كەدەي ەڭبەككۇشتەردىڭ جۇمىستانۋ ”ىرىسىن“ مىقتاپ ۇستاۋىنا مۇمكىندىك جاسادى
”مەنىڭ بۇل جەردە ىستەگەنىمە 3 جىل بولدى، قازىر ايىنا 5000 يۋاننان استام كىرىس كىرگىزەمىن“، - دەدى 6 - ايدىڭ 3 - كۇنى تۇستەن بۇرىن شينجياڭ جۇڭتاي حيميا توقسۇن ەنەرگيا حيميا شەكتى سەرىكتەستىگىنىڭ كاربيد 3 - سەحىندا جۇمىس قاربالاستىعىندا جۇرگەن پەش جۇمىسشى مامەتتوحتى ابدۇحەلەل.
3 جىلدىڭ الدىندا قاشقار، حوتان ايماعىنان 3 جىلدا 100 مىڭ ادامدى جۇمىستاندىرۋ جوسپارىنىڭ يگىلىگىنە كەنەلۋشىنىڭ ءبىرى بولعان قاراقاش اۋدانى كۇيا قالاشىعىنداعى كەدەي تۇرعىن مامەتتوحتى توقسۇنعا بارىپ جۇمىستانادى. قازىر ول ىسىلعان كاسىپ سالاسى جۇمىسشىسىنا اينالىپ، ايىنا ورنىقتى كىرىس كىرگىزىپ، وتباسى كەدەيلىكتەن ارىلىپ، تۇرمىسى كۇن سايىن جاقساردى.
تيانشاننىڭ تۇستىگى مەن تەرىستىگىنە كوز جىبەرسەك، مامەتتوحتى سياقتى كوپتەگەن كەدەي ەڭبەككۇش پارتيانىڭ جۇمىستاندىرۋ ارقىلى حالىققا تيىمدىلىك جاساۋ ساياساتىنىڭ يگىلىگىن كورىپ، ىستەيتىن جۇمىسى، كىرگىزەتىن كىرىسى بار بولىپ، قوس قولدارىنا سۇيەنىپ جاقسى تۇرمىس كەشىردى. سوڭعى جىلدارى رايونىمىز باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن باتىل دايەكتىلەندىرىپ، تياناقتاندىرىپ، جۇمىستاندىرۋ ارقىلى كەدەيلەردى سۇيەمەلدەۋدى كەلەلى ساياسي مىندەت جانە ماڭداي الدى حالىق تۇرمىسى ينجەنەرياسى رەتىندە مىقتى، ناقتى، جاقسى يگەرىپ، كوپ تۇيىننەن كۇش سالىپ، كەدەي ەڭبەككۇشتەردىڭ جۇمىستانۋ ”ىرىسىن“ مىقتاپ ۇستاۋىنا مۇمكىندىك جاسادى.
3 جىلدا 100 مىڭ ادامدى جۇمىستاندىرۋ نىساناسى مەرزىمىنەن بۇرىن ورىندالدى
”كۇيەۋىم ەكەۋىمىز وسى جەردە جۇمىس ىستەپ، ەكەۋىمىز ايىنا 8000 − 9000 يۋان ەڭبەكاقى الامىز، بىلتىر جىل سوڭىندا وتباسىم كەدەيلىكتەن ارىلدى“، - دەدى 6 - ايدىڭ 5 - كۇنى اقسۋ توقىماشىلىق ونەركاسىپ ورتالىعىنداعى ءبىر كاسىپورىننىڭ قىزمەتكەرى نۇحان ءتىلام جايدارى جۇزبەن.
جۇمىستاندىرۋ − حالىق تۇرمىسىنىڭ نەگىزى. تۇرعان جەرىندە، جاقىن ماڭدا، ءوڭىر اتتاپ باسقا سالاعا ويىستىرىپ جۇمىستاندىرۋ سياقتى كوپ ءتۇرلى ارنالارمەن جۇمىستاندىرۋدى جۇزەگە اسىرۋ كەدەي ەڭبەككۇشتەردى كەدەيلىكتەن ارىلتىپ، كىرىسىن ارتتىراتىن ماڭىزدى ءتاسىل. 2018 - جىلى اۆتونوميالى رايون نازاردى وڭتۇستىك شينجياڭنىڭ اۋىر كەدەي اۋداندارىنداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەرگە شوعىرلاندىرىپ، جۇمىستاندىرۋ ارقىلى كەدەيلەردى سۇيەمەلدەۋدىڭ 3 جىلدىق جوباسىن بەلگىلەپ اتقارىپ، جوباعا ساي، 2018 - جىلدان 2020 - جىلعا دەيىن ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردەن 100 مىڭ ادامدى باسقا سالاعا ويىستىرىپ جۇمىستاندىردى.
رايونىمىزدىڭ جۇمىستاندىرۋ ارقىلى كەدەيلەردى سۇيەمەلدەۋ ساياساتىنىڭ يگىلىگىن كورۋشى رەتىندە، نۇحان جۇمىستاندىرۋدىڭ تۇرمىسىنا الا كەلگەن وزگەرىسىن شىنايى سەزىندى: ”بۇرىن كۇنى بويى وتباسىنان، وشاق قاسىنان شىقپايتىن اۋىل ايەلى ەدىم، قازىر مەن جۇمىسشى بولدىم، ايىنا نەشە مىڭ يۋان كىرىس كىرگىزەمىن، وتباسىمنىڭ تۇرمىس شارت - جاعدايى جاقساردى، بۇرىن ساتىپ الا المايتىن جاڭا كيىمدەردى ەندى ساتىپ الا الاتىن بولدىم...“.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا نەگىزدەلگەندە، 2018 - جىلدان 2019 - جىلعا دەيىن، وڭتۇستىك شينجياڭنىڭ اۋىر كەدەي اۋداندارىنداعى ارحيۆ تۇرعىزىلىپ، كارتچكالاندىرىلعان كەدەي وتباسىنان جيىنى 150 مىڭنان استام ەڭبەككۇش باسقا سالاعا ويىستىرىلىپ، 3 جىلدا 100 مىڭ ادامدى باسقا سالاعا ويىستىرىپ جۇمىستاندىرۋ مىندەتى مەرزىمنەن ءبىر جىل بۇرىن ورىندالعان. نۇحان سياقتى كوپتەگەن كەدەي وتباسى پارتيانىڭ جاقسى ساياساتىنىڭ ارقاسىندا جۇمىستانىپ، كەدەيلىكتەن ارىلۋ جولىنا ءتۇستى.
سوڭعى جىلدارى، رايونىمىز تاعى قاشقار، حوتان ايماعىنان 3 جىلدا 100 مىڭ ادامدى جۇمىستاندىرۋ جوسپارى، ساياحات كاسىبىمەن 3 جىلدا 100 مىڭ ادامدى جۇمىستاندىرۋعا جەتەكشىلىك ەتۋ جوسپارى سياقتىلار ارقىلى امالدىڭ بارىنشا كەدەي ەڭبەككۇشتەردىڭ جۇمىستانىپ كىرىسىن ارتتىرىپ، كەدەيلىكتەن ارىلۋىن جۇزەگە اسىرۋىن ىلگەرىلەتتى.
كەدەي وتباسىلارىنىڭ ءبىر ونەردىڭ تەتىگىن يگەرۋىنە مۇمكىندىك جاسادى
”مەن اجارلاندىرۋ، شاش ساندەۋدى ءبىر جىل ۇيرەندىم، ءوزىم دۇكەن اشپاقشى بولىپ، زات كىرگىزە باستادىم“، - دەدى 6 - ايدىڭ 4 - كۇنى شەريا اۋدانى شەريا قالاشىعى كوكمەت قىستاعىنىڭ تۇرعىنى گۇليار ماتتوحتى بولاشاعىنا نىق سەنىممەن مول ءۇمىت ارتا.
ونەرىڭ بولسا، جۇمىستانۋدان ۋايىمدامايسىڭ. مۇنان دا كوپ كەدەي ەگىنشى - مالشىلاردىڭ بايۋ جولىنا تۇسۋىنە كومەكتەسۋ ءۇشىن، 2018 - جىلدىڭ سوڭىندا شەريا اۋدانى ناقتى شەبەرلىك ۇيرەتۋدى نەگىز ەتكەن ەگىنشى - مالشىلاردىڭ تەحنيكالىق مەكتەبىن ىسكە قوسىپ قولدانىپ، اجارلاندىرۋ، شاش ساندەۋ، اۆتوموبيل جوندەۋ، پراندىك ءپىسىرۋ، دانەكەرلەۋ، ەرەكشە باعىمشىلىق، ەگىنشىلىك، قۇرىلعىلى اۋىل شارۋاشىلىعى سياقتى تەحنيكالىق شەبەرلىككە باۋلۋ جانە كاسىپ سالاسى بويىنشا باۋلۋ سىندى 2 ۇلكەن ءتۇر بويىنشا 19 ماماندىق ورنالاستىردى. باۋلۋ ارقىلى جەرگىلىكتى ورىنداعى ەگىنشى - مالشىلار، اسىرەسە، كەدەي وتباسىلارى ءبىر ونەردىڭ تەتىگىن يگەرىپ، ورنىقتى جۇمىستانۋدى جۇزەگە اسىردى.
وسى مەكتەپتىڭ وقىتۋ ءبولىمىنىڭ ورىنباسار باستىعى جاڭ جىبين 2019 - جىلدىڭ سوڭىنا دەيىن مەكتەپتىڭ جيىنى 20 مىڭنان استام ادام باۋلىعاندىعىن ايتتى.
توتە كومەك بەرۋدەي كەدەيلەردى سۇيەمەلدەۋ ءتاسىلى − كەدەيلەردى دالمە - ءدال سۇيەمەلدەۋدى ىلگەرىلەتۋدىڭ وزەكتى شاراسى. جۇمىستانۋدىڭ ورنىقتىلىعىن جوعارىلاتىپ، كەدەي ەڭبەككۇشتەردىڭ ”ىرىسىن“ مىقتاپ، ورنىقتى ۇستاۋىنا مۇمكىندىك جاساۋ ءۇشىن، رايونىمىز اۋىل - قىستاق ەڭبەككۇشتەرىن، وتە - موتە، كەدەي ەڭبەككۇشتەردى شەبەرلىككە باۋلۋ تەبىنىن كۇشەيتىپ، وڭتۇستىك شينجياڭداعى اۋىر كەدەي وڭىرلەردە جۇمىستاندىرۋ ارقىلى كەدەيلەردى سۇيەمەلدەۋ، باۋلۋ، جەبەۋ جوسپارىن ۇزدىكسىز اتقاردى، بيىل جىل باسىنان 5 - ايدىڭ 25 - كۇنىنە دەيىن، وڭتۇستىك شينجياڭداعى 4 ايماق - وبلىستا باۋلىنعان كەدەي وتباسىلارىنداعى ەڭبەككۇشتەر 170 مىڭ 400 ادام - رەتكە جەتكەن. باۋلۋ ارقىلى كەدەي وتباسىلارىنداعى ەڭبەككۇشتەر جۇمىستانۋ قابىلەتتەرىن جوعارىلاتىپ، ۇزاق ۋاقىت جۇمىستانۋعا جانە ورنىقتى جۇمىستانۋعا نەگىز قالادى.
كەدەي حالىق جۇمىسپەن تولىق قامتىلدى
”ءبىز زاۆودقا كەلگەن كەزدە جاتاق، كورپە - جاستىق، جۋىنۋ بۇيىمدارىنىڭ بارلىعىن دايىنداپ قويعان ەكەن. جۇمىس بارىسىندا ارناۋلى كومەكتەسەتىن ۇستازىمىز بار، مەن ءبىرتالاي شەبەرلىك ۇيرەنىپ الدىم“، - دەدى 6 - ايدىڭ 5 - كۇنى ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) ءبىر كاسىپورىننىڭ قىزمەتكەرى مامەتالي ماحمۇت تىلشىگە قۋانىشپەن.
مامەتالي گۇما اۋدانى موكويلا اۋىلى تومەن ءمالى قىستاعىنىڭ تۇرعىنى. بيىل 3 - ايدىڭ 14 - كۇنى ول حوتان ايماعىنداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەرمەن بىرگە ارناۋلى پويەزعا وتىرىپ، ءۇرىمجى، سانجى حۇيزۋ اۆتونوميالى وبلىسى سياقتى جەرلەرگە بارىپ، باسقا سالاعا ويىسىپ جۇمىستاندى.
بيىل رايونىمىز ەڭبەك قۋاتى بار، جۇمىستانعىسى كەلەتىن كەدەي حالىقتى جۇمىسپەن تولىق قامتۋ قىزمەتىن ىشكەرىلەي ىلگەرىلەتىپ، نازاردى وڭتۇستىك شينجياڭداعى كەدەيلىك قالپاعى الىنباعان 10 كەدەي اۋدانعا شوعىرلاندىرىپ، ەڭبەك قۋاتى بار، جۇمىستانعىسى كەلەتىن ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردى مۇمكىندىكتىڭ بارىنشا باسقا سالاعا ويىستىرىپ، بارلىق ادامدا جۇمىس ورنى بولۋدى، ءار كۇنى كىرىسى بولۋدى، كەدەيلىكتەن ارىلتۋدى قامتاماسىز ەتۋدى جۇزەگە اسىردى.
جۇمىستاندىرۋ ارقىلى كەدەيلەردى سۇيەمەلدەۋ ابزال ساياساتىنىڭ پايداسىن كورگەن وڭتۇستىك شينجياڭ وڭىرىندەگى قىرۋار كەدەي ەڭبەككۇشتەر ۇيلەرىنىڭ ماڭايىنداعى قىستاق قۇرعان زاۆودتاردا، كەدەيلەردى سۇيەمەلدەۋ سەحتارىندا، وڭتۇستىك - سولتۇستىك شينجياڭداعى مەملەكەت مەنشىگىندەگى كاسپورىنداردا، جالپىلىق مەنشىككە جاتپايتىن كاسىپورىنداردا جۇمىستاندى؛ كەيبىرەۋى شاعىن ساۋدا دۇكەنىن، شاعىن اسحانا، شاعىن رەمونت دۇكەنىن اشۋ ارقىلى شارۋاشىلىق قۇرۋدى جۇزەگە اسىردى. ولاردىڭ كىرىسى ارتتى، يدەيالىق كوزقاراسى وزگەردى، جۇزدەرىنەن كۇلكى ەستى، بولاشاقتارىنا اناعۇرلىم كوپ ءۇمىت ارتتى.
”ءبىز ۇيىمىزدەن شىعا سالا زاۆودقا كىرەمىز، ءۇيىمىزدىڭ الدىنان عانا جۇمىس تاپتىق. پارتيانىڭ ابزال ساياساتى ءبىزدىڭ كەدەيلىكتەن ارىلۋ سەنىمىمىزدى كۇشەيتتى، مەن، ءسوزسىز، جاقسى ىستەپ، كوپ اقشا تاۋىپ، ءتىپتى دە تاماشا تۇرمىسقا كەنەلەمىن“، - دەدى 6 - ايدىڭ 5 - كۇنى قىستاق كەدەيلەردى سۇيەمەلدەۋ سەحىندا جۇمىس ىستەيتىن ياركەن اۋدانى شاراك قالاشىعى شاراك بازار قىستاعىنىڭ تۇرعىنى ايتۋحان عۇپۇر نىق سەنىممەن.
