”13 - بەسجىلدىق“ مەزگىلىندە، شينجياڭنىڭ كەدەيلىكتەن ارىلتۋدان قامال الۋى شەشۋشى ىلگەرىلەۋشىلىككە قول جەتكىزدى. 2019 - جىلعا دەيىن، تۇتاس شينجياڭدا جالپى 2 ميلليون 923 مىڭ 200 ادام كەدەيلىكتەن ارىلدى، 3107 قىستاق كەدەي قىستاق قاتارىنان شىعارىلدى، 22 كەدەي اۋداننىڭ كەدەيلىك قالپاعى الىنىپ تاستالدى، كەدەيلىكتىڭ تۋىلۋ سالىستىرماسى ％1.24كە تومەندەدى. ”13 - بەسجىلدىقتاعى“ كەدەيلىكتەن ارىلتۋدان قامال الۋ جوباسىندا العا قويىلعان ”قازىر اتقارىلىپ وتىرعان ولشەمدە اۋىل - قىستاقتارداعى ارحيۆ تۇرعىزىلىپ، كارتچكالاندىرىلعان كەدەي حالىقتىڭ كەدەيلىكتەن ارىلۋىن جۇزەگە اسىرۋىنا شىنايى كەپىلدىك ەتۋ“ اياقتالۋعا تايادى، ”كەدەيلىكتىڭ تۋىلۋ سالىستىرماسىن ％3تىك دەڭگەيدەن تومەندەتۋ“ مەرزىمىنەن بۇرىن ورىندالدى.
”13 - بەسجىلدىق“ مەزگىلى − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ كەزەڭى. تۇتاس رايون نازاردى ”ەكىدەن تارىقتىرماۋ، ءۇشتى قامتاماسىز ەتۋگە“ شوعىرلاندىرىپ، ”التى دالمە - دالگە“ تاباندى بولىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، وقۋ - اعارتۋ، ەمدەۋ، نەگىزدىك قۇرىلعى قۇرىلىسى سياقتى ولقى تۇستارعا كۇش سالىپ، ءتۇرلى شارالاردىڭ تياناقتانىپ، ونىمدىلىك كورسەتۋىن دالمە - ءدال ىلگەرىلەتتى.
اۋىز سۋ حاۋىپسىزدىگى مەن تۇرعىن ءۇي حاۋىپسىزدىگىندەگى ولقىلىقتار كۇش سالا تولىقتالدى. ”13 - بەسجىلدىقتان“ بەرى شينجياڭ 400دەن استام اۋىل - قىستاقتاردىڭ حاۋىپسىز اۋىز سۋ ينجەنەريا نىسانىن اتقاردى، بارلىق كەدەي حالىقتىڭ اۋىز سۋ ماسەلەسى شەشىلدى، وڭتۇستىك شينجياڭداعى قۇمدى ءشول قويناۋىنداعى، شەت - شالعاي ءۇستىرتتى سۋىق تاۋلى وڭىرلەردەگى سۋ جەتكىزىلمەگەن 67 قىستاقتا تۇگەلدەي سۋ جەتكىزىلدى، اۋىل - قىستاقتارداعى قۇبىر سۋدىڭ جالپىلاسۋ سالىستىرماسى ％90كە جەتىپ، بۇكىل ەلدەگى ورتاشا دەڭگەيدەن اسىپ ءتۇستى.
حاۋىپتى ۇيلەردى جاڭالاۋ ينجەنەرياسى زور كۇشپەن اتقارىلدى. 2019 - جىلى بۇكىل رايوندا قالعان 9355 كەدەي وتباسىنىڭ حاۋىپسىز ۇيلەرى تۇگەلدەي سالىنىپ ءبىتىپ، كوشىپ كىرۋگە بەرىلدى. سول جىلى شينجياڭ ”13 - بەسجىلدىقتاعى“ كەدەيلەردى قونىس جاڭالاپ سۇيەمەلدەۋ بويىنشا كوشىرۋ قۇرىلىس مىندەتىن ءبىر جىل بۇرىن ورىندادى، 40 مىڭ 146 وتباسىنداعى 169 مىڭ 400 ادام جاڭا قونىستارىنا قۋانىشپەن كوشىپ كىردى.
كاسىپ سالاسىن دامىتۋ ارقىلى جۇمىستاندىرۋدى جەتەكتەۋدى كورنەكتىلەندىردى. وڭتۇستىك شينجياڭداعى 4 ايماق - وبلىس 1 - كاسىپ سالاسىنىڭ قۇرىلىمىن ۇزدىكسىز ساپالىلاندىرىپ، سورتتى تۇقىمدى جالپىلاستىرۋدى، جەمىس ورمانى كاسىپ سالاسىنىڭ ساپاسىن ارتتىرىپ، ونىمدىلىگىن جوعارىلاتۋدى جانە مال، ءۇي قۇستارىن كولەمدەندىرىپ باعۋدى ورىستەتىپ، اۋدان، اۋىل، قىستاق ءۇش دارەجەلى كاسىپ سالاسىنىڭ ”قوس قامتۋىن“، ”قوس قامسىزداندىرۋىن“ بەلسەنە جالپىلاستىردى. ەلەكتروندى ونىمدەردى قۇراستىرۋ، اۋىل شارۋاشىلىعى قوسىمشا ونىمدەرىن مانەرلەۋ سياقتى ەڭبەك شوعىرلانعان كاسىپ سالالارى ىركەس - تىركەس ەڭسە كوتەرىپ، ەلەكتروندى ساۋدا ارقىلى كەدەيلەردى سۇيەمەلدەۋ، فوتوۆولت ارقىلى كەدەيلەردى سۇيەمەلدەۋ، ساياحات ارقىلى كەدەيلەردى سۇيەمەلدەۋ سياقتى جاڭا كاسىپ كۇيى جىلدام دامىپ، كەدەي بۇقارانىڭ كەدەيلىكتەن ارىلۋداعى ىشكى قوزعاۋشى قۋاتى كورنەكتى ارتتى.
قازىر شينجياڭداعى كەدەي بۇقارانىڭ ”ەكىدەن تارىقتىرماۋ، ءۇشتى قامتاماسىز ەتۋ“ ماسەلەسى نەگىزىنەن شەشىلدى. كەدەي وتباسىلارىنىڭ مىندەتتى وقۋ - اعارتۋ كەزەڭىندەگى بالالارىنىڭ كەدەيلىك سەبەبىنەن وقۋدان قول ءۇزۋى يكەمدى اداقتالدى؛ كەدەي حالىقتىڭ نەگىزگى ەمدەۋ قامسىزداندىرۋىنا، سالماقتى اۋرۋلار قامسىزداندىرۋىنا قاتىناسۋ سالىستىرماسى تۇگەلدەي ％100كە جەتتى، كەدەي ناۋقاستاردىڭ شيپاحاناعا جاتىپ ەمدەلۋىندە ”الدىمەن دياگنوز قويۋ - ەمدەۋ، ارتىنان اقىسىن تولەۋ“ بويىنشا ءبىر بەكەتتىك ەسەپ جابۋ اتقارىلدى، اۋىل - قىستاق ەمحانالارىنىڭ (بولمە) ولشەمدى بولۋ سالىستىرماسى ％100كە جەتتى؛ بارلىق كەدەي قىستاقتارعا اسفالت جول تۇتاستىرىلدى، 3 فازالى ەلەكتر جەتكىزىلدى؛ قونىس اۋدارعان بارلىق كەدەي وتباسىلارىنىڭ اراسىندا ەڭبەك قۋاتى بار وتباسىنان، كەم دەگەندە، ءبىر ادامدى جۇمىستاندىرۋدى جۇزەگە اسىردى.
بيىل ”13 - بەسجىلدىقتىڭ“ اياقتالاتىن جىلى، شينجياڭ اناعۇرلىم زور بەكىممەن، اناعۇرلىم كۇشتى سەرپىنمەن كەدەيلىككە ەڭ سوڭعى جالپى شابۋىلعا ءوتىپ، قالعان 165 مىڭ كەدەي حالىقتىڭ دەر كەزىندە كەدەيلىكتەن ارىلۋىنا، 560 كەدەي قىستاقتىڭ كەدەيلىك قاتاردان شەگىنۋىنە، 10 كەدەي اۋداننىڭ كەدەيلىك قالپاعىن الىپ تاستاۋىنا، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە جوعارى ساپامەن قول جەتكىزۋگە شىنايى كەپىلدىك ەتۋدە.
