”تيانشان شياۋگى“ تيانماۋعا شىقتى

日期:2020年07月28日
来源:新疆日报
【字体:

    6 - ايدىڭ 19 - كۇنى تۇستەن بۇرىن تولى اۋدانى تيانشان شياۋگى اۋىل شارۋاشىلىق عىلىم - تەحنيكا شەكتى سەرىكتەستىگىنىڭ (تومەندە قىسقارتىلىپ ”تيانشان شياۋگى“ دەلىندى) نوقات تالقانىن وڭدەۋ سەحىندا ماشينا داۋىسى گۇرىلدەپ، دەن قويا ەكشەلگەن نوقات تۇيىرشىكتەرى ماشينانىڭ مىنا باسىنان كىرىپ، قاتار - قاتار جۇمىس تارتىپتەرىنەن ءوتىپ، حوش ءيىستى نوقات تالقانىنا اينالىپ، ماشينانىڭ انا باسىنان شىعىپ جاتتى.

  سونىمەن ءبىر ۋاقىتتا، اتالعان سەرىكتەستىكتىڭ ينتەرنەت جەلىسىندەگى ساتۋ تۇعىرىندا تيانماۋ ”الي ۋاڭۋاڭ“ تولاس تاپپاي دىبىس بەرىپ جاتتى. تاپسىرىستاردىڭ بىرىنەن سوڭ ءبىرى كەلىپ ءتۇسۋىنىڭ، قابىلداۋىنىڭ ورىندالۋىنا مەڭزەس، جاشىك - جاشىك نوقات ونىمدەرى وسى جەردەن بۇكىل ەلدىڭ جەر - جەرىنە جونەلتىلدى.

  ”’ۋاڭۋاڭ‘ تىقىلداپ دىبىس بەردى، ينتەرنەتتە ساۋدا مولايدى“. تولى تيانشان شياۋگى اۋىل شارۋاشىلىق عىلىم - تەحنيكا شەكتى سەرىكتەستىگىنىڭ جاۋاپتىسى لي ۋي بىلاي دەدى: تيانماۋعا، جيڭدۇڭعا ەندى كىرگەنىمىزبەن، بۇل جولعى ەلەكتروندى ساۋداعا ارالاسۋىمىز ءبىزدىڭ ەلەكتروندى ساۋدا ۇلگىسى تۋرالى اناعۇرلىم تەرەڭ تۇسىنىككە يە بولۋىمىزعا مۇمكىندىك جاسادى، سونداي - اق ”تيانشان شياۋگىنىڭ“ ساتىلىم جۇلگەسىنە وزگەرىس اكەلدى.

  ”تيانشان شياۋگى“ 2019 - جىلى 6 - ايدا قۇرىلعان، سەرىكتەستىك تازا، ىستىق جەلدى قىسىممەن پىسىرۋ، تومەن تەمپەراتۋرادا ۇنتاقتاۋ سياقتى جاڭا تەحنيكاعا، جاڭا تەحنولوگياعا يە، نوقات شىرىن تالقانى، نوقات وركەنى قۋات تالقانى، ءدامدى، ۇگىلمەلى نوقات، التىن بۇرشاق سياقتى 3 ۇلكەن ءتۇر بويىنشا 10نان استام ءونىم زەرتتەپ شىعارعان، سونداي - اق جىلىنا 5000 توننا وڭدەي الاتىن وندىرىستىك قۋاتقا قول جەتكىزگەن.

  ”تولى اۋدانىنداعى تازا اۋا، تازا سۋ قاينارى جانە ساپالى نوقات شيكىزاتى ءبىزدىڭ جوعارى ساپالى ءونىم وندىرۋىمىزگە قامتاماسىزدىق ازىرلەدى“، - دەيدى لي ۋي.

  2017 - جىلى 11 - ايدىڭ 1 - كۇنى تولى اۋدانى كەدەيلىك قالپاعىن الىپ تاستادى. الايدا، كەدەيلىكتەن ارىلتۋدىڭ جەتىستىكتەرىن بەكەمدەۋ، جوعارىلاتۋ مىندەتى ءالى دە ماشاقاتتى ەدى. ”تيانشان شياۋگى“ سول جەردە زاۆود قۇرىپ، جەرگىلىكتى ورىننان 22 ادامنىڭ جۇمىستانۋىن شەشتى، بۇلاردىڭ 12سى ارحيۆ تۇرعىزىلىپ، كارتچكالاندىرىلعان كەدەي شارۋالار. سونىمەن بىرگە، ول تولى اۋدانىندا، ءدوربىلجىن اۋدانىندا جانە شاۋەشەك قالاسىندا نوقات ەگۋ كولەمىنىڭ 30 مىڭ مۋعا جەتۋىنە مۇرىندىق بولىپ، مىڭداعان شارۋا وتباسى سونىڭ ارقاسىندا كىرىسىن ارتتىردى.

  بيىل جىل باسىندا، ”تيانشان شياۋگى“ شينجياڭ ىشىندەگى ءارقايسى ۇلكەن ساۋدا بازارلارىنا ساتىلىمعا كىرىپ، بىردەن تولى اۋدانىنىڭ ەرەكشە تانىسقىسىنا اينالىپ شىعا بەردى. ءبىراق، توسىن جەتكەن جاڭا تيپتى ايدارشا ۆيرۋس وكپە قابىنۋ ىندەتى مۇنداي ءداستۇرلى ساتۋ ۇلگىسىن ءبىر مەزەت قىسىلتاياڭ جاعدايعا كىرىپتار ەتتى. ساتۋدا قايتكەندە جاڭا جاعداي اشۋعا بولادى؟

  ”تيانشان شياۋگى“ زاۆود ءوڭىرىنىڭ جانىندا تولى اۋدانىنىڭ ەلەكتروندى ساۋدادان قىزمەت وتەۋ ورتالىعى بار. ەلەكتروندى ساۋدادان ۇلگى كورسەتۋشى مەملەكەت دارەجەلى اۋدان رەتىندە، تولى اۋدانى كەدەيلەردى سۇيەمەلدەۋدى باعدار ەتۋدى كۇشەيتىپ، اۋىل - قىستاق ەلەكتروندى ساۋداسىن ءبىرشاما كەڭ كولەمدە جالپىلاستىرىپ قولداندى. بىلتىر 11 - ايدىڭ 30 - كۇنى تولى اۋدانىنىڭ ەلەكتروندى ساۋدادان قىزمەت وتەۋ ورتالىعى ينتەرنەت جۇلدىزدارىنىڭ تىكە تاراتۋ توبىمەن ۇشتاسىپ، ”جۇرگىزۋشى + اكىم تانىستىرۋ“ ءتاسىلىن قولدانىپ، اۋدان قالاشىعىنىڭ سيىر ەتى قاتىرماسىن وكىلەتتى ساتىپ، ساتىلىم سوماسىن 960 مىڭ يۋانعا جەتكىزدى، بۇل لي ۋيعا تەرەڭ اسەر قالدىردى.

  ”تيانماۋعا شىعايىق!“. بيىل ءوندىرىس، جۇمىس قالپىنا كەلگەن سوڭ، ”تيانشان شياۋگى“ بىردەن بەكىم جاسادى. ارينە، ول ايتىپ وتىرعان ”تيانماۋ“ ءبىرقانشا ماڭىزدى ەلەكتروندى ساۋدا تۇعىرلارىن مەڭزەيدى.

  6 - ايدىڭ 20 - كۇنى ”تيانشان شياۋگىنىڭ“ ەلەكتروندى ساۋدامەن ساتىلىمعا شىققاندىعىنىڭ 10 - كۇنى بولاتىن، بۇعان دەيىن جيىنى 200دەن استام تاپسىرىس بويىنشا 100 مىڭ يۋاننىڭ ۇستىندە زات ساتىلدى. مولشەرى ازىراق بولعانىمەن، ”تيانشان شياۋگى“ ءۇشىن بۇل جاقسى باستاما بولدى.

  7 - ايدىڭ 24 - كۇنىنە كەلگەندە، ”تيانشان شياۋگى“ ونىمدەرىنىڭ ينتەرنەت جەلىسىندەگى ساتىلىمى جيىنى 2000 تاپسىرىسقا جەتتى، 6 - ايدىڭ 1 - كۇنىنەن قازىرگە دەيىن ينتەرنەت جەلىسىندەگى جانە جەلىدەن تىسقارعى ساتىلىم سوماسى ءبىر ميلليون 100 مىڭ يۋانعا جەتتى. لي ۋي: ەلەكتروندى ساۋدا ”تيانشان شياۋگىنىڭ“ شارۋاشىلىق جۇرگىزۋ ۇلگىسىن قايتا قالىپتاستىردى، ساتىلىم مولشەرى ءوستى، ونان دا ماڭىزدىسى، ماركانىڭ تانىمالدىلىعىن بارىنشا جوعارىلاتتى، - دەيدى.

  ”ينتەرنەت جەلىسىندە جانە جەلىدەن تىسقارعىعا بىردەي كۇش جۇمساساق، ’تيانشان شياۋگى‘ قوس قاناتپەن سامعاپ ۇشىپ سىرتقا شىعىپ، اناعۇرلىم كەڭ ساحناعا بەت الادى!“، - دەيدى ول.