”ەكىدەن تارىقتىرماي، ءۇشتى قامتاماسىز ەتىپ“ بۇقارانىڭ ”باقىت تورىن“ مىقتاپ توقيىق
الدىڭعى جارتى جىلدا رايونىمىز ەندىگى قالعان 15 مىڭ 300 ادامنىڭ حاۋىپسىز اۋىز سۋ ماسەلەسىن تۇبەگەيلى شەشتى؛ ارحيۆ تۇرعىزىلىپ، كارتچكالاندىرىلعان كەدەي حالىقتىڭ نەگىزگى ەمدەۋ قامسىزداندىرۋىنا قاتىناسۋ سالىستىرماسى ％100كە جەتكىزىلدى، اۋىل، قىستاق ەكى دارەجەلى ەمدەۋ، دەنساۋلىق ساقتاۋ قۇرىلىمدارىنىڭ ولشەمدەنۋ سالىستىرماسى بىردەي ％100كە جەتكىزىلدى؛ بىلتىر رايونىمىز كەدەي حالىقتىڭ قاتەرلى تۇرعىن ۇيدە تۇرۋ تاريحى تۇبەگەيلى اياقتالعاننان كەيىن، بيىل اۋىل - قىستاقتاعى 75 مىڭ وتباسىنىڭ اۋىل - قىستاق بەيقۇت ءۇي ينجەنەريا قۇرىلىسى مىندەتىن ۇزدىكسىز ىلگەرىلەتەدى...
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ بۇكىل رايوننىڭ كۇشىن توپتاپ كەدەيلىكتەن ارىلتۋدان قامال الۋ شايقاسىن ويداعىداي جۇرگىزدى، 2019 - جىلدىڭ سوڭىنا دەيىن جالپى 2 ميلليون 923 مىڭ 200 ادامدى كەدەيلىكتەن ارىلتىپ، كەدەيلىكتىڭ تۋىلۋ سالىستىرماسىن 2014 - جىلعى ％19.4تەن ％1.24كە ءتۇسىرىپ، ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەردى نەگىزىنەن شەشتى.
وقۋ - اعارتۋ ارقىلى كەدەيلەردى سۇيەمەلدەپ، ءۇرتىس دالمە - ءدال كۇش سالدى
6 - ايدىڭ باس شەنىندە، كەريا اۋدانى داريابويى اۋىلىنداعى كەدەيلەردى قونىس جاڭالاپ سۇيەمەلدەۋدەگى ورنالاستىرۋ تۇيىنىنە بارعانىمدا، مەكتەپتەن كىتاپ وقىعان داۋىستى ەستىدىم، كەڭ سپورت الاڭىندا ءتۇرلى ءتۇستى دەنە تاربيە جابدىقتارى تولىق سەپتەلگەندىگىن، شىت جاڭا كلاستا وقۋشىلار مۇقيات ساباق وقىپ جاتقاندىعىن كوردىم.
”مەكتەپ ۇيىمىزگە جاقىن، سۋ دا، ەلەكتر دە بار، وقىتۋشىلار ەلەكتروندى دوسكەدەن پايدالانىپ ساباق وتەدى...“، 10 جاستاعى ابدۇسالام رۇستەم مەكتەپكە دەگەن قۇشتارلىعىن اۋىز جاپپاي القادى.
كەدەي وتباسىنىڭ بالالارىن تاماشا وقۋ - اعارتۋدان يگىلىكتەندىرۋ كەدەيلىكتىڭ ۇرپاقتار بويى جالعاسۋىن جويۋدىڭ ماڭىزدى جولى.
كەدەيلەردى سۇيەمەلدەۋدە الدىمەن ەرىك - جىگەر جاعىنان سۇيەمەلدەۋ، كەدەيلەردى سۇيەمەلدەۋدە، ءسوزسىز، اقىل - پاراسات جاعىنان سۇيەمەلدەۋ كەرەك. تاياۋ جىلدارى رايونىمىز كەدەي وڭىرلەردى ءتۇيىن ەتىپ، ۇلكەن كلاس نورماسىن كۇشىنەن قالدىرۋعا كۇش سالىپ، اۋىل - قالاشىقتارداعى جاتاقتى مەكتەپ پەن اۋىل - قىستاقتارداعى شاعىن كولەمدى مەكتەپ قۇرىلىسىن كۇشەيتىپ، اۋىل - قىستاق مەكتەپتەرىنىڭ وقۋ - اعارتۋىن ينفورماتسيالاندىرۋ قۇرىلىسىن ىلگەرىلەتىپ، مىندەتتى وقۋ - اعارتۋ مەكتەپتەرىنىڭ مەكتەپ باسقارۋ شارت - جاعدايىن كورنەكتى جاقسارتىپ، وقۋ - وقىتۋ ساپاسىن ورنىقتى جوعارىلاتتى. ءتۇيىندى وڭىرلەر مەن ءتۇيىندى مەكتەپتەردى تۇراقتاندىرىپ، كومەكتەسۋ - سۇيەمەلدەۋدى قاداعالاۋ تەبىنىن ارتتىرىپ، كەدەي وتباسىنداعى بالالاردىڭ كەدەيلىك سەبەبىنەن وقۋعا تۇسە الماي قالماۋىنا، وقۋدان قول ۇزبەۋىنە كەپىلدىك ەتتى. ساناققا قاراعاندا، 2019 - جىلدىڭ سوڭىنا دەيىن، تۇتاس رايوندا مىندەتتى وقۋ - اعارتۋ ساتىسىنداعى مەكتەپتەر 4510، مەكتەپتەگى وقۋشى 3 ميلليون 584 مىڭ بولىپ، تۇتاس رايوننىڭ مىندەتتى وقۋ - اعارتۋىنىڭ بەكەمدەلۋ سالىستىرماسى ％95.51كە جەتتى.
وقۋ العاشقى قادام عانا، ءاربىر بالانى جاقسى وقىتۋ عانا ەڭ سوڭعى نىسانا. رايونىمىز مىندەتتى وقۋ - اعارتۋدى بىركەلكى دامىتۋ قىزمەتىن ۇزدىكسىز ىلگەرىلەتىپ، 2020 - جىلعا جەتكەندە، تۇتاس رايوندا اۋدان اۋماعىندا مىندەتتى وقۋ - اعارتۋدى دامىتۋدىڭ نەگىزىنەن بىركەلكى بولۋىن جۇزەگە اسىرۋدى ايقىن بەلگىلەدى، بۇل نىسانا الداعى جەردە رەالدىققا اينالادى.
ەمدەۋدى قامتاماسىز ەتۋدىڭ ”سالاماتتىق قورعانىس شەبىن“ قۇردى
”مەملەكەتتىڭ ەمدەۋ قامسىزداندىرۋ ارقىلى كەدەيلەردى سۇيەمەلدەۋ ساياساتىنىڭ ارقاسىندا مەنىڭ اۋرۋ - سىرقاۋىم دا، ناۋقاس كورسەتۋ اۋىرتپالىعىم دا جەڭىلدەدى“. 6 - ايدىڭ 5 - كۇنى يىڭىسار اۋدانى ساعان اۋىلدىق ەمحانانىڭ بالنيتساسىنان شىققان ناۋقاس ءبىلال يزاك ەسەپ - قيسابىن جاۋىپ بولعاننان كەيىن، ەمدەۋ قامسىزداندىرۋى ارقىلى كەدەيلەردى سۇيەمەلدەۋ ساياساتىن القاي جونەلدى.
بيىل قاشقار ايماعى نەگىزگى ەمدەۋ قامسىزداندىرۋىنا قاتىناسقان ادامداردى ءبىر - بىرلەپ اداقتاۋ تەبىنى مەن مەملەكەتتىڭ ەمدەۋدى قامتاماسىز ەتۋ ساياساتىن ۇگىتتەۋ تەبىنىن ارتتىردى، اسىرەسە، ”الدىمەن ەمدەلىپ سوڭىنان اقى تولەۋ“ ۇگىتىن كەڭ كولەمدە ورىستەتىپ، كەدەي بۇقارانىڭ ەمدەۋدى قامتاماسىز ەتۋ جاقتارىندا جولىققان قيىنشىلىعىن ەڭ جوعارى شەكتە شەشىپ، كەدەي بۇقارانىڭ نەگىزگى ەمدەلۋىن قامتاماسىز ەتتى.
ءبىلال شينجياڭداعى ەمدەۋ قامسىزداندىرۋى ارقىلى كەدەيلەردى سۇيەمەلدەۋ ساياساتىنىڭ يگىلىگىنە كەنەلگەندەردىڭ ءبىرى عانا، ەمدەۋ قامسىزداندىرۋى ارقىلى كەدەيلەردى سۇيەمەلدەۋ ءتىپتى دە كوپ ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ اۋرۋىن كورسەتە الۋىنا مۇمكىندىك جاسادى.
اۋرۋ سەبەبىنەن قايتالاي كەدەيلەسۋ كەدەيلەردى سۇيەمەلدەۋ جولىنداعى شەشۋى قيىن ”ماشاقاتتى ءتۇيىن“. رايونىمىز ”ەكىدەن تارىقتىرماۋ، ءۇشتى قامتاماسىز ەتۋ“ تالابىن مىقتاپ ارقاۋ ەتىپ، سالاماتتىق جاعىنان كەدەيلەردى سۇيەمەلدەۋدى تىڭعىلىقتى ىلگەرىلەتىپ، ەمدەۋدى قامتاماسىز ەتۋ دەڭگەيىن جوعارىلاتىپ، سالماقتى ناۋقاستاردى ەڭ تومەنگى شەكتەن تۇسىرمەي قامتاماسىز ەتۋ ءتۇزىمىن كەمەلدەندىرىپ، كەدەي بۇقارانىڭ سالاماتتىعىن باسقاراتىن ادام بولۋىنا، ناۋقاستاردى ەمدەيتىن ادام بولۋىنا، ەمدەلگەندە ەسەپتەن كوتەرۋگە، سالماقتى ناۋقاستاردى قۇتقارۋعا - كومەكتەسۋگە شىنايى كەپىلدىك ەتتى.
كەزەكتە رايونىمىز قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىن، سالماقتى ناۋقاس قامسىزداندىرۋىن، ەمدەۋ قۇتقارۋ - كومەكتەسۋىن، اۋىر كەدەي حالىقتىڭ تولىقتامالى ەمدەۋ قامسىزداندىرۋىن ”ءبىر تالون ءتۇزىمى“ بويىنشا ەسەپ جابۋدى جۇزەگە اسىرىپ، كەدەي حالىقتىڭ ارلى - بەرلى شاپقىلاۋ شىعىنىن ازايتتى؛ كەدەي حالىقتىڭ سالماقتى اۋرۋ ارناۋلى قۇتقارۋ - ەمدەۋ اۋرۋ ءتۇرىن 32گە كوبەيتىپ، ارنايى دياگنوز قويۋ - ەمدەۋ بويىنشا 164 شيپاحانانى تۇراقتاندىرىپ، ارحيۆ تۇرعىزىلىپ، كارتچكالاندىرىلعان كەدەي ناۋقاستاردىڭ سالماقتى اۋرۋدى قۇتقارۋ - ەمدەۋدىڭ قامتىم مولشەرىن ％99.14كە جوعارىلاتتى. 2019 - جىلدىڭ سوڭىنا دەيىن، تۇتاس رايون بويىنشا 898 اۋىل - قالاشىق ەمحاناسى، 8602 قىستاق ەمحاناسى ولشەمدەندىرۋ قۇرىلىسىنىڭ تالابىنا جەتىپ، ولشەمدەنۋ سالىستىرماسى ％100كە جەتتى... سالاماتتىق جاعىنان كەدەيلەردى سۇيەمەلدەۋ شارالارى بىرىنەن سوڭ ءبىرى ناقتىلانىپ، تياناقتانىپ، كەدەي بۇقارانى ناقتى سالاماتتىق پايداسىنان يگىلىكتەندىردى.
بەيقۇت ۇيلەردە وتىرىپ، تاماشا تۇرمىس كەشىردى
”كەدەيلەردى دالمە - ءدال سۇيەمەلدەۋ ساياساتىنىڭ ارقاسىندا ءبىز ’كەدەيلەر لاشىعىنان‘ كوشىپ شىعىپ، جاڭا ۇيلەرگە قونىستانىپ، باقىتتى تۇرمىس كەشىردىك“، - دەدى كەدەيلەردى قونىس جاڭالاپ سۇيەمەلدەۋدى اۋىزعا العاندا قاراقاش اۋدانى شيڭميڭ جيايۋان شاعىن اۋماعىندا تۇراتىن بۇتۇرسىن ابدۇسادىر اسەرلەنە.
كەدەي حالىققا باعىتتالعان ”ەكىدەن تارىقتىرماۋ، ءۇشتى قامتاماسىز ەتۋ“ نىساناسىن جۇزەگە اسىرۋ بارىسىندا ”تۇرعىن ءۇي حاۋىپسىزدىگىن قامتاماسىز ەتۋ“ − كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدەگى، جاپپاي دوڭگەلەك داۋلەتتى قوعام ورناتۋداعى ماڭىزدى مىندەتتەردىڭ ءبىرى.
رايونىمىز اۋىل - قىستاق بەيقۇت ءۇي ينجەنەرياسىن كۇش سالۋ ءتۇيىنى ەتۋگە تاباندى بولىپ، اۋىر كەدەي وڭىرلەردەگى ەگىنشى - مالشىلاردىڭ تۇرعىن ءۇي ماسەلەسىن، اسىرەسە، اۋىل - قىستاقتاعى 4 تۇردەگى ءتۇيىندى وبيەكتىلەردىڭ حاۋىپسىز تۇرعىن ءۇي ماسەلەسىن شەشۋىنە قۋزاۋ سالۋدى، جەتەكشىلىك ەتۋدى كەدەيلىكتەن ارىلتۋدان قامال الۋ قىزمەتىندەگى ماڭىزدىنىڭ ماڭىزدىسى ەتىپ، 22 اۋىر كەدەي اۋداندى، قالانى قامتىعان اۋىل - قىستاقتاردىڭ بەيقۇت ءۇي ينجەنەريا قۇرىلىسىن كۇش سالا ىلگەرىلەتتى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، رايونىمىز اۋىل - قىستاقتاردا ءبىر ميلليون 694 مىڭ 800 بەيقۇت ءۇي سالىپ، 7 ميلليونعا تاياۋ ءار ۇلت ەگىنشى - مالشى بۇقاراسىنىڭ بەيقۇت ۇيدە تۇرۋىن، جانعا جايلى قونىستا تۇرۋىن جۇزەگە اسىردى. 2019 - جىلدىڭ سوڭىندا رايونىمىز اۋىل - قىستاقتاعى كەدەي حالىقتىڭ قاتەرلى ۇيدە تۇرۋ تاريحىن تۇبەگەيلى اياقتاتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋگە بەرىك نەگىز قالادى.
بيىل رايونىمىز اۋىل - قىستاقتارداعى 75 مىڭ وتباسىنا بەيقۇت ءۇي سالۋ ينجەنەريا قۇرىلىسى مىندەتىن ۇزدىكسىز ىلگەرىلەتىپ، 6 - ايدىڭ سوڭىنان بۇرىن وڭتۇستىڭ شينجياڭنىڭ 4 ايماق، وبلىسىنداعى اۋىر كەدەي وڭىرلەردىڭ، اسىرەسە، كەدەيلىكتەن ارىلماعان، كەدەيلىك قالپاعى الىنباعان 10 اۋداننىڭ اۋىل - قىستاق بەيقۇت ءۇي ينجەنەريا قۇرىلىسى مىندەتىن دەر كەزىندە اياقتاتىپ، تەكسەرىپ وتكىزىپ الۋعا شىنايى كەپىلدىك ەتەدى.
