىقتى قولعا كەلتىرۋ ءۇشىن، ءسوزسىز، پارتيامىزدىڭ بيلىك جۇرگىزۋ نەگىزىن ۇزدىكسىز بەكەمدەپ، بۇقارالىق نەگىزىن ۇزدىكسىز نىعايتۋىمىز كەرەك. ءاماليات مىنانى دالەلدەدى، جاڭا داۋىردەگى كەدەيلىكتەن ارىلتۋدان قامال الۋ جاعىندا بۇرىن – سوڭدى بولماعان ناتيجەلەرگە قول جەتكىزۋ جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ساياسي باسىمدىلىعىن ايگىلەپ قانا قالماستان، دۇنيە جۇزىلىك كەدەيلىكتى ازايتۋ، جونگە سالۋ ىستەرىنە جۇڭگو پاراساتى مەن جۇڭگو جوباسىن ارنادى.
http://kazakh.people.com.cn/155419/15826569.html
