جۋىق جىلداردان بەرى، رايونىمىزدىڭ جەر - جەرى نان كاسىبىن دامىتۋدى كادەيلىكتەن ارىلتۋدان قامال الۋدىڭ تۇتقاسى، شارۋالار كىرىسىن ارتتىرۋدىڭ اسىلى، ەكونوميكانى دامىتۋدىڭ جارقىن ءتۇيىنى ەتكەندىكتەن، نان كاسىبى بارلىق جەردە وركەندەپ، قارقىندى دامۋ جاعدايى جارىققا شىقتى. 2019 - جىلدىڭ سوڭىنا دەيىن تۇتاس رايونىمىزدا 50 مىڭنان استام وتباسى نان جابۋ ارقىلى كەدەيلىكتەن ارىلىپ، بايۋ جولىنا ءتۇستى.
قامىر يلەۋ، قامىر ءۇزۋ، قامىر جايۋ... 8 - ايدىڭ 23 - كۇنى ءپايزاۋات اۋدانىنداعى نان كاسىبى باقشاسىندا مامەتيمىن قادىر سابىرلىلىقپەن شاكىرتتەرىنە نان جابۋ ونەرىن ۇيرەتىپ جاتتى.
مامەتيمىن ءپايزاۋات اۋدانى بارىن قالاشىعى باقشي قىستاعىنداعى ارحيۆ تۇرعىزىلىپ، كارتچكالاندىرىلعان كەدەي شارۋا بولاتىن، بىلتىر 8 - ايدا ءپايزاۋات اۋدانىنداعى نان كاسىبى باقشاسىنا كەلىپ جۇمىستانعان. ”مەن قازىر كۇنىنە 500دەن استام نان جابا الامىن، 5 شاكىرت تاربيەلەپ جاتىرمىن“. ول تۇراقتى ەڭبەكاقىعا قوسا ۇلەساقى الىپ، اي سايىن 3500 يۋان كىرىس كىرگىزەتىندىگىن، بيىل كەدەيلىكتەن ارىلۋعا سەنىمىنىڭ بەكەم ەكەندىگىن ايتتى.
قازىر ءپايزاۋات اۋدانىنداعى نان كاسىبى باقشاسىنىڭ 1 - مەرزىمىندە 1200 ادام ورنالاسىپ جۇمىستاندى، مۇنىڭ ىشىندە كەدەي وتباسىلاردان 696 ادام بار، ”تومەنگى ەڭبەكاقىنى قامتاماسىز ەتۋ + جۇمىس ونىمدىلىگى ەڭبەكاقىسىن بەرۋ“ فورماسى بويىنشا اقشا تاراتقاندا، ورتاشا ەڭبەكاقى 3000 يۋاننان اسادى.
كەدەيىلكتەن ارىلتۋدان قامال الۋ شەشۋشى مەزگىلگە ءوتتى، نان سىندى شينجياڭدىقتاردىڭ داستارقانىندا بولماسا بولمايتىن وسى ازىق قازىر كەدەي وڭىرلەر ءۇشىن اناعۇرلىم كوپ ماڭىزعا يە بولۋدا. جەر - جەر نان كاسىبىن دامىتۋدى سۇيەنىش ەتىپ، قاتىستى اۋىل شارۋاشىلىق ونىمدەرىن ەگۋ، مانەرلەۋ، ساتۋ، سونداي - اق ساياحات كاسىبى سياقتى 1 -، 2 -، 3 - كاسىپ سالالارىنىڭ توعىسپالى دامۋىن ىلگەرىلەتىپ، كاسىپ سالاسىنىڭ جۇمىستانۋعا جەتەكشىلىك ەتۋدەي جالپىلىق تىرەكتىك قابىلەتىن ۇزدىكسىز جوعارىلاتىپ، ارتۋدى ورنىقتىرۋ، كەدەيلىكتەن ارىلتۋعا دەم بەرۋ، قايتالاي كەدەيلەسۋدەن ساقتانۋ سياقتى جاقتاردا ماڭىزدى رول اتقارۋدا.
ءتىلشىنىڭ ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنشا، الداعى جەردە رايونىمىز نان بايلىق قاينارىن ۇزدىكسىز جانداندىرىپ، نان ماركاسىن جاراتىپ، نان كاسىبىن ويداعىداي ىستەيدى. شارت - جاعدايى بار كاسىپورىنداردى سەلبەسىپ قايتا قۇرۋعا شابىتتاندىرىپ، كاسىپ سالاسىندا باستاماشى كاسىپورىنداردى جەتىلدىرىپ، زەرتتەپ - اشۋعا ۇسىنىلىمدى كوبەيتىپ، وزەكتى باسەكەلىك كۇشى مەن ىقپال كۇشىن ارتتىرىپ، ورتا، شاعىن كاسىپورىنداردى، شارۋالار سەلبەستىك كووپەراتيۆتەرىن، جەكە ساۋدا - ونەركاسىپشىلەردى، ناۋبايشىلاردى بىرگە دامۋعا جەتەلەپ، كاسىپ سالاسى دامۋىنىڭ مۇددە ورتاق تۇلعاسىن قالىپتاستىرادى ەكەن.
