بيىل جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزەتىن جىل. باس شۋجي شي جينپيڭ مىنانى باسا دارىپتەدى: «كەدەيلىكتەن جالپى بەتتىك ارىلتۋ مەن اۋىل – قىستاقتى كوركەيتۋدى ءونىمدى ۇشتاستىرۋدى جالعاستى ىلگەرىلەتۋ كەرەك. كەدەيلىكتەن ارىلتىپ، كەدەيلىك قالپاعىن الىپ تاستاۋ كومبەگە جەتكەندىك ەمەس، قايتا جاڭا تۇرمىستىڭ، جاڭا كۇرەستىڭ باستاماسى». وسى ماڭىزدى تالاپتى دايەكتى تياناقتاندىرۋ ءۇشىن قوعامىمىزدىڭ باستى قايشىلىعىنداعى وزگەرىستەرگە باعىتتاي وتىرىپ، قىزمەت وي جەلىسىن ايقىنداپ، كەدەيلەردى ازايتۋ ستراتەگياسى مەن قىزمەت جۇيەسىنىڭ تيپىندە ورنىقتى بۇرىلىس جاساۋدى ىلگەرىلەتىپ، وسى ماڭىزدى تالاپتى اۋىل – قىستاقتى كوركەيتۋ ستراتەگياسىنىڭ كولەمىنە ءبىرتۇتاس جوسپارلاپ ەنگىزۋ كەرەك.
بيىل كەدەيلىكتەن ارىلتۋدان قامال الۋ مىندەتى ورىندالعان سوڭ، ەلىمىزدە ءجۇز ميلليون اينالاسىنداعى كەدەي جان سانىن كەدەيلىكتەن ارىلتۋ ورىندالادى، بۇل بىرلەسكەن مەملەكەتتەر ۇيىمىنىڭ 2030 – جىلعى باياندى دامۋ كۇن تارتىبىندەگى كەدەيلەر سانىن ازايتۋ نىساناسىن مەرزىمىنەن 10 جىل بۇرىن ورىنداعاندىق بولىپ، دۇنيە جۇزىندە ەش ءبىر مەملەكەت وسىنشاما قىسقا ۋاقىت ىشىندە وسىنشاما كوپ ادامنىڭ كەدەيلىكتەن ارىلۋىنا كومەكتەسە الماعان، بۇل جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كورنەكتى ابزالدىلىعىن تولىق ايگىلەيدى. كەدەيلىكتەن ارىلتۋ ناتيجەلەرىن بەكەمدەۋ جانە كەڭەيتۋ نەگىزىندە، كەدەيلىكتەن ارىلتۋ مەن اۋىل – قىستاقتى كوركەيتۋدى ءونىمدى ۇشتاستىرۋدى ىلگەرىلەتۋدە، كەدەيلىكتەن ارىلتۋدان قامال الۋ تاجىريبەلەرى مەن ءادىس - امالداردى جان – جاقتىلى، ىشكەرىلەي قورىتىندىلاۋدان، قازىرگى اۋىل – قىستاقتاردىڭ دامۋ جاعدايىن زەرتتەۋ مەن وعان تالداۋ جاساۋدان، اۋىل – قىستاقتى كوركەيتۋدى باعىتتامالى تۇردە جوسپارلاۋدان قول ۇزە المايمىز.
بىرىنشىدەن، نىسانالاردى ۇشتاستىرۋ. اۋىل – قىستاقتى كوركەيتۋ — ۇزاق مەرزىمدىك بارىس، جەر – جەردىڭ دامۋى دا بىركەلكى ەمەس. ەندى عانا كەدەيلىكتەن ارىلىپ، كەدەي قىستاقتار تىزىمدىگىنەن شىعارىلعان اۋىل – قىستاقتار اۋىل – قىستاقتى كوركەيتۋ، جەتىلدىرۋ جانە دامىتۋدىڭ العاشقى باسقىشىندا تۇر، بۇل وڭىرلەردەگى اۋىل – قىستاقتى كوركەيتۋدىڭ كەزەڭدىك نىساناسىن كەدەيلىكتەن ارىلتۋدان قامال الۋ جەتىستىكتەرىن بەكەمدەۋمەن تىكەلەي ۇشتاستىرىپ، ۇيلەسىمدى مەجەلەۋگە جەتەلەۋ، نىسانانى ۇلكەن بەلگىلەپ، تەز تابىسقا جەتۋگە اسىعۋعا بولمايدى. سونىمەن بىرگە، كەدەيلىكتەن ارىلتۋدان قامال الۋ قىزمەتى بارىسىندا كاسىپ سالاسىن دامىتۋ، قوعامدىق باسقارۋ قاتارلى جاقتاردا زور مولشەردەگى سەنىمدى دەرەكتەر توپتالدى، دەرەكتەردى ۇشتاستىرۋدى ويداعىداي ىستەپ، بۇل بايلىق قاينارلارىن ويداعىداي رەتتەپ، ويداعىداي پايدالانىپ، اۋىل – قىستاقتى كوركەيتۋگە قاتىستى ءتۇرلى جاقتارداعى قىزمەتتەرگە قىزمەت ەتتىرۋ كەرەك.
http://kazakh.people.com.cn/158373/15824870.html
